ملتقى تلاميذ الرابعة متوسط

[nour dolce gerle]

نعم أختي نريمان المسيلية ربي ينجحك و يفرحك
الرياضيات والاجتماعيات كانت معقدة كيما قلتي مي لخرين كانو ساهلين
الحراسة كانت مليحة الله يبارك 3 مكانش التنقال مي فوتنا 3 أيام ملاح خاصة مع ليزامي تعي
​

https://www.4algeria.com/forum/members/148656/

 

[نريمان المسيلية]

لا شكر على واجب نور
صح جوزنا 3 ايام كانو اروع ايام حياتي
جوزناهم ضحك ولعب وفرح
كانوا شباب بزاف
نقلك هي مليحة الواحد كل مرة يطلع ويتعرف على اصدقاء جدد مي .....
تصوري انا حابة ننجح ونطلع
ومنيش حابة علجال صحباتي لخاطر منزيدش نشوفهم كون نطلع
​

 

[MĭŠš Čhŏů]

والله اختي وش راح نقلك
والله ايامات ماعاش يتعاودو درت حالة مع صحباتي
وتعاركنا مع جماعة من المدرسة الاخرى
ههههههه
واستكشفنا الليسي وحوسنا فيه
وتعرفنا على بنات جدد
ربي يوفق الجميع
مي والله قسمنا تع السنة 4 متوسط خسااارة رح يروح ويتفرق فالليسي بويسك كان اكثر من قسم
كنا تقريبا عائلة كل خوات وخاوة
ربي ينجحنا كل
بالنسبة للحراس
الدعوة صافا
بيناتنا خدمنا بع بعضانا
تعرفت على بنات فلاصال اللي طحت فاها
ودرنا حالة بالشيخات في نص الامتحان
مي خدمنا كل
ومانيش حابة طلع لليسي خاطر تبانلي روحي كبرت وانا حابة نبقى صغيرة
وعلى بالي رح ندير المشاكل مع البنات سيرتو مع المدرسة الفوقانية
خاطر ربحناهم فالمسابقة
وبقاتلهم في قلوبهم
هههههههههههههههههههههه

:d
​

 

[raja.kou]

اه ه ه انتهاااااااااااااااااااااااااااااااااااااااااااااااااااااااااااااااااااااااااااااااااااااا
تهنيت ياربي الحمد لله و فرحا تكم بمعدل مليح بنسبة لجيجل كانت العسة محكمة في بعض المتوسطات وفي بعض الاخر رايحا فيها خلاص
الاسئلة كانو ملاح وفي متناول الجميع المهم ربي ينجحنا يارب

 

[MĭŠš Čhŏů]

نعم أختي نريمان المسيلية ربي ينجحك و يفرحك
الرياضيات والاجتماعيات كانت معقدة كيما قلتي مي لخرين كانو ساهلين
الحراسة كانت مليحة الله يبارك 3 مكانش التنقال مي فوتنا 3 أيام ملاح خاصة مع ليزامي تعي
​

الاجتماعيات كانت tres facile الرياضيات شوي شوي العربية ساهلة خلاص والفيزياء الصراحة تع ناس متوسطين اللول ماشو حاجة قع .. الثاني شوي شوي ...الثالث ساهل خلاه
حنا مادرناش اللغة الامازيغية ماعندناش . التربية اسلامية ومدنية مافيهم والو...الانجليزية والفيزياء شبعت ضحك عليهم ههههه
والله تعبت تعبت وفالاخر جابولنا حوايج ساهلة لدرجة تخلي العبد يتشوكا
انا في math كنت نراجع في مسائل صعيبة وعاملة حالة في روحي الفيزياء كيف كيف
كلش كلش
كنت نستنى في سوجي صعاب مي لافيغيتي تشوكيت تع الصح
الحراس وش راح نقلك
الدعوة سايبة للخر
مي انا كنت مدايرة احتياطي الحمد لله حفظت كلش
واللي اعتمدوا على الغش ربي يهديهم
انا بش مانكذبش (عاونت وحدة امها ميتة تزوج باباها وحدة زاد ماتت والثالثة اي فالطريق
ربي يشفاها)

على كل حال نحنا درنا اللي علينا
مي حرقني قلبي غير على هادوك اللي يديوها بالساهل
وش رح نقولو من غير ربي يهديهم
وام يطلعو لليسي يبانو
:regards01::regards01:
​

 

[MĭŠš Čhŏů]

