مـآذآ ستطبخيــن اليـوم سيدتــي / آنستــي ,, الجــــــ 19 ـــزء

[عفاف الجزائرية]

احم احم من قلب الحدث :$

يعطيك الصحة روعة على الموضوع وشكر خاص لصاحبة الوصفة
اعطوني رايكم الا يصلح نديه كادو فيدي لعرس

​

اممممممممممم جاك هايل ويريزونتابل يستاهل ونص يروح للعرس
يعطيك الصحة ياسوو:up:

كون غير جيت حبة قاطو باه تديني معاها للعرس:$
ضيقة الخاطر رح تقتلني وليت نتمنى كاش مناسبة بعد ما كرهتهم
​

 

[أم عبد الله]

ام ندى ممممممممممممممم على ذاك الحوت يبان مشوي مممممممممم
الاخت نينا الروينة نديرولها الحليب والسكر تجي ممممممممممممم تسخف وتتكل هكاك

اهلين بالاخت روعة
حنونتي اسمحيلي لم انتبه لجوابك :$ آسفة
مي بقاتلي شوي :p

سييتها بالماء والسكر عادي كيما قاتلي الاخت راجية مي جاتني شوي مالحة :s
ماعرفت السبب

مي حنونتي قوليلي بالحليب كيفاه تندار نفس الحساب في بلاصة الماء اندير الحليب ولا كيفاه



ومشكورة مسبقا
سلامي

 

[ibtesem]

سلام عليكم يالبنات
صح عشواتكم
فوفتي راكي معرسة اليوم بقات غير لهريسة وينها
انا بعد المحاورات والمشاورات قررت الاتي هههههههههههه
تطبيق الارز تاع ندودة مع الكروفات بالصوص

 

[عفاف الجزائرية]

سلام عليكم يالبنات
صح عشواتكم
فوفتي راكي معرسة اليوم بقات غير لهريسة وينها
انا بعد المحاورات والمشاورات قررت الاتي هههههههههههه
تطبيق الارز تاع ندودة مع الكروفات بالصوص

ههههههه الهريسة ما صورتهاش بالتصديرة نتاعها نحوس نكمللها التصديرة ونصورها ونجيبها كي العروس هههههه

بصحتك دافونس القرار الي قررتيه
​

 

[ألاء الرحمـــن]

مرسي ددوشة طلعتيلي المورال
عفوفة وجدي روحك نجوز عليك فطريقي انا على جال العرس نبات ليلة ونرجع ههههه
دهبيتو تعجبيني كي يهدرو على بلادك الشعور والحنين يخدم هههه راح نسلم عليها شبر شبر من عيوني

​

 

[ام اماني05]

يعطيكم الصحة يالفحلات راكم كالنحلات ربي يحفظكم
غاليتي ام ندوش بصحتكم العدس ممكن تقوليلي نوع الفرماج لي حطتيه فوق الارز عندي مشكل مع نوعية الجبن خخخخ:s:s وممكن طبق البطاطا في الفرن فوقها ايضا الجبن سايح اممممم اكلك فوق الوصف ربي يحميك لشبابك راح نولي مصرية خخخخ
عفاف يعطيك الصحة عالتطبيقات راني نستنى في الهريسة خرجتلك رووووعة بصحتكم
اابتسام وحدة بصحتكم البطبوط ممكن تقولولي الفرن بين البطبوط والخبز العربي؟
روعة بصحتك الغداء برا هذي مدة ما كليتش برا راني نسنى فيه يعرضني ولا نعرض روحي :d
زهور اطباقك رااائعة وطريقة التقاطك للصور اروع يعطيك الصحة
اختي الاء بصحتك الغداء والقاطو خرجلك هااايل
http://
http://
http://
الترتولات عملتهم بعجينة ام ندى روووعة يذوبو في الفم صراحة احسن عجينة جربتها ربي يجازيك كل خير غاليتي عفاف ويجعلها في ميزان حسناتك

 

[أم علاء الدين]

أنا عضوة جديدة ياريت تقبلوني معكم موائدكم رائعة كروعتكن حبيباتي بوركتن على مجهودكن
​

 

[ibtesem]

سلام عليكم
بصحتكم لعشا ام امون
مرحبا بيك معانا ام علاء الدين
فيفي واش راكي

 

[أم فاروق]

مساء الخير جميعا توحشتكم بزاف بزاف انشاء الله تكونو بخير يارب وكل اموركم تمام
سلامي للجميع وانشاء الله راح نلتحق بيكم كل يوم اذا اراد الخالق

 

[ibtesem]

على السلامة ام فاروق واش راكي اختي هدي غيبة ان شاء الله راكي بخير وصحة تمام

 

[Djazaire-El-Ghalia]

أهلين روعيتا يومك مبارك ومليئ بالنّشاط

 

[روعة2005]

الله يبارك لبنات ربي يدوم الخير
جبتلكم تحلو

ونهارك موفق اختي حفيظة
ترحيب خاااااااص للاخت ام فاروق منورتنا
نينا اييه نفس الشئ مكان الماء نعمل حليب وبصحتك حبيبتي

 

[hadda0425]

