قريني و انا سيدك

[سمسم السمسومة]

كنت راقدة سمعت الباب يطبطب و راحت ماما باه تحلوا شويا سمعت صوت راجل يقولها ياخي هنا تسكن المعلمة(...) وقال اسمي..نضت نجري قاتلي ماما احبسي وين رايحة حسيت في نبرة صوتوا بلي كاينة حاجة ماش مليحة...قاتلوا ماما استنى شويا و عيطت لبابا فالتيليفون و قاتلوا درك تجي كاينة لي جا لدار يحوس على الطفلة...بالاك 5دقايق وصل بابا لدار.انا قاعدة غير نستنى واش راح يقولوا....قالوا بنتك راهي نحات الكتاب تاع بني و عطاتوا لواحد اخر و بدا يعط و يهز في صوتوا...قالوا بابا استنى دقيقة دخل قالي اديري خيمارك و دخلوا لدار...حكيتلوا لحكاية قتلوا بنك سرق الكتاب تاع زميلوا و انا كي حليت المحفظة تاعوا لقيت 2 كتابات..خليتلوا تاعوا و رجعت تاع زميلوا هادي لحكاية..محبش يفهمني و بدا يقولي لالا الكتابات في 2 تاع بني..و انا درك حاب لكتاب ترجعيهولي..رحت لحوايجي و جبتلوا الكتاب تاعي و قتلوا اديه.داه و راح....انا مفهمت والوا واش هاد الوقت لي رانا فيه طفل تاع 8 سنين يسرق حاجة كي نعلموه بلي حاجة غالطة يجيو والدييه يزيدوا يحلولو عينيه و كي يكبر و هاد الطبيعة مازالها فيه نبداو نلوموا في صحابوا و المجتمع...._قريني و انا سيدك_

 

[ماكانش]

أهلا بيك يا الأستاذة
يعطيك الصحة على الموضوع الحساس بزاااااف والكارثي
كنت نفكر نكتب واحد في نفس الموضوع وهاهو كتبتيه يعطيك الصحة
من أكبر أسباب ألي خلات التعليم يهبط مستواه ، والأستاذ تنقص قيمتو في عين التلميذ هوما لاوالدين ألي ماهمش متربيين ألي ماهمش متخلقين
تلقاي أب -خسارة فيه الإسم- يغلط أستاذة ويصوب ولدو 8 سنين أو حتى 17 سنة ؟؟؟؟ كارثة
انا خدمت مستخلف فالثانوي عام 2010 ومانعرف حاوزت تلميذ وطلت يجي باباه كي جاني باباه استقبلتو في مكتب المراقب العام أيا بدا يهدر باباه قالي هكذا قال ولدي ونتا قلت هكذا قالي " وانا مانصدقك نتا مانثدص ولدي " ؟؟؟؟؟ :-o
ونهيج عليه انا والمراقب العام قتلو راني جاي نلعب لكراكب مع ولدك ولا راني قدو في لعمر ولا كيفاه
قتلو ماهيش هدرة هاذي عيب وو المهم بهدلناه عرف بلي لبز فالهدرة بدا يقول وولدي وكرهلي حياتي وليكور وو
يعني كمثال فقط الأب لازم يروح ولدو يشكيلو من الأستاذ يعطيه طريحة يقلو الأستاذ ماهوش راح يظلمك الأستاذ في صلاحك وهكذا كيما كانو والدينا بكري وكانت قيمة الأستاذ كبيرة
اما ذرك الأب يوقف مع ولدو وزيدي يمنشرو في الأساتذة قدام ولادهم واش راح تجيك من الطفل مسكين ...


يعطيك الصحة على موضوعك الرائع
تستاهلي تقييم
​

 

[serinee]

اي و الله مخلاو حتى قيمة للاستادة في وقت التربية و في الوقت لي يليق يربوه على عاداتنا و تقاليدنا ميسرقش ميكدبش ما ما يديرش
لالا هما يقولولو كونك كداب كونك سراق
و كي يكبر يقولو شفت يا خسارة تربيتي فيك
وعلاش ربيتو باش تقولو كلام كيما هكا
و هدا الكلام مش موجه لكل الاباء و المهات طبعا كاين لي يربوا و رباو ولادهم ماشاء الله
​

 

[homework]

طبعا سمسومة ذورك الاولياء مع ولادهم ظالم او مظلوم
انا عندي شعار نقري بيه هو جبت مستلزمات الدراسة و راك مستعد للدراسة على الراس و العين و الباقي مايهمنيش
تعيطي على الطفل في مصلاحتو يقولك الولدي ستعملتي معها العنف المعنوي تضربيه استعملتي معه العنف الجسدي خليه حر يدير واش يحب

 

[قناص الغرام]

