سمحلي يا...الكبش واش حاسب روحك...؟؟؟؟؟

[حكايا الورد]

اذا راهو يدير عندكم 4 ملاين برك .. دزاير كامل تجي لميلة تشري كباش
:d​

هههههههه مرحبا بيكم...بصح 4ملاين راهو اللي قدرنا عليه حنا يا اختي كل واحد ومقدوره

 

[HAMOUDI2000]

ربي يكون الخير فقط غالي هذا العام ياسر ياسر

 

[brahim tiniri]

اللي كان ب3 ولى ب 5 وطلعي حسابك تشري 4 كباش كي شغل راكي جبتي bmw x6 انا هكا راه تبانلي يعطيك الصحة موضوع جميل للنقاش
-مع تحيات الجنرال- نرجو لكم التوفيق-
​

 

[آية92]

وعليكم السلام
والله يا خاوتي بالاك رح ندوروها نهزو كاشي قــط من برا ونخلصوا بيه العيد وخلاص ما عندنا ما نديروا واش رايــــــــــــكم ههههههههه:d
درك ولينا كامل زواولة بالنسبة لسعر الكبش الاقلية برك اللي قادرين
ميرسي اختي سيلا والله موضوع فوووووووور ​

 

[yasser-tlm]

you got some sight if no one want to work with "lekbach" than the tjose who do can happily set the prises and we have to take it

 

[love papitou]

يا ختي ربي تستر برك
نخنا اليوم شرى لينا بابا واحد تاع 5ملايين خلاصو كامل حاتو في الكبش
نحن 3 بناويت و بابا وماما
نحن ولينا نشرطو اكثر من الذكورة

 

[سمسم السمسومة]

صباح كنت نمشي فاتت عليا كاميونة معمرة كباش ....حرة اعلاه محبوش يبعبعوا خلاص ومن بعدا فقت (رجعوا هوما يتقلشوا علينا يا حسراه على يمات زمان)........

 

[moh 34]

والله عندك حق اختي السومة راها معقولة شوي كي نشوفو للوقت لي رانا فيه والفلاح المسكين مين يجيب
زادو في الخلاص اوتوماتيكمن كلش يزيد
حنا عايلة كبيرة موالفين نشريو 3 ولا 4 هاذ العام مالقينا مانديرو 4 ب16 مليون هبااااااااال
رايحين نشريو بقرة اوموا ناكلو اللحم وانا كون خذاو رايي يزيدو يديرونا عرس ويهنيونا.
ربي يجيب الخير والله صعابت صح

 

[الورد الأحمر]

لي مآ عندوش ,
مآ يعيدش ,
بصح نقولوآ في سبيل الله ,
شي مآ يغلى ,
هذآ قربآن لربي ,
علآش الذهب يشريو فيه مآم غآلي ,
وكي تصول لكبش مرة في العآم ,
يقولك مآ عنديش ,
الكل تقول مآ عنديش ,
مي تلقآيهم يشريو لعجب ,
مآلآ عندهم ,
الحآجة برك كي تعود لربي ,
تحلآلهم مآ عندهمش ,
كل شهر نحي 5000 دج ,
على طول العآم توفر حق أكثر من كبش ,
الحل سآهل ,
العربي برك يصعبو ,
سلآمي ’
​

 

[عفاف الجزائرية]

قاللك في فرنسا راهم دايرينهم صولد الكبش المخير ما يداباسيش 2 ملاين
:regards01:
​

 

[selma19]

هههههههههههههه 4 ملاين جاك غالي
حنا توالنا تاع 4 ملاين قط مايوكلش زوج
ربي يعينك يا المواطن

 

[la_safa]

العآم لي فآت بـ 3 و السنة بـ 4 العآم الجآي مآنعرف !!
الله غآلب ..
​

 

[־●ـ‗غمــــوض ــالــورد_ـ●־]

والله ياحنونة معندنا هنا كبش ب 4 ملايين عندا كبيش لي ب4ملايين الكبش راهو يدير 6 ملايين مالا درك نجيو نشريو من عندكم مي لبروبلام 2 ملايين هاديك الناقصة تروح في دراهم الترونسبور والعلف تاع الكبش سي دوماج خلي برك مالا ههههههه راهي لامام
ربي يعينك يازوالي​

 

[ĂÝǾΰb]

ههههههههههه و الله موضوعك فووووور اختي العزيزة
سيرتو سيري 6 ههههههههه
نقولك حاجة تحيرك العام لي ما تكونش المطر الكباش يرخاسو المليــــح يكون بــ 3 ينزلوه من الكاميونة 6 من الناس على خاطر الفلاح الماكلة تاع الغنم عالية و ما عندوش باش يشريلهم يولي يطيش فيهم
والعام لي يجيب ربي الخير تاعو الماكلة باطل فسوق يقولك درك نرجعو يروح الكبش يغلى يولي تاع 4 ملاين لي تحكي عليه يقولك باباك شوفي اختك الصغيرة دخلو
شغل قنونة صغيرة ههههههههههههه

أنا قلت لبابا نشرو كبش قالي تاع العام لي فات او كريدي ههههههههههههه نتمسخر برك
تقبلي مروري سلام
​

 

[NASRO DZ]

واش نقول لاختي احنا اصلا عندنا نقص في تربية الماشية وهذا ما صرحته الوزارة كلشي عند الدولة
اذا حبت دير الكبش بمليون برك

لانها هي الي تسير في الفلاح .
وميرسي على الموضوع

 

[lizou]

والله غير عندك الحق لكباش تاع هاد لعام راهم ميشي برك غاليين حنا تاني المرة الولى كان بابا حيار ادا يشري ولال لالا مي دوك تفاهم مع عمامي ورايحين نشريو بقرة هههههههههههههههههههه​

 

[همس الوُرود]

ههههههههههههههههههههههههههههههههههههههههههههههههههههههه
ياو قالك بععععععععععععععع

 

[عرفتك]

والله احنا شريناه ب4 ملاين و700

 

[بنت الـ25]

السلام عليكم
ختي انتي كي قلتي 4 ملاين انا تشوكيت علاش؟
بارسكو هنا عندنا يحلمو بالكبش تع 4 ملاين
النعجة عندنا بـ 4 ملاين اما الكبش 6 ملاين وطلع
تقول رايحة تشري بقرة ومش هكا
وش نقلك منعرف المسؤول هوما مربي المواشي ولا الدولة اللي متراقبش الأسعار
وفي خظم هذا وذاك يبقى المواطن يعاني
طبعا المواطن هنا اقصد الطبقة المتوسطة وذوي الدخل المحدود
وبالنسبة للفقراء راهم ودعو حلم كبش العيد منذ سنوات
اما المركنتية (كيما تقول جداتي) ميقيسهمش الريح


​

 

[عرفتك]

كاين ناس مراهيش راح تعيد تقلك منين راح نشري كبش تاع 4ملاين ولا 5
قبل كان الكبش تاع 4 راهو بالقرون وكبير اما ذرك خروف ب4
الزوالي ربي يكون في عونو يصبر وخلاص