مـآذآ ستطبخيــن اليـوم سيدتــي / آنستــي ,, الجــــــ 20 ـــزء

[tasnim55]

حبيباتي زهور امنياتي حدة لولة اطباق امممممم تشهي تشهي يم يم بصحتكم يالغاليات

 

[نقطة حبر]

اختي ربي يخليك علميني في هذا الخبز

 

[imane27]

يعطيكم الصحة كلش هايل
كريمة يعطيك الصحة
امممممممممممم فريدة واش هاد توحشنا هاد اطباق تاعك بصحتكم

 

[karima tati]

راجية العفو، ايمان و امنياتي يعطيكم الصحة oumniati من بعد نكتبلك الوصفات. ام كوثر الله يبارك ربي يزيدك من نعيمو و الشخشوخة راهي حابة تنطق.

 

[mimi53]

سلام لبنات بصحتم واش تغديتوا
راني جبتلكم غدايا ناع اليوم

طجين حلوا

شربة

و خبز الدار

اممممممم الله يبارك نموت على لحم لحلو هادا التبسي ليا واحدة متقسم معايا راني نقوللكم الفونس

 

[mimi53]

السلام عليكم بصحتكم واش درتو عندي شحال مشاركتش معاكم .فطوري اليوم فيلي دو صول بالكريمة و الشومبنيون و درت les bagels ديت الفكرة من عند لولا بصح درت وصفة اخرى
.

اممم الله يبارك تسلم ايدك
شهيتيني

 

[oumniati]

ياميمي خليلي نلعق الطبسي اناوراسك تشهيت حاجة حلوة

كريمة معليش بعقلك، راني عارفة كل حاجة تجبد من جهة

فريدة يعطيك الصحة زهيتي الحالة بهذوك الطيابات

 

[كوثر الوهرانية]

اختي ربي يخليك علميني في هذا الخبز

مساء الخير اختي
هدا اسهل خبز
ديري فرينة على حسابك يزيدي مغرف سكر و زوج مغارف خمارة العجين و ملح و زوج مغارف لحضة و نص فنجان زيت و حبة السوداء و حبة حلاوة بسييهم مليح و ديري الماء و لمي و من بعد اطلقيها بالماء بلا ما تعجني غير لمي و غطيها بساشية و سربيتة و خليها تخمر و من بعد فششيها و خليها تخمر مرة ثانية و تكوني فرشتي كيما نفرشوا للمطلوع تقطعي كويرات تمرمريهم في السميد و تحطيهم في الفراش اللي كنتي رشيتيه بالسميد تعبزي بيدك على الكرة حتى تتحصلي على دائرة غطيها و خليها تخمر و هنا سخني الفور نتاعك كي تخمر دهني سينية بالزيت و حطي فيها الخبزات و دخليها للفور كي تحمار من تحت شعلي عليها من فوق ان شاء الله تفهميني اختي و كاش حاجة مفهمتيهاش انا في الخدمة
ملاحضة قبل ما تطيبي الخبز لازم الفور يكون سخون بزاف
انا كي نحطها تخمر نشعل الفور نتاعي

 

[oumsif]

صح عشاكم لبنات
امممم فريدة توحشنا اطباقك والله كلشي يشهي يالحبيبة تسلم ايدك
كريمة يعطيك العافية اختي حتي انتي اطباقك ما عندي منقول فيهم ​

 

[كوثر الوهرانية]

الله يسلمكم لبنات عينيكم هما الي ملاح
العشاء سخنت واش بقى من الصباح و الحمد الله

 

[mimi53]

ياميمي خليلي نلعق الطبسي اناوراسك تشهيت حاجة حلوة

كريمة معليش بعقلك، راني عارفة كل حاجة تجبد من جهة

فريدة يعطيك الصحة زهيتي الحالة بهذوك الطيابات

[size="5"]ههههههههههههه وحدك

ايا معليش نعطيلك 1 العينة و1 حبة مشماش و 1 زبيب كيما كانو يقولونا بكري كي كنا صغار ومتبيعيش
هههههههههههههههه
بصحتك حبيبتي امنياتي التبسي كامل ليك تستهل اكثر من هاك [/size]

 

[mimi53]

يعطيك الصحة اختي ام كوثر على الوصفة جعلها الله في ميزان حسناتك يارب

 

[mimi53]

حالياً الأعضاء النشيطين الذين يشاهدون هذا الموضوع : 28 (10 عضو و 18 ضيف)
‏mimi53, ‏إحســاس بــراءة, ‏ام مراس, ‏faloussa, ‏karima tati, ‏lina20, ‏shahrazad, ‏كوثر الوهرانية, ‏tasnim55, ‏wassila21

حكمتك شهرا واش راكي هادي غيبة توحشناك صح عيدك وكل عام وانت بالف خير هادي غيبة انشاء الله تكوني بخير

 

[كوثر الوهرانية]

