كاين منها والا ما كانش؟؟

[أم أمين23]

السلام عليكم ورحمة الله وبركاته
هاد اول موضوع حبيت نشارك بيه هنا وان شاءا لله ما يكونش تكلمو فيه من قبل وهو:
واحد دخل السبيطار ولاخر هزوه البوليس، البارح في الكرتي جرات واحد العركة قد السما الجيران كلهم اضاربو، في دار صاحبتي البارح قامت القيامة خاوتها اضاربو في بعضاهم
على بالكم علاش هاد الكل صار ما تقولوش غير هما راه احنا ثاني كي نسمعو الكلمة الي راح نقولها كلنا نهيجو ويصرى الي ما يصراش
يا خاوتي عارفين هاد الكلمة الكبيرة واشنو والي تقوم عليها الحروب والمشاكل ؟؟؟
كلمة ربي يهديك
قولولي كاين منها والا لا كي واحد يقول لواحد ربي يهديك برك تقيم القيامة والا لا؟؟؟
وانت وانت كي يقلكم واحد ربي يهدكم تقلبو الدنيا ويصرى الي ما يصراش والا برك في حومتي وعند الناس الي نعرفهم يلا مستنيا نقرا الا كاين منها والا ما كانش منها؟؟؟

 

[ماكانش]

أهلا بيك أم أمين
ربي يهديهم
يسمعوني يقلبو الحالة هههه
هي كلمة عادي بل مليحة وماشكيتش كاين ألي يتحسس منها ولكن ربما الطريقة والموقف ألي قيلت بيه وقالوها لبعضاهم بيه
ربما راهم يتناقشو ولا جا يهدر على حقو وبقاو ساكتين قتلوه بكلمة ربي يهديك ههه
يعني كياه قالوها والطريقة ألي قالوها بيها ...
​

 

[Nilüfer]

الله يستر

انا عندي بليزير واحد يدعيلي بالهداية

المشكل الناس تبدلت

يرحم باباك واش فيها كلمة الله يهديك

المشكل فالعباد ما راهمش صافيين مع عمارهم

شكرااا علىالموضوع

تقبلي مروري السريييع
​

 

[muIstafa]

ربــــي يهديـــكــــ أخــــــتي
:-r

وما أحلاها من كلمة والله صدقيني لي يقولهالي نولي نشوف فيه قمر يضوي :d

^ ^​

 

[lizou]

والله بالنسبة ليا حاجة نورمال يعني مافيها والو ياخي دعوة malgrè que كاين بزاف اللي يفهمو النقص بهاد الكلمة مي الله يهدي ماخلق شكرا على الموض وع​

 

[SAMIRA25]

واحد كى يكون ما هوش مهدى و تقوليلو ربى يهديك يقوم الدنيا بصح ادا كان مهدى عادي كى تقولو ربى يهديك يقولك امين
مجرد راي​

 

[دنيا البسمة]

بالنسبة لينا عادي ونقولوها الف مرة فاليوم
انا واحد يقولي ربي يهديك نقولو امين ان شاء الله
شكون اللي ما يحبش الهداية

 

[aminas94]

شخصيا كلما تقال أقول آمين أجمعين

 

[virus2015]

هههههه ربي يهديك أختي ويهدينا أجمعين
صح كاين بعض من الناس لي يقولهم ربي يهديكم
عندهم كشما قالهم
وكاين لي يردو عليه: يهديك وحدك :-o

بصح نظن الأغلبية الساحقة والحمد لله يعرفو قيمة الدعاء بالهداية
يعطيك الصحة ختي على الموضوع
سلام

​

 

[virus2015]

دعوة لأخواتي لمراجعة تواقيهعن وصورهن الرمزية​

https://www.4algeria.com/vb/showthread.php?t=338703​

 

[أم أمين23]

يعني نفهم من ردودكم بلي ماكانش منها
بصح عجبني الرد الاول الي قال الطريقة الي تتقال بيها والموقف كاين منها كاين ساعات تكون تناقش في وحد وكي تحصرو يقلك واش نقولك ربي يهديك برك وهنا تقيم القيامة
علاش خويا تشوف فيا مهبول
والا كيما قالت واحدة في الردود يرد عليه ويقولو ربي يهديك وحدك
مشكورين للمرور والظاهر انو ما كانش منها وانا وحدي الي شفتها في حومتي

