مـآذآ ستطبخيــن اليـوم سيدتــي / آنستــي ,, الجــــــ 21 ـــزء

[mimi53]

ميشودة يعطيك الصحة اطباق تشهي يعطيك الصحة
زهورتي واش راكي توحشتك يلحبيبة وتوحشت طيابتك
بصحتكم الكوتلات اسمحيلي هادا وين تولهت ليهم
راني نسناو في جديدك المميز كيفك حبيبتي

 

[MĺŹǾ žĕĥÔŖ]

ميشودة يعطيك الصحة اطباق تشهي يعطيك الصحة
زهورتي واش راكي توحشتك يلحبيبة وتوحشت طيابتك
بصحتكم الكوتلات اسمحيلي هادا وين تولهت ليهم
راني نسناو في جديدك المميز كيفك حبيبتي

ميميتا الحبيبة
​

الحمد لله بخيــــــــر تتوحشك الجنة يا العميراااا ربي يهنيك ويخليك ديما
الله يسلمك ويعيلك صحيحتك راكي عارفا مع القراية الواحد ما ولاش كامل يريح هههههههيهيهيهي
ماعليش حبيبتي ليباج بزاااااف كيفاش رح تتولهي مي انا نتوله مي نشوف النور نعرفك راكي لتمااا :d
إن شاء الله وين نلقى لوكازيو راني نجيبلكم الخير بإذن المولى عزوجل

نشكر بزااااااف الزينات حبابتي الي ديما متفكريني

حدة وميمتا و بوحة وشهرة و تسنيمو ودهبيتو وام منصف وامنياتي وام اماني وعفوفة

وكل البنات الي يعرفوني ويحبوني

سلام
​

 

[tasnim55]

 

[tasnim55]

بسبوسة

هذي لاتارت تاع برة مشرية

 

[shahrazad]

اممممممممم يا تسنيمو فهاد اليل تشهي فينا دوك نوض نطيب ولا كيفاه هههه
الواحد ماجاهش رقاد ونتي كملي عليا
الله يحفظكلك هادك اليدين حبوبة
بصحتكم كلشي هايل
​

 

[tasnim55]

اممممممممم يا تسنيمو فهاد اليل تشهي فينا دوك نوض نطيب ولا كيفاه هههه
الواحد ماجاهش رقاد ونتي كملي عليا
الله يحفظكلك هادك اليدين حبوبة
بصحتكم كلشي هايل
​

حبيبتي الله يسلمك ويحفض ايدياتك الزنين انتي تاني ارواحي لعندي و نحطك في ممو عينيا ولي في خاطرك تلقايه مابين ايديك والقلب فرحان وماتنسايش بلي اطباقك يعجبوني روعة عسل على عسل شهرورتي

 

[tasnim55]

تصبحو بخير حبابتي غدوة انشاء الله

 

[oumniati]

mmmmm ya3tik saha ya tasnim kouuuuulchi ychahi

please please a3tini tariktek bettafssil fi el matlou3 , rah dali 3akkli

 

[imane27]

يعطيك الصحة تسنيم كلش رائع يازوينة

 

[ام شيماء]

الله يبارك يا لبنات اخت تسنيم كلش يشهي تسلم ايديك

 

[Smile Queen]

صباح الخير عليكم لبنات
الله يبارك خمسة وخموس عليكم :up:
اختي تسنيم يعطيك الصحة
NaNouS محاجبك قتلوني يسخفووو
messhuda يعطيك الصحة ختيتو :up:
كل البنات ماشاء الله عليكم نفحتوني للكوزينة ههه

1-قاطو ساهل ماهل درتو لبارح تخلطي كاس ونص فرينة مع نص ماس نشا ومغرفة صغيرة خميرة و1 خميرة قاطو وخليه من جهة أخرى خلطي مغرف كبيرة زبدة مع نص كاس سكر قلاصي وزيدي بيضة وملعقة صغيرة فاني ونخلطو مليح ونضيفو الخليط الأول تاع الفرينة بالتدريج مع كاس حليب وكي تتشكل العجينة نديروها دي بولات صغار وندخلوها تطيب ومبعد نلصقو كل 2 بواش حبيتي شوكولا ولا معجون وزيني كيما تحبي
2-شربة دويدة عشانا لبارح
3- بسبوسة فطرنا بيها

 

[imane27]

بصحتكم يا كويين كلش هايل

 

[ام اماني05]

يعطيكم الصحة غالياتي اطباقاكم روعة
اممممم تسنيم اطباق ولا اروووووع يعطيك الصحة ممكن طريقتك في البسبوسة اذا امكن
اختي سميل بصحتكم الحلوى والشربة امممم يشهو
حدة العزيزة هذوك المقرقشات جبتهوملي واحدة كي رجعت من العمرة بالنسبة للشكل ساهل تقطعي
3 دوائر بالقطاعة لي عملت بها المشكلة وهي كبيرة عليهاطبقي الدائرة على2ثم على4 وافتحيها شوية تتحصلي على شكل يشبه شوية في الوردة ولصقي 3 وردات ببياض البيض ثم اقليهم اذا عملتها نصورلك الخطوات
اختي ميمي كيما قاتلك امنياتي هذا الشكل يعملوه المغاربة للاسف انا ما جربتوش
غداي اليوم مطلوع ولوبيا وخدمت الهريسة هذا وين وصلنا الفلفل الاحمر:d:d
http://
http://
http://

