مـآذآ ستطبخيــن اليـوم سيدتــي / آنستــي ,, الجــــــ 21 ـــزء

[oumniati]

ام شيماء بصحتكم لحريرة والقراتان
ياريت طريقتك اختي في الشوفلور، قد ما نكاموفلي فيه مايحبوهش بزاف

 

[ام اماني05]

بصحتكم غالياتي اطباقكم تشهي ربي يكثر الخير
كاين اخوات سالوني على خطوط الشكولة كيفاه نعملهم وعلابالي اغلبكم نلقاهم هنا صورتلكم الاكياس ليتباعو ب10دينار من عند لي بييع لوازم الحلويات
http://
http://
http://

http:// </B></I>
لعشية عملت لي شو ولي زيكلير يحبهم لولاد بزاااااف

 

[عفاف الجزائرية]

حالياً الأعضاء النشيطين الذين يشاهدون هذا الموضوع : 31 (10 عضو و 21 ضيف) ‏عفاف الجزائرية, ‏ألاء الرحمـــن, ‏ام نسيبة, ‏dahbito, ‏karima tati, ‏nassima88, ‏شذى الزهور, ‏tasnim55, ‏wassila21, ‏

غيبي غيبي وارواحي راجعي واش فاتك
ديجا راه عندك فرض ضروك وجدي روحك

------
خيرة كي بدلتي اللغة ما عرفتكش ذهبتيلي ههه
بصحتكم كامل عشاواتكم

 

[tasnim55]

السلام عليكم
ام اماني اممممم الطعام يشهي والكباب هاااايل والكلير راااااائع بصحتكم
كوثر وام سارة بصحتكم اللوبيا والمطلوع
عفوفة بصحتكم الشخشوخة
امنياتي بصحتكم حنونة لابوري مع الحم المقلي ويعطيك الصحة على وصفة التليتلي
ام شيماء بصحتك الحريرة والقرتان تاع الشفلور
امة الرحمن اممممممم كلشي يشهييييي مع الحلاويات والمدلان والبراج جاك هااااااايل اممممم
بالصحة والهناء من فضلك حبيبتي طريقتك في صوص الروز ب fruits de mer
للعشاء انشاء الله همبرغر مع لفريت وسلاطة

 

[mimi53]

السلام عليكم لبنات انشاء الله تكونو بخير
باسم الله ماش ءا الله اطباق في منتهى الروعة تسلم ايدكم
اختي ام اماني اطباق وحلويات في منتهى الروعة تسلم ايدك
اختي عفاف مجوبتينيش على رابط ليقوفر
امة الرحمان يعطيك الصحة وتسلم ايدك حلويات تحفة
اختي امنياتي يعيطك الصحة على الوصفة انشاء الله نجربها ونرجعلك لخبر

 

[shahrazad]

مسااء الانواار لبنات
حدة امممممم اطباق تشهي تغيبي تغيبي ممبعد تخبطينا على ضربة هههه الله يعطيك الصحة
ميمي الله الله على هاديك العرضة الله يبارك وانا نمووووت على الرشتة مادابيك تعرضيني مرة اخرى عليها هههه
ام اماني يعطيك الصحة الكسكس والكباب يشهو ماشاء الله ولي زيكلاااار هايلين راني معولة عليهم
كوثر و ام سارة بصحتكم اللوبيا والمطلوع امممم
امة الرحمن امممم تبارك الله كلشي يشهي بصحتكم
امنيتي الله ينورك رانا نتعلمو من بعضانا يعطيك الصحة على طريقة التليتلي صح جديدة
تسنيم حبيبتي بصحتكم الهمبرغرعشا خفيف

عشانا بيري بالفيونداشي بصوص طوماط وكسرة

​

 

[oumniati]

3la slama ya lahmama, rabi ywaffak in cha allah w telgay khdima yaaaaa rab


3afoufa hhhhh cheni cheni ma3raftinicheeeeeeeeeeeee, yaw na3jaz ndir clavier

virtuel w nekteb hhhhhh, rakzi bark


hadhik assoum melli ghatsset ma banet, khaliha bark, nhar tji ma ndakhlouhach, ghir idha jabet tabssi gateau hhhhhhh


tasnim w mimi allah ysalamkoum habibati

oum amani ya3tik saha les eclairs m
mmmmmmmmmmm, ghir ma tchoufich ya bassoum hhhh

shahra allah ybarek 3la hadik la purée, w taswira tgouli carte postal, ya3tik saha ya ghazala

