مكانش الي يغلط !!

[secret de coeur]

سلام عليكم
و الله صراتلي و الغلبة الكبيرة في تيليفون ماما ندمت على النهار اللي رفدتو فيه
سامطين ناقصين ثقافة
​

وعليكم السلآم
تاني في بورتابل ماماك كنتي تديه لباباك ينعتلو سماطة كي دايرة
مانعرف كان مشكل ثقافة والا اخلاق
صحيتي على المرور اسينات
​

انا نخاف مين يكونو مآكتيفيين

نغلق البوطابل ونهني راسي

وي يآكتيفيو ويهبلو لعبآآد
مي مش حل تغلقي البورتابل كاين الي يحتآآجك
مرسي ع المرور وردة
​

 

[Nilüfer]

ههههههههه موضوع هايل

وحساااس بزاااف

لووووووووووووول

هي صراحة العقلية خاوية

والشعب فاضي ما عندو ما يدير

وغير اليوم صراتلي غلطة باش نبعت مساج لصحبتي ونقولها ما نروحش لافاك رحت بعتو لنيميرو وحداخر

الحمد لله خرجت سالامات سينون تصرااا مشكلة بالاخص البورتابل تع بابا :d

مشكوووورة سوكري عالموضوع

:regards01:
​

 

[بنـ MaPa ـت]

اهلين جيمي واش راكي؟؟

تصرى بزاف العفسة هادي ويا عيييييب ع اللي يبقى يسمط ويعاود سورتو في نصاص الليالي هادا واش نكره
صرات لماما البارح واليوم...واحد حاب يتمسخر وتقولي جاه حالو غير على النيميرو تاعها
عيط لا1يار فوا قالها انا امين جوزيلي امينة ههه ايماجيني ريبوندات قاتلو ماعنديش لبنات يا وليدي وراك غالط في النيميرو شوية حتى عاود ومن البارح وهو يعيط غير لعشية بعد
الحاجة لي مخوفتني راه ببريفي ولوكان يعيط الوقت لي يكونو خاوتي هنا خلات يحسبوني انا راني نمد فلينيميرو للدراري يعيطولي اكره حاجة عندي كي يشكو فيا هكدا يوليو كل مرة يعسوني تبااا

الله يهديهم وخلاص كيما درنالهم ماحبسوش السماطة تاعهم

ايا مرسي عليك حبوبة
سلآآمو
​

 

[saroura]

صراتلي ، عيطولي بالماسكي
مع الاول ماكنت نريبوندي
و بعدها تفكرت ، قلت بلاك صحبتي "تسكن في فلسطين راهي تعيط" لاخاطش مرات مايظهرش عندي الرقم تع الخارج
ريبونديت : قلت السلام عليكم
رد راجل ، قالي انا فلان
قلتلو اسمحلي خويا ما نعرفكش و قطعت الاتصال

امممممممممم مي ما قنعاتوش هذي ما نعرفكش قاعد غير يعيط حتى انا خفت
حطيتو على "الصامت"

رجعت بعد ساعة هكذا لقيت اكثر من 50 آبال بالماسكي
طفيت البورطابل
غد منذا رجعت فتحتو
بمجرد اني فتحتو قلع يعيط :-o

و واصل لمدة 15 يوم >> و ما كرهش

ببساطة الـVـيد بزاف و ماعندهم حتى صلاح قاعدين يقتلو فالوقت بالصماطة تعهم
​

 

[secret de coeur]

عمرها ما صراتلي تعرفو علاش
استناو نعطيكم السر: احم احم
كي نعيط فالبورتابل تيت تيييييت
يهز الطرف الاخر انا نسكت نستناه هو حتى يهدر ويقول الوآآآآآآ
لكاااان سمعت صوت طفلة اي سلامات
لكان سمعت صوت طفل ولا راجل نحط التريكو على فمي ونخشن صوتي باش نبان طفل ونقولو اسملي غلطت فالنيميرو ونكوبي
مالا هكا ما عندو ما يدير بنيميرو تاع راجل
وما يعاودليش
(طبقوها راهي ناجحة 100/200 )
​

