بنت تبحث عن نصائح لتكملة حياتها

[بنت الـ25]

أختي جواهر متكونيش قاسية لهاد الدرجة
طبعا كل واحد ورأيو ولكن احنا لهنا لما واحد فينا يحكينا مشكلتو ويطلب نصيحة من المفروض انو كل واحد منا يحط نفسو محل صاحب المشكلة هكدا نعتقد رايح ينصحو نصيحة مفيدة
تصوري انتي في مكان نتاليا بعد 20 سنة يقلك باباك انتي ماكيش بنتي جبتك من السبيطار ؟؟؟ احكيلي شعورك برك

حبيبتي نتاليا لو كان الأمر بطريقة لطيفة لهانت الكثير من الأمور ولكن طريقة باباك كانت غلط × غلط
انا نصيحتي ليك واصلي التزامك وكملي مشوارك الدراسي
ومتتأثريش ببنات الإقامات السيئات السمعة
طبعا لسن كل البنات سيئات وفي كل بلاصة تلقاي لمليح والحاير
وحطي دايما ربي بين عينيك وفي قلبك صدقيني رايحة تحسي دايما بالراحة النفسية والحنان لي مالقيتيش في أحضان أسرتك
والدك ربي يعينو ويهديه خسّر معاك كل شيء في لحظة غضب
انا ننصحك تقطعي العزلة وترجعي تتواصلي مع اهلك صدقيني الكلمة الطيبة والمعاملة الحسنة معاهم رايحة تغير طباعهم معاك 180° طبعا مش من اول يوم ولكن مع الوقت وهنا أقوى سلاح ليك الصبر
وانتي ما شاء الله انسانة مؤمنة وانا متأكدة رايحة تتغلبي على كل الصعوبات
وفالأخير ادعي ربي يرزقك بولد الحلال اللي بإذن الله رايحة تتحلحل كل مشاكلك تحت جناحو
سلام
​

 

[sahiko hamza]

أختي جواهر متكونيش قاسية لهاد الدرجة
طبعا كل واحد ورأيو ولكن احنا لهنا لما واحد فينا يحكينا مشكلتو ويطلب نصيحة من المفروض انو كل واحد منا يحط نفسو محل صاحب المشكلة هكدا نعتقد رايح ينصحو نصيحة مفيدة
تصوري انتي في مكان نتاليا بعد 20 سنة يقلك باباك انتي ماكيش بنتي جبتك من السبيطار ؟؟؟ احكيلي شعورك برك

حبيبتي نتاليا لو كان الأمر بطريقة لطيفة لهانت الكثير من الأمور ولكن طريقة باباك كانت غلط × غلط
انا نصيحتي ليك واصلي التزامك وكملي مشوارك الدراسي
ومتتأثريش ببنات الإقامات السيئات السمعة
طبعا لسن كل البنات سيئات وفي كل بلاصة تلقاي لمليح والحاير
وحطي دايما ربي بين عينيك وفي قلبك صدقيني رايحة تحسي دايما بالراحة النفسية والحنان لي مالقيتيش في أحضان أسرتك
والدك ربي يعينو ويهديه خسّر معاك كل شيء في لحظة غضب
انا ننصحك تقطعي العزلة وترجعي تتواصلي مع اهلك صدقيني الكلمة الطيبة والمعاملة الحسنة معاهم رايحة تغير طباعهم معاك 180° طبعا مش من اول يوم ولكن مع الوقت وهنا أقوى سلاح ليك الصبر
وانتي ما شاء الله انسانة مؤمنة وانا متأكدة رايحة تتغلبي على كل الصعوبات
وفالأخير ادعي ربي يرزقك بولد الحلال اللي بإذن الله رايحة تتحلحل كل مشاكلك تحت جناحو
سلام
​

نزيد على كلامك
احنا ماعدناش لحنانة
نتقلقوا شويا سيبون نخسرو بأبشع حاجة عدنا
كون لقى باباك كيفاه يقولهالك فهاديك اللحضة بأبشع من هك كان يقولهالك
بويسك احنا شعب منارفي ولاطونسيون طالعة عدنـا بزاف

مي طلي على قلبوا تلقيه نادم حتى ولو مايقولهالكش مي نادم
بلاك مايبينش مي افون ملداخل نادم ..

كون تصرالك اي حاجة أكيد تلقيه هو اللول ليوقف معاك
بويسك راكي بنتوا ولو ماكيش من دمو مي راكي بنتوا لأانو رباك وعاش معاك 20 سنة

هو باباك وهوما عايلتك
وخاوتك اداتهم صغر عقليتهم برك
يكبرو شويا راح يندموا على كل كلمة قالوهالك
اما باه تحسي احساس اوخر هذي ننصحك غي مكلاه تخمي التخميمات الزايدة
خاطر كون تخمي فيها شويا راح تضيعي مستقبلك لي راه بين يديك

سلام .
​

 

[ahlam02]

تأثرت بحكايتك بزاااااف بصح نورمال انت واش دنبك عيشي نوغمال كيما كنت بكري ان شاء الله يفرج عليك براجل يصونك ويحبك وينسيك في كل شيء.

