لعبة جميلة للمتزوجين شاركونا وخلونا نغير جو....

[dr.web]

انا مش متزوج ممكن نلعب امعكم او اخد با الار شادات او الاستفادة مستقبلا

 

[anissa 13]

انا مش متزوج ممكن نلعب امعكم او اخد با الار شادات او الاستفادة مستقبلا

أخي الموضوع خاص بالنساء المتزوجات فقط
ستستفيد من مواضيع اخرى انشاءالله اما هدا الموضوع هو عبارة عن لعبة للتسلية بيننا
​

 

[راضية حامدة]

في الحقيقة نوثق فيه كثيرا لكن بدون مبالغة
الواحد لازم يكون فاطن شوي و ما يخليش الثقة تعميه و يحسب بلي الزوج انسان و الانسان خطاء
المهم عندي انك ما تبينيش انك شاكة فيه في مواقف مامهما كانت الاسباب حتى تتأكدي منها

سؤالي:
هل تحرصين ان تودعي زوجك صباحا لما يكون خارج للعمل؟

 

[omarwa]

بصراحة ليس دائما لسبب ضروف عمله
سؤالي
هل تقومين باستقباله دائما عند رجوعه من العمل

 

[narjes81]

ههههه نخرجو مع بعض وندخلو مع بعض ولكن في الويكاند طبعا نطيبلو واش يحب ونلبس واش يحب شوي تغيير

سؤالي هل انت راضية على زواجك يعني هل هذا الزوج هو فارس احلامك ام ندمتي على الزواج منه

 

[ام سيف]

الحمد لله راضية على زوجي
ساعات نندم على الزواج في حد ذاته مش الزوج
السؤال كي تحكمو بلايصكم شكون يحكم التيليكومند

 

[Setifienne]

بصراحة انا راضية كل الرضى ولو خيروني للمرة الالف بين الالاف لخترته
ربي يهنينا ويهني الجميع
هل زوجكي انسان متفهم ومسامح اذا غلطتي و يحاول دائما ارضائك

 

[Setifienne]

نجاوب على سؤال ام سيف
انا الي نحكم التيليكوموند كي مانلقا والو يصلح نعطيهالو
ويبقى سؤالي مطروح
هل زوجكي انسان متفهم ومسامح اذا غلطتي و يحاول دائما ارضائك

 

[loula09]

هل زوجكي انسان متفهم ومسامح اذا غلطتي و يحاول دائما ارضائك

الحمد لله زوجي متفهم و متسامح وحب دايما يريضيني ربي يحفظه لي

هل زوجك يبوح لك بمشاعره اتجاهك و هل انت راضية عن طريقة تعبيره

 

[روعة2005]

هل زوجك يبوح لك بمشاعره اتجاهك و هل انت راضية عن طريقة تعبيره[/quote]
صراحة زوجي في كل الامور متفتح ويحكي بصح في مشاكله كتوم جدا مايحبش يزيد عليا وهذا يزعفني منو لانو يهز في قلبه وفوق طاقته

سؤالي للي بعدي
لما طيبي اكلة اي كانت رئيسة او حلوى جديدة هل يمدحك زوجك وينتبه ويقولك ااوووو هذه ماكلة جديدة وبنينة يعطيك الصحة خخخخخخخخ
هل تقوليلو من جبتيها صراحة من النت من صاحبة جارة ولا تقولي مالفة نطيبها غير متولهتش برك هيهيهي ضحكة اشرار​

 

[omarwa]

انا كي نطيب تعجبو ماكلتي بزاف ويمدحني فيها ونحب دايما نطيبلو حاجة جديدة ونقولو نصارحو عادي اصلا يحب كي نتعلم اشياء جديدة
سؤالي
كي طيبي حاجة وينتقدك زوجك تزعف وتدي على خاطرك ولا عادي تقولي ناودها وجي مليحة

 

[روعة2005]