 

[ام شيماء]

راني جبتلك الوصفة تاع قرتان بالشوفلار ويجي هايل هدي الوصفة لاخت من منتدى اخر ربي يجازيها كل خيرالتحضير: راس شفلور تغليه او تفوريه مبعد قطريه وعبزيه بفرشيطة + بصلة مسكرفجة+ معدنوس+ ملح + فلفل اكحل + فورماج ابيض مقطع + كاس شابلير وخلطي + 3 الى 4 بيضات مضربين وخلطي الكل
3الى 4 حبات بطاطة قطعيهم مربعات صغيرة واقليهم
لحم مرحي طيبيه كيما البوراك بالبصل والمعدنوس
كريمة الفورماج: لتر حليب+ 3 بيضات + 150غ مايزينة+ ملح+200غ فورماج ابيض حطيها على النار وخلطي حتى تعقد كيما تحضري البيشمال متخليهاش تعقد بزاف
تحضري مول تاع كوشة ادهنيه ديري طبقة بطاطة مقلية ثم طبقة الثانية لحم مرحي ثم طبقة تاع الشوفلور اسويها مليح وغطيها كامل بكريمة الفورماج ورشي عليها جبن مرحي

 

[امة الرحمن]

الله يسلمكم البنات

اختي تسنيم ربي يخليك كلامك دايما حلو ربي يحلي اياماتك

fruits de mer انا نشريهم مكونجليين
حطيهم في مقلة أو قدرة تزيديلهم زيت زيتون وتخليهم يتقلاو شوية حتى تشوفي الماء بدا ينقص
من بعد زيدي ثوم مقطع رقييييق ورقة رند طماطم ملح توابل انا استعملت فلفل اكحل كمون كسبر فلفل احمر حلو كركم وانت واش حبيتي تزيدي وتنقصي على حساب ذوقك طيب غير شوية وطفي معدنوس او قصبر من فوق وعصير قارص الى حبيتي

 

[mimi53]

امممممممممم اختي شهرا نموت على بيري
تسلمي حبيبتي شهرا مرحبا بيك في اي وقت حبيبتي هادا شرف ليا حنونة ربي يحفظك يازينة

 

[mimi53]

لبنات اللي تعرف فيكم الوصفة اللي طبقتها اختي عفاف نتاع ليقوفر تكتبهالي ربي يحفظكم

 

[imane27]

يعطيكم الصحة لبنات اطباقكم كلها رائعة
انا رانى نطيب قرتان شفلور وسلاطة فلفل مشوى ولستاك وفيها بركة

 

[كوثر الوهرانية]

اختي ميمي وصفة لي قوفر هي نفسها وصفة لي كراب و من سيوا تقيليها شوية بالفرينة يعني تكون العجينة شوية تقيلة على عجينة لي كراب
لكن هما نفس المكونات يعني حليب و سكر و زبدة و بيض و فرينة
ان شاء الله نكون افدتكي

 

[عفاف الجزائرية]

اختي ميمي سامحيني هاذا وين تولهت لردودك انك سالتيني على الوصفة
الوصفة مدتهالي بسومة كنتحاصلة في هذاك النهار وسلكتني ربي يسلكها ويهنيها يا رب
هاهي ليك
المقادير
كاس ونصف فرينة
2ملاعق شاي خميرة الحلوى
ملعقة شاي سكر
قليل من ملح
نصف كاس بيض او 2حبات بيض كبار
كاس وربع حليب
3ملاعق اكل زبدة طرية

