بنت تبحث عن نصائح لتكملة حياتها

[natalya]

السلام على كل المشاركين في هذا المنتدى واشكركم عليه
عمري 20 سنة نقرا طب سنة تانية عايشةو ا لحمد لله مع اهلي يعني كنت عايشة قصتي بدات وانا كنت صغيرة لكن للاسف اكتشفتها غير بعد عشرون سنة انا كنت عايشة عادي مع اهلي فرحانة مع خياتي عام يجيب عام حتى 2011
تقابضت مع بابا تقلق عليا ودربني وقالي انت ماكيش بنتي راك بنت الناس انا قتلو واش راك تقول كدبتو ومن بعد جابلي ماما وقالها قوليلها ماركيش بنتنا انا تما مرضت نتع الصح مقدرت نحكي والو ومن بعد رحت ليما قلتلها احكيلي قاتلي قيتك في لوبيتال كي راحت تجيب ولد وكانوا يقولولي هداك توؤم نتاعك مي انا منشبهش فيهم خلاص صدقوني غير كرهت حياتي وحابة نموت خير يعني انا واش هو ذنبي وزيد بابا ولا يكرهني و خياتي يقولولي راكي تجيبينا لبخايص قولولي واش ندير
ونقول لكل واحد عندو اهلو يديرهم في عينيه

 

[بنت الـ25]

حبيبتي تأثرت جدا بما كتبتي
ولكن أنت لا وزر عليك .. ولا تزر وازرة وزر أخرى. أصبري وأحتسبي ..
وأكملي حياتك بعد استنفاذ الغضب الفطري والحزن... فلا بد للحياة أن تمضي بحلوها ومرها ..
​

 

[إلياس]

أختي تاثرت كثيرا بقصتك والله ربي يجيب الخير مادام بابك لا يكرهك و امك كذلك عليك بالدعاء لله و الله ستجدين العجب ان شاء الله
و ان شاء الله سادعوا الله ان يفرج همك
اللهم فرج هم اختنا هاذي يا رب العالمين و ان شاء الله في سجودي سادعو ا الله لك ان شاء الله

 

[joumane]

والله ماني مصدقا واش راني نقرااااا
شوفي حببتي ديما تفكري فضلهم عليك مادام قراو والله يبارك وليتي طبيبة يعني عندك مستقبل زاهر ان شاء الله وهذا بفضلهم رباوك وكبروك
متزعفيش من هدرتي انا حبيت نوصلك بلي راهم يحبوك صح وماتقوليش باباك يكرهك جامي واياك تحاولي تعزلي روحك عليهم والا تحسي بلي ماهمش اهلك هكا تولي انتي لي مش مليحة سامحيني مي لازم ديما تتعاملي معاهم كلي اهلك وبالتي هي احسن وديما تفكري فضلهم عليك وقولي لحمدولله ربي بعثهملك في بلاصة والديك وماتخميش في الامر هذا بزاف والا تقولي انا علاه هكا حياتي والا
ديما فكري بايجابية وحوسي على امك مي ماتفرطيش في عائلة هدي
ونصيحتي ليك روحي لطبيب نفسي حيعاونك بزاف وماتقولي لحتا واحد ولا قولي لولديك يتفهموك

 

[BARCA232]

السلام عليكم ورحمة الله تعالى وبركاته
صبـــــاح الخير واليمن والبركات أختي
سيكون لي عودة هنا بإذن الله
والله عشته هذا الموقف
آآآه صعب صعب جداااااااااااااااااا
والله غابت عني الكلمــــــــات لعل زملائي في المنتدى سيردون عليك اختي
ربما سأعود هنا ربمــــــا
لك الرب يحميك أختي ،فهي مشيئته وهو من أراد هذا الشيء
فلنحتسب أمرنا له،وأستغفري
وحدثي نفسك لماذا أختارك أنت بالذات لهذا الموقف،فماهو سوى امتحان وأبتلاء
وإذا أحب الله عبدا أبتــــــلاه
أذن هناك حب أختي
أستغفر الله العلي العظيــــم
تسجيـــــــــل خروج
​

 

[سمسم السمسومة]

