بليز ساعدوني واش نلبس

[samora20]

السلام عليكم واش راكم المهم منطولش عليكم راني ديرتكم في مقام اخواتي بليز ساعدوني ودبرو عليا راهم جايين يخطبوني ومعرفتش واش نلبس واش نلبس بيجامة ولا لباس عادي ولا ندخل ب الحجاب ولا بدون حجاب بليز عونوني راني نقارع لردكم بليز انا حبيت هد المرة نتوما تقترحو عليا مرنيش حابة ندير كيما المرات لفاتو ارائكم تهمني لهدا حبيتكم تشاركوني

 

[ماكانش]

أظن ماكانو هنا
تم النقل

 

[السلطانة]

ارواحي لركن العرائس را ح يساعدوك لبنات

ملتقى عرائس ومخطوبات اللمة الجزائرية/خاص باستفساراتكن حول كل ماتحتاجه العروس ‏
​

 

[dana1993]

hkti fi hkotbatha labset gandora marocain mliha bahia w régli rohek bien
hhhhhhhhhhh
rabi ykaml flfarh w lahna enchalah

 

[طيور السلام]

ألف مبروك الخطوبة أختآه
المهم اللباس اللي تكوني بيه مرتآحة ​

 

[samora20]

هدي اول مرة رايحين يشفوني يعني مزال مبان والو

 

[Ĉoĕǔŕ Dề Ḟľeuŗ]

اوكى حبيبتي ربي يسهل
لالا متلبسيش بيجامة ومراكيش رايحة تلبسي روب سواري
لازملك عباية عادية وتكون شابة مي ماشي نتاع دار
والا كان عندك عباية سورية تقدي تلبسيها
وشوية مكياج متكتريش
وشعرك نورمال طلقيه ولا مشطي حاجة تكون سانبل
وربي يسهل سلااااام

 

[samora20]

شكرا على الرد والمساعدة

 

[بنت الـ25]

أختي ان شاء الله ربي يقدم اللي فيه الخير
كيما راكي عارفة انو المظهر الخارجي هو الأساس لأخذ الانطباع الأول من أهل العريس
ولهذا لازمك تختاري الثوب لي رايحة تقابليهم بيه بكل عناية
انا في راي البسي قفطان يكون بالدرعين
ولونو يكون فرح مثلا وردي فاتح
ومزين بأحجار واكسسوارات ذهبية فهي تضفي رونقا وجمالا للفتاة

أو ثوب مثل هذا رووووووووووووووعة

بالنسبة للماكياج متكثريش بزاف ديري في حدود المعقول خلي ملامح وجهك تظهر بدون مبالغة
ديري الوان فرحة أيضا وبسيطة كالزهري في الخدود والشفتين يكون لماع
عندما تبتسمي ابتسمي بوقار كيما قتلك خليهم باخذو عليك انطباع حسن

اعتدلي في جلستك والأهم تزيني بثوب الحياء فهو تاج كل عروس

وفالأخير ربي يفرحنا بيك وبكامل بنات اللمة

​

 

[la rose de sable]

ما تتصنعيش وكوني بسيطة اهم شيء ، وشوفي وش يخرج على لاطاي تاعك والبسي ،،

توكلي على ربي

 

[♥SaMoù Là MoDèsTe♥]

عآدي جدآ
مآ تلبسيش البيجآمآ ومآ تلبسيش كسوة ثقيلة تآع تصديرة لآلآلأآآآآ
إذآ كنتي في وجهك تبآني صغيرة وتخآفي إذآ مآ يعجبهمش الحآل ألبسي عبآية سعودية أو خليجية مزركشة مي مآهيش مزركشة بزآف وشآبة
أو تقدري تلبسي tailleure بصح يكون سآآمـpــل مآشي تآع soiré
أو robe شـآبة مآشي تآع دآر ومآهيش soiré المهم تكون robe تآع صبآيآ تبين أنوثتك
أو jupe و بودي
و انتآبهي في جميع الحآلآت لآزم تكون ملآبس محتشمة مآ تتعدآش الركبتين بآش مآيقولوش مآهيش بنت فآميليآ
ومــآ تنسآيش الإبتسآمة الخفيفة والوجه البشوش و قلة الكلآم

 

[♥SaMoù Là MoDèsTe♥]

بالنسبة للعبآية الخليجية قآدرة تلبسي وحدة كيما هآك مي تكون شوية سامـPـل عليهـآ

أو حآجة تشبه لهآذي مثلآ

 

[samora20]

بليز راهم جايين اليوم في العشية ساعدوني

 

[نسمات إيمانية]

بما أنك صغيرة في السن تفادي الجبة البسي شي يعكس سنك وكوني بسيطة بلا مواد تجميل فحيائك يضفي نور واشراقة لوجهك خليك طبيعية عفوية في تصرافتك اي لبس يكون نضيف جديد تلبسيه عادة في المناسبات او لإستقبال الضيوف اول القاء مهم _شي مهم حصني نفسي بالقرآن والأذكار

 

[***سوسن الجزائرية]

أختي بما أن سنك صغير ماتلبسيش حاجة تبينك كبيرة ألبسي كاش غوب قصيرة يعني عند الركبة وماديريش مواد التجميل بزاف ديري حجة كلاغ...
يسر الله أمورك أختي.
​

 

[السلطانة]

تقدري تلبسي غوب طويلة سامبل مع الكور
مودال بوليغو يكون لونها زاهي روز ولا موف ولا باج المهم لون تاع عرايس

حنا في ولايتنا منلبسوش لقصير نهار الخطبة باسكو يقولولك ماش محترمتنا ولا كاشما يهدرو ...

​

 

[***سوسن الجزائرية]

تقدري تلبسي غوب طويلة سامبل مع الكور
مودال بوليغو يكون لونها زاهي روز ولا موف ولا باج المهم لون تاع عرايس

حنا في ولايتنا منلبسوش لقصير نهار الخطبة باسكو يقولولك ماش محترمتنا ولا كاشما يهدرو ...

​

حنا عادي عندنا وشنو تكون عند الركبة يعني ماشي مفضوحة

 

[السلطانة]

تمّت تلبيّة الطّلب
يُغلق الموضوع

​