هيا بيان فكرتيلها حل
مي مش قاع نعرفو نقلدو
مي الحل هما يبدلو عقليتهم ويخطو ريسانا
صحيتي على المرور تنوتة
​

اهاه ياسكر الله غالب الغاشي فاضي وعندو الفيد بزاف الله يهدي
مي انت حبيبتك ع الاقل غلطت في ولد انا طـُفلة وقريب هبلت لي ميساج وتبيبيلي مع الليل حتان خويا قالي شكون هذا لي راه يعيطلك هذا الوقت
بيناتنا حرمتـ البورطابل راني نديباني من عند اختي الكبيرة احسن :d
ع الاقل تخطي راسي ههههههههه

ميرسي ع الموضوع مهبولتي
سلام

ههه والله يا البنت هادي كنتي تعيطي لخوك تقولو اني صبتلك عروسة :d
ملا علاجل مقصوفة الرقبة هادي خليتي لابيس تعك
ياخي عباد صمطولنا العيشة
نورتي الزينة ع المرور
​

 

[secret de coeur]

أغلبُهُم جُهَـآلْ
وَ كفَى
فالعـآقلْ و المُتعلمْ ليسَ له وقتُ للتفاهآتْ
شكرًآ على المَوضُوع ( البَآهي ) على قولةْ أهل الشرقْ​

ايه جهآل ونآقصين تربية
بيسك حاجة مايرضاوهاش لخواتهم ويديروها لبنات ناس
مرسي ع الرد لبآهي
​

الحل تحطو فـ la liste bloquée
ولا ديرلو rejet automatique
ولا renvoi d'appels vocaux
Merci hebibti
​

اهلا بالغوبآل تآعي
فآكرتي قاع الحلول نتي ههه
رانا نتمشاو بيهم ياخوفي تكمل لاليس بلوكي راه عندها حد :s
بلامزية لحووب نورتيني
​

 

[DjOuHeInA mInOUcHa]

حبيبتي انا صراتلي كتر من هاك انا رحت فليكسيت عند واحد وعاودلي في اليل ولدرك مزال يديرونجي فيا الله يهدي

 

[بنت الـ25]

اييييه يا مولات السوجي هههههه
هاد الجونغ معمرة بيهم الدنيا
هات تغلطي برك يشيطوك تكرهي الدقيقة لي فوغميتي النيميغو هداك
انا شخصيا صراتلي مرة جيت نبعت لخويا ميساج عكست الارقام
ايييييييه ما صدق السيد كل دقيقة يعيط ايا قلت لخويا احكي مع جدو واش منغلطوش
وخويا ميعرفش يهدر بملاحة
قالو؟ وشبيك آلبراكة تعيط ؟ فات وغلطنا منغلطوش
تزيد تعيط متفراش
من تم
وخلي وخلي وخلي
اما التمسخير هدا تع لي تبقى تشيخ بيه بففففف عقلية بايرة
سلام
​

 

[D aucun]

هههههههههه هدا ماكان يا نورمال هادي ماشي بيزار ​

 

[dana1993]

السلام عليكم
موضوع باهي جيمي
كثرو العباد الصامطين و الفارغين للاسف
والله يالي يبيبيو بلانكوني ههههه
حالة والله حالة
ربي يهديهم و يهدينا و يثبتنا يارب​

 

[secret de coeur]

Merciiiiiiii

2r1
​

ههههههههه موضوع هايل

وحساااس بزاااف

لووووووووووووول

هي صراحة العقلية خاوية

والشعب فاضي ما عندو ما يدير

وغير اليوم صراتلي غلطة باش نبعت مساج لصحبتي ونقولها ما نروحش لافاك رحت بعتو لنيميرو وحداخر

الحمد لله خرجت سالامات سينون تصرااا مشكلة بالاخص البورتابل تع بابا :d

مشكوووورة سوكري عالموضوع

:regards01:
​

موضوع هايل كيفي خخخ
تبا نتي مزالك متالبة عمو فليميساج دك نخبر عليك :p
سلامة راسك ماصرى والو
نورتي لحبيبة بمرورك
​

 

[secret de coeur]

