هنـآ نجتمع لتحضير أفضل لبكالوُريـآ 2013 | علوم تجريبية |

[la_safa]

اهلآ نهى ، امممم مآكآن وآلو ،
غير غدوآ عندي فرض فيزيكـ على المكثفة ..
و انت وآش احوآلكـ ؟ بديتي تحفظي ولا ؟
​

 

[*Nouha*]

slt safa
non malheureusement mazal ma7fadtech
9erite chwia les 2 jours li fatou geographie m3a el kharita 7fadet fiha chwia te3 el douel li na7tajouhem
w mazaleni m3a lphisyque
3awedteha men louel
w rani fel nawawia kemelt el wi7da louela
mazaletli el wi7da 2 w el kahraba
​

 

[la_safa]

حنآ في الليسي درنآ Des Groupes و منظمين وقت ،
درت أنآ Groupe مع لبنآت ، و درنآ كل سمآنة مآدة السمآنة لي فآتت
ريفيزينآ المآت ، و هآذ السمآنة ريفيزينآ الفيزيكـ التحولآت النووية و المكثفة ..
و تفآهمنآ السمآنة الجآية نبدآو نحفظو كلشي من لول ..

هذآ البروغرآم تآعنآ لحد الآن ، لأنو مآ بقى وآلو ..
​

 

[*Nouha*]

bonne affaire hakeda li mech fahema 7aja tefhemha en+ ki tkouni wa7dek tebai tetkessli w te9ray b3a9lek w des fois mate9raiech khlass
​

bon courage

 

[la_safa]

لبنآت حنآ اليوم درنآ فرض فيزيكـ على المكثفة
جآبلنآ بآكـ 2009 للعلوم التجريبية ~
​

 

[THE GNAWIE]

السلام عليكم
ان شاء الله القراية ماشية و الحمد لله؟؟
ما بقاش بزاف...ان شاء الله ربي يوفقكم و كامل تجيبوه
و اللي قرا و توكل على ربي عمرو اذا يخيبْ
و اذا عندكم كاش استفسار راني هنا ^^
ربي معاكم

 

[la_safa]

السلام عليكم
أهلآ بـ نسومة
ان شاء الله القراية ماشية و الحمد لله؟؟
لحد الآن الحمد لله على كل حآل ،
ما بقاش بزاف...ان شاء الله ربي يوفقكم و كامل تجيبوه
و اللي قرا و توكل على ربي عمرو اذا يخيبْ
ان شــآء الله يآ ربي .. و ربي يفرحنآ كآمل ..
و انت وش أحوآلكـ مع الدرآسة !
و اذا عندكم كاش استفسار راني هنا ^^
امممم حبيت نستفسر على حآجة ، أنآ خوفي كلو من يوصل الوقت
و مآنكملوش البروغرآم .. حبيت نسقسيك العآم لي فآت في وآه حبستو
في العلوم ! لأنو حنآ لذركـ في الاتصآل العصبي و خآيفة مآنكملوش مآبقى وآلووو
و ممكن تقوليلنآ كيفآه نظمتي وقتكـ في أيآم الريفيزيون ! يعني بعد مآتكملو خلآص !
أمآ الدرآسة الحمد لله الأمور مليحة .. مع شوي خوف بركـ
ربي معاكم

والله جآبكـ ربي نآسوو هههه .. رآح نتعبوكـ معآنآ :-r ..
و مشكورهـ من ذركـ ،
​

 

[نبض الحياة]

السلآم عليكم جمآعة البكآلوريآ
وصفصف رئيسة العصآبة :p
ان شآء الله ربي يوفقكم ويحقق مآ في بآلكم ويسهل عليكم كآفة الامور
برك حبيت نقوللكم اني لاحظت ممكن تخوفآت من مجآل الميكآنيك في الفيزيك صحيح طويل مي مآشي حآجة فيه معآدلآت وحدة تجبد وحدة تحسوا روآحكم في المآت
والمنآعة تآني فيهآ نظن 12 درس مي حآولوا تفهموهآ برك مآم هي مآشي حآجة كبيرة
والحفآظة نوصيكم مآ تخلوهآش تترآكم
يآ رب تنجحوا كآمل بمعدلآت ممتآزة وتعملولنآ حفلة كبيرة :d
بالتوفيق​