 

[بنـ MaPa ـت]

ماشي عيب الشي لي صرالك
ويكثر خيرو وخيرهم لي احتظنوك معاهم طول هاد المدة وهما يحبوك ومازالو يحبوك...شوفي اختي ان شاء الله تكون مرحلة وجوز طيحة ونوضة كيما يقولو وترجع الامور كيما كانت
حاولي المدة هادي تبقاي هادية وماتجبديش الامور لي تكون شعلة للمشاكل حاولي تهدني الوضع واحكي معاهم غير بالعقل وهوما اكيد ماراهمش يكرهوك يمكن بعد الاستقرار لي كنتو عليه وظهر المشكل هادا تكركب الوضع خياتك يحبوك حتى هوما وماتلوميش على واش يقولولك يمكن مصدومين من الشي لي وقع اكيد ماراحش يتخلاو عنك......واصلي حياتك اختي عاادي جدا ماكيش وحدك في الدنيا هادي لي صرالك هكدا
ان شاء الله ترجع حياتكم تستقر كيما كانت
سلآمي​

 

[chr-ndj]

قريت الموضوع شحال من مرة و قريت الردود ..................بصح اسمحيلى ختى مانى حابة نقولك والو درك خاطر رانى مجغبلة شوية ................لى عودة نلتالك و نعطيك الرد لى تستاهليه من القلب الى القلب ................ورانى هنا لى تحتاجيها منسمحلكش قولينا

 

[رضوة الجزائرية]

ربي يفرج لاتقنطي من رحمت ربي سبحانو وهو عمره سبحانو ماينسى عباده ربي معاك وصبري الفرج من عند الله وحنا كلنا تحت امرك​

 

[nabila nebola]

el hoooooooooooooooooooooob ni333333333333ma min .....alllllllllllllllllllllah

 

[MAN1850]

اختي انا عشت معك الموقف و حسيت بيك
و نتمنى تسمعيلي و تديري برايئيي و ما تكتريش الهدرة بزاف
على خاطر كي يدبرو عليك بزاف قدار تتلفلك
..
اولا : ما تنسيش تقولي الحمد لله على كل شيئ . الصحة و العلم و الاخلاق ماشاء الله الناس تحسدك على النعم الي رزقك بيها ربي
ثانيا : كي تتفكري هاذيك الحكاية .. لازمك تقنعي نفسك بالي انتي مش مذنبة و كل واحد في الدنيا عندو هموم و مشاكل
و ربي يبتلي عبده المسلم .. كاين لي عندو مشاكل عائلية و كاين مشاكل صحية و مادية ... الخ
ولله ولله يا اختي ماكانش واحد في الدنيا كامل ... الكمال لله وحده

اخيرا : حاولي تفرغي قلبك لخاوتك و والديك الي عايشة معاهم .. اكيد راح تصفى القلوب و بعدها ترجعي تعامليهم كيما كنتي تتعاملي معاهم من قبل


اختي لا اضن انك ستجدين احسن من هذه الكلمات
جربيها و ان لم تفهمي شيئ انا هنا مرحبا بك
​

 

[همس الوُرود]

ربي يعاونك ختي وكلي عليهم ربي والخطأ تاعهم مش تاعك

 

[وجع الظلم]

شيء صعب اكيد لكن ليس الفتى من يقول كان ابي لكن الفتى من يقول ها انا ذا
انت والحمد لله تدرسين الطب هذا في حد ذاته والدك اخلاقك ودينك هم اصلك لا تخجلي من شيء انت بريئة منه عيبك اذا انتقمت من المجتمع واتبعتي طريق الندم حذاري المجتمع يسامحك ويتعاطف معك اذا بقيتي في الطريق المستقيم لكن اذا مشيتي بين الطرقات فوالله لن يرحمك احد واولها اهلك الذين ربوك المشكلة والحل في يدك اليوم لك مستقبل امامك ادرسي بكل قواك وتحدي العالم ولما لا سافري اذا سمحت لك الفرصة لذلك برهني للعالم كله انك قوية وقادرة على التحدي خاصة في هذا الزمن كل شيء اصبح رخيص الا الاخلاق اصبحت غالية
عزي نفسك تجدينها لان من هدم نفسه بنفسه ما بنى عمره صحيح اشكري ربك على نعمة العقل ونعمة الدين تخيلي من هم في مثل حالتك لا عائلة لا تربية لا اخلاق لا دين لا دراسة انت محظوظة
لا تخسري عائلتك التي ربتك وجعلت منك امراة ما شاء الله ربما كلامهم كان قاسيا انا معك لكن كوني واقعية مع نفسك الم تخطئي في حق نفسك ربما والدك الذي رباك شاهدك مع رجل غريب فخاف عليك ومن كثرة الغضب فرغ ما في قلبه ربما لا يريد ان تعاد الغلطة التي قامت بها امك لا تلومينه ولا تلومين نفسك هو خائف من المجتمع وانت لا يهمك كلام المجتمع ما دمتي متاكدة انك صافية امام الله وتخافينه فاكثري من الصلاة والدعاء لاننا عندما نموت لا نحاسب على اصلنا بل نحاسب على افعالنا فمن الذي يهمك اليوم المجتمع ام الله فالمجتمع لن يرحم ولن يسكت لكن الله رحيم كريم
كوني قوية بالايمان والصبر وتاكدي لن يبليكم الا لانه يحبكم وانت يحبك الله فلا تضيعي الجنة من يدك وتشترين النار
فكتابة قصتك هذه في حد ذاتها شجاعة وقوة شخصية اهنئك على ذلك دمتي سالمة