و أخيرا جبتلكم طابلتي تاع عيد الفطر 2012 أهلا و سهلا بكم عند أم نيفين

[tita69]

 

[linda_girl]

نسمع بزاف على شطارة نتاع سطايفيات بصح اليوم شفت بعيني ربي يعطيك الصحة

 

[ام رحاب]

سلمت يداك اختي
​

 

[FOUFOUFOUZIA]

ماشاء الله اريد وصفة المقرود

 

[عيون المهى]

مش غير وصفة المقروض لازم الوصفات كامل
هايلين تاع الصح مايدة تشهي:up:
​

 

[نسايم الربيع1]

تحفة روووووووووووووووووووووووووووعة

 

[نوال التلمسانية]

الله يعطيك الصحة

 

[نوال التلمسانية]

هايلة

 

[ahla assala]

الله يبارك عليك يا ام نيفين

 

[nour inasse]

السلام عليكم و رحمة الله و بركاته

تعيشي أختي لو كان تعطيني وصفات هادو من فضللك حابة نديرهم في العيد خاصة اللي جاي مدور وفيه سيقارات الشوكولا تبالي ومغبر سكر قلاصي الله يخليك

 

[وجع الظلم]

الله ابارك
والله ما خليتينا كلام
كلش فور
الله يعطيك الصحة

انا اجبني هذا كملي خيرك
واعطينا الكيفية ندعولك الى يوم القيامة
مشكورة يا الفحلة
قلتلكم
مشي غير ارواح اقول درت المراة
​

 

[حفيدة الخنساء]

^جاااو رووووووعـــه

 

[راجية الله]

هايلين يعطيك الصحة ممكن تكتبيلنا لي غوسات.

 

[rasa]

الله يبارك قاطوات هايلين

 

[أم نيفين]

السلام عليكم …شكرًا على الردود الجميلة أحبتي ... سامحوني بزاف ضرك الميكرو بورتابل ماراهوش عندي داه سلفي مرجعوش...ضرك راني بالايفون ...نوعدكم منين يجيبهولي نحطلكم الطرق بالشرح أن شاء الله

 

[رحاب ملاك]

رووووووووووووووووووعة

شهيتينا هههه​

 

[souhila77]

السلام عليكم …شكرًا على الردود الجميلة أحبتي ... سامحوني بزاف ضرك الميكرو بورتابل ماراهوش عندي داه سلفي مرجعوش...ضرك راني بالايفون ...نوعدكم منين يجيبهولي نحطلكم الطرق بالشرح أن شاء الله

الله يبارك أختي شاطرة بزاااااف
ان شاء الله تحطينا الوصفات كااامل يهبلو هك باش نجربوهم فالعيد
هذو حلويات العيد 2012 هك دايرين متشوقة نشوف حلوياتك لعيد 2013 أكيد حاجة فور بزاااااف
ان شاء الله متطوليش علينا فالوصفات

 

[أم نيفين]

شكرا حبيباتي على الردود ...
سامحوني بزااااااف بزاف ماكنتش قاعدة كنت مشغولة بزاااااف هاذ ليامات
القاطو تاع الشوارب لي طلباتو الاخت وجع الظلام

هو فالحقيقة سهل جدا فالتحضير
العجينة: 4 كيلات فرينة+كيلة ليدام ذايب (انا درت فلويال) و نحك مليح بكف اليد حتى تتخلط مليييح +نبلو بماء الزهر تى نتحصل على عجينة طرية نغطيها و نخليها بجيه تترتاح
الحشو: 3 كيلات لوز مرحي+كيلة غير شوية سكر عادي +الكثيييييير من زاست القارص+ و نبلو بالبيض حتى يولي عندنا خليط متماسك و نخليه هو ايضا يرتاح و يحكم روحو
الطريقة : العجينة نحللها شوية بالحلال ثم نمررها في ماشينة البقلاوة من الرقم الكبير حتى تولي بسمك كيما فالصورة (انا ماشينتي مافيهاش الارقام تمحاو) و كل ماشينة و الارقام تاعها و دايما تستعملي النشا ثم خليها تنشف فوق الطابلة شوية ثم نبدا نقطع بالشكل كيما فالصورة
ثم نولي للحشو حليه بالحلال و لازم العلو يكون مليح باش الحبة جي مليحة حتان تكملي الحشو كااااامل
ثم العجينة السوداء هي نفسها العجينة الاولى بصح زيديلها الكاكاو فاللول و من بعد بليها بماء الزهر(الكاكاو لازم يكون لونو داكن باش يجي اللون باهي)
نفس العملية لي درناها للعجينة البيضاء نديروها للعجينة السوداء بصح فالتقطيع لازم يكون الطابع اقل من الطابع الاول
التركيب: ناخذ قطعة من العجينة البيضاء ندهنها بياض البيض ثم نحط فوقها قطعة من الحشو ثم ندهن اعلى الحشو بالبياض و لكن من الزاوية للزاوية يعني بخط مستقيم يعني فالوسط برك ماندهنش الوجه كامل.. ثم نحط قطعة من العجينة البيضاء ثم ندهن الوسط فقط و نحط فالاخير قطعة من العجينة السوداء ثم نخليها تنشف شوية و ندير بجيهة الموس الحافية يعني ندور الموس و نزير فالوسط كيما فالصورة حتى يطلعو هاذوك الشوارب وحدهم و ن زيد نعدلهم بالموس حتة يولي عندنا الشكل كما فالصورة نخليهم يباتو ليلة كاملة ثم نطيبهم في فرن معتدل حتى تأخذ اللون الذهبي من تحت و نجبدهم و مباشرة فالعسل مخفف بماء الزهر و نخليهم يقطرو مليح ثم نزين بالملمع الغذائي الذهبي
إن شاء الله يكون الشرح واضح و اي استفسار راني فالخدمة

 

[أم نيفين]

المقروط هاذا عادي ... 3 كيلات سميد متوسط +1 كيلة فرينة+كيلة ليدام و نحك مليح و نبل بماء الزهر عاااادي جدا و نشكلو بالطريقة المعروفة عند الكل مقروطات ة ننقشهم بالنقاش و نطيبهم فالفرن حتى ياخذو اللون الذهبي و نخليهم يبردو و نخبيهم الى حين التقديم تعسليهم في عسل و ماء الزهر

 

[nahed]

واوا روعة