محيرتنا هاد الدنيا مرات تشوفي لمشاكل الناس تنساي مشاكلك..منيش فالموقف تاعك مي انا فاتت عليا مشكلة خلاتني نكره حياتي و نتمنى الموت يوم ورا يوم ونقول يا يرتني معرفتش..انك سمعتيها من باباك خير متسمعيها من الناس ...مجروحة عارفة بلي راكي مجروحة و مكسورة الخاطر.خممي شويا في هاد الناس لي رباوك و كبروك و خرجوك طبيبة ان شاء الله.بلاك قالها في لحظة غضب و مقصدهاش حتى ادا مكنتيش بنتو..نتمناو الموت كي نحسوا اقرب الناس لينا خدعونا.انا نصيحتي ليك متبعديش على ماماك في هاد الفترة بالعكس زيدي قربي منها و حاولي تفهمي لحكاية مليح و الحاجة لي جاتك في بالك تعرفيها متخليهاش في بالك.ادا عنك صاحبتك مقربة منك بزاف شاركيها الحكاية راح تخفف عليك.وخلي ايمانك بربي كبير و ان شاء الله يفرج عليك و يسهلك.متنسايش خبريني باي جديد يصرا معاك و ادا احتجتي اي حاجة انا وحده راني هنا عولي عليا و بربي نشاالله منخيبكش.

 

[عاشق اللمة الجزائرية]

أختي نتاليا أمني بحاجة

" قل لن يصيبنا الا ما كتب الله لنا "

كل ما يصيبنا من سوء او حسن ، من فرج او غم هو من عند الله

فان كان ما يرضينا فهو من نعمه والحمد لله

وان كان ما يسيئنا فهو اختبار من الله والحمد لله بكرة واصيلا حتى يرفع عننا الهم ويبدله الله خيرا منه

اتركي شأن الخلق للخالق " اللي خلق ما يضيع "

واحنا هنا كامل عايلة تاعك شكون كيفك عندك عايلة فيها 300.000 اخ واخت

 

[D aucun]

أهلا أختي نتاليا
أختي كيما يقولو مايحس بالجمرة غير لي تكوى بيها مي هادي هيا حالتك يا أختي وهدا هو الواقع علابيها مالزمش تهربي من واقعك وديري في بالك حاجة تانيك راكي كبيرة وراكي تخمي بعقلك أختي علابيها ماتبانلكش بلي ماكش بنتهم ومام ماتنسيش راهم أهلك دروك ومهما يكون يبقو اهلك بويسك رباوك وكبرتي لعندهم اوكي اون بليس مام أختي مازالك غير شوية ومادام راكي تقراي اقراي وصايي اوكي نت ديري بالك في قرايتك مالغري ماشي ساهلة كيما هاك والله ماشي ساهلة مي لازم كملي قرايتك وكبري قلبك اوكي ولي فيها الخير ربي يجيبها​

 

[khaoula49]

nous sommes derrière toi chérie !!wech tes7a9i rana hna w rabi m3ak aussi!!

 

[miss marou]

سلام اختى انا حبيت نقلك متتاثريش الغلطة مش غلطتك انا نقلك عيشي حياتك واطلبي السماح من باباك وصفي الاجواء مع عايلتك هوما عايلتك اختى هوما اللى ربوك وقروك هوما لي تعبو عليك انتى فرغي قلبك وقوليلهم بلي انتى تحبيهم ودايرتهم اهلك وربي يعاونك اختى

 

[يونس الصديق]

السلام عليكم

فضل تربية البنات جد عظيم
واه البخاري عن عائشة رضي الله عنها عن النبي صلى الله عليه وسلم أنه قال: من ابتلي من هذه البنات بشيء كن له ستراً من النار. وما رواه مسلم عن أنس رضي الله عنه قال: قال رسول الله صلى الله عليه وسلم: من عال جاريتين حتى تبلغا، جاء يوم القيامة أنا وهو -وضم أصابعه-. وفي رواية الترمذي: دخلت أنا وهو الجنة كهاتين - وأشار بأصبعيه. /



بهذا الحديث نريدك وأعضاء الله ان تعلمي ان شأنك عظيم عند الله ، وما كان عيبا من ضاعا والداه فما ذنبك انت من امور قد حدثت قبل ان تولدي ....



نصيحتي لك ان تكملي حياتك كما كتبها الله لك بصبر جميل علي قسوة هؤلاء الذين لا يتقون الله حق تقاته الي ان يرفع الله بلائه عليك ويجازيك بما صبرتي أضعاف همك ان شاء الله ، كما انصحك بمواصلة دراستك فهي سبيل مهم لتكملة حياتك .


والله اذا احب عبدا ابتلاه ، فاعتبري هذا بلاء الله الذي لا مراد له وتيقني ان الفرج قادم لا محالة فدوام الحال من المحال .


ادعو الله لك بالفرج القريب .

 

[sahiko hamza]

لا حول ولا قوة الا بالله

كيما قالو خاوتي لافوت مش تاعك
مالا شدي في اهلك لانو هوما اهلك
وخاوتك فهميهم بلي انتي واش ذنبك فالبخايص لي يحكو عليها

هادا ماننصح اختي بلا ما تنسي ربي سبحانوا
​

 

[la_safa]

السلآم عليكم و رحمة الله و بركآته ..

