تبهديلة قدام الناس !!

[بنت الـ25]

السلام عليكم ورحمة الله وبركاته
رواد ،، رائدات منتدى وش راك تهدر حياكم الله
:regards01:

كثر الحديث بزاف على عقوق الوالدين
مي انا ليوم رايحة نحكي على عقوق الأبناء

يعني أب يعيق ابنو

متضحكوش :d راهي كاينة منها وسمعت بزاف محاضرات لمشايخ كبار في هذا الموضوع

المهم
وبدون مقدمات كثيرة

ليوم صرات قدامي وحد المشكلة هكدا بين أب وابنو
منقولكم نشعة ؟ ما نقولكم بخصة ، ولا تبهديلة
مع ان كل الطرق تؤدي إلى نفس النتيجة
المهم انتوما فاللخر احكموا

القصة بدات لما جى وحد الزبون للبيرو عندنا عندو خدمة يديرها
وكان باين عليه النرفزة .. من واش؟ الله اعلم:-r
التلفونات تتخابط وأنا مزروبة رايحة نقفل راح عليا الحال
خفت نحكي معاه يفرزني ههههههههههه:d

المهم قعد استنى وحد الإيميل جاه من لاشين
وبديت نخدملو في خدمتو لي جى على جالها

السيد معجبنيش كل دقيقة يصونيلو التلفون وهو يعيط وهايج
مبعد (ظهرلي ) حكى مع تع الدار على لعشا
كيما فهمت من القصة انو عرض جماعة عندو للعشا
وتع الدار موجدوش لأنو ببساطة مقضالهمش

سقساهم على ابنو قالولو مكانش:-o

بعد خمس دقايق نلقى ولدو دخل عندنا (يقرا فالسيام)

تصورو بدون سابق إنذار ناض ليه وحكمو من كتفو (قدامي)
وقالو: وين كنت؟ أنا مالصباح محروق فالــDépos وانت وين كنت؟
قاول ابنو: كنت ندور مع صاحبي
قالو (بقباحة توجور): شكون صاحبك هدا؟ عماد ولد " فلان " ؟ ياخي قتلك متزيدش دور معاه مقتلكش؟
قالو ابنو: لالا ماشي عماد
قالو باباه: شوف هاد ليام راني غارق فالخدمة ومش قاعدلك
اصبر عليا برك نفريها ونتلهى بيك
كون منشنشفكش منسماش انا
والله نشيطك
هيا طير من قدامي روح اشريلهم باش يديرو لعشا امشي ..

وتيراه بكوتبي والله انا شفني

/
/
/
كان واضح انو الأب مضغوط بصح هدا ميعطيهش الحق يبهدل ولدو وقدام الناس البرانية
أنا بصراحة عجبني موقف ابنو ،، ما ردلو الهدرة،، ما تشنف عليه ،،
بالعكس باباه كان يبهدل فيه وهو حاط عينيه
والله أنا تبهدلت في بلاصتهم ،،

الأب لازمو يكون حنين على ولادو ،،
وناس زمان مكذبوش كيف قالو: إذا كبر ابنك خاويه
(يعني رجعو كي خوك)

والرسول عليه الصلاة والسلام يقول :
ربوا أبناءكم لسبع،، واضربوهم لسبع،، وصاحبوهم لسبع
يعني إذا وصل الفتى لمرحلة معينة من 14 سنة وروح يلزم يتصاحب مع والديه
يكون قريب ليهم ينصحوه ويوجهوه إذا غلط

هيا دركا قولولي وش رايكم في تصرف الأب أولا؟ وفي تصرف ابنو؟
شكون الغالط فيهم؟
وثانيا نتمنى بصراحة تجاوبوني:d:d؟
هل حدث وأن تعرضتم لمثل هذا الموقف مع أحد الوالدين سواء الأم ولا الأب (يعني تبخصتو قدام الناس)؟
وكيفاش كان تصرفكم وقتها؟

وحتى إذا لم يحدث لنقل فرضا أنه حدثا كيف ستكون ردة فعلكم؟

حتى الآباء الأعضاء مدعوين للنقاش فالموضوع

تحياتي وسلامي

​

 

[ماكانش]

