مـآذآ ستطبخيــن اليـوم سيدتــي / آنستــي ,, الجــــــ 21 ـــزء

[NaNouS]

الله يسلمك اختي تسنيم بصحتكم انتي تاني
--
اسومتي حبيبتي توحشتك واش احولك واخبارك ان شاء الله راكل بخير
---
بصحتكم كامل يا البنات

 

[nada242008]

بصحتكم يالفحلات ميمي وام اماني وابتسام وحدة وفريدة وياسمين وام سراج وحسنا وشهرزاد والبنات كامل
راجية منورة الموضوع ونقصي من الغيابات هاه حلي عينيك هههه
نانوس صحا غداك

 

[hadda0425]

مساء الخير لبنات صح غداواتكم
اسما على سلامتك وين تغطسي هاك
ام سيراج بصحتك النعمة
نانوس بصحتك اختي
تسنيم ربي يعيشك اختي وبصحتك وش طيبتي
ميمي ربي يخليك خيتي
ام ندى ياااااا ام ندى شخشوخة في نهار اليوم والله قتلتيني ارمي ارمي من تم ههههههههه
بصحتكم
اليوم من عندنا لوبيا وكسرة


​

 

[tasnim55]

نانوس اممم قراتان يشهيييييي يفتح النفس بصحتكم
ام ندوش شخشوخة الظفر هاااااايلة والطاجين الزيتون يشهي بصحتكم
حدة اللوبيا مع الكسرة شهاتني بصحتك

 

[بنت الجسور المعلقة]

بصحتكم البنآآت راني نعقب في الاختبارات أدعولي تعيشو
ولا معنديش الوقت خلاص ندخل نطل على لكوزينة ههههههههه

بصحتكم كآآمل واش طيبتوووووو كلشي يشهي
سلامي لكل وحدا فيكم
​

 

[imane27]

صح فطوركم لبنات
اسومة وين راكى تغيبى
لى حطو اطباقهم اممممممممممم راكم شهتونى

 

[omarwa]

بصحتكم لبنات اطباق اممممم تشهي

 

[ام منصف]

بصحتكم كامل واش طيبتو راكم قايمين بالكوزينة يعطيكم الصحة
وربي يقوي الخير يا رب
كل شيء هايل كالعادة و العرضة نتاع ام اماني فوووور
مبدعة يا ام اماني يعطيك الصحة وبلاما نوصوك على الوصفات سيرتو بساط الريح هذاك
​

 

[mimi53]

السلام عليكم لبنات
اختي حدة بصحتكم اللوبيا الله يبارك
اختي ندى واش راكي انشاء الله تكوني بخير واطباقك كي العادة ديما تشهي تسلم ايدك
اختي نانوس بصحتكم حبيبتي وتسلم ايدك

 

[ibtesem]

سلام عليكم بصحة الجميع
نانوس بصحتكم واش طيبتي
ندودة اممممممممممممم سخفتيني بالشخشوخة
حدة ياحدة بصحتك اللوبيا ارسليلي غير كسرة

 

[oumsif]

السلام عليكم لبنات
اطباق تشهي كلشي بنين من يديكم يعطيكم الصحة للكل وبدون استثناء

 

[ibtesem]

هدا عشانا

بصحت الجميع

 

[mimi53]

تسلم ايدك حبيبتي ابتسام اطباق تشهي
اختي ابتسام الطبق التاني عبارة عن واش

 

[ام شيماء]

السلام عليكم غبت عليكم 5ايام توحشتكم نتمنى تكونو كل بخير وماشاء الله كلش هايل وربي يقوي الخير

 

[عفاف الجزائرية]

صحا عشاواتكم كاملين مكملين
ربي يطرح البراكة ليكم ويهنيكم ان شالله
انا عشايا كان فلفل مخلل نتاع بسوم ونقوللها دعيتلك على قد ما قدرت ربي يتقبل برك
ودجاج مقلي نتاع ندود نقوللها ربي يعطيك اللي بالي بالك كي نهار ليوم ان شالله
وهريسة
شربة
ودرتخبز الدار كي نديرو طول نشوفو مثقوب ولا ماش مثقوب ونتفكر رغودة حاملة المسك
كل ما ندير خبز الدار تقوليي كي يكون مثقب معناها راه طالع مليح وجاك خفيف
ايا كي نديرو ونلقاه مثقب نقول الحمد لله