ربي يكون معآكـ اختي .. صدقيني شوكتلي لحمي قصتكـ ..
شوفي اختي انت مآ درتي حتى ذنب .. و الكلآم لي قآلهولكـ بآبآكـ كآن في لحظة غضب ..
و صدقيني بلي يحبكـ بزآف كون مآجآوش يحبوكـ مآرآكيش دركـ تقرآي و الحمد لله ..
رآح تولي طبيبة .. كون رآهم رمآوكـ و بطلوكـ من لقرآيآ و ضربوكـ و و و ... الخ
اختي حآولي تشوفي للايجآبيآت .. حنآ هنآ بآه نسيوكـ مآش بآه نزيدو عليكـ ..
و ربي يوفقكـ ان شآء الله هآذو وآلديكـ باباك مآ تزعفيش منو و اطلبي منو السمآح
لانو ربآكـ و ستركـ و مآمآكـ كيف كيف لانو الام لي تربي مآش لي تولد ..
و خلي امركـ مستور و عيشي معآهم كيمآ كنتي حتى يجي مكتوبكـ و تروحي عروسة ان شآء الله
حنآ ندعولكـ لانو فريمون اموقف تآعكـ مآوش سآهل .. و ان شآء الله خير يآ رب ..
و كيمآ قآلولكـ حنآ هنآ في كل وقت رآنآ خآوة ~
​

 

[natalya]

السلام عليكم اشكركم على اهتمامكم لكن مع الاسف مشكلتي اكبر بكثير مما تتوقعون انا انسانة فقدت حياتي اسمي اهلي اخوتي بعد عشرين سنة في يوم واحد صدقوني انا لا ارغب في الحياة لانني لا املك شيءا اعيش من اجله
تصوروا اني صرت عالة على اهلي كانني اجلب لهم العار بل انا بالاحرى لا اعرف من اكون وجدوني اين
لماذا اتيت الى هده الحياة بهذه الطريقة اريد من يفهمني واسفة

 

[hakimafethi]

اختى فى الله اصبرى واحتسبى ومهما يكن فانهم بمثابة عائلتك لان الام التى تاحسن من الام التى تلد وربما هناك من لم يجدو حتى الدفء العائلى وهادا ماقدر الله فلا تقنطى من رحمة الله و اهتمى بدراستك فقط ودعى عنك وساوس الشيطان لانه لا دنب لك فى شىء

 

[بنت الـ25]

السلام عليكم اشكركم على اهتمامكم لكن مع الاسف مشكلتي اكبر بكثير مما تتوقعون انا انسانة فقدت حياتي اسمي اهلي اخوتي بعد عشرين سنة في يوم واحد صدقوني انا لا ارغب في الحياة لانني لا املك شيءا اعيش من اجله
تصوروا اني صرت عالة على اهلي كانني اجلب لهم العار بل انا بالاحرى لا اعرف من اكون وجدوني اين
لماذا اتيت الى هده الحياة بهذه الطريقة اريد من يفهمني واسفة

اختي رانا معاك في أنها صدمة كبيرة
بعد 20 سنة تكتشفي انو اللي ربوك مش والديك وانو العايلة اللي طول عمرك ترعرعتي فيها تكتشفي انك ما تنتميش ليها
ولكن... سبق السيف العذل ومتقدريش ترجعي الزمن للورا
انتي محكيتيناش بالتفصيل جذور مشاكلك وعلاش تعاركتي مع باباك وعلاش اخوتك يعتبروك " تع بخايص" واذا حبيتي متحكيش فهذا من حقك
اصلا المشاكل تصرا فالعايلات بين الوالدين والأبناء بين الإخوة ومهما كان حجمها لازم تحتوى ومنخليوهاش تتغلب علينا
انتي معندك حتى حل غير أنك تصبري وتحتسبي وتحاولي تكملي حياتك وتخرجي من هاذ المشكلة بأقل الأضرار الممكنة
وأنا الحقيقة مفهمتكش لما قلتي

انا لا ارغب في الحياة لانني لا املك شيءا اعيش من اجله

اختي راكي 20 سنة والحياة والمستقبل بأكمله أمامك ومشوارك فالطب
هادي أمور كلها تخليك تتمسكي أكثر بالحياة وتعيشي باش تحققي هدفك
لأن الاستسلام في هاد المرحلة بالذات يعتبر اسوء حل
لازمك تفعلي نقاط قوتك في هاد الوقت بالذات ومتخليش لحظات الضعف تسيطر عليك وتدمرلك حياتك