انتي الي غالطة سمسومة
الطفل حاب يطلع عالم في بلاصة انشتاين
مازاهش كتاب واحد عاد يقرى في زوج كتابات
ربي يصبرك اختي مع الجيل تاع ذرك
و زيد والديهم تقبلي مروري سمسومة
​

 

[moh 34]

هاذي سياسة بن بوزيد عطالهم كامل الحق ولا الاستاذ معندو قيمة
ربي يجيب الخير

 

[قناص الغرام]

احمدي ربي هكدا و لا اكتر
عندي صاحبي راحتلوا جراتي لدارو و دارتلواقفة تاع حس
علاه
خاطر حكم بنتها تكوبي .......
عمري راسك
​

 

[سمسم السمسومة]

شكرا لكم على المرور جميعا و تحية خالصة من القلب لكل واحد منكم_رايكم يهمني و على راسي و عيني_..لي قالي هادي سياسة بن بززيد نقولوا كاين منها mais انا منيش مجبر نطبق سياسة متخرجش عليا.انا نخدم في المرحلة الابتدائية يعني نقدر نتحكم فلولاد تاعي.هادو لولاد صغار حنا لي رايحين نكونوا القدوة تاعهم خلونا كامل نتعاونوا في مصلحتهم...عاونونا على وجه ربي و كونكم واثقين بلي ولادكم هوما ولادنا حنا ماش راح نضروهم mais خليولنا المساحة تاعنا.خلونا نخدموا معهم بلا متكرهوهم فينا

 

[moh 34]

شكرا لكم على المرور جميعا و تحية خالصة من القلب لكل واحد منكم_رايكم يهمني و على راسي و عيني_..لي قالي هادي سياسة بن بززيد نقولوا كاين منها mais انا منيش مجبر نطبق سياسة متخرجش عليا.انا نخدم في المرحلة الابتدائية يعني نقدر نتحكم فلولاد تاعي.هادو لولاد صغار حنا لي رايحين نكونوا القدوة تاعهم خلونا كامل نتعاونوا في مصلحتهم...عاونونا على وجه ربي و كونكم واثقين بلي ولادكم هوما ولادنا حنا ماش راح نضروهم mais خليولنا المساحة تاعنا.خلونا نخدموا معهم بلا متكرهوهم فينا

انا نفهمك ونقدر نعاونك بصح ارواحي انتي ودخليها فعقلية كل الاولياء قليل لي يفهم اختي.
وبالعكس ولا التعامل مع الولاد الصغار اصعب انا شخصيا درست في الثانوي ومالقيت حتى مشكل وكلنو يشوفو فيا قدوة تاع الصح يقادروني ويعملو بنصائحي دون تدخل اي ولي او ادارة بينانتنا

 

[mohgladiator]

يا حضرة المعلمة
احمدي ربي اللي مالقيتيش الطفل يستنى فيك البرا ع جماعة
هههههههههههههه
مادام جاك باباه راكي مليحة
هيهيهيهيهيهيهيهي
ياودي الوالدين فسدو و عادو حصلينها فالمجتمع و الصحاب
عادو دك جيب الدراري و ارمي يترباو
الله يهدي ما خلق
​

 

[سمسم السمسومة]

راهم حاطين عليا العين باباه و خاوتوا لي يشوفني يقول هادي_قتالة_ربي يجيب الخير برك...على قد ما كنت نشتيها خدمتي حاليا راني نتمنى بين يوم و يوم نخرج منها...و بربي ان شاء االله نخرج منها...كاين فرق كبير بين حنا كيفاه كنا نقراو و درك كيفاه هوما حابين يقراو...انا عارفة بلي منيش وحدي نعاني من هاد المشكل رانا بزاف...رسالتي تبقى tjrs للوالدين نتوما لي راكم تشجعوا فيهم على حوايج ماشي ملاح واشي هو المطلوب منا نعلموا و نربيو و بزيادة_ç la mode_سبها و اضربها و ......كاين نهار لي رايحين نتحاسبوا فيه كامل...

 

[yasser-tlm]

miss teacher if you think thats a problem think again

 

[love papitou]

يا اختي واش تحبي هذا هو مجتمعنا انتي لي عليك قريهم و كيما تشوفي حاجة ماهيش ملاحة قولي للمدير ​

 

[قناص الغرام]

كي يجي ولدي يقرى عندك سمسومة انشاء الله
اقتليه راني مسامحك
نحي شوية على خاطرك
​

 

[رضوة الجزائرية]