تسنيم 55 الله يسلمك حبيبتي وليك وحشة كبيرة ان شاء الله تروح وتولي بالسلامة ولعقوية لوالديك اذا ما حجوش
روعة تسلمي حبيبتي بوخفيفي في الماكلة برك وثقيل في الخدمة ههههههه وبصحتك القاطو يبان يشهي وهو مزوق :d
زهور ربي يخليك اختي هههههههه ما تخلعي ما والو المرة الجاية نديرو موضوع وتشوفيه والكروكي جا روعة تسلمي
ياسمين عودة ميمونة حبيبتي وكل سي ممممم لذيذ يعطيك الصحة والقاطو يبان معرس كي لعروسة هايل
ابتسام بصحتك البطبوط المقلد :p هههههههههه شينوية
ام ندى يعطيك الصحة كسرة لحراير ربي يبارك بصحتكم
ومبروك الحج لعجوزتك ربي يوصلهم على خير
عجوزتي مشات البارح من قسنطينة
عفاف مسكوتة ربي يبارك تسخف شطورة هههه:up: والمعجون هايل
ام اماني تسلمي حبيبتي والله يبارك على طيابك بصحتك الروطي والحلو وتارتولات
ام اماني ممكن البطبوط يطيب في مقلة والخبز العربي يطيب في الفرن انا ما جربتش الخبز العربي ما نغلطكش ممكن الاخوات يفيدوك اكتر
اهلا بك ام علاء الدين نورتي المنتدى
على السلامة ام فاروق


​

 

[hadda0425]

البارح عشانا طجين الزيتون



هادي كيكة درتها البارح تاني







ابتسام علبالي مزلتي راقدة كيما وعدتك فنجان قهوة ماكس وال وطرف كيكة شوية برك علبالي راك ريجيم :p:p:$ بصحتك


​

 

[tasnim55]

روعة حبيبتي ولك بالمثل على الدعوة الزينة والحلوة جاتك تحفة اممممممم كلشي يطلع رائع من ايدك الله يبارك
زهور يما يما على هذاك لكروكي هااااااايل اممممم نتمنى المزيد ن وصفاتك مشاء الله وربي يوفقك في الدراسة حنونة
الاء الرحمن الف شكر على السؤال يسلمو حبيبتي وكلشي روعةلحميص ولاقرتان يشهووووو بصحتكم والقاطو جاك هايل يحمر الوجه
بسومتي امممممم بطبوطات يشهووووو والروز رائع بصحتك عزيزتي الزينة
ام ندوشة الرخساس و لعدس ومع هذاك الفلفل والله جوعتيني يالحبوبة انا من ناس ليبغو لعدس بلاك نطيبو هذو اليومين ومانخليهش في قلبي :p والف شكر على وصفة الروز غاليتي
ام اماني كلشي رائع واروع وتارتولات اممممم يشهووووو صح وصفات ندوش رائعة بدون شك ربي يحفضها ويفرحها على قد نيتها وبصحتك يالعزيزة
حدة الطاجين زيتونحاك رووووعة والكيكة طالعة كيما يحب الخاطر يعطيك الصحة
ام لاء لدين مرحبة بك معنا اخي :regards01:
ام فاروق حنونة ليك وحشة كبيرة يا اختي والله ديمة في بالي عندك بزاف ما بنتيش انشاء الله تكوني بخير
عفاف الجزائرية من فضلك وياريت حبيبي تعلمينا وتحطي موضوع هذاك لقريوش لجديد تعيشي تاع السبولة جاء هاااايل

 

[hadda0425]

تسنيم 55 تسلمي حبيبتي​

 

[oumsif]

السلام عليكم لبنات كيف احوالكم اناء الله تكونوا بخير
تسلم الايادي علي الاطباق كلها وبدون استثناء تحفة فحلات بنات بلادي
انا اليوم درت اصابع الشفلر علي طريقة بسومة ولكن انا مرغتو في لشابلير ومن بعد اقليتوا جاء روعة حتي ريحة الشفلر مكانش غابة :up: ​

 

[oumniati]

ya3tikoum saha ya banet

marhba bik oum aladdine, nawartina

oum farouk lik wahcha, in cha allah raki bkhir

kaaaamel labnet salami likoum wahda wahda

el bareh dert chawarma bel khobz el 3arabi, 3aned w la tahssed hhhh


oum amani
el batbout dirih smid w farina w yji sghir w chwia khchine kima matlou3
el khobz el 3arabi ghir farina w yji rkik
bassah fi zouj ytibou fi makla kif kif

 

[oumniati]

nadouch ysakssi 3lik el khir, el bareh kount nedlhoul w nekhrouj, bassah ma kountch kadra nahder hhhh

 

[عفاف الجزائرية]

عفاف الجزائرية من فضلك وياريت حبيبي تعلمينا وتحطي موضوع هذاك لقريوش لجديد تعيشي تاع السبولة جاء هاااايل

حبيبتي تسنيم حتى انا عمري لا جربتو لكن الفكرة كيفاه ينخدم في بالي ولاغوسات تاني عندي
جايتني مناسبة نخدم فيها شوي قاطو رح نديرو على جالك واذا خرجلي هو وصلحلي ان شالله نحطو في موضوع نستفادو منو كامل
ربي يهنيك اختي
صحا غداغواتكم كامل
انا ليوم التاني عندنا الخدامة يخدمو في الدار لتحت لبارح درتلهم شخشوخة
وليوم درتلهم قليان بطاطا فلفل صوص طماطم سلاطة كوكتال وقليتلهم صدور دجاج بالتوابل والخل والبيض ولاشابلير تجي هايلة ما تنشبعش منو
جابلهم الوالد خبز السميد
والبراكة
​