أطونصيون تخسري اهلك خاصة والديك وحاولي تعاتبيهم بلطف وتبينيلهم انو مش غلطتك انهم جابوك رباوك
ومدام هوما لي جابوك نورمالمو يتحملو هاد المسؤولية
ولو ابنهم ولا بنتهم اللي ارتكب غلطاتك منضنش رايحين يتبراو منو الور اذا هوما يعتبروك بينتهم اكيد رايحين يتداركو الأمر ...
ربي يفرج عليك عليك اختي ويرزقك من حيث لا تحتسبين
​

 

[ЯǾᵯẫḭṧşẰ]

بسم الله الرحمن الرحيم

(ما أصاب من مصيبة في الارض ولا في أنفسهم الا في كتاب من قبل نبرأها)

(لن يصيبنا الا ماكتب الله لنا)

صدق الله العظيم

ما اصابك لم يكن ليخطئلك’ وما أخطأك لم يكن ليصيبك
ولن تهدأ أعصابك وتسكن بلابل نفسك وتذهب وساوس صدرك حتى تؤمن بالقضاء والقدر

فصبر جميل
التحلي بالصبر من شيم الافذاذ الذين يتلقون المكاره برحابة الصدر وبقوة ارادة ومناعة ابية.
فتحلي بالصبر اختي
وارضي بما قسم الله لك تكوني أغنى الناس


تقبلي مروري
و احترامي


​

 

[دمعة اشتياق]

الله يصبرك و يفتح عليك ابواب الخير ان شاء الله

ديري ربي في بالك اختي و ادعي ربي ييبين لك الطريق الصواب

دعواتي اليك اختي العزيزة

 

[natalya]

دعوني اوضح لكم وللاخت التي تريد ان تفهم قصتي اولا انا بنت ملتزمة والحمد لله والشكر يعود لاهلي وخصوصا بابا كان دايما ينصحنا يوجهان وماشي راح ننسا فضلهم عليا بالعكس شكرهم لا يكفي لان ما فعلوه معي اكثر من اي واحد لانهم رباوني وستروا علييا انا مش ران ضد اهلي صدقوني مي الان تبدلت تعامل خاصة مطاليبي زادت مع جامعة راكم تعرفوا وتاني حنا في دارنا في اربع بنات و ثلاث ولاد في لبنات انا لي نجحت فيهم زوج مجابوش لباك واحدة راهي تقرا نشاله تنجح بابا وخياتي يتحسوا مني بابا يصرف عليا اكثر منهم هدا واحد من الاسباب وتانب انا ران في اقامة جامعية وراكم تسمعوا على بنات جامعة صوالح بزاف ماشي ملاح بابا ولا يخاف ادا كان انا نكون مثلهم مي انا الحمد لله والله شاهد عليا قبل منعمل اي تصرف نفكر في قيمة وقدر و صمعة اهلي
يعني بابا ولا يشك فيا
خلوني نوضحلكم كيفاه بابا قالي شكون انا هديك لمرة كنت محتاجة دراهم قتلو نحتاج دراهم قالي معنديش ومتزديش تقلي مدلي انا قتلو ياك نتن بابا كي منقلقش لمن نفول قالي مانيش باباك ومعنديش هكدا صرات عل عموم انا والله مهما قالولي اي شيء ران رايحت نتقبلو لانهم هم ارحم من اي مكان في هدي دنيا مشكلتي مع روحي مش قادرة نتقبل روحي كيما هكدا كفاه نكمل حياتي ونظرة لمجتمع ليا وخاصة اهل ماما وبابا انا كنت ندريهم معلبالهمش بيا مي كامل علبالهم صدقوني ران في وحد العزلة غير ربي ليعلم بيها واسفة

 

[djawahir]

السلام عليكم كامل انا هدا الشي لي كتباتو الاخت نتاليا مقنعنيش هدي وحدة ناكرة جميل لقت ناس يلموها و يشفقو عليها و راهي تشكي من فوق لي مثلها يطايشو في الزنق ومش لاقين شكون يلمهم نورمالمو تحمد ربي نورمالمو اهلها لي يشكيو بيها ماشي هية هي علي حساب ماهي تقول راهي انسانة مثقفة ومشي من حقها تحكي بهدي الطريقة عاى الانسان لي يرباها وعلى حساب مافهمت المشكل في الاساس راهو مادي يعني دراهم وهدا بصراحة انا منلقيش اللوم على باباها على خاطر لي صرف عليها عشرين سنة يقدر يصرف عليها سبع سنين نتاع لقراية