مـآذآ ستطبخيــن اليـوم سيدتــي / آنستــي ,, الجــــــ 19 ـــزء

[oumniati]

جماعة حابين يسمانو داخلين على لعجين،:up: وجماعة يرضعو ياكلو على جال لحليب،:up: وجماعة يتوحمو لازم اللي يتشهاوها ياكلوها،:up: وجماعة عندهم لاطاي ياكلو بالقدر:up:، وجماعة ماعندهم حتى حاجة من هاذو بصح ياكلو معاهم كاااااااامل:down::p ههههههههههه

بصحتكم يالعفوفات لوكان يطاوعني سي السيد نديرها غدوة:d

سؤال : ماهو الفرق بين الشخشوخة البسكرية والمسيلية؟ مع التعليل.

صغرونة الروسات ماشي جديدة ياعميرة هذيك تاع كيلة من كلشي

نخليكم عندي اشغال شاقة اليوم باه غدوة نكون لييييييييييبر سلامي

 

[nada242008]

الله يسلمك لويزة عليك وعلى نيوجيرزي ههههه
عفاف بصحتك الشخشوخة لميلية واللمة مع الاهل
ابتسام ههههههههههههههه ضحكتيني على عيسى المرة الجاية قولو لا كراب لا بان كيك ...قوليلو غرايف بالفرينة هههه جاوك هايلين والمالحين ثاني روعة بصحتكم
خيرة فرق في المكونات وطريقة التحضير والتقديم هههه
الشخشوخة لبسكرية راهي في دورة الطبخ لي حطتها فايزة والمسيلية في دورة الطبخ رقم 2

 

[ibtesem]

خيرة احنا وين صنفتينا وقيل في هدي الجملة المفيدة

وجماعة ماعندهم حتى حاجة من هاذو بصح ياكلو معاهم كاااااااامل:down::p ههههههههههه

 

[ام منصف]

دخلت نشوف الهمبرغر نتاع فوفة لقيت تطبيق خيرورة
oumniati
تطبيق رائع يعطيك الصحة على الحلو والمالح شكرا على الثقة واتمنى انه يكون عجبك :up:
والتصنيفات اللي درتيهم روعة مانسيتي حتى صنف :p
بوح المشاعر
اهلا سوسو هكذا نتفاهمو متشرفين اختي وبصحتكم البيتزا
merieme hassi
اهلا بالغالية ام مريم واسي توحشنا طلتك علينا وجامي ننساوك بالدعاء حبيبتي ربي يكون معاك
nada242008
شخشوخة نتاع حراير عفاف بصحتكم بسومة غير وجدي نواظرك وحطيهم حذاك باش تشوفي مليح :p
عفاف الجزائرية
بصحتك الشخشوخة المسيلية وخاصة مع الجملة ربي يدومها
ibtesem
اه يا الريجيم اللي راح في لي كراب مالحين وحلوين بصح جاوك هايلين يعطيك الصحة وبصحتو عيسى بان كيك :-r
-------
فوفة ماتنسايناش بالصور وبصحتها لموسة
​

 

[oumniati]

بصحتكم بسوم عشاك هايل، كيفاه درتيهم ليكراب مالحين بلاصوص؟
وراسك غير كليت الهمبرغر بصح واحد برك:d ماكبرتهمش بزاف عمرتو مايوناز ملتحت و ملفوق هههههه فيه يجي 1000 كالوري:-o هههههههه

 

[oumniati]

بسوم ههههههه هاااااذاك هو الصنف تاعنا

شوشو والله جاو هايلين يعطيك الصحة انا درت نصف المقادير خرجولي 11 حبة مقدرة 90 غ للوحدة
راني صورتهم كي طابو، انا غالبا ندير زريعة الكتان في الخبز لفايدتها

شكرا ندوش ضرك نقارن بينهم

 

[ibtesem]

ههههههههههههههههه وحدك كون عملتي مايوناز من الفوق لهريسة من تحت يمييمي
بصحتك الفايدة في الصحة
::::::::::::::::::::::::::::::::::::::::::::::

لي كراب المالحين
لحم مرحي طيبتو مع الملح وفلفل اسود كي طاب خليتو برد حطيتلو الفرمان موزدارلة والتشيدر مع ويتون انا ماحطيتش لانو لابنات مايحبوش الزيتون
من جهة اخرى تسخني الماء تقطعي البصل والمعدنوس خلي غير يدبال او ضفيه الى اللحم
عمري بالوحدة ولفيها حطيها في البلاطو الى ان تنتهي
تكوني حضرتي لابشامال والصوص طوماط بالزيت الزيتون والصلصة الطماطم والتوم
حطي الصوص هو الاول من بعد البيشاميل والفرماج
شهية طيبة ياخيرو

 

[ام منصف]

يعطيك الصحة خيرة
شفتي يجي خفيف ريشة
يعني تقدري وانت ريجيم تاكلي منه مسموح هههههههههه
​

 

[oumniati]

merci 3lik bassoum , ana nrouh khlass, 3mitha

 

