مـآذآ ستطبخيــن اليـوم سيدتــي / آنستــي ,, الجــــــ 19 ـــزء

[روعة2005]

السلام عليكم
الله يبارك شريفة مممممممممم مرقاز وفريت حسبني بنت اخوك ههههههههههههه
حدة وانيسة الله يبارك المينو راهو عامر من كل خير ممممممممممم
خيرة الزيتون راهو مترحرح الله الله بصحتك مسبقا والجاج والروز يمي يمي
فيفي طيابك يسخف
عفوفة مممممممم شهيتيني في المحاجب بصحتكم
ام ندى وفريدة وشهرا وبوحة لي مبانتش واسومة وهدى وبسومة وووووووووووووووو ربي يزيدكم من نعيمو
شهرا هذه الكريمة بطريقة فوفة
https://www.4algeria.com/vb/showthread.php?t=344693
غدايا شخشوخة مسمن

 

[anissa 13]

‏امة الرحمن
Djazaire-El-Ghalia
‏ روعة2005

راكم هنا وسمحتو فالدار
مين ندخلها نصيب راسي وحدي نعطيها نخاف
بصح مين نجي لهنا نلقاكم كامل متساتفين لتحت :$
​

 

[رآج ـية العفو]

السلـآم عليكم
يسعــد صبآآحكم يالغآليآت جمعتــكم مبــآآآآركة

على سلآآمة حدودة هآذي غيبة ان شآء الله رآكي بخييير يعطيك الصحة أطبآق تشهي
أنوسة الله يبآآآآآآآآآآآرك ويزيد أطبآق تشهييي يعطيك الصحة وبصحتكم

لبنآت الكل فيفي وخيرورة وشوشو وفوفة وفريدة وعفوفة الكل بصحتكم وآش طيبتوا

صح غدآوآتكم يآ بنآآت
​

 

[رآج ـية العفو]

شريفة
والشعارات هادوك يليقو علي صحاب وزن الذبابة كيما نتي مش صحاب الوزن الثقيل هههههههههه

هههههههههه آآآآآه معلآبآليش انو شوشو من جمآآعتي :up:
:p
​

 

[oumniati]

salam 3likoum

anissa allah ybarek tyabek haaaaaaaayel, ya3tik saha ma 3raft wech nkhayer, goulili kifech yji gratin spaguetti

haddouda allah ybarek koulchi ychahi ki el 3ada, w hadouk lamhajeb rahoum kamlou 3lia

foufa allah ysalmek w bsahtek enti chekhchoukha

fifi, bsahatkoum 3chek ychahi, moumkin tariktek fi el jaj w batata rahoum mmmmm

:up:Assoum sbah nour 3lik, in cha allah koulchi tamam

 

[omarwa]

بصحتكم لبنات اطباقكم تشهي

 

[ibtesem]

سلام عليكم مسا الخيرات عليكم
شهية طيبة للجميع

 

[MĺŹǾ žĕĥÔŖ]

السلااااااااااام عليكم

جمعة مباركة للجمييييييييييييييييييييع

وصحااااااااا غداكم

هاد الكسكسي (الطعام ديالنا) ديال كل جمعة


ما تنساوش سورة الكهف لبناااااااااات


سلامي ليكم
​

 

[nada242008]

السلام عليكم وجمعة مباركة
يعطيكم الصحة عل الاطباق الرائعة ومرحبا بيك حدة نورتينا
بقالي جاري من لبارح زدت بوراك وخبز وسلاطة

 

[naGam]

صح غداواتكم كامل
واختي nada242008 قوليلي الخبز هاذاك شريتيه ولا خدمتيه
واذا طيبتيه قوليلي كيفاه طريقتو تعيشي
​

 

[ام منة]

السلام عليكم جمعة مباركة
بصحتكم واش طيبتوا ربي يديم عليكم الخير

 

[oumniati]

الله يبارك ندوش من الجاري لهذاك البوراك لمستف لهذاك الخبز والزوم تاعو اللي غطى على كلشي راه تعذيب في تعذيب
لازم تكتبي ممنوع لذوي القلوب الرهيفة ههههههه
بصحتكم يالزين ويخي علابالك ماذا بيك الوصفة


ام منة اهلا وسهلا بيك ان شاء الله تلقاي راحتك معانا

 