أهلا بيك مينات
يعطيك الصحة على الموضوع الباهي المفيد
عقوق الوالدين لأولادهم في امور بزاف ومنها هاذا ألي حكيتي عليه
الأب كي يكون ناقص تربية ماهوش قادر يربي ولدو
مرات بزاف نشوف والدين والله يضربو ولادهم الصغار 6 سنين ولا 5 ضرب مبرح
وألي بقات فراسي مرة فايت صباح ربي لقيت أب مدي بنتو الصغيرة تقرا ومانعرف واش صرا وناض يضرب فيها ويهز ويخبط فلرض ويكفر ويعيط وهيا كرطابلها يطاير وتخلعت وهو ينفض فيها والله كاريثة كبيرة والطفلة واقيلا 5 سنين
يعني جهل عظيم
ولا تلقاي أب يطيح الهدردة اكرمك الله على ولدو الصغير وهاذي شفتها بزاف
يعني الأب يعرف كيفاه يضرب والوقت والسن ألي يضرب فيه


ومن عقوق الوالدين لولادهم سوء تسميتهم
أب ولا ام يسمي ولدو بإسم ماهوش مليح فهذو راهم عقوه .....

يعطيك الصحة تستاهلي تقييم​

 

[brahim tiniri]

يعطيك الصحة على الموضوع انا تبانلي راه الوالد هو اللي غالط اولا ما قالوش روح اقضي ثانيا ما حقوش يرخسو قدام الغاشي حنا نقولو بلي الطفل عاقل ومرجعش الهدرة للوالد نتاعو بصح نفرضو الطفل كي باباه قلوق ماش يدخل فيه بموس للقلب كاينة ولا لا ورانا نقراو في الجرنان ونسمعو على جرائم قتل غير على حاجة تافهة
اما من جيهة الوالد نتاعي ما دارهاش وماهوش رايح يديرها على خاطر كبرت وسايي بصح كون دارهالي في صغري خلاة عليه انا راني انسان قلوق شوية وسيريو وما نشتيش الرخس بزاف حق ربي غير نفرغ فيه هذا

هذا رايي بصراحة كيما قولتي
-مع تحيات الجنرال- نرجو لكم التوفيق-
​

 

[عابر سبيل12]

يااخيت يعني كل انسان كيفاه

انت ماطلعتيش على ضروف هادا الرجل وابنو

صدقيني ممكن انت كفتاة قلبك حنين وماتحبيش تشوفي هاد الاشياء لاكن انا نقولك انو كاين ابناء يستاهلو اكثر من هادا الشيء

ادا كان الاب مشغول في العمل ليل نهار الله يعينو وماعندو الا هاد الولد يخليه وراه في الدار ..وتلقي الولد هادا هامل نهار لكل يتبع في صحاب السوء ومايتهلاش في دارهم ولايقضي لامو ولايدير اي شيء ..وماعندو حتى علاقة بتحمل مسؤولية صغيرة على دارهم

اما من جيهة الوالد نتاعي ما دارهاش وماهوش رايح يديرها على خاطر كبرت وسايي بصح كون دارهالي في صغري خلاة عليه انا راني انسان قلوق شوية وسيريو وما نشتيش الرخس بزاف حق ربي غير نفرغ فيه هذ

اما بالنسبة للاخ براهيم نقولو صراحة ونعم الولد انت ...ادا كنت راح تفرغ كلاشينكوف في الوالد تاعك

سيدنا ابراهيم ومالاقاه من والده من كفر وغيره ..دعا قائلا بعد بسم الله الرحمان الرحيم ..قال سلاما عليك ساستغفر لك ربي انه كان بي حفيا

من الممكن ان صغر سنك جعلك تقول هاذا الامر العجيب والدي يستوجب منا الوقوف عنده
وطرح مواضيع كثيرة وعديدة بشان هاته الشريحة ... فمن الممكن ايضا اي يصنف هادا في خانة عقوق الوالدين

وقد يفسر قولك مانراه اليوم من جرائم تقترف في حق الوالدين

وَإِذْ قَالَ لُقْمَانُ لِابْنِهِ وَهُوَ يَعِظُهُ يَا بُنَيَّ لَا تُشْرِكْ بِاللَّهِ إِنَّ الشِّرْكَ لَظُلْمٌ عَظِيمٌ 13 وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَىٰ وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ 14 وَإِنْ جَاهَدَاكَ عَلَىٰ أَنْ تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا وَصَاحِبْهُمَا فِي الدُّنْيَا مَعْرُوفًا وَاتَّبِعْ سَبِيلَ مَنْ أَنَابَ إِلَيَّ ثُمَّ إِلَيَّ مَرْجِعُكُمْ فَأُنَبِّئُكُمْ بِمَا كُنْتُمْ تَعْمَلُونَ 15 يَا بُنَيَّ إِنَّهَا إِنْ تَكُ مِثْقَالَ حَبَّةٍ مِنْ خَرْدَلٍ فَتَكُنْ فِي صَخْرَةٍ أَوْ فِي السَّمَاوَاتِ أَوْ فِي الْأَرْضِ يَأْتِ بِهَا اللَّهُ إِنَّ اللَّهَ لَطِيفٌ خَبِيرٌ 16 يَا بُنَيَّ أَقِمِ الصَّلَاةَ وَأْمُرْ بِالْمَعْرُوفِ وَانْهَ عَنِ الْمُنْكَرِ وَاصْبِرْ عَلَىٰ مَا أَصَابَكَ إِنَّ ذَٰلِكَ مِنْ عَزْمِ الْأُمُورِ 17

​

 

[miss marou]

هيا دركا قولولي وش رايكم في تصرف الأب أولا؟ وفي تصرف ابنو؟انا نقول الغلطة فيهم في زوج نورمالمو الاب هو لي يقضي والطفل لازم يعاون باباه بلا مايقولو
شكون الغالط فيهم؟الاب لانو مهما كان ولدو ولا راجل مش لازم يحقرو

هل حدث وأن تعرضتم لمثل هذا الموقف مع أحد الوالدين سواء الأم ولا الأب (يعني تبخصتو قدام الناس)؟لالا الحمد لله جامي صراتلي:-h


وحتى إذا لم يحدث لنقل فرضا أنه حدثا كيف ستكون ردة فعلكم؟ما عندي ماندير نسكت ولا نهرب قبل ما يبخصني هههههههه
يعطيك الصحة ختي على الموضوع صح كاينين ولاد تترابالهم عقدة من المعاملة تاع ولاديهم ربي يحفضك

 

[سلفي والحمد لله]

قالو (بقباحة توجور): شكون صاحبك هدا؟ عماد ولد " فلان " ؟ ياخي قتلك متزيدش دور معاه مقتلكش؟
قالو ابنو: لالا ماشي عماد




بارك الله فيكم على الطرح القيم
وشدني الى موضوعك عبارة جعلتني اتعاطف مع هذا الاب رغم اني ضده في تصرفه الشديد مع ابنه
وهي قوله مع من كنت يخي قلتلك ماتزيدش دور معاه جعلتني ارسم صورة في ذهني بان هذا الاب يخاف على بنو من رفقاء السوء وحاب يربيه احسن تربية..... والدليل انه مسكين من حسن خلقه مادار والو وسكت واحترم باباه...

​

 

[D aucun]

سلام
أختي الكريمة هادي جاتك بيزار
انا بورماو نورمال انا راني كبير ويعايرني بابا ونورمال اوكي بويسك توجور راه بابا ويشوفني صغير مهما نكبر في عينيه نبقى صغير ونورمال حتى وين يسوطني بابا اوكي
ومام كي نكون معاه لي يقولي عليها نديرها اللهم وادا ماعجبتنيش نفهم بالشوية ويعيط عليا قدام قاع الناس ونورمال ومرة والله غيرعايرني في لاشان تاع لوبيتال ويعيط عليا وعادي با وعايرني وين راه المشكل في هادا
وانا مهما يكون بابا ومهما يكون بابا​

 

[بنت الـ25]

أهلا بيك مينات
يعطيك الصحة على الموضوع الباهي المفيد
عقوق الوالدين لأولادهم في امور بزاف ومنها هاذا ألي حكيتي عليه
الأب كي يكون ناقص تربية ماهوش قادر يربي ولدو
مرات بزاف نشوف والدين والله يضربو ولادهم الصغار 6 سنين ولا 5 ضرب مبرح
وألي بقات فراسي مرة فايت صباح ربي لقيت أب مدي بنتو الصغيرة تقرا ومانعرف واش صرا وناض يضرب فيها ويهز ويخبط فلرض ويكفر ويعيط وهيا كرطابلها يطاير وتخلعت وهو ينفض فيها والله كاريثة كبيرة والطفلة واقيلا 5 سنين
يعني جهل عظيم
ولا تلقاي أب يطيح الهدردة اكرمك الله على ولدو الصغير وهاذي شفتها بزاف
يعني الأب يعرف كيفاه يضرب والوقت والسن ألي يضرب فيه


ومن عقوق الوالدين لولادهم سوء تسميتهم
أب ولا ام يسمي ولدو بإسم ماهوش مليح فهذو راهم عقوه .....

يعطيك الصحة تستاهلي تقييم​

مشكور سفيان على المرور
واعتماد الموضوع
انت أشرت لنقطة مهمة دعمت بيها فكرتي
أنا منيش ضد أنو الب يضرب ولادو بالعكس في بعض الحيان الضرب (غير المبرح) يربي
ولكن الحاجة لي أكدت عليها انو يتجنب يدير هاد الشي قدام الناس
حتى يحفظ قدرو وقدر ابنو قدام هاد الناس مستقبلا

تشكر
​

 

[بنت الـ25]

يعطيك الصحة على الموضوع انا تبانلي راه الوالد هو اللي غالط اولا ما قالوش روح اقضي ثانيا ما حقوش يرخسو قدام الغاشي حنا نقولو بلي الطفل عاقل ومرجعش الهدرة للوالد نتاعو بصح نفرضو الطفل كي باباه قلوق ماش يدخل فيه بموس للقلب كاينة ولا لا ورانا نقراو في الجرنان ونسمعو على جرائم قتل غير على حاجة تافهة
اما من جيهة الوالد نتاعي ما دارهاش وماهوش رايح يديرها على خاطر كبرت وسايي بصح كون دارهالي في صغري خلاة عليه انا راني انسان قلوق شوية وسيريو وما نشتيش الرخس بزاف حق ربي غير نفرغ فيه هذا
مشاهدة المرفق 32445
هذا رايي بصراحة كيما قولتي
-مع تحيات الجنرال- نرجو لكم التوفيق-
​

اهلا ابراهيم
مشكور على رأيك
لكن.. وش هادي لي تفرغ كلاش في باباك :-o مشي عيب؟:down:
قولو وي؟ مي مش توصل تقتل باباك على أمر كيما هدا
استغفر مولاك اخي
​

 

[ماكانش]

مشكور سفيان على المرور

واعتماد الموضوع
انت أشرت لنقطة مهمة دعمت بيها فكرتي
أنا منيش ضد أنو الب يضرب ولادو بالعكس في بعض الحيان الضرب (غير المبرح) يربي
ولكن الحاجة لي أكدت عليها انو يتجنب يدير هاد الشي قدام الناس
حتى يحفظ قدرو وقدر ابنو قدام هاد الناس مستقبلا​

تشكر​

عفوا مينات
اكيد كيما قلتي الضرب في بعض الأحيان لازم ولكن بشروط منها انو مايكونش مبرح ويكون بعد التعليم والهدرة والتفهيم ووو...

 

[بنت الـ25]

يااخيت يعني كل انسان كيفاه

انت ماطلعتيش على ضروف هادا الرجل وابنو

صدقيني ممكن انت كفتاة قلبك حنين وماتحبيش تشوفي هاد الاشياء لاكن انا نقولك انو كاين ابناء يستاهلو اكثر من هادا الشيء

ادا كان الاب مشغول في العمل ليل نهار الله يعينو وماعندو الا هاد الولد يخليه وراه في الدار ..وتلقي الولد هادا هامل نهار لكل يتبع في صحاب السوء ومايتهلاش في دارهم ولايقضي لامو ولايدير اي شيء ..وماعندو حتى علاقة بتحمل مسؤولية صغيرة على دارهم

​

السلام عليكم ورحمة الله وبركاته
اعترف اني غلطت لما حكيتلكم القصة من زاوية واحدة
لكني لما قلت زبون يعني دايما عندي ونعرفو هو وابنو وبنتو وكل العايلة عز المعرفة
ما قلتش انو كامل لولاد ميستاهلوش هاد المعاملة
ولكن ...
اصلا ابنو هدا نعرفو مراهش يلعب كيما انت تضن وهذا طبعا من حقك لأنك متعرفوش
أنا شخصيا كلما نفوت على المحل تاعهم نلقاه هو لي حاكمو مع انو مزالو صغير
والأكثر من هذا يجي عندي يخدم الخدمة لي المفروض يديرها باباه
المهم هدا كلو ما يهمش بصح حبيت نوضحلك برك معرفتي بيهم

الزبدة اللي تهم واللي درت عليها الموضوع
يا ودي (الكلام موجه للأب) انت حاب تبهدل ابنك روح للدار وبهدلو وتحب اضربو سقدو بطريحة واحد ما يسالك انت باباه ومن حقك تربيه
بصح انا شفت انو هادي حاجة متساهلش اصلا يتبهدل الطفل على جالها مهما كانت الضغوطات اللي يتعرضلها الأب وen+ قدام البرانية (اللي هي انا)

انا في رايي السبب في هاد الشي هو :
انعدام لغة الحوار بين الآباء والأبناء، ولينا نلقاو لغة الأمر الواجب تنفيذه بدون مراجعة، واصبح الأب في المنزل هو "السي السيد"
الحل انو كل طرف لازم يسمع للآخر، لاخاطر ولينا في زمان غير الزمان، وجيل غير الجيل، واللغة غير اللغة، وعند هاد الاختلاف لازم يكون الحوار والتفاهم والاستماع والإقناع اللي هي من أهم وسائل التربية

هادا وش حبيت نقول اخي
​

 

[بنت الـ25]

هيا دركا قولولي وش رايكم في تصرف الأب أولا؟ وفي تصرف ابنو؟انا نقول الغلطة فيهم في زوج نورمالمو الاب هو لي يقضي والطفل لازم يعاون باباه بلا مايقولو
شكون الغالط فيهم؟الاب لانو مهما كان ولدو ولا راجل مش لازم يحقرو

هل حدث وأن تعرضتم لمثل هذا الموقف مع أحد الوالدين سواء الأم ولا الأب (يعني تبخصتو قدام الناس)؟لالا الحمد لله جامي صراتلي:-h


وحتى إذا لم يحدث لنقل فرضا أنه حدثا كيف ستكون ردة فعلكم؟ما عندي ماندير نسكت ولا نهرب قبل ما يبخصني هههههههه
يعطيك الصحة ختي على الموضوع صح كاينين ولاد تترابالهم عقدة من المعاملة تاع ولاديهم ربي يحفضك

مشكورة على صراحتك وأحترم رأيك اختي الكريمة
تحياتي لك
:regards01:
​

 

[بنت الـ25]

قالو (بقباحة توجور): شكون صاحبك هدا؟ عماد ولد " فلان " ؟ ياخي قتلك متزيدش دور معاه مقتلكش؟
قالو ابنو: لالا ماشي عماد




بارك الله فيكم على الطرح القيم
وشدني الى موضوعك عبارة جعلتني اتعاطف مع هذا الاب رغم اني ضده في تصرفه الشديد مع ابنه
وهي قوله مع من كنت يخي قلتلك ماتزيدش دور معاه جعلتني ارسم صورة في ذهني بان هذا الاب يخاف على بنو من رفقاء السوء وحاب يربيه احسن تربية..... والدليل انه مسكين من حسن خلقه مادار والو وسكت واحترم باباه...

السلام عليكم ورحمة الله وبركاته
وصل رأيك أخي فيما يخص المعاملة اللي عامل الأب ابنو بيها :up:
ولكنك أخي الكريم خليتنا نشوفو للموضوع من زاوية اخرى
ممكن انت شفت أنو هاد التصرف يدل على خوف الأب على ابنو من رفقاء السوء
ولكن ممكن نشوفو للأمر هدا من زاوية أنو الأب مصر يفرض سيطرتو على ابنو في جميع مجالات حياته
وكلا الأمر ممكن
على كل رأيكم صواب يحتمل الخطأ ورأينا خطأ يحتمل الصواب أليس كذلك؟
تحياتي لك على المرور
​

 

[بنت الـ25]

سلام
أختي الكريمة هادي جاتك بيزار
انا بورماو نورمال انا راني كبير ويعايرني بابا ونورمال اوكي بويسك توجور راه بابا ويشوفني صغير مهما نكبر في عينيه نبقى صغير ونورمال حتى وين يسوطني بابا اوكي
ومام كي نكون معاه لي يقولي عليها نديرها اللهم وادا ماعجبتنيش نفهم بالشوية ويعيط عليا قدام قاع الناس ونورمال ومرة والله غيرعايرني في لاشان تاع لوبيتال ويعيط عليا وعادي با وعايرني وين راه المشكل في هادا
وانا مهما يكون بابا ومهما يكون بابا​

وعليكم السلام أخي يحيى
في الواقع أدهشتني صراحتك

نحيي باباك على التربية لي رباك
سلامي
​

 

[بنت الـ25]

عفوا مينات
اكيد كيما قلتي الضرب في بعض الأحيان لازم ولكن بشروط منها انو مايكونش مبرح ويكون بعد التعليم والهدرة والتفهيم ووو...

شكرا على المتابعة
​

 

[هآلة]

هــآلو مينــآتــ

ميــ r ــسي عليكــ حنونة ع الطرح .. حــلو كتير
وعندكــ الحــق .. انتشرتــ، هاد العفــ’آيس بين الابن وابوه
ولا البنتــ مع امهـــــآ

انا مانقدر نلوم لا الابن ولا الابــ،
لأنهم باه نرجعوو للصح .. في زوج على حق
اولا الطــفل المرآهق .. ماكانش متهور وعرفــ كيفاش يتعامل مع المشكــل
باسكــ ادا رجع لباباه الهدرة ماعادش تفرى
الاب مسكين زعفــآن هههههــ يا سلام يرجع عليه غشوو
نعذروه الابــ مسكين ..على كل المسؤولية ماشي سآهلة
هادى دار .. هادوو اولاد .. هادى خدمة ** وزيد هاد قالكــ قالكــ ضيـــآفـ
واش راح يولى .. أكيد راه يترنفز ولازم مانواخزوهش هههههــ
ولازم الابن يتقبل نصيحة ابوه لما قالوو مادورش مع فلان ولد فلان .. يخافــ على وليدوو ويحب يربيه ** نورمال

كان من المفروض الابــ يتحكم في تصرفاتوو وما يضربش ابنوو قدام الناس
ممكن كان يدخل للدار ويديدروو بارتي ** ماشي برآآ هههههــ :')

هاهاها .. انى نبقى نحكي وانتــ تبقائ تقرآآي ** وما تفراش هههـ
مانطولش عليكــ حبيبتى
ومشكورة مرة أخرى
في انتظار جديددكــ يــــآ الغــلآآ

تقبلي مروري .. *
​

 

[بنت الـ25]

هــآلو مينــآتــ

ميــ r ــسي عليكــ حنونة ع الطرح .. حــلو كتير
وعندكــ الحــق .. انتشرتــ، هاد العفــ’آيس بين الابن وابوه
ولا البنتــ مع امهـــــآ

انا مانقدر نلوم لا الابن ولا الابــ،
لأنهم باه نرجعوو للصح .. في زوج على حق
اولا الطــفل المرآهق .. ماكانش متهور وعرفــ كيفاش يتعامل مع المشكــل
باسكــ ادا رجع لباباه الهدرة ماعادش تفرى
الاب مسكين زعفــآن هههههــ يا سلام يرجع عليه غشوو
نعذروه الابــ مسكين ..على كل المسؤولية ماشي سآهلة
هادى دار .. هادوو اولاد .. هادى خدمة ** وزيد هاد قالكــ قالكــ ضيـــآفـ
واش راح يولى .. أكيد راه يترنفز ولازم مانواخزوهش هههههــ
ولازم الابن يتقبل نصيحة ابوه لما قالوو مادورش مع فلان ولد فلان .. يخافــ على وليدوو ويحب يربيه ** نورمال

