مـآذآ ستطبخيــن اليـوم سيدتــي / آنستــي ,, الجــــــ 20 ـــزء

[السعيدة بربها سارة]

السلاااام عليكم واااش احواالكم لبناات بخير شعاال توحشت هادي الللمة الله يبارك
راكم قايمين بيها
ولكن شفت الا القليل وما قدرت ند عليكم كلكم النت بزااف في البلاد
ايوا ان شاااء الله بخير اتهلاو في رواحكم ​

 

[ibtesem]

تحية مسائية للجميع

 

[ibtesem]

وعليكم السلااااااااااااااام يا لعزيزة

الله يسلمك

وآآآآش راكم نتومـــآآآ

باش نشربوووووأأأ قهوتنا ؟؟؟؟؟؟؟؟ :d:d:d:d
​

زاهو ولفتينا بالقهوة ديما من عندك رانا نستناو

 

[ibtesem]

السلاااام عليكم واااش احواالكم لبناات بخير شعاال توحشت هادي الللمة الله يبارك
راكم قايمين بيها
ولكن شفت الا القليل وما قدرت ند عليكم كلكم النت بزااف في البلاد
ايوا ان شاااء الله بخير اتهلاو في رواحكم ​

وعليكم السلام سارة جمعة مباركة اختي واش راكي
ان شاء الله كا شئ تمام

 

[serinee]

سلام عليكم لبنات
و جمعة مباركة
توحشتكم بزاف و ياسر اي الخدمة شغلتني عنكم
مي ديما في بالي و قلبي
اتفضلو جبتلكم تطبيقي لبنيون اختي لولا
يعطيها الصحة
https://www.4algeria.com/vb/showthread.php?t=346771
​

 

[MĺŹǾ žĕĥÔŖ]

زاهو ولفتينا بالقهوة ديما من عندك رانا نستناو

هههههههههههه ربي يهنيك حبيبتي

كنت مشغولة شويااااااااااا ما درت والو حبيت زعما ندير كيك المهم ديما الجديد معااااااااااكم

شهيتيني بهداك لـpلا الي درتييييييييييييييييييه يم يم نحب الخفيف الدريف

ماشاء الله عليك ابتساموووووووووووو ديما الي تقدميها من تحت يديك تشهي
​

 

[oumniati]

bsahatkoum labnet

ana sabbaht m3a tyab
dert kima bassoum jaj fi koucha
3awedt les biscuits elli daret nada hadak nhar, 3jbouhoum
w dert tarte aux fraise, tarikat ta3 nadouch rabi ykhalih

bassah ma klitch, ya jma3a je suis innocente hhhhhh wallah ma klite hhhhhhhhhhh

 

[oumniati]

hadda samhini ma jawebtekch la soupe rahi kayna fi mountada, dhourk njibhalek

 

[oumniati]

شوربة الفطر

ولا أسهل, شوربة اخر لحظة

المقادير

نصف صدر جاجة

1بصلة او 2 صغار

2 حبات بطاطا

حوالي 200 غ فطر طري ماشي معلب= عمري ما جربتها بالمعلب=

ملح , فلفل اكحل, وكسبر مرحي

ونحتاج كرام فراش في الاخير

التحضير

قطعي كلشي مع بعض: بصل +بطاطا+صدر+ فطر واحتفضي بحبات منه
اضيفي التوابل ومرقي بارد في بارد قيس الخضرة تاعك
دائما في مثل هاو لي سوب ميش لازم تكثرو الماء لانها لازم تجي شوية ثقيلة

لما تطيب الخضرة تاعك ميكسيها مع كرام فراش, واضيفي حبات الفطر اللي خليتي بعدما تقطعيهم, خليها تهز الغلية فقط وقدميها بالصحة والهنا


hadhi hia la soupe haddouda, w bsahtek el 3rss

 

[oumniati]

ngoulkoum salam alikoum, rayha nghib samedi dimanche:regards01:

 

[امة الرحمن]

كالعادة ماشاء الله عليكم راني نطل عليكم ويديا فارغين ان شاء الله نشارك معكم عن قريب
ابتسام طبق هااايل أعطيك الصحة و بصحتكم
أمنياتي بصحتك كلشي بالطبع أختي كان أنا كان كليت وعلاه نكذب :d:d
البسكوي شكله يهبل نتعبك تمديلي الرابط ؟

 

[momoude]

سلام عليكم لبنات بصحتكم لعشا
وتاني راني توحشتكم كامل ان شاء الله راكم لباس

 

[ibtesem]

سلام عليكم لبنات بصحتكم لعشا
وتاني راني توحشتكم كامل ان شاء الله راكم لباس

وعليكم السلام اختي مامودو واشش راكي هدي غيبة ان شاء الله راكي لاباس

 

[mimi53]

السلام عليكم لبنات ويعطيكم الصحة ويسلم هادوك اليدين
اختي ايمان واش نقولك راكي هبلتيني بهاداك الجاج والمانشطو يعطيك الف صحة ياريت تقوليلي واش درتيلو كامل
حاملة المسك العيش يشهي تسلمي
اختي بحبوحة اختي زهور واش راكم انشاء الله تكونو بخير
اختي السعدة بربها على سلامتك حبيبتي ليك وحشة هادي مدة مبنتيش توحشناك حبيبتي
اختي ابتسام يعطيك الف صحة ويسلم ايدك
اختي امنياتي الله يبارك الترت هاديك تشهي يسلم هادوك اليدين

 

[mimi53]

انا اليوم درت لكراب نتاع اختي ندى ربي يخليها ونقوللها الف شكر
وزيد طيبتو للعشا بطريقة حبيبتي ابتسام ربي يحفظها ويخليها ونقوللها يعطيها الف عافية جا دوق رائع تسلمي

 

[mimi53]

لبنات اللي تعرف مقادير بسيطة نتاع الدونات اللي دارتهم اختي اماني تعطيهالي الاخت اعطتني مقادير لكن معنديش ميزان باش نقيس بيه ياريت اللي تعرف مقادير بسيطة تعطيهالي

 

[momoude]

وعليكم السلام اختي مامودو واشش راكي هدي غيبة ان شاء الله راكي لاباس

الله لا يغيبك زينة راني لباس حمدالله وانت كيف صحتك والاولاد

 

[ibtesem]

امممممممممممممممم ميمي بصحتكم ميمي لي كراب
تعرفي والله شهتيني فيك
راكي شاطرة اختي ماكيش مخليا والو في قلبك كي حالتي مي نتيجة راني رجيم ههههههههههههههه

 

[mimi53]

امممممممممممممممم ميمي بصحتكم ميمي لي كراب
تعرفي والله شهتيني فيك
راكي شاطرة اختي ماكيش مخليا والو في قلبك كي حالتي مي نتيجة راني رجيم ههههههههههههههه

اسكتي برك خلي البير بغطاه ههههههههه

تسلمي حبيبتي ربي يخليك ردودك تسعدني

اختي ابتسام ادا تعرفي دونات نتاع اختي اماني بمقادير بسيطة يعني الكيل بالالكاس مثلا ياريت تعطيهالي تحرقت باش نخدمو

 

[ibtesem]

دقيقة ميمي درك نشوف الوصفة ونقيسلك بالكاس نكتبلك