قوليلي و نقولك واش درتي في جهازك ...

[عفاف الجزائرية]

شوفي نقوللك اختي كيما قلتيها انتي كثرت المصاريف
انا اذا حن ربي وكتبلي المكتوب معولة نحط القاطو في السنيوات وندور علىا لغاشي
نمدلهم قبل طباسى جوتابل ودي ساغفيات معاهم دي ساشي صغار وهوما يهزو
وتقدري تاني نتاع البوقالات والدراجي والمكسرات كاين دي بوات يجو كامل مع بعضهم
يعني ماكالاه تديري كل حاجة وحدها

 

[بلقيس لينا]

علاه عليك البوقالات ياختي خسارة دراهم برك والمكسرات بلا حطي حبة مقروط مع لتاي وخلاص​

 

[دمعة اشتياق]

السلام عليكم
لبنات راني محتاجة مساعددتكم رايحة نحطلكم فالرد القادم وش درت في جهازي
راهو قرب الصيف معنتها قرب عرسي
يلا خاص كاش حاجة في جهازي قولولي نزيدو تعييييييييييييشو ربي يخليكم

 

[دمعة اشتياق]

بسم الله
8 لحوفا و8 مخاد كتان قاطيفة معمرين باللوات
بلوزة و قفطان و كاراكو و عنابية
المكياج و صوالح الكوسميتيك و السيشوار و .....
8 بدعيات نتاع صيف -قنادر - و وحدة تاع عراس و 5 قنادر مشتا و 2 بيجامات مشتا و 2 تاع صيف
صبابط وبانتوفات و شناغل ...
2 ديزابيي لون ابيض و نويزات و صوالح تاع التحت بلا حساب
وطبعا مقامة تاع الحمام بالفاليزات
كسوة تاع تحت مثل سراويل بتركاون تاع مشتا وصيف
طابي _ انا منيش رايحة ندي معايا صالون و ليزار _
ملاية و جلابة و صاك
6 كورفيتات و كواة و كفرولي و 4 دراوات تاع عرايس
فكروني لبنات يلا خصني كاش حاجة تعيشووووو

 

[fahou]

راكي درت الله يبارك ، بصح قوليلي برك واش هي اللحوفا ؟ حنا واقيلا ماعندناش وإدا عندنا خلات نزيد نشريهم هادو تاني وحبيت نقول للأخت تاع الأخت طيور الجنة , إذا تعرفي تخدمي الكروشي نوريلك موديل تاع سلة تحطي فيها الحلوى أنا راني نخدم فيهم وعرسي مازالو شهر ان شاء الله أدعولي نكمل وكي نفينيهم نوريهملكم إذا تعلمت نطلع الصور طبعا
ونسيت حاجة البنات غدوة ان شاء الله نقولكم واش عندي في جهازي خاطرش دوك راح نخرج من الخدمة راهي الربعة سلام .

 

[@احساس طفلة@]

بسم الله
8 لحوفا و8 مخاد كتان قاطيفة معمرين باللوات
بلوزة و قفطان و كاراكو و عنابية
المكياج و صوالح الكوسميتيك و السيشوار و .....
8 بدعيات نتاع صيف -قنادر - و وحدة تاع عراس و 5 قنادر مشتا و 2 بيجامات مشتا و 2 تاع صيف
صبابط وبانتوفات و شناغل ...
2 ديزابيي لون ابيض و نويزات و صوالح تاع التحت بلا حساب
وطبعا مقامة تاع الحمام بالفاليزات
كسوة تاع تحت مثل سراويل بتركاون تاع مشتا وصيف
طابي _ انا منيش رايحة ندي معايا صالون و ليزار _
ملاية و جلابة و صاك
6 كورفيتات و كواة و كفرولي و 4 دراوات تاع عرايس
فكروني لبنات يلا خصني كاش حاجة تعيشووووو