 

[نبض الحياة]

صفصف العفسة نتآع ليجروب مليحة بزآآآآف مآم احنآ عملنآهآ
كنآ نديروهأ من لعشية كي نخلصوا ليكور حتى ل 6 نخرجوا
وخرجت علينا بفآئدة كبيرة​

 

[la_safa]

السلآم عليكم جمآعة البكآلوريآ
و عليكـ السلآم يآ طبيبتنآ ، هذآ نهآر مبروكـ يآ سيدي :$
وصفصف رئيسة العصآبة :p
ههههـ أيوآآه مآم في الليسي هكآ يقولولي :d
ان شآء الله ربي يوفقكم ويحقق مآ في بآلكم ويسهل عليكم كآفة الامور
اللهم آمين ، ان شآء الله بركـ نتوفقو و ادعيلنآ بركـ ..
برك حبيت نقوللكم اني لاحظت ممكن تخوفآت من مجآل الميكآنيك في الفيزيك صحيح طويل مي مآشي حآجة فيه معآدلآت وحدة تجبد وحدة تحسوا روآحكم في المآت
يآآآآي اذآ فيهآ المآت مآلآ هآيلة :up: .. هو صح يقولو صعيبة
خوفونآ بيهآ قبل مآ نوصلولهآ مي الاستآذ يقلنآ طويلة مآتجو تكملوهآ تنسو لول
والمنآعة تآني فيهآ نظن 12 درس مي حآولوا تفهموهآ برك مآم هي مآشي حآجة كبيرة
أحلى دروس في العلوم كآمل هي دروس المنآعة :up: .. أنآ عجبتني
لدرجة كبيييييرة ، غير طويـــلة حتى هي ..
والحفآظة نوصيكم مآ تخلوهآش تترآكم
الحمد لله لحد الآن مآشية بكل درس لآزم يتحفظ غير لآزمنآ نعآودو من لول ..
و ابتدآءً من السمآنة الجآية رآح نبدى كلشي من لول سيرتو التآريخ ..
يآ رب تنجحوا كآمل بمعدلآت ممتآزة وتعملولنآ حفلة كبيرة :d
ان شــــــــــــــآء الله يآ ربي ..
نتومآ عليكم تدعولنآ بدعوآت توفقنآ و حنآ علينآ العرس من بعد
:yahoo01::yahoo01::yahoo01::yahoo01::yahoo01:
بالتوفيق​

مشكوووورهـ حبيبتي رقية ، نصآئحكـ على العين و الرآس ..
و ان شآء الله مع لخر نفرحو كآآآمل ..
​

 

[la_safa]

صفصف العفسة نتآع ليجروب مليحة بزآآآآف مآم احنآ عملنآهآ
كنآ نديروهأ من لعشية كي نخلصوا ليكور حتى ل 6 نخرجوا
وخرجت علينا بفآئدة كبيرة​

مآم انآ ملي بدينآ ف لي غروب حسيت بفرق ، لآخآطر وحدكـ في الدآر
يحكمكـ التفنيين أمآ مع بعضآنآ فووور حتى لي نآسي حآجة يكملهآلو لوخر
و استفدنآ بزآف كي عآد كل وحدة تقرى في ليكور عند وآحد ..
يعني كل وحدة تجيبلنآ معلومة جديدة .. ان شآء الله ربي يوفقنآ ..
حنآ رآنآ نديرو لي علينآ و ان شآء الله ربي مآ يخيبنآش ..