 

[ماكانش]

يعني نفهم من ردودم بلي ماكانش منها
بصح عجبني الرد الاول الي قال الطريقة الي تتقال بيها والموقف كاين منها كاين ساعات تكون تناقش في وحد وكي تحصرو يقلك واش نقولك ربي يهديك برك وهنا تقيم القيامة
علاش خويا تشوف فيا مهبول

شكرا اختي عجبك ردي
أكيد طريقة قولها تلعب دور كبيرة
وبزاف ناس تجهل كي الواحد يقولهالو في غير الموضع تاعها يقلو مايهدينيش ولا يقلو يهدي السارق هههه
​

 

[mohgladiator]

انا و الله نموووت على هاد الكلمة
من جيهة هي دعوة مليييحة بزاف
ز من جيهة غي يقولهالي واحد نجاوبو ببرودة اللهم امين
يزييييييد يشعل
ههههههههههههههه

​

 

[أم أمين23]

انا و الله نموووت على هاد الكلمة
من جيهة هي دعوة مليييحة بزاف
ز من جيهة غي يقولهالي واحد نجاوبو ببرودة اللهم امين
يزييييييد يشعل
ههههههههههههههه

​

يعني انت تستناها باش تزيد تركبلو العلة يعني كاين منها بلي هي كلمة رغم انها جيدة تأخذ على انها سبة وشتيمة
​

 

[أم أمين23]

مليحة يهدي السارق هادي جديدة عليا وانا ايضا للامانة نقولها عندما اكون في حالة غضب او مجادلة ويقولولو ربي يهديك يطلعلي الدم يقولوهالك على اساس انك مهبولة تاع الصح ماشي قصدهم يهديك ربي للطريق القويم

 

[منايا الجنة]

انا اللي قوللهالي جيني عادي نقولهم امين واجمعين بصح ما سمعت بيها هدي يضاربوا و يقلبو الدنيا ف هدي تع الصح ربي يهديهم راهم جهلو
بارك الله فيك على الموضوع

 

[yasser babia]

السلام عليكم لا يوجد شئ أفضل من الهداية ربي يهدينا أجمعين و لكن احنا اللي موسوسين
بوركت على الموضوع تقبلي تحياتي و ربي يهديك ههههه​

 

[chr-ndj]

Hadé rahé partt maché ghir andkom ………………mé an a nchouf blé lproblèm maché fl kelma wala flé ngoulolhom rabé yehdikom lproblèm dé foi ykoun f lé ygoulha psk a mon avis la façon lé ngoulo biha rabé yehdik hya lé tkhlihom yetnervaw w yreagiw b 1e mauvaise reaction ………………hadé sratlha kima yema w baba ké yethawchou f noss lmhawcha tgoulo khlaaaaass khlasssss rouh rabé yesahel hya rabé yesahel kalma mliha mé lwaket w la façon lé galtha biha tkhaliba baba yzid 3lih l7al w lproblèm f sah fé yema …………..dc lazm 3lina na3rfou wach nahdrou w wikteh nahdrou w kifach nahdrou ……maché wahed yhké m3a wahed w mba3da ygoulo yaaw rouuuuuuuuh rouh rabé yehdiiiiiik hadé twalé maché hadra khlaaaaaass on déré sabou w mba3da ygoulo kifeh reagit hakda …w hya f sah lé galha howa lé maché ha9 3lih

W rabé yehdé ma khla9 ………w rabé ybaké 3lina steeer



Ya rab

 

[assinat]

هي عادي
بصح كاين اللي يتحسوا منها و نرجعوا نقولولهم ربي يهديكم ​

 

[احلامdz]

لالا نورمال كامل نتقبلوها يلا خاكر لزكان ميغلطش الانسان في حق الاخر ميقلوش ربي يهديك اصلا هاد الكلمة كي تقوليها لواح تكوني تتعافري معاه وتقوليلو ربي يهديك خلاص روح يروح ويتككالما عادي جدااااااااااا امالا نولو نقولو ربي يديك بلاك يتقبلوها الناس ههههههههههههه