قوليلي و نقولك واش درتي في جهازك ...

[طيور الجنة21]

شوفوا هاذ الكولي

 

[نجمة ساطعة]

 

[*amina*]

ألف مبروك اختي الزواج وعندك حق ساعات نديرو حوايج وأمبعد نندموا عليهم

و اكيد بإذن الله الانسان يدير على قدروا

ايه جابك ربي هذا شحال و رانا نستناو في وحدة متزوجة تنور لنا الموضوع

ياريت تقولينا على أشياء كي درتيهم لقيتيهم و تستعمليهم بزاف و ثاني على الأشياء ألي درتيهم ولقيتيهم بلا فائدة

راني هنا اختي في اي حاجة تبغي تسقسي عليها
انتي قوليلي الصوالح لي حابة تعرفيهم وانا نقلك واش تحتاجي
مثلا صوالح الحمام او صوالح الكوزينة او اي حاجة قوليلي باش نبداك ونقلك
بالنسبة ليا انا ديت كل حاجة واستخدمتها مديتش حاجة مفيهاش فايدة

 

[mahwossat crochet]

وااااااااااو شباب بزاف

 

[طيور الجنة21]

الله يبارك و اعطيك الصحة

أحسدك على ذوقك

 

[نجمة ساطعة]

 

[طيور الجنة21]

الله الله على هاذ الوهراني

 

[*amina*]

صباح الخير لبنات واش راكم
هذا طايوري لي تصدرت فيه خيطاتولي بنت عمي ربي يحفظها ويهنيها

 

[*amina*]

هذي المنصورية تاني خيطتهالي بنت عمي

 

[*amina*]

هذي الخليجية شراهالي زوجي العزيز ربي يخليهلي ان شاء الله

 

[*amina*]

هذي القسنطينية تاع امي كي تزوجت

 

[طيور الجنة21]

حوايجك امينة كامل يهبلوا الله يبارك

الله يهنيك بيهم


​

 

[طيور الجنة21]

وينكم البنات عندي استفسار

نهار القصعة أو الجمعة الصباح نهار الحزام كأفضل تعبير

في العادة واش تدير العروسة

مثلا احنا عندنا تيتنى ختان يقولولها اهل العريس ارواخي تتدوشي و أمبعد تروخ للكوافير أو يجيبوهالها للدار لثم

ياريت كل وحدة تحكي على عاداتهم نهار الحزام

مثلا واش تصبح لابسة العروس

وكيفاه تتصدر مع ترتيب الألوان رجاء

واش هي التسريحة الأفضل لهاذاك النهار

لون الماكياج الي يخرج على كل الألبسة

في الانتظار

وياريت يشاركونا المتزوجات
​

 

[*amina*]

وينكم البنات عندي استفسار

نهار القصعة أو الجمعة الصباح نهار الحزام كأفضل تعبير

في العادة واش تدير العروسة

مثلا احنا عندنا تيتنى ختان يقولولها اهل العريس ارواخي تتدوشي و أمبعد تروخ للكوافير أو يجيبوهالها للدار لثم

ياريت كل وحدة تحكي على عاداتهم نهار الحزام

مثلا واش تصبح لابسة العروس

وكيفاه تتصدر مع ترتيب الألوان رجاء

واش هي التسريحة الأفضل لهاذاك النهار

لون الماكياج الي يخرج على كل الألبسة

في الانتظار

وياريت يشاركونا المتزوجات
​

شوفي اختي كل ناس وعوايدهم مثلا حنا فالشلف عامة او بالخصوص واش دارو في عرسي
الصباح دوشت في داري وبنت عمي باتت معايا مشطتلي صباح ومن بعد اهل زوجي يستناو دارنا يجو يجيبو الجفنة كيما يقولو ومن بعد يفطرو ومن بعد يديرو الحزام يعني العروسة تلبس حايك ويحزموها في كرشها وتمشي على بيتهم باش تشوفو كامل
انا لبست جبة تاع غرسة الحساب فالبلون كااسي والخيط تاعها زرق ديgرادي معنديش صورة ليها كامل
في تصديرتي مرتبتش تصدرت وخلاص خرجت بالطايور ومن بعد المنصورية ومن بعد القسنطينية ومن بعد الخليجية وفي الاخير لاغوب بلونش
اما المكياج راكي تشوفي لبستي متنوعة بين البلو والفاغ والقسنطينية فيها الدوغي فأعتدمت على المكياج الطاووسي خرجلي يهبل خلطت بين الفاغ والبلو والدوغي كون لاكوافوز تعرف تميلونجيلك بيناتهم يخرجلك حطة
ان شاء الله ربي يهينيك
​

