مـآذآ ستطبخيــن اليـوم سيدتــي / آنستــي ,, الجــــــ 19 ـــزء

[oumniati]

dalila trig slama in cha allah ma tghibich 3lina bezzaf' boussili anoussa w boulboul

 

[imane27]

شهرزاد بصحتكم قرتان وسلاطة
ندودة كيكة تشهى بصحتكم وخرجة بلا ما ننساها

 

[ام اماني05]

يعطيكم الصحة يالبنات كل واحدة باسمها
اممممام ندى المسكوتة راهي طالعة كيما يحب الخاطر بصحتكم ممكن طريقتك غاليتي
ام كوثر ربي يشفيك
راني حطيت قاطو نسلي وماجور بالخطوات اممممم هايل اليكن الرابط واي سؤال راني هنا
https://www.4algeria.com/vb/showthread.php?p=4321566#post4321566

 

[nada242008]

شفتي يا امنياتي لا لقيتيني ساكتة اعرفي بلي راني غايبة هههه
سوسو الله يسلمك يا مولات الردود الطيبة
ابتسام وينك اليوم؟؟
دليلة ربي يعاونك على الرحلة وماطوليش يالغيبة يا لوكان من السيبار هههه
لويزة الله يسلمك
ام اماني مسكوتة سامبل بصح جات خفيفة ريشة
5 بيضات
8 مغارف سكر
فاني
كاس تاي زيت
3 مغارف كبار معمرين لحظة
كاس تاي ما // زعمة في بلاصة الحليب
10 مغارف كبار فرينة
2 خميرة حلوى
رشة ملح

 

[ibtesem]

ابتسام وينك اليوم؟؟

سلام عليكم يالبنات الله ابارك مشاء الله عليكم
بصحت الجميع
راني هنا ندودة عيسى مريض راني معاه

تحية مسائية للجميع

 

[ام اماني05]

شكرا عفاف على الوصفة وبصحتكم
ابتسام ربي يشفي عيسى وبصحتكم البيتزا
اختي مانيش مشتركة في الفايس بوك راسليني لهيه على الخاص احسن لاني مازلت مع مشكل الرسائل

 

[روعة2005]

ماشاء الله لبنات وربي يديم النعم
بوحة طيابكم يشهي ويبان بنين يسخف
شجون التارتولات هايلين والصابلي مخلاش ممممممممم
بسومة ربي يشافي عيسى والبيتزا مامياااااا
فريدة ربي يشافيك ياختي وطهور باذن الله
دليلة تروحي باسلامة طهلاي في روحك ولوليدات
عفوفة المسكوته تسخف الله يباااااااااارك مممممممم مع الجوز لاتعليق
شهرزاد بصحتكم الغرتان والسلطة مممممممممممم
انا عشايا جاري وسلطة منوعة
كل البنات صحا عشواتكم

 

[رآج ـية العفو]

مسآآآآآء الخيرآآآت على لحبآآآب

مممممم يعطيكم الصحة وبصحتكم وآش طيبتوا بسوم وسوسو وأم امون وأم ندوووش وشهرزآد وفوفة وكل لبنآت

هههههههههه أم أمون ديري على وآش قآتلك بسوم :-h

دليلة ليك وحشة وان شآء الله ترجعيلنآ بأقرب وقت وربي ييسرلك

فريدة حبيبتي طهور ان شآء الله سلآمآت وآش فيك؟

اختي راجية العفو مسآئك معبق بالياسمين يالغالية

ومسآآآئك جوري يآ حلوة ربي يخليك حبوبة ​

صحا قهيوتكم بنات

ان شاء الله تكونو بخير كل وحدة باسمها
عملت شوية سابلي وتارتولات للعشية
ان شاء الله يعجبوكم

​

أحم أحم
وآش الر اللي رآه يخليك كل يوم هنآ ههههههههههه
أهلين ومرحبتين يالغوآآلي يعطيك الصحة حبيبتي انآ ندي طبسي السآبلي ههههه
وينك هآملة يآ مخلوقة ​

 

[prncess fifi]

روعة سقسيتيني واش من وصفة عملت تاع الدونات عملت وصفة عندي 6 سنين معتمدتها اعطهاني وحد الجزائرية هنا

 

[ام حنان13]

السلام عليكم
واش راكم يا نسا
ان شاءلا الله تكونو كامل ملاح
ربي يسعدكم ويهنيكم
ويعطيكم الصحة على الاطباق والحلويات الي تشهي

 

[shahrazad]