[oumniati]

لبنات قبل ماننسى فوفة كتبتلي هذاك النهار روسات تاع شوفلور مرحي مع الصدر مالقيتهاش، اللي عندها تسلكني نديرها اليوم ربي يخليكم

 

[ام صلاح]

سلاااااااااااام للجميع وجمعة مباركة للغاليات بدون استثناااااااااااء هادو الايام برك وين قدرت بسيف رجعولي العضوية ههههههه
تحية خاصة جدااااااااا لهنودة وابتسام
ام ندى و ام اماني وام منصف وايمان والحبيبة روعة لكن اغى تحية وارقها
امنياتي واشراك والله توحشتك وتوحشت حكاياتك علبالك انا صنفيني من الناس الي ياكلو علجال الحليب لاني نرضع ههه
ولك وصفة طاجين الشوفلور للحبيبة فوفة جربتها وجات امممممممممم
نحتاج صدر دجاج + اربع الى خمس زهرات شفلور + اربع او خمس حبات بطاطا متوسطة
.ننزع العظم من الدجاج ونرحيه نيء في الروبو ونزيدو نرحيو الشفلور نيء ايضا
نضيف لهما بيضة + ملعقة فرينة + فلفل حار ودبشة مقطعين رقيق + ملح وتوابل + ثوم ونخلط
نشكلها كويرات تكون نوعا ما كبيرة باه تعطي فخامة للطبق ونرمدها في الفرينة ونضعها في الثلاجة
نجهز المرق
نضع في قدر كبير ومسطح عظم الدجاج + نص بصلة مفرومة + ثوم + شوية زيت + فلفل حار + 2ورق رند +ملح فلفل اسود كسبر فلفل احمر حار
نقلي على نار هادئة ثم نضيف شوية ماء ساخن + ملعقة طماطم ونقلي
نمرق بالماء الساخن ونغطيها ونخليها على نار هادية وفي هذه الاثناء نقشر البطاطا نغسلها نقسمها على اربع
نضع قليل من الزيت في مقلاة ونحمر البطاطا بعد ما يسخن الزيت مليح
ننزعها نضيفها للمرق وفي نفس الزيت نخرج الكريات من الثلاجة ونقليهم
مباشرة بعد ما يحماروانضيفهم للمرق مع بعض ونخليهم يطيبو يجي بنين بزااااف

 

[nada242008]

الله يسلمك ام منصف وصحا غداك انت ثاني بصح ماقلتيش ؟ هههههههه
ورايحين نحطوك في قائمة لي مينسى حتى واحد في ردو مع اسومة وسوسو بوحة
احلى سلام واجمل تحية لام عدولة وصلاح اهلا بيك نورتينا يعطيك الصحة على نقل الوصفة

 

[ibtesem]

مرحبا بيك ام صلاح واش راكي
شكرا على التحية المميزة

 

[ام سيف]

نرحي الدجاج نيء+ شفلور نيء+بيضة+مغرفة فرينة++فلفل حار+دبشة ملح توابل ثوم
ويخلط بشكل اصابع وترمد في الفرينةوتوضع في الثلاجة ثم تقلى هي والبطاطا مقطعة ارباع
ثم ترمى في المرق الي حضرتيه طيب شوية وتقدم وشهية طيبة مسبقا
هذا غدايا اليوم دارتو اية بنتي
[/cen

مطلوع الشحمة

 

[ibtesem]

ام صلاح لحقتي عرفتي هنودى ديجى رغم راهي متخبيا مسكينة هههههههههههههههههه

 

[ام صلاح]

الله يسلمك حبيبتي ام ندى وربي يخليلك هداك البوبون الي في التوقيع قوليلي لمن يشبه ميشبهش بزاف لندى
ولو يا ابتسام راها عشرة عمر يا الغالية

 

[ibtesem]

بصحتكم ام سيفو اه كون غير مقلتيش واش هو خليتي الصورة برك ههههههههههههههههههههه

 

[ibtesem]

الله يسلمك حبيبتي ام ندى وربي يخليلك هداك البوبون الي في التوقيع قوليلي لمن يشبه ميشبهش بزاف لندى
ولو يا ابتسام راها عشرة عمر يا الغالية

الله اسلمك واخليك ام صلاح
القلب للقلب بلا مانحكي انت تعرفي :$

 

[ام صلاح]

هههههههه شفتي يا ابتسام هنودة من ردودها و رقتها وروحها المرحة تبقى معروفة
غدايا اليوم كان بومفور على طريقة ابتسام ربي يخليها اممممممم علبالي مهوش زي تاع البساكرة لكن منين ندير نتفكرك وندعيلك بالخير خسارة لاباراي فاسدة المهم راكي شفتيه من قبل هههه

 

[ibtesem]

بصحتك ام صلاح سخفتيني فيه حلاتو كي عود في القصعة مع الجماعة والبوفجوخ حاصر ههههههههههههههه
دبرو عليا واش نطيب كرهت