التحضير

نضع الفرينة+سكر+الخمير+ملح
ثم نضبف الزبدة +البيض+ الحليب

الخميرة كي قيست جاتني باكي يعني حطيت باكي خميرة
والزبدةتكون طرية شوي ودرك مع البرد يعني ماراحش تكون طية على حرارة الغرفة الوغ دفيها شوي
تجيك العجينة شوي خاثرة كيما البغرير
تسخني لابلاك نتاعك ملييييييح ايا تكون مدهونة المرة الاولى
بعد ما تسخن تحطي مغرفة كبيرة نتاع برمة معمرة بالعجين وتخليها شغل تشيح من فوق
كي تشوفيها شاحت وتشكلت الثقوب تسكري عليها لابلاك وتقلبي
وواصلي التقليب هذا اللي يخليها تنصل
المرة الاولى بالاك تلصقلك ومباعد كي تسخن مليح تولي تتنحالك
ان شالله تكوني فهمتي عليا شوي
وسامحيني ميمي هاذا وين رديت عليك
​

 

[السعيدة بربها سارة]

السلام عليكم يا لبات واش راكم بخير
هاي هاي راكم جايبينها تبان ليا انا الكوزينة مانيش نعرفها خلااص
نوض ويجيبني الليل
الله يستر

منين نبدا نخااف نننننسا اي اخت وتزعف علياا

السلام عليكم
ام اماني اممممم الطعام يشهي راهو يغير يا اختي واااش نقولك
ام سارة مرحبا بيك اخيتي
عفوفة بصحتكم الشخشوخة ولكن عينياا داار والنظااظر ما عرفت وينهم
امنياتي توحشك اخيتي
حدة وينك غايبة
دهبية كي راكي يا اختي هادي غيبة
ام شيماء بصحتك الحريرة والقرتان تاع الشفلور /سلمي على بنيتي شيمو
امة الرحمن اممممممم كلشي يشهييييي والله يا ريت الوصفااات
شهرزااد بيري فن يا اختي
الاء الرحمن وااش راكي اخيتي ان شاااء الله بخير
ام اماني ما شااء الله عليك ممممكن الوصفة
ميمي واش احوالك لباااس
كوثر كي راكي غاية وصحا اللوبيا كي توحشتها مليحة مع الهول نتاع البرد
تسنيم لباااس حبيبتي

واخيرا حبيبتي الغالية ابتساام وااش راكي لباااس باينة انت مع القهوة:p لول​

انا والله الكوزينة ماني نروح ليها وطووول دايخة الله يستر
احبكم في الله​

 

[tasnim55]

شهرزاد اممممممم لابوري بلفيونداشي تفتح النفس حبوبة مع الكسرة بالهناء على قلبك
ام شيماء يعطيك الصحة حنونة على الوصفة باينة تجي رووووعة من المقادير
دهبيتو وشراكي غاليتي نورتي ليك وحشة وسلمينا على حبيبة راجية العفو عسولتي الله يحفضكم
امة الرحمن تسلمي حبيبتي على الوصفة ربي يحفضك حتى انا عندي ساشي راهي في الكونجيلاتور قريب الدور العام و مدة صلاحية قريب تموت شريتها باش اندير لابيلا ومن بعد عجزت بصح درك ندورها كيما الوصفة تاعك خطراش شهاتني الله يحفض هدوك ليدين يالغالية بارك الله فيك
ايمانو 27 اممممم بصحتك لعشاء مطرح مايسري يمري و توحشت نشوف اطباقك الباهية
عفوفة يعطيك الصحة على وصفة لقوفر
السعيدة بربها سارة يسلملي هالزين لمنور ويشفيك حنونة
زهور ام ندوش بوح المشاعر روعة ام نوسة سمورة ام اروى ام فاروق ام دودو ايمان احمد صافو ايمان التلمسانية نوال ام ايناس اسيا دز ريمة 29 بدون استثناء القائمة الله يبارك كبيرة توحشنكم يالغاليات انشاء الله تكونو بخير وترجع لمتنا مع لحباب كيما قبل

 

[ام اماني05]

بصحتكم غالياتي غداكم كل واحدة باسمها
الله يسلمك اختي سارة ممكن توضحلي واش من وصفة بغيتي؟
غداي اليوم شاورما
http://
http://

 

[ام سارة1]

مساء الخير عليكم كامل اليوم ليلة محرم واش راكم ناويين ديروا

 

[ام نسيبة]

شكرا اخواتى الصانعات

 

[ibtesem]

مساكم معطر بالورد والياسمين
بصحتكم يالبنات والله كل شئ اشهي
البارح عشانا كان همبورغر

في ليل وقيل نعمل تليتلي
بصحت الجميع