سلام
امنيتي هاداك قراتان تاع بطاطا باللحم المرحي والبصل نقطعو ونقليه جي البنة تاع البصل هاايلة
ايمان ختي بصحتكم لعشا
رووعة بصحتكم الجاري والسلاطة
ختي ابتسام بصحتكم البيتزا وربي يرزق الشفاء لعيسى يارب
راجية وام اماني بصحتكم
ام حنان مرحبا بيك ان شاء الله تكوني مليحة شاركينا

تصبحو على خير
في امان الله

​

 

[عفاف الجزائرية]

ماشالله كيكات وارزات وغراتانات وبيتزايات ورشتاتات وصابليات وتارتولاتات وات ات ات ات آآآآآآآآآآت
بصحتكم كامل عشاواتكم
احنا ليوم معروضين عند اختي دارتلنا دولمة
ودرت انا عجيجات باللب نتاع الكورجات اولبطاطا والزرودية تجي هايلة نعاودها ونحطها في موضوع
مع دجاج في الفور
وفلفل
سلاطة
ومطلوع
جيت نصور منين قعدنا وبابا مقابلني وراجلها حشمت على روحي
​

 

[بوح المشاعر]

السلام عليكم
طاب مسائكم بالخير يالغاليات
صحا عشواتكم الكل بدون استثناء
اختي ابتسام الله يشافي وليدك ويحفظهولك من كل سوء
احنا لعشاء درنا بكبوكة وسلطة وديسار كان عنب
بصح انا ملحقت حتى على حاجة كانو عندنا ضياف
لحقت على الخبز برك ايا درت فيه لفرماج و تعشيت بيه


​

 

[روعة2005]

السلام عليكم
فوفة بصحتك العرضة واطهلاي في روحك الزينة
بوحة صح ساعات والله الواحد مايلحقش المهم كي صدرتو الضياف
عشاء البارح
جاري

وسلطة

واليوم باقلي في الثلاجة رشته وجاري وزدت عليهم اصابع التونة للغالية اسومة ممممم

وسلطة فلفل مشويه/ حميس/

بصحتكم لبنات وربي يجعلنا من الشاكرين

 

[رآج ـية العفو]

أهلآ لبنآت ومرحبآ بالمتلحقآت

مممممم يآ فوفة نجي نفطر عندك في دآرنآ من البآرح رآني بلآ مآكلة هههههههه
اضرآآآآب مي في الخفآء رآني جيعآنة هههههههههههه
رسليلي غي طبسي الصبيعآت خخخخخخخخخخ

يعطيك الصحة يالغآلية يآريتني مآ دخلتش ههههههههه​

 

[روعة2005]

ياعمري على اسومة جيعانة وانا هنا ودي تيجي ههههههه ابقاي كيما راكي للعشاء نعرضك على صحن عيش ملي يحبو قلبك

 

[رآج ـية العفو]

ياعمري على اسومة جيعانة وانا هنا ودي تيجي ههههههه ابقاي كيما راكي للعشاء نعرضك على صحن عيش ملي يحبو قلبك

يعني رآني زعفآنة ومش بآغيتهم يشوفوني نآكل مي جبتهآ في روحي
هههههههههههههههه
مممممممممممممممممم لآآآآآآآآآآآآآآ مآ تحطيش العيش اليوم تحطيه نجيفك
ههههههه الإضرآب مزآل متوآصل هآ خليني هآك خيرلي ههههههههه​

 

[nada242008]

الله الله يا فوفة اطباق تشهي سيرتو الحميس اممممممممممممممممممممم
همبرغر بصح الخبز مشري

وندى قاتلي حتى انا صوريلي الطبسي تاعي

 

[حاملـة المسك]

السلام عليكم

جملين و رايعين كلكم :up:

تبارك الله عليكم لبنات كلش ماشاء الله من يديكم
صحاب الحلويات كتحطو قاطواتكم زيدو ... تحذير : السكر مضر بالصحة
لفنيان باش يطيب كما حالتي راه يامنكم و لي نافح طبعا يقول ..الله ساتر
روعة دائما رائعة في كوزينتك ...و النعم كلها من الله و الحمد لله
كلش خفيف و متحوف أم ندى ... و الاحلى صحن ندوش :p
اليوم تغلبت شويا على تفنين التصوير و جبتلكم

دولمة سردين

سلطة في طور التحضير :p

طاجين الشفلور لروعة و ام رامي مع بعض الاضافات في التوابل

gـرونادين منزلي

بصحتكم جميعا​

 

[روعة2005]

هههههههه اسومة انا كنت ندير اضراب بصح نشبعها في الخفاء هيهيهيهيهيه
=
فوفة ممممممم همبرغر هايل بصح في صحن ندوش جاء خير مممممممم هههه