الـــــــدرس الـــسادس لدورة اللمة الجزائرية لتعليم فنون الطبخ2

[عفاف الجزائرية]

السلام عليكم ورحمة الله وتعالى وبركاته

الدرس السادس :
باذنجان مشوي ومحشي في الفرن. لي بابا مالحين بالحم المفروم.فلان في الفرن

-----باذنجان مشوي ومحشي في الفرن:
المقادير:
حبات باذنجان حسب الاختيار
بصلة
لحم مرحي
جبن مثلثات
شابلير
نعناع يابس
ملح ثوم فلل اسود
نحتاجو ايضا لكريمة الجبن عبارة عن:
2ملاعق فرينة او نشاء
1/2 لتر حليب


قرصةملح
حوالي 7 حبات جبن مثلث او 1 جبن شاف

طريقة التحضير:
نحطو الباذنجان في الفرن ندهنوه بشوي زيت من فوق ونخلوه ينشوى على نار هادئة
بعد ما ينشوى نخرجوه ونحاولو نحفروه في الوسط
​

نأخذو اللب نتاعو نمحروه وفي مقلات نقطعو البصل مربعات صغار نحمصوهم في شوي زيت وملح وفلف اكحل بعد ما يتحمس البصل نضيفولو اللحم المفروم ونخلوه يطيب
وبعده نضيفولو الجبن الشابلير حوالي 3 مغارف والنعناع اليابس ونخلطو الكل مع بعضو
​

بعد ما نكونو حضرنا صلصة الجبن نقطعو فيها كمية نتاع كسبر اخضر ونحطو نصها في البلاتو نتاع الفرن
​

نعمرو حبات الباذنجان ونسدفوهم في البلاتو وباقي اللحم نحطوه كريات على الجنب
​

نزيدو نغطوها بباقي صلصة الجبن وندخلوها للفرن
​

نخلوها على نار هادئة قيس ما تتحمر لانه كل شي طايب وبعد ما تتحمر نخرجوها
​

وهنانقدموها
​

--------------------------
الطبق الجانبي لي بابا باللحم المفروم
المقادير:
قطع لحم
بصلة متوسطة
توابل من فلفل احمر ملح ثوم كسبر مطحون وكسبر اخضر فلفل اكحل
بيضة
1 كرام فراش
2ملاعق مايوناز
ملعقة موطار
وملعقة هريسة
جبن ابيض

طريقة التحضير:

نحطو كل المكونات اللي هي عبارة عن لحم بصلة صغيرة ملح فلفل اكحل كسبر مطحون وكسبر اخضر في الروبو ونرحيو كل شي مع بعض
​

بعد ما نرحيوه نحطو فيه بيضة ونعجنوها
​

بعد ما نخلطو كل شي نحطوها في لي مول نتاع لي بابا ونشكلوها على حساب الشكل ونحطو وسطها قطعة صغيرة زبدة

​

ندخلوها للفرن تطيب وبعد ما تطيب نخرجوها
​

نحضرو الصلصة اللي نحطوها في الوسط عبارة عن:
كرام فراش نخلطوها مع ملعقتين مايوناز وملعقة موطارد وملعقة هريسة نحطو علبة جبن ابيض وسنة ثوم وقرسة ملح ونخلطوها شوي على النار ونقطعو فيها كسبر
​

نعمرو حبات لي بابا في الوسط ونزينوها حسب الرغبة
انا بقالي لحم مرحي وبقاتلي شوي صلصة خلطتهم وحطيتهم في الوسط
وهذا الشكل النهائي
​

----------------------
فلان في الفرن

المقادير:
للكرامال 150غ سكر رطب
كاس تقريبا ماء

الفلان:
3 بيضات
120غ سكر رطب
1/2 لتر حليب
قرصة فاني

طريقة التحضير :
نحضرو الكارميل اولا نحطو لاسكر والماء في اناء
​

ونخلوها على النار يغلي حاتن يتغير لونو للاصفرار البني وننحيوه على النار
​

نحطوه في اكواب ونخلوه يبرد
​

من جهة تانية نحطو نصف لتر نتاع الحليب نديرولونص مغرفة صغيرة فاني ونخلوه على النار هادئة حتان يغلي
​

ونطلعو 3 بيضات مع 120 غ سكر رطب
​

حتان يتضاعف حجمهم
بعد ذلك نضيفولو الحليب تديرجيا مع مواصلة الخلط

​

​

بعد ذلك نفرغوه في الاكواب اللي حطينا فيهم الكراميل باه ندخلوهم للفرن
​

نحطوهم في بلاتو نكونو دايرين فيه الماء باه يطيبو في حمام مائي
​

وهذا شكلهم بعد ما يطيبو ونخرجوهم خلوهم يبردو ونقلبوهم
​

​

​

 

