كوسميتيك العروس الجزائرية/لعروس اللمة الجزائرية/

[طيور الجنة21]

البنات هل يوجد كريم لتعطير المنطقة الحساسة

وكيفاش تتطهروا بالمسك الأبيض بعد الدورة

ياريت إفادة من مجربة
​

 

[la rose de sable]

راني جيت


ضرك نجاوبك على اسئلتك بالواحد بالواحد

 

[la rose de sable]

ياريت تقوليلي الفحلة شحال تتباع و كيفاش تبخري بيها اقصد واش هو البخور الي تحطيه..مم يتكون

ايييييه راهم البخارات انواع واشكااااال ،، وهاذي راهي غير صورة من النت ، وغير كهربائية

انا ننصحك تشري الكهربائية خيرلك ،،

شوفي السعر يتراوح من 50 الف الى 300 الف يعني مش غالية ،، 50 الف تاع الاينوكس عادية جدا بصح فراجيل
وانتي وذوقك



اما بالنسبة للبخور ،، راهو يتحط فيها انواع البخورات الكل،،
وكما سبق وقلتلكم ماعندبش معرفة بالبخورات ،،،
ضرك يجو اهل الخبرة يساعدوك ،،+ روحي للعطار هو يفيدك احسن

 

[@احساس طفلة@]

ملح الحليب هذا أولا اول مرة نسمع بيه ثاني حاجة واش هي المناطق المسموخ استعماله عليها....حتى الوجه والمنطقة الحساسة

و بما انو تكلمنا عاى المنطقة هاذيك قولولي البنات ديفوا يدير الحكاك او يتغير لون الماء من ابيض إلى أصفر ما الحل في رأيكن...بعيدا عن المواد الكيماوية والدكاترة

أختي ملح الحليب ميصلحش للوجه ،، انا جربته في الفخذين وقاس شويا المنطقة الحساسة
دارلي حكا بصح براسك غسلت بالماء ب2 د او 3 راحت يعني انه ميصلحش للمنطقة الحساسة

أما بالنسبة لسؤالك الثاني تغير لون الماء يكون نتيجة وجود انفيكسيون في الماء تاعك وهي الي دير الحكا
أنا هكدا قاتلي طبيبة و علاجه انك تغسلي الملابس الداخلية بصابون العربي ( الحجرة ) وتنشريها تحت الشمس 12 تع القايلة يعني كي تولي الاشعة فوق البنفسجية وتغسلي بغاسول خاص بالمنطقة
ومن الاحسن سافوريل 3 مرات في الاسبوع لا أكثر لانه التكثير منه ماشي مليح

 

[la rose de sable]

ملح الحليب هذا أولا اول مرة نسمع بيه ثاني حاجة واش هي المناطق المسموخ استعماله عليها....حتى الوجه والمنطقة الحساسة

و بما انو تكلمنا عاى المنطقة هاذيك قولولي البنات ديفوا يدير الحكاك او يتغير لون الماء من ابيض إلى أصفر ما الحل في رأيكن...بعيدا عن المواد الكيماوية والدكاترة

اهلا اهلا ،، اول مرة تسمعي بيه :-o

انا بصراحة سمعت بيه بصح ماكنتش مصدقة عمايلو سيرتو اذا داومتيه ههههههه

راهو مسموح للمناطق الكل الا الوجه حذاري ثم حذاري ، ويجي على النظافة يعني بعد ماتكيسي وتحكي روحك ديريها وادلكيه شوي على الجسم ومباعد شللي بيه

كاين اللي بيضلهم الابط والركبتين ،،

انا بما انو المناطق هاذم بيوضة

جربته غير مابين الفخذين كاين سواد ،، والحمد لله جاب نتيجة ،،،


اما مشكلة الماء الاصفر ،، مافهمتش ؟؟؟ وش تقصدي ،، اظن انها فترة الاباضة ،، تخرج سوائل صفراء ،، وهاذا عادي جداااا ،، قريناها في العلوم بكري


وبالنسبة للحكاك ،، كاين صابون الحجرة احسن دواء على الاطلاق



نتمنى اني نكون افدتك

 