 

[شجـ الروح ـون]

صباحك ورد وفل وياسمين
ربي ينور ايامكم
ويكمللكم بالفرح والهنا
امونة تصديرتك ماشاء الله
وخاااااااااصة
الخليجية الوانها باهية تسخف
لكن اكيد الطابع غالب حبيبتي:$
ربي يهنيك ويسخرك ويسخرلك زوجك اختي
....
وانا ندور لقيت هاذ الفستان
فساتين الدونتال راهي الامود
لكن علبالي اغلب بنات بلادنا مايحبوش روب ماريي سيري يحبو يكونو كيف الاميرات
وكان ماتلبسه 100 ميترة قماش ماتريحش ههههههه
لكن اللي تحب تخيط عليها روب سواري
تخرج تححححححححححححححفة

​

 

[شجـ الروح ـون]

هدو شوية مودالات دونتال
عجبوني
نسقتلهم احذية وقلت نجيبلكم تشوفو
روووووووووووعة الدونتال
​

 

[oumniati]

تعيشو البنات أعطيوني موديلا أحذية يتلبسوا مع اللباس القبائلي​

راني حايرة
نلبس الطالو أو الأرضي​

ماني فاهمة والوا​

وزيد الكاراكو واش يليق معاه صندال ولا صباط ؟؟؟؟​

m3a jaba kbayel louken telgay bligha tkoun chabba, ma yhamch talon wella plat

el karakou tji m3ah sandala w yji sabat soiré , yakhi rahoum kaynin achkal w alwane
choufi enti wech 3ndek fi tasdirtek, idha derti m3ahoum kamel sbabet, diri sandala m3a karakou, ghir bah tbadli

l'ideal diri sabat yamchi m3a zouj labsset wella 3, bah ma tkathrich , idha 3ndek 10 hwayej talabsihoum diri 10:s sbabet

 

[oumniati]

kasdi blayegh men had nou3, ma lguitch des models bezzaf hadhi ghir bah na3tik fikra

 

[*amina*]

صباحك ورد وفل وياسمين
ربي ينور ايامكم
ويكمللكم بالفرح والهنا
امونة تصديرتك ماشاء الله
وخاااااااااصة
الخليجية الوانها باهية تسخف
لكن اكيد الطابع غالب حبيبتي:$
ربي يهنيك ويسخرك ويسخرلك زوجك اختي
....
وانا ندور لقيت هاذ الفستان
فساتين الدونتال راهي الامود
لكن علبالي اغلب بنات بلادنا مايحبوش روب ماريي سيري يحبو يكونو كيف الاميرات
وكان ماتلبسه 100 ميترة قماش ماتريحش ههههههه
لكن اللي تحب تخيط عليها روب سواري
تخرج تححححححححححححححفة

يعطيك الصحة اختي شجون
ايه الخليجية مام في دارنا عجبتهم مهيش شارجي بزاف انا بغيت هداك المودال والله شريتها من عند واحد يجيبهم سبيسيال من الخليج كي شفتها قلت نشريها حتى لو باغلى ثمن

 

[طيور الجنة21]

صباحك ورد وفل وياسمين
ربي ينور ايامكم
ويكمللكم بالفرح والهنا
امونة تصديرتك ماشاء الله
وخاااااااااصة
الخليجية الوانها باهية تسخف
لكن اكيد الطابع غالب حبيبتي:$
ربي يهنيك ويسخرك ويسخرلك زوجك اختي
....
وانا ندور لقيت هاذ الفستان
فساتين الدونتال راهي الامود
لكن علبالي اغلب بنات بلادنا مايحبوش روب ماريي سيري يحبو يكونو كيف الاميرات
وكان ماتلبسه 100 ميترة قماش ماتريحش ههههههه
لكن اللي تحب تخيط عليها روب سواري
تخرج تححححححححححححححفة

​

صباحك مرشوش بالعسل والقرنفل اختي

هههههههههههه
ضحكتيني بزاف... سيرتو كي قلتي 100 متر...
يا حبوبة جرات العادة انو العروس تكون متميزة بروب gونفلي يوم عرسها لأنها في الخطبة تدير روب سيري وزيد عمرها كامل وهي تلبس في السيري
تحب تتقلش ليلة العرس وتلبس شيئ غير معتاد لبسه هذا ماكان