الفرق بين المهر والشرط

[la rose de sable]

مرحبااااااا عرائسنا


بينما كنت نتجول في احد المنتديات لفت انتباهي وحد الموضوع ،، وطبعا عارفين بلي راني مخطوبة ،، وماتشدني غير مواضيع الخطبة والزواج


المهم شفت وحدة كاتبة كم كان مهرك؟؟
دخلت نشوف لقيت كل وحدة تحط للمهم سعر وللشرط سعر وللفاليزة سعر

مثلا وحدة قالت

انا الشرط 4 ملاين والمهر 10 ملاين والفاليزة ب 15 مليون بلا الكبش والخضرة

حرت ،، يعني المهر ماهوش هو الشرط ؟؟؟


احنا في ولايتنا ،، وادي سوف الهر نقولوله شرط ،،، يعني متفق عليه 10 ملاين ،، والذهب وخلاص ؟؟

حبيتكم تفهموني في عادات الجزائر الشاسعة

كل وحدة تحكي وشي الفرق في ولايتهم، والفاليزا يعني هوما اللي يجهزوك ؟ من واش تكون متكونة



شكراااااااااااااااااااا​

 

[السلطانة]

الشرط =الدراهم
6ملايين ولا 4 ومعاهم حاجة ذهب
وحاجات لعطيّة لا طلبتهم دراهم ولا تطلبهم يجيبوهملها .
والذهب لي تشرطو مع الشرط هاداك بعد يجيبوه في لعطيّة
​

 

[la rose de sable]

حتى هنا هكا بصح كاين ولايات اخرين عندهم الشرط وحدو والمهر وحدو

حبيت نعرف كل واحد وقتاش يدفعوه

لعطية؟؟؟ وش هي؟؟

 

[السلطانة]

لعطيّة = حنّة لعروسة تندار وحدها
ماش شرط تكون قبل العرس بعد تتصرف فيها لعروسة كيف تحبّ
عطيّة لعروس فيها التصديرة والحنّة
ويجيبولها واش شرطت
قشّات وحاجات يشريوهم موالين لعريس ويجيبو معاهم الذهب لي شرطتو في الشرط
يكون عادة مقياس ولا بقّاط المهم واش تفاهمو

​

 

[la rose de sable]

لعطيّة = حنّة لعروسة تندار وحدها
ماش شرط تكون قبل العرس بعد تتصرف فيها لعروسة كيف تحبّ
عطيّة لعروس فيها التصديرة والحنّة
ويجيبولها واش شرطت
قشّات وحاجات يشريوهم موالين لعريس ويجيبو معاهم الذهب لي شرطتو في الشرط
يكون عادة مقياس ولا بقّاط المهم واش تفاهمو

​

اه فهمت ،، حنايا هنا كانت موجودة وراحت ،، كانوا يسموها العطورية ،، يجنو يحنولها ويجيبولها الذهب والفاليزة

بصح الان ، عادت حنة العروسة وحدها وحنة العريس وحدة ،،،


والشرط والذهب يجيبوهم مع بعضاهم قبل العرس بمدة ،،، والفاليزا ماعادش ،،، قلييييييييييل اللي يديرها ،،،،،،، يجيبولها الكوسميتيك بكثرة وطايورات وحجابات ،،،، هذا الكل ايامات الخطبة ،، بصح في العرس كلشي تشريه وحدها

 

[@احساس طفلة@]

الفاليزة يجيبوها في لفيونساي
أما الشرط هي الدراهم والذهب وحده وكاينا الي يجيبو حق الذهب دراهم
الجزائر كبيرة وعادات والتقاليد بزاف ومتنوعة كل ولاية عندها عاداتها
متستغربيش كي تسمعي بحاجة خارجة عادة ​

 

[la rose de sable]

الفاليزة يجيبوها في لفيونساي
أما الشرط هي الدراهم والذهب وحده وكاينا الي يجيبو حق الذهب دراهم
الجزائر كبيرة وعادات والتقاليد بزاف ومتنوعة كل ولاية عندها عاداتها
متستغربيش كي تسمعي بحاجة خارجة عادة ​

هههههه شفتي ،، قلتيلي الفاليزة يديروها في الفيونصاي ؟؟؟ صافي اللي مادارتش فيونصاي طفرت فيها ؟؟؟؟ ،،،

شكلي الليلة بش ندير مصيبة ؟

 

[السلطانة]

الفاليزة يجيبوها في لفيونساي
أما الشرط هي الدراهم والذهب وحده وكاينا الي يجيبو حق الذهب دراهم
الجزائر كبيرة وعادات والتقاليد بزاف ومتنوعة كل ولاية عندها عاداتها
متستغربيش كي تسمعي بحاجة خارجة عادة ​

حنا في الفيونساي ميجيبوش الفاليزة
من غير الخاتم تاع الذهب ميجيبو حتى شي

​

 

[نجمة ساطعة]

15 مليون ونعجة مع حوايجها سكر قهوة قيق بزاف حوايج وفاليزة واربع لويز

 

[la rose de sable]

15 مليون ونعجة مع حوايجها سكر قهوة قيق بزاف حوايج وفاليزة واربع لويز

هذا المهر 15 مليون ؟؟؟ بلا ذهب

 

[نجمة ساطعة]

هذا المهر 15 مليون ؟؟؟ بلا ذهب

ايه بلا ذهب ختي

 

[hiba14]

مممم مليح تعلمنا شوي المهم
احنا المهر هو الدراهم و الشرط هو الدهب و الفاليزة احنا نقولو الطبق يجيبوه في الفيونساي كي ديرو الشيرة

 

[mima mami]

المهر هو المبلغ الدي تعطى به البنت و المتفق عليه من قبل الجماعة و كل مدينة تختلف عن الاخرى و ملازمش يخرجو عليه اما الشرط فهو ادا حبت البنت او اهلها اشتراط الدهب و الفليزة و غيرها و حتى مبلغ اخر زيادة عن المهر

 

[Ĉoĕǔŕ Dề Ḟľeuŗ]

وي كل ولاية وعاداتها
حنا عندنا المهر لي هو الدراهم كل واحد وكيفاه والاغلبية 10 ملاين
الشرط هو الذهب
وفي الفيونصاي من غير الخاتم تاني يجبولها طبق الحنة والفاليزة والا مابغاتش يمدولها دراهم ومايجبولها والو

 

[la rose de sable]

مممم مليح تعلمنا شوي المهم
احنا المهر هو الدراهم و الشرط هو الدهب و الفاليزة احنا نقولو الطبق يجيبوه في الفيونساي كي ديرو الشيرة

المهر هو المبلغ الدي تعطى به البنت و المتفق عليه من قبل الجماعة و كل مدينة تختلف عن الاخرى و ملازمش يخرجو عليه اما الشرط فهو ادا حبت البنت او اهلها اشتراط الدهب و الفليزة و غيرها و حتى مبلغ اخر زيادة عن المهر

وي كل ولاية وعاداتها
حنا عندنا المهر لي هو الدراهم كل واحد وكيفاه والاغلبية 10 ملاين
الشرط هو الذهب
وفي الفيونصاي من غير الخاتم تاني يجبولها طبق الحنة والفاليزة والا مابغاتش يمدولها دراهم ومايجبولها والو

يعطيكم الصحة البنات ،، استفدنا منكم :regards01: