تبهديلة قدام الناس !!

[طيور السلام]

​

يا ودي (الكلام موجه للأب) انت حاب تبهدل ابنك روح للدار وبهدلو وتحب اضربو سقدو بطريحة واحد ما يسالك انت باباه ومن حقك تربيه
بصح انا شفت انو هادي حاجة متساهلش اصلا يتبهدل الطفل على جالها مهما كانت الضغوطات اللي يتعرضلها الأب وen+ قدام البرانية (اللي هي انا)​

​

انا في رايي السبب في هاد الشي هو :
انعدام لغة الحوار بين الآباء والأبناء، ولينا نلقاو لغة الأمر الواجب تنفيذه بدون مراجعة، واصبح الأب في المنزل هو "السي السيد"
الحل انو كل طرف لازم يسمع للآخر، لاخاطر ولينا في زمان غير الزمان، وجيل غير الجيل، واللغة غير اللغة، وعند هاد الاختلاف لازم يكون الحوار والتفاهم والاستماع والإقناع اللي هي من أهم وسائل التربية​

إيـــــــــــــــــــه نورمالمو يخليه حتى يرجع للدار ويفهمو واش دار والغلطة اللي ارتكبها ماشي يبهدلو قدام الناس ويضربو كيما الحيوان،هاذ الامور هي اللي تخلي دائما الأطفال كي يكبرو يكرهو الأب نوعا ما..
وكيما قلتِ غياب ثقافة الحوار بين الطرفين هي اللب وتجبر الأب في بعض الأحيان في اتخاذ المواقف تجر إلى عواقب وخيمة.. ​

 

[نسيــم البرج]

السّلام عليكم ورحمة الله تعالى وبركاته.
أوّلا القول والحادثة ليست مع الرّسول صلّى الله عليه وسلّم ولكن مع عمر بن الخطّاب رضي الله عنه...و ما ننساوش رواحنا وننساو لفرانات....احتارموا والديكم شويّ.
صحيح أنّ الأب ما لازمش يبهدل ولادو gدّام النّاس، ولكن أنت راكي تـgولي بلّي تعرفيهم يعني ما كيش ناس.
ولكن كاين والدين لازم نحّّّّّّّيولهم ولادهم، ما زوّجهمش الشرع حتّى... يعني يضرب فيه تـgول يضرب في بهيمة، و بهيمة ما يلاقش يضربها هكذاك.
نور مالمو يحطّو دورة تكوينيّة لتربية الأولاد للأزواج في هاذا العصر، راهم gاعدين يزّوجو برك!!!.
أنا بابا نخافو منّو كامل، حتّى ولاد الكارتي يخافو منّو..."طري ستريكت"...الزلـgة بفلـgة، ولكن الحمد لله خرّجنا رجّالا ونسا.
​

 

[zahya]

موضوعك باهي اختي يعطيك الصحة عليه
مي باباك يبقى باباك مهم عيط عيلك ولا حتى ضربك قدام الناس ولا وحدك سوا كنت كبي ولا اضغير لازم تتقبل وما تردش عليه ................مهم كان الامر لانو بساطة يكفي انو هو كان سبب وجود في الحياة فهدا جميل لا تنساه له مهم كانت الظروف

 

[mohgladiator]

صراحة مانيش معاك
هاد العبد اللي بهدل الطفل يكون باباه
وهو حر معا وليدو
و شكون قال هاد الطفل اصلا راهو عاق والديه
انا صراحة نتقلق كي يصرالي هك و صراتلي هادي
بصح يبقى اللي دارهالي الوالد تاعي
و صراحة راني نحمد في ربي
اللي تربيت هكاك
و دك كي كبرت الحمد لله
مرات اقسم بالله نحمد ربي على التبهديل اللي عطاهلي في وقت من الاوقات
وكل واحد كيفاش تربى
و الحمد لله على كلش
كبرت و فقت
و يبقى رأي شخصي
سلااامي
​

 

[بنت الـ25]

السلام عليكم
حقيقة موقف محرج وسكوت الفتى كان أحسن رد لبطش الوالد اللي مالقى فيمن
يخرج غشو ، سترك ربي انو جا وليد كاين يولي عليك أنتِ:yahoo01::yahoo01:..