صراحة قليل وين طيابي مايعجبش زوجي دايما واغلب الاوقات يشكرني ويحب ياكل غير ماكلتي

سؤالي للي بعدي
متى اخر مرة عملتي فيها قعدة رومانسية او مفاجاة لزوجك​

 

[oumniati]

عام مانشفاش ههههههههه بطلت خطراش خااااااااااطيه

----------------------------------------------------------------------------

هل للصراحة حدود بين الزوجين؟ يعني: الى اي مدى يجب ان يصارح كل طرف الطرف الاخر؟

 

[loula09]

انا صراحة مصارحاتو في كل حاجة صغيرة وكبيرة و هو تاني وادا راهو مخبي عليا حاجة هديك بينو و بين مولاه


سؤالي

كيف كان شعوركما لما كنت حامل اول مرة وكيف كانت ردة فعله

 

[imane27]

كيف كان شعوركما لما كنت حامل اول مرة وكيف كانت ردة فعله
شعور منقدرش نوصفولك يالوليتة فرحة على كل شيئ الله يكملك نتى تانى
هل زوجك يحب تروحى لداركم وتباتى اكثر من مرة فى الشهر ام لا

 

[rasa]

بالتأكيد اتصل و أبادر بالسؤال فربما هو يختبرني ليدرك مدى حبي له و خوفي عليه
سؤالي إذا رأيت زوجك يفضل امه عليك و يقول ذلك بصريح العبارة ماذا تفعلين؟

 

[روعة2005]

صح تاع ربي انا نحب امي كثر مانحب روحي ونحب راجلي وناس بكري قالو لي ماعندوش خير في قديمو ماتعولش عليه
يسمى اذا هو ماحبش المرا لي جاباتو ورباتو وكبراتو وزوجاتو وبدلها بيا انا وين راني رايحة معاه
بصح نغير شوي لما يفضلها عليا في كلش اهم شئ يكون يعرف يمد لكل وحدة فينا احتياجاتها وحقوقها بلا مايزعف وحدة منا
سؤالي للي بعدي
في المنزل شكون هاز العبئ الاكبر من مسؤوليات الدار انت ولا هو ?

 

[nada242008]

صح تاع ربي انا نحب امي كثر مانحب روحي ونحب راجلي وناس بكري قالو لي ماعندوش خير في قديمو ماتعولش عليه
يسمى اذا هو ماحبش المرا لي جاباتو ورباتو وكبراتو وزوجاتو وبدلها بيا انا وين راني رايحة معاه
بصح نغير شوي لما يفضلها عليا في كلش اهم شئ يكون يعرف يمد لكل وحدة فينا احتياجاتها وحقوقها بلا مايزعف وحدة منا
سؤالي للي بعدي
في المنزل شكون هاز العبئ الاكبر من مسؤوليات الدار انت ولا هو ?

هو طبعا هاز مسؤولية المصاريف والحوايج الكبار وحتى كي كنت نخدم كان هاز مسؤولية خدمتي ههه
لولاد والدار والكوزينة بزايد عليا :up:
--
فيما تختلفان انت وزوجك ؟

 

[سماح4]

لا اختلف انا وزوجي إلا على السكن ،مانيش عارفة ويكتا ربي يفرج علينا
سؤالي هو كيف تقنعين زوجك بشيء يخص مستقبلكما

 

[narjes81]

سؤالي هو كيف تقنعين زوجك بشيء يخص مستقبلكما
ازن على دماغه حتى يقبل هههههه اكيد نتناقشو في كل الامور ونشوفو المحاسن والمساوئ ولي يكون فيه صلاح العايلة والاولاد اهم شيء يعني نشوفو يلا كان هداك الشيء ينفع ولادنا ولا يضرهم انا انتم نغلبه
سؤالي ماهو شعورك اذا قرر زوجك السفر للاستجمام من دون ان ياخدك معه وفضل اخد امه