الله يبارك درتي كلش بصحتك أنا مزالني كل مرة ندير حاجة ومنيش لاحقة
حبيت نفكرك الماليت الي تحطي فيها الذهب ووحدة للمكياج
بينوار تع الشتاء يكون شباب تع عرايس
ليزيكسسوار تع التوالات ادا كان عندك توالات خاص يعني مش مع العايلة ليتابي وغيره
الكارنيتير حوايج بسيطة متكثريش و أهمهم ليفاز لكبارالي يجو فوق لخزانة مع الورد تاعهم
ليناب تع الكروشي ولا العادين انا شريت منهم سيري كامل والي يجو في المفاتح تع لخزانة منعرف وش اسمهم
هادا مكان كشما تفكرت ني نقلك حنونة ربي يهنيك
​

 

[ام رحاب]

السلام أختى تبارك الله راكي قدها وقدود....نسيتي اهم شي

الا وهو ...مصحف مع المرفع+ لباس الصلاة...

وفقك الله لمايحبه ويرضاه

​

 

[السلطانة]

نتمنى عدم الخروج عن محتوى الموضوع
​

 

[KAW238]

..سلام البنات توحشتكم:-r
البارح خرجت و شريت شوية صوالح
مزال ماصورتهمش كي نصورهم نحطهم
bon
شريت ديزابيي ولا غوب دو شومبغ ماعلاباليش واشنهوا نتوما قولولي
وشريت فيزو.............

 

[طيور الجنة21]

اللون رائع حقاااااااااااا بصحتك
​

 

[طيور الجنة21]

أووووووووووووووووووه KAW238 الله الله الله عليك

ربي يباركلك و زواجة الدهر ان شاء الله
​

 

[السلطانة]

ملاحظة هامة:

تمّ حدف الصور المخالفة

نرجو منكن عدم وضع صور الملابس الداخلية

وشكرا
​

 

[KAW238]

أووووووووووووووووووه KAW238 الله الله الله عليك

ربي يباركلك و زواجة الدهر ان شاء الله
​

الله يسلمك حنونة
الصح انا اللون ماعجبنيش
mais كي جابتولي ختي قلتلها شباب

 

[امي الجزائر]

الاول راااااااائع

 

[Smile Queen]

صباح الخير لبنات
خدمت بالدبلة علاقات مفاتيح رح نحطهم في جهازي وحبيتكم تشوفوهم:d

 

[عفاف الجزائرية]

يعطيك الصحة اختي سماييل كون غير حطيتيلنا كيفاه خدمتيهم نستفادو كامل مع بعض

 

[طيور الجنة21]

صباح الخير لبنات
خدمت بالدبلة علاقات مفاتيح رح نحطهم في جهازي وحبيتكم تشوفوهم:d

تعيشي سؤال الوردات الصغار عملتي 2 فوق بعضاهم ؟
​

 

[Smile Queen]

يعطيك الصحة اختي سماييل كون غير حطيتيلنا كيفاه خدمتيهم نستفادو كامل مع بعض

الله يسلمك حبيبتي عفاف
اوكي المرة الجاية نجيبلكم الطريقة خطوة خطوة

 

[Smile Queen]

تعيشي سؤال الوردات الصغار عملتي 2 فوق بعضاهم ؟
​

لالا درت 3 بالدرجات كل وحدة أصغر من اختها
عن قريب نحط موضوع خاص بيهم
نورتي حبيبتي

 

[7773semsem]

بما أنو مامات
sara arab
وصاتنا على الكوزينة نقولولها ok ... خليونا نروحو لحوايج الكوزينة

اشتريت هاذ الناب تاع الطابلة ومعاه 6 سرافط مطروزين و متحوفين يخليوك متألقة قدام اهل زوجك ...
​

و طبعا لكل ذوقة راح نحاول نحطلكم الموديلات ألي كاينين عند مول الحانوت

ايه نسيت نقوللكم على السومة - 85000

قوليلي وين جا هدا الحانوت في قسنطينة اني حابة نشري كيفهم
ولكي مني كل الشكر