[la rose de sable]

البنات هل يوجد كريم لتعطير المنطقة الحساسة

وكيفاش تتطهروا بالمسك الأبيض بعد الدورة

ياريت إفادة من مجربة
​

للطهارة نستعمل المسك الاسود ، اختي

مذكور في السنة النبوية


والاستعمال بسيط جدا ،،بعد ما تصفى منك العادة ، وتتوضأي الوضوء الاكبر (( غسل الجنابة ،، وضوء الطهارة))) ،، حطي شوي ، كمية بسيطة جدا جدا في المنطقة ،،

وبما انك فتاة ماتدخليش ديري البرا برك ،،
وكي تتزوج ديري من الداخل والخارج




وزيدي ابحثي في النت

 

[السلطانة]

الموضوع عبارة عن كوسميتيك العروس الجزائرية

تحوّل للحديث عن الملابس والعُرس وأمور أخرى
خرج عن مساره

يُغلق للمُراقبة وتعديل بعض الردود
نرجو التقيّد بقوانين المنتدى
وشكرا


+هذا التّنبيه رقم 2

/////////////////////
يُفتح المووضوع مُجذّدا
بالتوفيق


​

 

[la rose de sable]

شكرا

نأمل ان نكون في المستوى هذه المرة

 

[mima mami]

السلام عليكم البنات نسقسيكم على مستحضرات oriflame مليحة ولا لالا يعني كاين فيكم اللي مجربتها ولا عندها فكرة عليها :s
​

 

[la rose de sable]

السلام عليكم البنات نسقسيكم على مستحضرات oriflame مليحة ولا لالا يعني كاين فيكم اللي مجربتها ولا عندها فكرة عليها :s
​

اهلا اختي

انا سمعت بيها ومشهورة ياااااااااااسر وديما يشكروا فيها

بصح مانكذبش عليك ماجربتهاش شخصيا


ضرك يجو لبنات ويعاونوك

 

[جزائرية كوول]

اوريفلام راهم يقولو مليحة بزااااف

انا سقسيت في لي كوسمتيك بصح ملقيتش

كاين موقع يبيعهم
سلاام اختي
​

 

[la rose de sable]

السلام عليكم


لبناااات شكون جربت عطر إسكادا ؟؟؟؟؟

عاجل جدا

شكرااااا​

 

[mima mami]

عطر إسكادا مممممم هايل كانت ديرو صحبتي اللي تشمو فيها تسقسيها عليه

 

[mima mami]

اما انا عطري المفضل evidence خاصة للعرائس تحفة

 

[@احساس طفلة@]

السلام عليكم


لبناااات شكون جربت عطر إسكادا ؟؟؟؟؟

عاجل جدا

شكرااااا​

وعليكم السلام
اسكادا ماركة ،،، و اكيد اي شيئ ماركة يكون مليح

 

[la rose de sable]

مرسيييي لبناااات راني شريتها اليوم العشوة هاذي هي وبعض العطور والكوسميتيك الاخرين

وبربي نحطهم كامل

انتظروني

 

[@احساس طفلة@]

مرسيييي لبناااات راني شريتها اليوم العشوة هاذي هي وبعض العطور والكوسميتيك الاخرين

وبربي نحطهم كامل

انتظروني

رانا في انتضارك حبوبة ،،، ليك وحشة
عمبالي مشغولة ربي يكون في عونك

 

[mima mami]

مرسيييي لبناااات راني شريتها اليوم العشوة هاذي هي وبعض العطور والكوسميتيك الاخرين

وبربي نحطهم كامل

انتظروني

رانا نستناو باه نرجعو الكوسميتيك الى العمل :up:

 

[OMSAMI]

ana rajli jabli escada ma3jabnich bazaf
basah kol wahda wal go ta3ha momkin ya3ajbak nti

 

[SIRMA]

[/IMG]

أختي الله يخليك بغيت نسقسيك
لي تقصديه باللون لون الكيس اسود ولا لون الملح هو اسود
قالوولي كاين الوان بزااف..ممكن توضحيلي
وشكرااا​