كويــــــرات العدس من مطبــــــخي

[shahrazad]

سلام لبنات
جبتلكم وصفة كويرات العدس ان شاء الله تعجبكم رغم انها تبان ساهلة لكن
ماشي بزاف الي يتقنوها وجيهم خفيفة

المقادير
4 حبات بصل كبار
5 سنينات ثوم
كمية معتبرة من الحشاوش-نعناع -كرافس-معدنوس-كزبرة
ملح -فلفل-كمون-كاس زيت-ماء-شوية هريسة حسب الذوق
2 ونصف كاس السميد
وممكن اضافة قليل من طماطم المصبرة

نفرم البصل والثوم ثم نفرم الحشاوش فالخلاط ونخلطهم مع بعض

ونضيفلهم السميد

نضيف الملح الفلفل والكمون ونخلط ممبعد نضيف الزيت ونخلط ايضا نبسسهم

ممبعد نبلل الخليط بحوالي نصف كاس ماء حتى نتمكن من تشكيل كويرات متماسكة

ونضعهم فالكسكاس لمدة لا تقل عن ساعة ونصف

وتأكل مع العدس

:regards01:
​

 

[إلياس]

لذيذ جدا سلمت يمناك

 

[السلطانة]

وعليكم السلام
خرجتلك هايلة وعجبتني بزاف الوصفة
ان شا ءالله نجربها
يعطيك الصحة اختي
سلامي

​

 

[ibtesem]

سبحان الله هدي الوصفة كيما عند القبايل اسموها تيكوربابين وانما هوما مايفورهاش يرموها مع مرق تاع لعدس
تجي هايلة
بصحتكم اختي شهرزاد
نجربها ان شاء الله

 

[narjes81]

وصفة جديدة عليا بصح تبان هايلة يسلمو نجربها ان شاء الله بصح عجبتني كما قالت ابتسما نرميها فالعدس

 

[shahrazad]

لذيذ جدا سلمت يمناك

شكرا على مرورك اخي
​

 

[shahrazad]

وعليكم السلام
خرجتلك هايلة وعجبتني بزاف الوصفة
ان شا ءالله نجربها
يعطيك الصحة اختي
سلامي

​

اهلا عائشة ختي
الله يخليك ان شاء الله تجربيها وتخرجلك مليح
يعطيك الصحة
​

 

[shahrazad]

سبحان الله هدي الوصفة كيما عند القبايل اسموها تيكوربابين وانما هوما مايفورهاش يرموها مع مرق تاع لعدس
تجي هايلة
بصحتكم اختي شهرزاد
نجربها ان شاء الله

صح ايه هيا بالذات حنا تاني مرات نطيبوها مع العدس
نسيت باه نقولكم هاد الطريقة وتخرج هايلة كيما قلتي
وكاين تاني بالعجين هادي روعة ان شاء الله مرة اخرى نحطها
الله يسلمك يعطيك الصحة
نورتي كي العادة


​

 

[shahrazad]

وصفة جديدة عليا بصح تبان هايلة يسلمو نجربها ان شاء الله بصح عجبتني كما قالت ابتسما نرميها فالعدس

ايه كاين مايعرفوهاش علابيها حطيتها
الطريقة تاع طيبيها مع العدس تان هايلة
ان شاء الله جربيها وتعجبك
نورتي ختي نرجس
​

 

[naGam]

شكرا ليك
​

 

[الورد الأحمر]

هذو مآ يطيبوش ?,

​

 

[shahrazad]

هذو مآ يطيبوش ?,

​

راني قلت بلي نحطوهم فالكسكاس
يعني نفوروهم

​

 

[ام اماني05]

شكرا اختي على الوصفة راهي جديدة عليا بارك الله فيك:up::up:

 

[YOUSRA11]

السلام عليكم أنا يما كانت ديرهم لنا خاصة ف لشتا نعيطولهم تيكربابين بصح ما نديرولهمش الثوم و الكمون

 

[روعة2005]

وصفة جديدة اول مرة نسمع بيها وتبان تسخف خاصة انا نحب اي حاجة عندها علاقة بالعدس مممم ان شاء الله نطبقها قريبا
بارك الله فيكي

 

[zahra09]

rabi ykhaaalik ana nmot 3lihom méé mana3rfhomch

stttp 9olil smid khchine normalment

mrç bzzzzf + ta9yiime khtiti
​

 

[prncess fifi]

حنا تاني نديروهم وديرو معهم الزعتر يابس يعطي دوق هايل​

 

[ندى الورود]

يعطيك الصحة اختي على الوصفة
​

 

[shahrazad]

يعطيكم الصحة خياتي
فرحتوني بردودكم
زهرة شكرا على التقييم
​

 

[oumniati]

ya3tik saha sahrazed chatoura, ma na3rafhach hadi el wassfa, in cha allah njarabha
?goulili, yaklouha lazem m3a la3dess