 

[oumsif]

اممممممممممم تنسيم سخفتيني كلشي يشهي وسرطو هدوك لقواطي تسلم ايدك
كويين يعطيك الصحة
ام اماني تسلم ايدك اختي​

 

[tasnim55]

mmmmm ya3tik saha ya tasnim kouuuuulchi ychahi

please please a3tini tariktek bettafssil fi el matlou3 , rah dali 3akkli

الله يسلمك حبيبت قلبي من عيوني
كيلة دقيق ارطب + نص كيلة فرينة سينوج شوية جنجلانية 2 ملاعق حليب غبرة خلطيهم مع بعض + ملعقة تاع عسل باش يعطي هشاشة اكثر انا نستعملو في كل المعجنات المملحة بدل السكر +نص فنجال زيت والخميرة تاع الخبز درت ملعقة كبيرة و شوية درتها في الماء خطراش بارد الحال وستعملت خميرة تاع الحبيبات و لميها بالماء دافي و خليها في مكان دافي كي تشوفيها زاد الحجم تاع العجين ادلكيها بدون اضافة الماء حتى ترطاب شوي وبعد جيبي الماء دافي ودري فيه الملح وهنا ابداي اعجني عادي والملح جامي دريه ديراكت دوبيه في الماء و اعجني حتي تشوفيها بدات تتلاصق في يدك حبسي وبعد ديري كورات ماتكون كبيرة ماتكون صغيرة باش تساعدك ومرغديهم في الفرينة او السميد انا هنا استعملت الفرينة ودردرت شوية في اسرابت باش كي تقرصيها وبعد تخمر متلصقش وانا الاغالب ماعنديش طاجين الطين ولا طابونة انطيب في طاجين تاع لحديد ونحطو فوق الكوزينيار ونقوي لنار
والغرفية لكيلت بيها غرفية عادية ميش كبيرة واي استفسار راني في الخدمة حنونة وسلامي لزكزوك

 

[ام شيماء]

الله يبارك يا لبنات ام اماني اللوبية راها تسخف انا نديرها غير من يكون البرد بزاف هدي الايام راه الصيف ربي يلطف بينا

 

[tasnim55]

حبيباتي الله يسلمكم ايمانو 27 ام شيماء سمايل كوين سمورتي و ام امون الف شكر حبيبتي
ام امون اطباقك تهبل كالعادة مشااااااء الله وسخفتيني بالوبيا والمطلوع امممم بالهناء مع لهريسة روووعة حبيبتي و وصفة البسبوسة درك نكتبها حبيبتي من عيوني

 

[tasnim55]

سمايل كوين امممم كلشي رائع حبيبتي الشربة تشهي والحلوة والبسبوسة جات هاااايلة بصحتكم

 

[SAMIRA25]

الله يبارك عليكم كل شىء رائع وبصحتكم كامل واش طيبتو​

 

[tasnim55]

البسبوسة هدي اولا نشكر صاحبة الوصفة لهي كاتمة الهموم غير زدت فيها تغير طفيف وفكرة الماء الزهر من منتدى اخر نشكرهم في زوج يعطيهم الصحة
ام امون حنونة هاهي ليك الوصفة
5 بيضات نفصل الصفار عن البياض
الصفار +1لافاني ونخبطو +كاس سكر نستعمل النص ولاخر نحتفضو بيه لليباض ونخبطو جيدا حتي يتغير اللون يتضاعف الحجم 2 ملاعق ماء الزهر +ناقص اصبع كاس زيت ونخبطو + حليب نص كاس فايت شوية و نخبطو زاست القارص +كاس ونص دقيق ارطب + نص كاس فرينة و 2خميرة الحلوى ونخبط ونخليه بجيه
البياض رشة ملح ونخبط جيدا و نكمل نصف الكاس السكر حتى تثقال وتصبح مثل الميرانغ وبعد ضيفيه للخليط الاول وخلطي غير بشوية و بملعقة خشبية باش ماتهبطش
وفرغيها في مول مدهون و مرشوش بالفرينة ودخليها للفرن 180 درجة بعد 20 دقيقة شوفيها بعود اسنان الا طابت طريقة معروفة
و الشربات كاس سكر كاس و شوية ماء ترنش قارص وخليها على النار وبعد ما توجد الشربات و بعيد على النار ضيفي مغرفة عسل وحليها جيدا وهدي الشربات تكوني وجدتيها من قبل وتكون باردة و البسوسة لما تخرجيها اسقيها وماتكثريش بزاف خطراش خفيفة بزاف ملازمش تشرب بزاف وزوقيها من فوق كيما تحبي و لما تبرد قطعيها والا مافهمتيش كاش حاجة راني في الخدمة حبيبتي