كان من المفروض الابــ يتحكم في تصرفاتوو وما يضربش ابنوو قدام الناس
ممكن كان يدخل للدار ويديدروو بارتي ** ماشي برآآ هههههــ :')

هاهاها .. انى نبقى نحكي وانتــ تبقائ تقرآآي ** وما تفراش هههـ
مانطولش عليكــ حبيبتى
ومشكورة مرة أخرى
في انتظار جديددكــ يــــآ الغــلآآ

تقبلي مروري .. *
​

ما شاء الله هالة أحطتي بكل جوانب الموضوع
رأيك منطقي ويوافق رأيي بشدة
ألف شكر حلوتي
يا ريت تضلي تحكي وانا نقراا واله لا يمل فعلا
منورررررررررة كالعادة حبيبتي
​

 

[طيور السلام]

السلام عليكم
حقيقة موقف محرج وسكوت الفتى كان أحسن رد لبطش الوالد اللي مالقى فيمن
يخرج غشو ، سترك ربي انو جا وليد كاين يولي عليك أنتِ:yahoo01::yahoo01:..

صرا معايا واحد الخطرة واحد الموقف لوكان لقيت تحلت الارض ودخلت فيها واحد مايشوفني مع بابا
انا كنت نقرا في واحد القسم تاع الثالثة ابتدائي عند مرأة وكاين قسم آخر تاع الثالثة في نفس المدرسة تقري فيه امرأة أخرى قاللي المعلمة اللي في القسم الآخر خير روح بدل القسم ومن بعد نجي لعند المدير نبدلك انا كان يعجبلي قسمي والمعلمة تاعي كانت مليحة الصح شبعت فيا ضرب مي كنت نشتيها ونخافها،كي دخلت للمدرسة لقيتهم دارو الصفوف استعدادا للعلم وصفنا كان قدام صف القسم الآخر حبس راسي لوين نروح لوكان نعصي أمر بابا ناكلهم :-hايا دخلت فصف القسم الآخر كامل يعيطو عليا قالولي روح لصف قسمك وانا حمار وجهي قتلهم غلطت برك ؛ قريت في قسمي وكي روحت مع واحد جارنا من القسم الآخر بقيت بابا مع صحابو عيطلي انا وجارنا قاللو إذا قرا معاك اليوم قاللو ديراكت نوماخلانيش نخمم واش نكذب ماعمباليش حتى ضربني بابا بكف قدام جارنا وصحابو وقاللي ما تصلح لوالو غدوة نروح لثما ونبهدلك هبطت راسي ورحت نجري للدار وعيوني معمرين بالدموع بصح رجع بابا وفهمني علاه دارلي هكذاك ومن هاذيك ولينا ديما كيما الأصدقاء:d​

 

[ماكانش]

بارك الله فيكم على الطرح القيم
وشدني الى موضوعك عبارة جعلتني اتعاطف مع هذا الاب رغم اني ضده في تصرفه الشديد مع ابنهوهي قوله مع من كنت يخي قلتلك ماتزيدش دور معاه جعلتني ارسم صورة في ذهني بان هذا الاب يخاف على بنو من رفقاء السوء وحاب يربيه احسن تربية..... والدليل انه مسكين من حسن خلقه مادار والو وسكت واحترم باباه...

أهلا بيك يا يا زاكي
قادر هاذا ألي قالو مادورش معاه سلافي مسكين كيما نتا ههههههههه
قالو ماتزيدش ادور بيه يديرلك برا فراسك وتولي تقتل والديك هههههههههه

 

[بنت الـ25]

حالياً الأعضاء النشيطين الذين يشاهدون هذا الموضوع : 10 (7 عضو و 3 ضيف) ‏Mïŋěţţe, ‏ŚσÚмĨÁ.Ďz, ‏ماكانش+, ‏نسيــم البرج, ‏D aucun, ‏lizou, ‏طيور الإسلام

الله الله
:d
لي عودة للرد إن شاء الله ...
​