بلا جميل اختي ميمي
خيرة يا لوكان جيتي حدايا نشبعك غير بالحلوا يا امر يا حلو انتا

 

[hadda0425]

بنت الجسور المعلقة اهلا بيك اختي صح عيدك وحنا تاني توحشناك ميمتي
كريمة اهلا بيك وبصحتكم وش طيبتي
اسومة ربي يخليك حنونتي نعرفك مولات الكرم وزيادة
فريدة النعمة تسخف والخبز هلوسني مرسي على الوصفة يبان كلي تع القمح
تسنيم صح عيدك حنونتي والله يسلمك
حنا حبسنا من اللحم والعجائن رجعنا للخضروات شوية حتى نرتاحو ههههه

​

https://www.4algeria.com/vb/member.php?u=130324

 

[عفاف الجزائرية]

تحية لزوج حبآبآت رآهم تحت غآبوا على الكوزينة
ان شآء الله رآكم بخيييييير
​

اذا تقصدي في التحية ليا انا تاني نبادلك بثلاث تحيات من عندي حبيبتي الزوينة
كنت معرسة ما عنديش نص ساعة منين دخل ومع دخلت نلقاهم داور مودام جديد ماراطيتش ندشنو هههه:p
​

 

[السعيدة بربها سارة]

السلام عليكم يا لبنات
عاملين حالة الله يباارك
وصحاا عيدكم بعدا
انا دخلت باش نقول ليكم انا خلاص راني وصلت لبيتي بعد ما عانيت في البابور ولكن الحمد الله رانا حيين
والشكر للخالق سبحانو
ان شااء الله نكون معاكم ولكن بعد اسبوعين ولا كثر عارفين شنو يسنا فيا
يا الله تهاو في رواحكم
وليلة سعيدة
احبكم في خالقي

 

[karima tati]

السلام عليكم ، السعيدة بربها الحمدلله على رجوعك بخير.امنياتي الوصفة تاع فيلي دوصول قطعيه قطع متوسطة ديريه في مقلة كبيرة مع شويا زبدة دوبيها في مقلة وحطيه مديريش زيت زبدة خاطر الزيت تفتتهولك و ثوم 2 سنينات و ديري شومبنيون و نقسي للفورنو لازم يطيب على نار قليلة و ملح و فلفل اكحل و عصير ليمونة و معدنوس و شوي curry او كركم انا درت كركم و كي يبدا ينشف ديري شوي ماء و كي تشوفيه طاب ديري 3 مغارف la créme fraiche خليها دوب.
les bagels
550 غ فرينة ، مغرف صغيرة ملح، مغرف كبيرة سكر ، م ك زيت ، 3 ملاعق صغيرة خميرة و طميها بالماء تكون تتلاسق شوي اعجنيها 10 دقايق و كي تكوني رايحة تعجني رشي الفرينة باش متلسقش خليها تخمر 45 دقيقة اقسميها 12 كرية و شكلي دوائر و حطيهم في صينية مرشوشة بالسميد باش ميلسقولكش خليهم يخمرو مرة 2. حطي الماء يغلي و من بعد مايكونو خمرو ارميهم بالوحدة داخل الماء خليهم حوالي دقيقة من كل جهة و الماء يكون مازالو على النار. خطيهم في صينية و ادهنيهم ببياض البيض و رشي عليهم الجلجلان او les grains de pavotطيبيهم. اذا مفهمتيش كاش حاجة راني هنا.

 

[oumsif]

صباحكم بالخير لبنات
سارة السعيدة بربها الحمد لله لي وصلتي علي خير
​

 

[نقطة حبر]

مساء الخير اختي
هدا اسهل خبز
ديري فرينة على حسابك يزيدي مغرف سكر و زوج مغارف خمارة العجين و ملح و زوج مغارف لحضة و نص فنجان زيت و حبة السوداء و حبة حلاوة بسييهم مليح و ديري الماء و لمي و من بعد اطلقيها بالماء بلا ما تعجني غير لمي و غطيها بساشية و سربيتة و خليها تخمر و من بعد فششيها و خليها تخمر مرة ثانية و تكوني فرشتي كيما نفرشوا للمطلوع تقطعي كويرات تمرمريهم في السميد و تحطيهم في الفراش اللي كنتي رشيتيه بالسميد تعبزي بيدك على الكرة حتى تتحصلي على دائرة غطيها و خليها تخمر و هنا سخني الفور نتاعك كي تخمر دهني سينية بالزيت و حطي فيها الخبزات و دخليها للفور كي تحمار من تحت شعلي عليها من فوق ان شاء الله تفهميني اختي و كاش حاجة مفهمتيهاش انا في الخدمة
ملاحضة قبل ما تطيبي الخبز لازم الفور يكون سخون بزاف
انا كي نحطها تخمر نشعل الفور نتاعي

ربي يخليك ان شاء الله نجربها في اقرب فرصة