حطيت وخطفت تصويرة قبل لا يجوني قبل لا نحط المغارف وباقي المايدة هههه
بصحتكم كامل عشاواتكم وربي يطرح عليكم البراكة كاملين
​

 

[ام اماني05]

بسم الله ماشاء الله عليكم غالياتي اطباق تشهي كل واحدة باسمها ربي يدومها نعمة
اختي تسنيم يتوحشك الخير هذيك الحلوى المخططة بالشكولة البيضا نفسها لي حطيتها قاطو الوردة غيرت في الشكل برك
اما المقروظ الجديد كلمة روعة قليلة في حقه هههه راني راح نعاود باذن الله بالمراحل واذا كنت مزروبة نكتبلك الوصفة على الخاص وبالنسبة للغرس باه يبقى طري لان في بعض الاحيان كي يطيب المقروظ يكون الغرس فيه يابس باه تتفاداي هذا المشكل في بلاطو صغير نحط مقدار الغرس +3م ك عسل+3م ك سمن ذايب+شوية خميرة كيميائية+قرفة +شوية برك قرنفل لان ذوق قاوي ونخلط هذا مكان
الاخوات لي طلبو وصفة بساط الريح اصبرو شوية علي راح نحطها موضوع باذن الله نسيت نقولكم اليوم عمل صابلي بشكل جديد روعة غدوى ان شاء الله نحط الوصفة
ميمي الغالية اسمحلي طولت عليك غير نقعد نكملك واش طلبتي مني
http://
http://
http://
http://
هذا الكسكسي في خاطر الغالية ابتسام:up::up:

 

[ibtesem]

اممممممممممممممممممممم فوفتي بصحتكم كل شئ هايل
ام امون الله الله صحن انسي في صحن بصحتكم اختي
بصحت الجميع الله ابارك عليكم
واش راكي ام شيماء

 

[tasnim55]

السلام عليكم لبنات يعطيكم الصحة وش طيبتو
بسومتي يعطيك الصحة طاجين الزيتون يشهي والصحن الثاني يبقى علمة استفهام وش هو مي باين بنين بالصحة و الهناء
عفوفة كلشي يشهي ويفتح النفس امممممم والخبز جاك هااااايل خفيف كيما يحب الخاطر بصحتكم
ام اماني اطباق راااااائعة وتشهييييييي بصحتكم والف شكر اختي الغالية على الرد تسلمي عندي سؤال من فضلك انا عندي مشكل في القلاصاج تاع الشكولة يجي تقيل والحبة متنشفش مانيش عارفة وين المشكل وانا ديمة نستعمل شكولا تاع بلاكات ياريت تنصحيني كيفاش درتي لقلاصاج والخطوط والمقروض ماعليش حنونة بغرضك انتظر بالمراحل بيكون احسن يعطيك الصحة وصفاتك تعجبني وروووووعة مشاء الله الله يحفظك ام امون

 

[ام منصف]

الله يبارك على اطباقكم عفاف بسومة وام اماني
كل شيء هايل
ام اماني رانا نستناو وصفات الحلوى نتاعك
نويت ندير قاطو الوردة اللي حطيتيه موضوع عجبني بزاف
والبارح زدت كملتي عليا ببساط الريح هههههههه
وكي تقعدي زيدي حطيلنا الصابلي الجديد اللي قلتي عليه وربي يعطيك ما تتمناي
​

 

[أم نيفين]

السلالالالالالالالام عليكم و رحمة الله و بركاته
كيف أحوالكم حبيبات قلبي ...توحشتكم توحشتكم مووووووت
النت كانت مقطوعة و من بعد كي جات ولات ثقيييييييلة ...ماقدرتش خلاص ندخل للمنتدى ....
ماشاء الله على طيابكم الزين ...توحشتو
بوسة ليكم كاااااااااامل ممممممممممممممممممححححح