​

مرحبا بيك أخي طيور الإسلام
شكرا لك عالمرور
وي سترني ربي اني قلت خفت نحكي معاه يفرزني
لانو بصراحة الإنسان لازمو يتفادى يحكي مع شخص منرفز
العواقب غالبا وخيمة هههههههه

صرا معايا واحد الخطرة واحد الموقف لوكان لقيت تحلت الارض ودخلت فيها واحد مايشوفني مع بابا
انا كنت نقرا في واحد القسم تاع الثالثة ابتدائي عند مرأة وكاين قسم آخر تاع الثالثة في نفس المدرسة تقري فيه امرأة أخرى قاللي المعلمة اللي في القسم الآخر خير روح بدل القسم ومن بعد نجي لعند المدير نبدلك انا كان يعجبلي قسمي والمعلمة تاعي كانت مليحة الصح شبعت فيا ضرب مي كنت نشتيها ونخافها،كي دخلت للمدرسة لقيتهم دارو الصفوف استعدادا للعلم وصفنا كان قدام صف القسم الآخر حبس راسي لوين نروح لوكان نعصي أمر بابا ناكلهم :-hايا دخلت فصف القسم الآخر كامل يعيطو عليا قالولي روح لصف قسمك وانا حمار وجهي قتلهم غلطت برك ؛ قريت في قسمي وكي روحت مع واحد جارنا من القسم الآخر بقيت بابا مع صحابو عيطلي انا وجارنا قاللو إذا قرا معاك اليوم قاللو ديراكت نوماخلانيش نخمم واش نكذب ماعمباليش حتى ضربني بابا بكف قدام جارنا وصحابو وقاللي ما تصلح لوالو غدوة نروح لثما ونبهدلك هبطت راسي ورحت نجري للدار وعيوني معمرين بالدموع بصح رجع بابا وفهمني علاه دارلي هكذاك ومن هاذيك ولينا ديما كيما الأصدقاء:d​

هههههههههههههههه باباك فور
مي راك مزالك تشفى على الكف فالسنة الثالثة هههههه
عندك حق هديك هي الدكريات لي نبقاو نتفكروها لاخاطر كنا بزاف حساسين فهديك المرحلة
ربي يدوم الصحبة بينك وبين باباك
سلامي
​

​

 

[همس الوُرود]

ههههههه أنا كون جيت في بلاصت هدا الطفل ننتحر هههههه موضوع في القمة
سلام

 

[ملكة جمال اللمة]

انا الحمد لله جامي صراتلي مي هاد الاب و الله ناقص تربية كيفاش حاباتو يربي وليدو و ادا كان عندو مشاكل هادي مشي مبرر انو يرد زعافو في وليدو و الله ربي يهدينا رانا ضايعييييييييين
​

 

[خوليتا]

أهلا ساندي .......واش راك؟؟؟ ياخي cv ...؟؟؟ تواحشتكـ بزااااااااااااااااااااااااااااااااااااااااااااااااااااااااااااااااااااااااااف ....
جيت نطل و لـــي عودة حنونة

 

[الورد الأحمر]

اييه تصرآ بزآف تآع أب يبهدل ولدو ,
ولآ أم تبهدل بنتهآ قدآم الغآشي ,
أنآ الحق يجيني الضحك ,
يديرو فيلم برآ ,
مرة بهدلني بآبآ قدآم الجيرآن ,
عيطلي عالطوموبيل ,
أنآ تعطلت بآش جيتو ,
شآف خليقتي كلآني قدآم لي جون ,
وأنآ كون لقيت اللرض مشقوقة ,
كنت ندخل فيهآ مآ نخرجش ,
نآضو يضحكو عليآ ,
ههه كي تفوت ترجع ضحكة ,
مش تبهديلة ,
سلآمي ’
​

 

[yasso94]

صح عندك حق لزم الباء يحترموا ابناءهم

 

[رضوة الجزائرية]

اللهيهديهم ويهدينا اجمعين صح ما طريقة لي يجيبو الصراخ يجيبو السكات اي عادي بصح القلقة صارة فيس فينا الله غالب​

 

[homework]

الوالدين وولدهم راهم في نزاع داخلي بين حب الأب لابنه وخوف عليه تلقه يحبوا موت مي يقسى عليه باش يولي راجل يتكل عليه مي قدام الناس شوية يكون فيه احراج و حساسية لطفل يقدر يتعقد قدام الناس
انا يغيضوني لولاد لي ميحبوش يروح للروضة وتلقي ماماه تعيط عليه و تخليه عند الربية رغم البكاء و الالتصاق بيها بصح تروح وتخليه
خطرة في حديقة تسلية طفل صغير لعب جميع الالعاب وحب يزيد يلعب طلب من باباه عشرين الف ناض طاح فيه بضرب قدام الامة ماحشم لا من ربي و لا من العبد

 

[zagane]

السلام عليكم
الصبر مليح
بارك الله فيك على الموضوع


zagane

 

[بنت الـ25]

لي عودة للرد على الجميع
​

 

[الأسمر]

السلام عليكم ولله بارك الله فيك اختي
ديما طرح مميز وموضيع شيقة
الله لا يحرمنا منك ومن قلمك
ولله عمرو ولا الأب يحتقر بنو ولا يعيط عليه غير
لمصلحتو والأبن لي في القصة ولله يكبر
ويعرف بلي بباه كان عندو الحق
وانو حاب يربي بنو على الرجولية والمسؤولية
باش كيكبر يصيب روح جاهز لمسؤولية البيت
ولا العمل.................
​