كآشمآ تتفكري كآش نصيحة وليلنآ حبوبتي .. والله سررت بوجودكـ :-r ~
​

 

[THE GNAWIE]

والله جآبكـ ربي نآسوو هههه .. رآح نتعبوكـ معآنآ :-r ..
و مشكورهـ من ذركـ ،
​

سلام
العلوم كملنا كلش غير جيولوجي
مي ما تتقلقيش تكملو البروغرام و يبقالكم الوقت ...عادي
بالنسبة للمراجعة علوم ماشي كامل حاجة كبيرة كي تكملو البروغرام و اذا كنتِ تبعي بالتفصيل الدرس...زيدي حلي شوية تمارين برك لكل وحدة و هي فرات
الحفيظة تاني...فنهاية العام تلقاي روحك شفيتي برك مراجعة خفيفة
المات و الفيزيك حلي تمارين قد ما قدرتي...باسكو كل تمرين فيه فكرة
و هاذي هي...
bla mzeya safsoufa
ma t5afouch c facile
et bon courage

 

[la_safa]

سلام
العلوم كملنا كلش غير جيولوجي
مي ما تتقلقيش تكملو البروغرام و يبقالكم الوقت ...عادي
انآ هآذي الحآجة لي خآيفة منهآ والله ، خآيفة لآ مآ نكملوش
و مبعد يولو يزربولنآ ، خصوصآ كي قآلولنآ بلي الطآقة هي أصعب دروس ..

بالنسبة للمراجعة علوم ماشي كامل حاجة كبيرة كي تكملو البروغرام و اذا كنتِ تبعي بالتفصيل الدرس...زيدي حلي شوية تمارين برك لكل وحدة و هي فرات
صح عندكـ حق ، العلوم مآشي حآجة كبيرة ..
الحفيظة تاني...فنهاية العام تلقاي روحك شفيتي برك مراجعة خفيفة
ان شآء الله ..
المات و الفيزيك حلي تمارين قد ما قدرتي...باسكو كل تمرين فيه فكرة
و هاذي هي...
ان شآء الله يآ ربي .. سيرتو المآت فيهآ بزآف أفكآر ..
bla mzeya safsoufa
ma t5afouch c facile
et bon courage

الله يخليكـ نسومة و يعطيكـ مآ تتمنآي ..
مشكووووورهـ :-r ~
​

 

[طير الجنة]

السلآم عليكم جمآعة البكآلوريآ
و عليكم السلام حبيبتي
وصفصف رئيسة العصآبة :p
ان شآء الله ربي يوفقكم ويحقق مآ في بآلكم ويسهل عليكم كآفة الامور
آآآآمين يا رب من فمك الى باب السمآء
برك حبيت نقوللكم اني لاحظت ممكن تخوفآت من مجآل الميكآنيك في الفيزيك
صحيح طويل مي مآشي حآجة فيه معآدلآت وحدة تجبد وحدة تحسوا روآحكم في المآت
وي كاينة
راهم غير يخلعوا فينا
والمنآعة تآني فيهآ نظن 12 درس مي حآولوا تفهموهآ برك مآم هي مآشي حآجة كبيرة
أنا جاتني شوية باسكوا خبطونا بواحد السيجي ف الدوفوار صعيب
والحفآظة نوصيكم مآ تخلوهآش تترآكم
ان شاء الله يا ربي
يآ رب تنجحوا كآمل بمعدلآت ممتآزة وتعملولنآ حفلة كبيرة :d
بالتوفيق
آآآآآآآآآآآآآآآآآآآمييييييييييييييين يآ رب
كي اليوم ان شاء الله
ربي يفرحك أنت تان حنونة و يحققلك اللي فبالك
أنتوما ما عليكم غير تدعولنا
و الله المستعان
​

 

[أميـــــــر زماني]

مساعدة في الفيزياء
مقابل مساعدة في العلوم الطبيعية

أنا صفـــر في الفيزياء و 20 في باقي المواد



​

 

[*Nouha*]

ok pas de probleme
wech marakech fahem ???
w ch7al jebt la moyenne louela ​

 

[*Nouha*]

http://bacalg.voila.net/
hada site ye3awnek bzf fih les lecons w des exercices​

 

[أميـــــــر زماني]

ana manich fahem physique gaaa3 men li tkhal9et
ya3ni te3tini

o2 + H2o = ???

mane3rafch cha ndir :s:s
​

 

[*Nouha*]

w ida nta mata9rahech impossible tefhemha
lazmek tedroubelha tala sa3a 3la sa3a
et puis kachma ma fhemtech 9olelna
en+ el site li ktebtou rahou fort fih les lecons w les dessins fih koulech
w kachma te7taj rana hna​

​

 

[Badech]

سلام ,’​