[كوثر الوهرانية]

jomo3a mobaraka 3ala el jami3e
bssahat ghedakoume allah yebarek
koulchi hayel
nadoucha raki chef 100/100
lagheda darte soupe w corokete de riz
w lel kahwa darte basboussa

 

[oumniati]

انا اليوم عينيا دارو في الكيكة تاع ام سامي منين ندور نلقى تطبيق، قلبي ماتحملش راني معولة عليها وأمري الى الله

 

[nada242008]

الله يسلمكم لبنات
خيرة قلوبنا رهيفة كل هههههه سخفتني لبارح فوفة في لي تارتولات راهم يطيبو في الكوشة هههه
كون مش هاذ الموضوع راهي النفحة ماكانش
فريدة بصحتك لاسوب و الكروكات والله يحفظك اختي
ايمان الخبز درتو في الدار وكون جا مشري مانديرش الزوم للخباز :p هههه
المقادير عندي ديما المشكل في الفرينة مانكيلش عيني مبزاني برك وزيد مدايرتها في باط نكب برك ونعجن ههه
المهم
شوية فرينة تدير 3 خبزات لي صورتهم حوالي 300 غ
م ك سكر
م ك خميرة خبز
وكاس تاي صغير زيت وملح وبسست الفرينة بهذا الخليط
ومن بعد خلطت بياض بيضة مع 2 مغارف لحظة و كاس تاي ما زهر وزدتهم لخليط الفرينة وبليت بشو ي ما دافئ حتان تتحصلي على عجينة طرية تغطيها وتخليها تخمر
قسمتها الى كويرات .. كل كرية تحليها عل شكل مستطيل وتروليها وتحكميها مليح باش ماتتحلش وتشقيهم شوي بالموس وتخليهم يخمرو
وفي الاخير تدهنيهم بصفار + شوية خل ودخليهم يطيبو في فرن مسخن مسبقا

 

[nada242008]

انا اليوم عينيا دارو في الكيكة تاع ام سامي منين ندور نلقى تطبيق، قلبي ماتحملش راني معولة عليها وأمري الى الله

خيرة ماكنتيش معانا في اللمة كي حطتهم اول مرة فوفة وطبقناهم كل كالعادة يخي تعرفي كي تجي الحملة :d

 

[prncess fifi]

السلام عليكم ياالبنات
بصحتكم كامل واش طيبتو الاكلات راهم يسخفو وهداك البوراك تاع ام ندى وحدة قد اختها يعطيك الصحة
ام زكزوك اصبري عليا راني نعمل في الحلوى عندي خرجة لعشية كي نقعد نكتبهم لاختي ماشي مشكل
سلامي الى كل وحدة فيكم​

 

[oumniati]

يعطيك الصحة ياندوش على الخبز والله هااايل ماعنديش لحظة معليش؟

صار الكيكة عقبتو عليها ديجا ههههه امالا نصبر روحي راني روطار، تعرفي صح الحاجة اللي نشوف لبنات داروها نقول انا ثاني، بصح ضرك راجلي سمطهالي لا عجاجن لا قواطيط، يسمى كي ندير الحاجة تبرد فيا، الصغار ماعندهم ماكلة، علابيها بقيت دائرة مستديرة ههههههه

فيفي بعقلك حنونة، وبصحتك الخرجة انا راني كي بعو

 

[mimi53]

ميمي ربي يسهلك قوليلي واش من الاختصاص رايحة تجوزي؟
كيما انا رايحة نجوز مي مازال حتى 15 اكتوبر
​

انا رايحة نجوز في المدية كاين ماجيستار في الاقتصاد لكن حتى 15 في الشهر كيما قلتي
عدنا اقتصاد كلي -اجباري-
اقتصاد جزئي-اختياري-
اقتصاد نقدي-اختياري-
اختي شهرا ادا كاشما عندك ملخصات في الاقتصاد النقدي ياريت تلحقيني بيهم
او اي سيت راكي تقراي منو قوليلي

 

[mimi53]

salam 3elikoume bssahhatkoule labnet wache tayabtou
mimi allah yekoune m3ake w yenajhake ya rab
asouma wine biha oukheti b idrabe ya lahbiba hafdi 3ela sahtek w kache ma khassake rani hna 3eniya lika ya ghaliya

ربي يخليك ويعيشك اختي ام كوثر دعوات مقبولة انشاء الله