ساعدوني احبائي

[angel nina]

السلام عليكم اهل اللمة
انا على وشك الولادة و هذا اول مولود لي و راكم عارفين القصعة تاع اول مولود انا جهزت الحلويات ولكن قالي الطمينة لذاك حبيت انكم تقدمولي وصفات مختلفة لكي اختار و خصوصا وصفة سلو لاني منعرفهاش...شكرا مسبقا لكل من اهتم.

 

[zaklam2008]

رفيس

رطل غرس منقي مفور معجون بشوية زيت +نص علبة زبدة ستار + كمشة كوكاو رقيق مش ناعم
نحمص التشيشة وذرة ملح في مقلاة ونضعها فوق المقادير السابقة ونزيد نص فنجان حليب وهواللي يعطيها الطراوة نعجن مليح ونشكله باي قالب
التشيشة عينك ميزانك ماهي كثيرة ماهي قليلة​

​

[FONT=&quot]الطمينة[/FONT]​

المقادير
[FONT=&quot] [/FONT]2 كوب سميد محمص + ثلاث أرباع كوب زبدة طرية+ كوب عسل +قرفة و دراجي للتزين.
الطريقة

• ذوبي الزبدة مع العسل على نار هادئة .
• اخلطي الكل مع السميد المحمص باللون الذهبي.
• ضعيها في صحن و زينيها بالقرفة و الدراجي.قدميها دافئة أو باردة.

ملاحظة: يمكن عملها بشكل معينات ووضعها في حاويات ورقية.

 

[بنت الجسور المعلقة]

كاين الزرير أو البسيسة
كيلة حمص وكيلة قمح محمصين مرحيين ناعمين تقدري تبدلي الحمص بلعدس
زبدة وعسل تذوبيهم في طاوة وترونيها بلحمص والقمح المرحيين وتزينهم بلوز ​

 

[angel nina]

شكرا ليكم احبائي على المساعدة و يريت وصفة سلو و شكرا

 

[SAMIRA25]

السلام عليكم
ربى يسلكك على خير و وقفة ساهلة باذن الله
حبيت ننصحك تجنبى هذه الاكلات لى نديروهم حنا فى عاداتنا للمراة كى تزيد و خاصة البسيسة والطمينة و ..... لانهم معبيين بالزبدة ممكن و العجائن لانها تعمل constipation مما يؤدى الى ظهور البواسير و رايح تعانى بزاف لذلك ننصحك احسن غذاء بعد الولادة الخضر الفواكه التمر عسل النحل و الحليب و مشتقاته لاذرار الحليب
واذا سخفت و حبيتى تاكليهم عوض الزبدة بالزيت الزيتون و ماتكتريش سلامى​

 

[ام ريهام]

ربي يكون معاك وتربي مولودك بالصحة والعافية