هههههههه
غيير متهدريش هردناها
سورتو الرياضيات ...
و الله هاديك المسألة الدالة التالتة حنا مقريناهاش ؟؟؟
المهم
ربي ينجحناآآ
مرسي
☺
​

non non non
math kant tres facile koulch facile koulch rbi ywf9na kl
dalla 3 sa8la oukhti l la faute t3 lprof ta3koum
​

 

[نريمان المسيلية]

وشنو الاجتماعيات تخي فاسيل
وشبيك راكي سير من روحك
ههههههه انا الرياضيات جاتني ساهلة مي الاجتماعيات خليت الورقة بيضاء
​

 

[MĭŠš Čhŏů]

مي اختي مافاها والو
تواريخ + سؤال + فقرة
والجغرافيا مصطلحات نقدرو نديروهم مالفهامة فرات

كل واحد وقدراتو ممكن انتي راسك ثقيل فالحفاظة
هههههه
مي حنا الاستاذة ثبتتلنا على الدروس وكانت اديرلنا تحفيظ كل حصة بش تضمن انا حافظين وبش نلقاو رواحن ساجيين نهار البيام
الرياضيات انا حرت كيفاش ما خدموش فاها
​

 

[نريمان المسيلية]

هههههههههههههههه
انت يا عمري جات ساهلة ماعرف
انا جاتني صعيبة بزاف بزاف
مع اني حافظة وكيما قلتيها انا
ميش غير ثقيل
هههههههههههههه منيش نتاع حفاظة ودرت ادب تحيري
ههههههههههههههههههههههههههههههه
انت واش درت ؟؟؟ انا الرياضيات جاتني ساهلة
​

 

[MĭŠš Čhŏů]

درت علوم
مانيش فور
فالانجليزية مي جاتني ساهلة
مبصح درت حساب للفلفسة
ماتديكش انريمان
حتى سيانس فاها حفاظة اني شفت اختي وش كانت دايرة في روحها بالحفاظة
لاكان راكي فور ف englais و francais ديري les langues واطلعيلنا مترجم ولا ديري جورناليست
بش نفخرو بيك احبوبة
حنا عقبنا فالليسي ونتوما؟؟
​

 

[راضية حامدة]

راكم دايرين دردشة هنا
ماشاء الله عليكم
ربي ينجحكم كامل ان شاء الله و نفرحو بيكم

وعلاش ما دخلتوش هذا الموضوع في الملتقى
المفروض ملتقى تلاميذ السنة الرابعة راه ليكم لدردشات كيما هاذو
في العشية ان شاء الله ندمج هذا الموضوع فيه
نخليلكم شوي وقت باش تعرفو الموضوع هذا وين راه
نتلااو في الملتقى

 

[راضية حامدة]

ربي ينجحكم كامل
راح ندمج هذا الموضوع في ملتقى تلاميذ السنة الرابعة

 

[MĭŠš Čhŏů]

راكم دايرين دردشة هنا
ماشاء الله عليكم
ربي ينجحكم كامل ان شاء الله و نفرحو بيكم

وعلاش ما دخلتوش هذا الموضوع في الملتقى
المفروض ملتقى تلاميذ السنة الرابعة راه ليكم لدردشات كيما هاذو
في العشية ان شاء الله ندمج هذا الموضوع فيه
نخليلكم شوي وقت باش تعرفو الموضوع هذا وين راه
نتلااو في الملتقى

ميرسي اطاطا
واسمحيلنا تعيشي
:regards01:

​

 

[subainaz]

وينتا تضهر النتائج ربي يعيشكم
عمتي راهي قريب تهبل على نتيجة وليدها
وراح تهبلني معاها

 

[touffik]

وزير التربية بابا أحمد ينهي الاشاعات ويصرح ان نتائج امتحانات نهاية التعليم المتوسط سيكون السبت أو الأحد المقبلين في حين أن نتائج امتحانات شهادة البكالوريا سيعلن عنها يومين من بعد.

 

[راضية حامدة]

ربي معاكم
صبرتو اكثر من 15 يوم و ماكمش قادين تصبرو ساعات
ما تتقلقوش
غير الخير ان شاء الله ربي يفرحكم كامل

 

[amel al3lm]

سسسسسلامو وشراكم صافا

 

[راضية حامدة]

ناس راهي علالعصاب و ناس راهي تلعب
لا مش هكا رجاءا

 

[ام قصي]

والله لعبة البيام او هلال البيام السيسبانس اتقول رايح يخدم صاروخ
وفي الاخير ممكن السبت او الاحد ​

 

[ام قصي]

ههههههههههههههههههههههههههههههههههههههههههههههه
اضحكوا نحيو على بالكم