كاين منها والا ما كانش؟؟

[AdNan31]

السلام عليكم
كاين اللي يقول هاد لكلمة يقصد بيها بلي نتا ماراكش ملح ونتا الغالط
ايا واللي موجهة ليه الكلمة يحسبها زعما كلمة طايحة زعما يطيحلو بقمتو عليها ما تفاهموش
لكن هي دعاء جميل جدا
ميروك عيدك​

 

[jolie عاشقة كوريا]

ربــــــــــــــــــــــــــــــــــــــــــــــــــــــــــــبي
يهـــــــــــــــــــدينــــــــــــــــــــــــــــــــــــــــــــــــا​

 

[الاخت دلال]

انا شخصيا نشوفعها عادي

وبالعكس تماما دائما تكون اجابتي *ااامين*

الناس ولات تفهم كولشي بالعكس

سيبورسا ناضت مشكل اعلا جال كلمة أوبالاحرى دعاء له بالهادية


الف شكر اختى على الموضوع الملفت للنضر
باسكو هادي حقيقة معاشة
والاغلبية تع الناس تفهم معنى الدعاء بالمقولوب

ربي يهديهم ويهدينا احنا تاني

 

[قناص الغرام]

صح عيدك ام امين
الزمان تاع ذرك ربي يجيب الخير فيه
مابقاوش الناس تاع بكري
مابقاتش الحرمة كيما بكري
على ربي يهديك صرا هكا
اووووووووووووو
انا نفرح كي يقولي واحد ربي يهديك
تقبلي مروري اختي
​

 

[أم أمين23]

ادا نتفق جميعا ان المشكل ليس بالكلمة في حد ذاتها بصح في كيفاش وقتاش تتقال
لخاطر الناس ولات تقولها باش تستفز الي قدماه ماشي باش تطلبلو الهداية بالصح
نورتوني بمرورك وتعليقاتك الرائعة

 

[سحابة صيف]

الله يعدينا أجمعين

 

[الميزان]

ممممممممممممم الله اعلم
جامي كنت في موقف كيما هاك
منلي نعقل على روحي جامي ادابزت
​

 

[أم أمين23]

ربنا يهدينا كامل واثبثنا عند الغضب لانو الواحد كي يتنرفا خلاص ما يعودش يشوف قدامو حتى الهدرة الي تكون نورمال يقراها بالغالط

 

[joumane]

انا ديما كيتنقالي نرد اامين اجمعين

 

[Silent Hill]

بسم الله، تبارك الله، ما شاء الله
ربـ،ـي لقد مسـ،ـ،ـني الضـ،ـ،ـر

فإرح مـ،ـ،ـني
خوفا قبـ،ـ،ـ،ـل ان يكون طمعا منـ،ـ،ـي
سلام الله ، عليك

ربي يهدينا ان شاء الله

اطلب من المشرف تثبيت الموضوع
الله يزيد النور بــ
وجهك و دربك و قلبك يا ربي
أمين امين امين يا رب العالمين
من قلبي
نتمنى تصيبك كل السعاده
امن يجيب المضطر اذا دعاه و يكشف السوء
مشكور ة على طرحك الطيب الراقي
جزاكي الله كل الخير
في رعاية الرحمان
اللهم انت القائل و قولك حق و وعدكـ صدقـــ’

ستبقون في قلبي يا اهل غزة ...
وراء كل امرأة رجل عظيم و ان لم تكن لكان أعظم
Allah is One
ربي أناجيكـ بقلب أهلكه ذنبه
●|ღ حب لك يا ربي شفيعي لديكـ ღ|●​

Silent Hill​

 

[أم أمين23]

مشكوره لاليشكا
ويا ربي سامحني امين يا رب
والظاهر ناس اللما كلهم اعصابهم في ثلاجة خخخخخ

 

[ZINEB AMORK]

والله كلمة مليحة راهم يدعولك بالهداية ماكانش قاع كيفها بصح درك راهم يقولو ربي يهديك ولا يديك

 

[brahim tiniri]

هذا دليل على التفكير نتاعنا وين وصل * ربي يهدي ماخلق * يعطيك الصحة
-مع تحيات الجنرال- نرجو لكم التوفيق-
​

 

[أم أمين23]

جديدة هادي ربي بهديك والا يديك هنا يعني راح انطقو اع الصح منورة اختي
للاسف اخي الجنرال العقلية تبدلت

 

[karim karim1]

الله يهدينا جميعا

 

[أم أمين23]

امين يا رب وهادا ما نتمناو اكيد

 

[־●ـ‗غمــــوض ــالــورد_ـ●־]

ههههههههههه انديري راكي تحكي عليا اختي مالا انا تاني غير لبارح وين درت حرب على جال الكلمة هادي انا صح نحب واحد ايقولي يهديك مي مرات واحد يقولهالك بطريقة مش قاصد ربي يهديك انديري يتمصخر بيك على بيها لواحد مرات يتقلق كي واحد يقولها بفاصو مش مليحة
مي الدعاء بالهداية حاجة مليحة
ربي يهديك اختي ويهدينا اجمعين
يعطيك الصحة اختي عالموضوع
سلام
​

 

[أم أمين23]

ههههههههههه انديري راكي تحكي عليا اختي مالا انا تاني غير لبارح وين درت حرب على جال الكلمة هادي انا صح نحب واحد ايقولي يهديك مي مرات واحد يقولهالك بطريقة مش قاصد ربي يهديك انديري يتمصخر بيك على بيها لواحد مرات يتقلق كي واحد يقولها بفاصو مش مليحة
مي الدعاء بالهداية حاجة مليحة
ربي يهديك اختي ويهدينا اجمعين
يعطيك الصحة اختي عالموضوع
سلام
​

واخيرا لقيت واحدة اعترفت وقالت انو هاد الكلمة تخليها احيانا تقلب الدنيا كيف هاد الناس وكيفي ههه لانو الكل كان ملاك وما يتغشش من الكلمة

 

[zahya]

يعطيك الصحة اختي وعندك الحق كاين عباد لما تقولي ليه ربي يهديك ينوض في وجهك ويرد عليك تقول كاش ما قلتله ولا يقولك علاش راك تشوفني نحرق في الجوامع صافي الهدايا عندهم حاجة مش مليحة ربي يهدينا ويهدي الجميع هدا واش نقولو

 

[MANEL10]

normal ki ykoulha wahad lwahad akhar ykoulou hadak aminnnnnnnnn nchalah en plus makach haja khir malhidaya