[MĺŹǾ žĕĥÔŖ]

امممممممممممممممممممممممم يم يمي

روعة حبيبتي عفاف

بلا ما نقولهااااااااااا بيان سور شاطرة وفحلة في المطبخ كيما العادة

اطباقك راااااائعة وخاصة الطبق الجانبي لي بابا باللحم المفروم

عجبنييييييييييييي بزاااااااااااااااااااف

دمت متميزة

موضوع رائع ++++++++++++++++++++

تقبلي مروري

zehor

 

[شجـ الروح ـون]

ممممممممممممم
الله الله عالفحلة
تسلم الايادي فوفتي
ان شاء الله نطبقها فاقرب فرصة
خاصة الفلان ممممممممم
رووووووووووووووعة
ربي يحميك حبيبتي
​

 

[السلطانة]

وعليكم السلام
الله يبارك روووووعة
اطباق في القمة
ان شاء الله تفيد العضوات
مشكورة فوفا
سلامي

​

 

[ibtesem]

بارك الله فيك فوفتي على المجهود

امممممممممم بصحتكم

 

[ام منصف]

يعطيك الصحة عفاف
كل شيء هايل
بالتوفيق لكل المشاركات
​

 

[روعة2005]

الله يبارك عفوفة جهد يستحق التقييم واطباق في القمة كلها وخاصة لي بابا غير نتفرج ربي يباركلك في كل ماتقدمي ليه
+

 

[عفاف الجزائرية]

الله يبارك فيكم حبيباتي مشكورات على المرور
فقط ملاحظة انني حبيت نكمل ننزل الدرسين اللي مازالو باه نخدم الفهرس العام للدورتين الاولى والثانية
يعني فقط للافادة البسيطة برك
ربي يهنيكم كاملين خواتاتي
​

 

[anissa 13]

السلام عليكم ورحمة الله وبركاته
يعطيك الصحة عفاف وصفاتك كلها روووعة
مشكورة على مجهودك
انا حسبت المسابقة حبست
انشاءالله نشارك
حبيت برك نسقسي بالنسبة للفلان الكراميل نصنعوه بالسكر العادي ولا بالسكر الناعم؟
ومتى اخر أجل لوضع التطبيقات؟
​

 

[عفاف الجزائرية]

السلام عليكم ورحمة الله وبركاته
يعطيك الصحة عفاف وصفاتك كلها روووعة
مشكورة على مجهودك
انا حسبت المسابقة حبست
انشاءالله نشارك
حبيت برك نسقسي بالنسبة للفلان الكراميل نصنعوه بالسكر العادي ولا بالسكر الناعم؟
ومتى اخر أجل لوضع التطبيقات؟
​

اهلا حبيبتي انيسة
في الحقيقة المسابقة صح حبست ودرك رح نكمل الدرسين اللي بقاو باسكو رح نجمع الدورتين كامل في فهرس على هذا رجعت حطيت الدروس للافادة فقط
اما بالنسبة للكسر انا استعملت السكر الناعم
ربي هنيك حبيبتي ويعطيك حساب قلبك
​

 

[loula09]

بارك الله عفوفة كلش شهي انتظري تطبيقي في القريب العاجل

 

[djamsidah]

يعطيك الصحة اخت عفاف حبيت نسال على لبابا نطيبوهم في لمول ام نحيهم من لمول وضع الزبدة في الوسط

 

[رآج ـية العفو]

والله فحلة الفحلآآآت وشآطرة الشآطرآآت
فريمو تحفة يعطيك الصحة شريكتي خآصة لي بآبآ
روووووعة ان شآء الله نجربهم في العيد هههه
الله يحفظك شريكتي الزينة ويخليييييييييييك
​

 

[Nilüfer]

بارك الله فيك​

 

[عائشة333]

يعطيك الصحة أختي

 

[samah06]

وااااو اطباق رائعة
مشكووورة وخاصة التحلية خرجت تحفة

 

[samah06]

اطباق رائعة يعطيك الصحة

 

[samah06]

اطباق رائعة يعطيك الصحة

 

[مطراحمد]

السلام عليكم بارك الله فيكم انا عضوو جديدة بينكم اتمنى ان افيد واستفيد

 

[بنت الجسور المعلقة]

كلشي رآآآئع والطبق الأول من مكوناتو يبآآن بنين يعيطك الصحة حبيبتي ولفلان عندي مدة وانا نحوس على طريقتو يتفصيل وراكي فدتيني بيها
ربي يجآآزيك على كل الوصفات لي راكي تمديهومنا ولي رانا نتعلمو فيها ونستفادو بيها
الله يجعلها في ميزان حسناتك ​