لعبة جميلة للمتزوجين شاركونا وخلونا نغير جو....

[ouricia]

اخر هدية شريتلو ساعة وسؤالي هو
هل تفضل المرأة الرجل الاكثر ذكاء منها والاعلى تعليما منها والاكثر جمالا منها ؟
ام العكس
سؤال صعب هههههههههههههههه

 

[أم أمين23]

هل تفضل المرأة الرجل الاكثر ذكاء منها والاعلى تعليما منها والاكثر جمالا منها ؟
الاكثر علما وذكاءا ممكن بس الاكثر جمالا لا لاني لا حبذ ان يكون الرجل اجمل من المرأة بأي حال من الاحوال
خليني في نفس السياق لو زوجك مغتر بجمالو مادا تفعلين؟

 

[samah06]

الجمال جمال الله وزوجي مع انه جميل لكن مش مغرور
واداكان كدلك نقولو حسن اخلاقك كما حسن الله خلقك

 

[somo_81]

وين راه سؤالك سموحة

 

[ahlam02]

سؤالي ليكم ادا كان زوجك مشغول لشهور وماهتمش بيك هل تعدريه ولا تزعفي ويدخل الوسواس لراسك:d

 

[marie2105]

السلام عليكم
جوابي:نقدر نزعف إذا شفت أنو المدة طولت بزاف ولازم يقسّم وقتو ويعطيني حقي،ونقدر ما نقول والو إذا كانت عابرة،من المؤكّد أني ٱبادر في جلب إنتباهه على طريقتي
سؤالي:إذا كنت تعيشين مع أم زوجك وكانت تنكِّد عليكم حياتكما وكان هذا الشيء يؤثر على زوجك نفسيا وعلى مستقبل إستقرار حياتكما ماديا ومعنويا فكيف تكون ردت فعلك؟كيف تتعاملين مع هذا الوضع

 

[أم أمين23]

سؤالي:إذا كنت تعيشين مع أم زوجك وكانت تنكِّد عليكم حياتكما وكان هذا الشيء يؤثر على زوجك نفسيا وعلى مستقبل إستقرار حياتكما ماديا ومعنويا فكيف تكون ردت فعلك؟كيف تتعاملين مع هذا الوضع
سؤال صعب الاجابة عليه يعني حسب وضعية كل واحدة ادا فيه امكانية الاستقلالية ببيت خاص او الفصل مع البقاء في نفس وبالتالي قد تخف المشاكل قليلا او بغض النضر عما يزعج ونعملو وذن من طين ووذن من عجين كيما يقولو
اخلي نفس السؤال

 

[*amina*]

فالحقيقة سؤال صعب لانو كل وحدة تقدر تجاوب عليه على حساب صبرها ومعيشتها
انا حقيقة وليس تباهي منيش متعرضة الى اي مضايقات الحمد لله عجوزتي ربي يحفظها مخليتلي كامل الحرية وتشاورني تحسبني انا كبيرة عليها ان شاء الله ربي يهنينا لهذا منقدرش نجاوب عليها
لكن اذا كانت الزوجة تتعرض لهذي المضايقات تشوف قدرة زوجها اذا كان بمقدوره يوفرلها سكن فمن الاحسن يدلها سكنها الخاص باش يتجنب الوقوع بين نارين واذا مكانش بمقدوره فمعندهاش واش تدير الا الصبر وتجنب المضايقات ومتعمرش راسها مع انو صعيب الواحد ميعمرش راسو الا اذا كانت معندهاش القلب هههههه بصح تدير ربي بين عينيه و تعرف بلي بعد الشدة تجي الفرجة وهذي اكيدة عن تجربة مني
نخلي نفس السوال باش يستفادو الاخوات لي مغبونات

 

[ام ساجد]

ماتعيشش معايا لكن نفاق متبادل بكل صراحة لا تحبني و لا احبها
السؤال اللي نقولو :
هل تفتشين جيوب زوجك و الموبايل ؟؟؟؟؟

 

[أم أمين23]

هل تفتشين جيوب زوجك و الموبايل ؟؟؟؟؟
لا بس الموبايل احيانا فقط فضول بمن اتصل خخخخ
ما عندي سؤال اخلي نفسو؟؟

 

[marie2105]

لا أفتّش جيوبه ولا المبايل،فقط المبايل مرّة واحدة،أردت أن أعرف إذا تكلّم مع ٱخته أم لا،يحاولون بش يدوروه عليا،لهذا السّبب شفت:d
سؤالي:إذا أخت زوجك داوساتك في تليفون وقاتلك كلام قبيح وبعد ذلك جاءت عند أمها تجوّز العطلة مع العلم أنك في نفس المطبخ مع الأم،فكيف تتعاملين مع هذا الوضع؟سؤالي هذا خاص وأريد إجابات صريحة

 

[أم أمين23]