 

[zahira92]

i'll back to comment here
​

 

[بنت الـ25]

السّلام عليكم ورحمة الله تعالى وبركاته.
أوّلا القول والحادثة ليست مع الرّسول صلّى الله عليه وسلّم ولكن مع عمر بن الخطّاب رضي الله عنه...و ما ننساوش رواحنا وننساو لفرانات....احتارموا والديكم شويّ.
صحيح أنّ الأب ما لازمش يبهدل ولادو gدّام النّاس، ولكن أنت راكي تـgولي بلّي تعرفيهم يعني ما كيش ناس.
ولكن كاين والدين لازم نحّّّّّّّيولهم ولادهم، ما زوّجهمش الشرع حتّى... يعني يضرب فيه تـgول يضرب في بهيمة، و بهيمة ما يلاقش يضربها هكذاك.
نور مالمو يحطّو دورة تكوينيّة لتربية الأولاد للأزواج في هاذا العصر، راهم gاعدين يزّوجو برك!!!.
أنا بابا نخافو منّو كامل، حتّى ولاد الكارتي يخافو منّو..."طري ستريكت"...الزلـgة بفلـgة، ولكن الحمد لله خرّجنا رجّالا ونسا.
​

السلام عليكم ورحمة الله وبركاته
اخي انا حسب ما فهمت من عبارتك اللوة نقلك
انا مقلتش الطفل يرد في وجه باباه ويوقفو عند حدو وما إلى ذلك
شفتك توافقني كي قلت يروحو للدار ويديرو باطاي وانا صح نعرفهم مي راني ناس
برانية ...
ونزيدلك حاجة بالاك انا صح حساسة فوق اللازم بارسكو انا كون يبخصني بابا قدام يما تغيضني عمري وتجيني طيحة
فما بالك قدام الناس البرانية

لا علينا وصلت فكرتك
ونحيي الوالد تاعك على التربية الصالحة اللي رانا نفتقدوها وفي أشد الحاجة ليها في وقتنا

سلامي
​

 

[بنت الـ25]

موضوعك باهي اختي يعطيك الصحة عليه
مي باباك يبقى باباك مهم عيط عيلك ولا حتى ضربك قدام الناس ولا وحدك سوا كنت كبي ولا اضغير لازم تتقبل وما تردش عليه ................مهم كان الامر لانو بساطة يكفي انو هو كان سبب وجود في الحياة فهدا جميل لا تنساه له مهم كانت الظروف

انتي الباهية زاهية
نرجعو للموضوع ونقلك تحطي روحك في محل هذا الطفل
فتاة في مرحلة المراهقة كنتي مع صحبتك كأي فتاة في عمرك
فجأة تتلاقاي بباباك لبرا يبدا يعيط عليك على سبب انتي مراكيش فاهمتو من الأول
وكي تفهميه تلقاي معندك حتى ذنب لأنك باختصار موحيتيش بيه
وهو فالنهاية قاعد يفرغ في غشو فيك
وهدا كاااااااااااااامل على مرأى ومسمع شخص غريب عن العائلة:-o

نتمنى ترديلي؟
​

 

[بنت الـ25]

صراحة مانيش معاك
هاد العبد اللي بهدل الطفل يكون باباه
وهو حر معا وليدو
و شكون قال هاد الطفل اصلا راهو عاق والديه
انا صراحة نتقلق كي يصرالي هك و صراتلي هادي
بصح يبقى اللي دارهالي الوالد تاعي
و صراحة راني نحمد في ربي
اللي تربيت هكاك
و دك كي كبرت الحمد لله
مرات اقسم بالله نحمد ربي على التبهديل اللي عطاهلي في وقت من الاوقات
وكل واحد كيفاش تربى
و الحمد لله على كلش
كبرت و فقت
و يبقى رأي شخصي
سلااامي
​

اهلا نورت الموضوع
نحيي صراحتك :regards01:
رأيك ونحترمو ... ربي يكثر من أمثالك اولاد صالحين
:up:
​

 

[بنت الـ25]

ههههههه أنا كون جيت في بلاصت هدا الطفل ننتحر هههههه موضوع في القمة
سلام

يا خاه بعيد الشر وش دانا للانتحار تحوسي تموتي كافرة
:p:p:p:p
​

انا الحمد لله جامي صراتلي مي هاد الاب و الله ناقص تربية كيفاش حاباتو يربي وليدو و ادا كان عندو مشاكل هادي مشي مبرر انو يرد زعافو في وليدو و الله ربي يهدينا رانا ضايعييييييييين
​

ويهدينا أجمعين
مشكورة على رأيك اختي
​