شكرا على الموضوع راني معاك فالميدان وصار ما صار ربي يستر انا مرة لكتاب نتاع بنتو فيه صفحات ناقصة من المطبعة الوطنية مع اني مرات مانستعملش لكتاب مانتبهتش اصلا ليه واصلا فت هداك الدرس تهجم عليا وحب يضربني بوسط المؤسسة لاني قالك مهملة ومانراقبش الكتب بعد شراءها والمشكل شكون هد الولي هو كان معنا بالميدان المقصد جا يقول هد لكلام فيه وفيه ختى ماصرا مادمنا عايشين نشوفو الغريب الغايب ربي يصبرك ويصبرنا عليهم​

 

[عابر سبيل12]

المشكل لكبير في هاد الوقت راهو في الاولياء صدقيني

احنا من بكري كان الواحد يقرا والله اذا ضربنا المعلم في المدرسة نروحو للدار نزيدو ناكلو طريحة اخرى

علاه ؟

على خاطر الاولياء تاعنا يقولولنا المعلم راهو يربي ويعلم ويقري ويدير كلش ولازم يحترموا الجميع من الطلاب

للاولياء للمدراء لغيرهم

اقسم بالله في صغري كان معلم يسكن قريب للحي تاعنا اذا خرج من دارو احنا لكل نروحو نتخبو

مش خوف فقط لالا ابدا لاكن كان للمعلم قيمة كبيرة في المجتمع

وكانو الناس يقدروه ويحترموه وكل الاولياء يستشيروه في امور ولادهم

ياخاوتي هاد الوقت راهو وقت الشيخات والفساد وماهوش وقت تاع رباية

من بكري كان الولي يوصي ولادو على احترام المعلم وتقديرو وتبجيلو

واليوم يقولو اذا قالك هاداك المعلم حاجة ماتخافش منو ارواح قولي برك وانا نوريلو

لا اله الا الله محمد رسول الله

كنا رجال والحمد لله والواحد منا بالمسطاش ونقرو ونحترمو الاساتذة مهما كان جنسهم والا اعمارهم

الله يصبركم اختي صراحة
​

 

[HAMOUDI2000]

هكا يكون عدنا جيل لاباس به ربي يهدينا برك

 

[بنت الـ25]

راني نيماجيني فيك كيفاش كنتي فالموقف هداك
ودموع ماروكو نازلين هههههههه
والله ماينة
ومبعد يقولو يا ربي وش درنا حتى خرجو ولادنا مش مربيين
تحكيلي مرة استاذة تع فرنسية قاتلي قلت للولاد يجيبو 5 دج حق السيجي تع الامتحان
ووصات تلميذة تلم الدراهم
غدوا جاها ولي تلميذ قالها ولدي قالي "مادام" سرقتلي الدراهم
كي جات تستفسر من الطفل قالها انتي قلتينا مدولي5 دج وانا مديت 10 دج (ألف فرنك) مرجعتيليش الصرف
قاتلي انا تبهدلت :$ وباباه جمد فالبلاصة :-o
يعني كركرو ولدو وهو جاي بلا فهامة يصح في وجهو
يخي حالا والله مخك يحبس
عذرا عالاطالة
​

 

[سمسم السمسومة]

الى الاخ_قناص الغرام_ماشي نحي فيه الدمار نقتلوا و نشرب من دمو و نبرد قلبي و قلبك واش رايك انتا تتهنى منو خلاص و انا ناقص واحد من القسم.....الى_ الاخت القسنطينية_واش نحكيلك كان الخوف قاتلني و اول مرة ميجيونيش الدموع كي كملت الحكاية و بكيت الحمد لله جاتني هكدا و لا تجيني في حاجة اكثر...الى الاخت _رضوة الجزائرية_مدامك كاين هنا على الاقل تونسيني.......................و ادا جات فيا تجي تدافعي عليا و ادا جات فيك نجي نحميك واش رايك....هاديك النهار حاوزت واحد بعد ماديت الادن من عند المدير بالطبع قتلوا جيب باباك راح حوالي نص ساعة جا وجاب معاه واحد الجون قالي هدا خويا انا كي شفتوا عرفتوا على خاطر قرا معايا بكري منيش عارفة ادا شفا عليا المهم انا شفيت عليه حكيتلوا علواه حاوزناه ناض هوا هناني قالي جامي يعاود و قعديتحلف فالطفل قدامي لوكان تعاود نقتلك و ندبحك مخلا فيه والو...دخلت للقسم كملت الدرس كي رايحة نخرج عيطت لهداك الطفل و قتلوا هداك لي جابك شكون قالي خويا زدت عاودتهالوا حوالي 5 مرات و من بعد قتلوا على بالي مهوش خوك قالي كيفاه عرفتي و قعد يحاول فيا منزيدش نحاوزوا....قالي لقاني قدام الباب تاع المدرسة قاعد قالوا هيا ندخلك و قولها خويا.....كل مرة قاعدة تزيد تتعقد اكثر ربي يجيب الخير برك.