سؤالي:إذا أخت زوجك داوساتك في تليفون وقاتلك كلام قبيح وبعد ذلك جاءت عند أمها تجوّز العطلة مع العلم أنك في نفس المطبخ مع الأم،فكيف تتعاملين مع هذا الوضع؟سؤالي هذا خاص وأريد إجابات صريحة
انا سأتعامل معها على اساس كيف هي ستعاملني بمعنى الا تصرفت عادي كأنها لم تفعل شيء راح اكمل معاها وادا كانت تشنف وعاملة روحها هي صاحبة الحق انا ثاني ما رانيش راح نهزها من ارضها راح ندير كأنها غير موجودة
نخلي نفس السؤال مدام الاخت تريد تعرف اكثر أراء

 

[*amina*]

السلام عليكم
بالعكس منعملهاش على اساس كيفاش هي راهي تعاملني نعاملها على طبيعتي خاطرش عندها نهارات ورايحة وكي تشوفك تعامليه باحترام راح تحس بغلطها وتعرف قيمتك واخلاقك وتربيتك خليها فيها ومتخليهاش فيك هكا تربحي قيمتك وتربحي رضا الله ورضا زوجك ان شاء الله وديري اساس واحد في راسك هي انك مدامك متطايبة مع راجلك ووالدين زوجك راضيين عليك الغاشي الاخر رميه مورا ظهرك مدامها متزوجة وبدارها متعمريهاش في راسك انا دايمن نتفكر نصيحة بابا ربي يحفظولي قالهالي قبل زواجي ومزال يقولهالي لحد الان يقلي يا بنتي اصبري وديري المستقبل تاعك بين عينيك رايحة تربحي ان شاء الله يقلي كي تزعفي ماشي تخمي غير في ذيك الدقيقة ديري بلي مزالت الحياة قدامك وانا مطولة ولا مقصرة مش رايحة تدومي معاهم يجي النهار وين تحكمي بيتك وتكوني فارضة احترامك الوغ خمي مليح قبل اي تصرف وهذي نصيحة لكل بنت وربي يفرج هموم المتزوجات
نخليلك نفس السؤال باش يفيدوك العضوات

 

[samah06]

انت في دارك وهي ايضا في دارها امالا عامليها غير في الصواب ومتكثريش معاها سؤال جواب
بحث رد متقعدي معاها وماتتبادلو لمشايخا لانو راح يتجبد الموضوع وتختالفو
والكوزينة مش نهار كامل
ادا عاوناتك بها ونعمت وادا محبتش راهي ضيفة وتروح
سؤالي للي بعدي دائما مع السلفة
ادا كانت معاك سلفتك مليحة في بيتك او بيتها لكن امام الناس تتجاهلمك وكانك لا تمتي لها بصلة وحتى ابنائك
بصيغة اخرى ادير روحها متعرفكمش كيفاه تتعاملو معاها

 

[om leith]

السلام عليكم ورحمة الله اليوم وين دخلت للعبة هذي عجبتني بزاف قلت نجاوب تعينتي نتي يا سماح الجواب أنا تقريبا نعامل الناس كيما يعاملوني هكذا أنا مع عجوزتي وسلافاتي يتكبرو علي نتكبر ما كثر منهم باه يعرفو قدرهم ولتتواضع معاي نولي أرض ليها، وانتي ثاني جاهلي سلفتك هههه باش تعرف احساس الأخرين.
سؤالي هل تغارين من عجوزتك؟

 

[ذوق حساس]

السلام عليكم :
للاسف عجوزتي متوفية رحمها الله . لكن ان كانت موجودة بالعكس . ما نفكرش ولو للحظة باش نغار منها لانها في مقام امي .
سؤالي : كيف تتعاملين سيدتي مع الزوج المهمل لشؤون بيته ؟
شكرا على الموضوع القيم
تحياتي للجميع

 

[أم أمين23]

سؤالي : كيف تتعاملين سيدتي مع الزوج المهمل لشؤون بيته ؟
بالنسبة لي لا اعتقد ان هناك حل له سوى ان تتحملي انت مسؤوليات البيت لفترة حتى يعتاد وبعدها توقفي عن القيام بها وربما سينتبه انها ضرورية لخاطر الرجال في الغالب يعتقدون ان شؤون البيت ليس منها فائدة او ان المرأة هي التي يجب ان تتكفل بها
نخلي نفس السؤال مخي حابس

 

[ام اية الرحمان]

تزول الجبال ولا تزول الطبائع
سؤالي هو ادا كلما خرجتي مع زوجك تقوللكم عجوزتك نخرج معاكم واش ديري بصراحة

 

[أم أمين23]

ايه مرة زوج المرة الثالثة نقولها روحي انت ومن بعد نروح انا
نفسو

 

[fleur du jour]

السلام عليكم لعبتكم عجبتني بزاف حبيت نشاركم وهذا سؤالي ليكم جاوبوا بكل صراحة

هل لديك الجرأه الكامله أبلاغ الطرف الآخر بعيوبه ومحاولة تعديلها.​