اهلين جيمي واش راكي؟؟

تصرى بزاف العفسة هادي ويا عيييييب ع اللي يبقى يسمط ويعاود سورتو في نصاص الليالي هادا واش نكره
صرات لماما البارح واليوم...واحد حاب يتمسخر وتقولي جاه حالو غير على النيميرو تاعها
عيط لا1يار فوا قالها انا امين جوزيلي امينة ههه ايماجيني ريبوندات قاتلو ماعنديش لبنات يا وليدي وراك غالط في النيميرو شوية حتى عاود ومن البارح وهو يعيط غير لعشية بعد
الحاجة لي مخوفتني راه ببريفي ولوكان يعيط الوقت لي يكونو خاوتي هنا خلات يحسبوني انا راني نمد فلينيميرو للدراري يعيطولي اكره حاجة عندي كي يشكو فيا هكدا يوليو كل مرة يعسوني تبااا

الله يهديهم وخلاص كيما درنالهم ماحبسوش السماطة تاعهم

ايا مرسي عليك حبوبة
سلآآمو
​

اهلا مرويتا
لاباس سوال عليك
شفتي وزيد يعيط لماماك وجهو صحيح ،، اوموان يقادرها
ياربي ماعادوش يستحو هاد ناس
نو ماتخافيش ان شاء الله خير
+ كل واحد راهو لاتي في شغالو ونتي اعلم :d
هيا مرسي ع المرور
​

صراتلي ، عيطولي بالماسكي
مع الاول ماكنت نريبوندي
و بعدها تفكرت ، قلت بلاك صحبتي "تسكن في فلسطين راهي تعيط" لاخاطش مرات مايظهرش عندي الرقم تع الخارج
ريبونديت : قلت السلام عليكم
رد راجل ، قالي انا فلان
قلتلو اسمحلي خويا ما نعرفكش و قطعت الاتصال

امممممممممم مي ما قنعاتوش هذي ما نعرفكش قاعد غير يعيط حتى انا خفت
حطيتو على "الصامت"

رجعت بعد ساعة هكذا لقيت اكثر من 50 آبال بالماسكي
طفيت البورطابل
غد منذا رجعت فتحتو
بمجرد اني فتحتو قلع يعيط :-o

و واصل لمدة 15 يوم >> و ما كرهش

ببساطة الـVـيد بزاف و ماعندهم حتى صلاح قاعدين يقتلو فالوقت بالصماطة تعهم
​

ياحنونة غي الماسكي ماترديش والا كان ايرجون ورديتي
اسكتي واسني هما يهدرو كان مرأة كملي اهدري والا رآجل زعما كوبي وخليه
شفتي السماطة فوت فاكونس دو 15 جور وهو يعيط مايملوش :-o
صحيتي على المرور خيتي
​

 

[homework]

هذوك شباب مزالوا في سن المراهقة و المستوى00000000 الله غالب هذا هو النيفوا الطايح

 

[محبة الهدوء]

موضوع باهي جيمي

هدي الامور تصرا مي كيما يقولو الباب لي يجيك منو الريح سدو واستريح

يعني لوكان صراتلي ليا انا نبلوكيه تم تم ونهني راسي

 

[lemia23]

السلام عليكم اختي ربي يهديهم هاد الرجال خاطر يحبو يحكيو وخلاه ومع لي جا

 

[amine dendane]

التيلفون نعمة ونقمة وتغلط تسلك

 

[zahira92]

sratli déja mé wach n9olo ghir Allah yehdi ma5la9
​

 

[أم أمين23]

والله اينة غير اغلطي برك في نيمرو حصلة هي كان عليها تعطي التيليفون لخوها والا باباها كي تشوفو عيط مرة وزوج يكره ما يزيدش اعاود لخاطر هاد العباد الله اغالب عليهم مراض وفارغين شغل

 

[أميرة زمانـے‎]

هذا الشخصْ يا :

1 - عندو دراهم ياسر
2 - معندوش ختو يخاف عليها ولا عندو بصح كي موجودة كي مش موجودة كيف كيف
3 - ولا فارغ شغل

و الرسمي فارغ شغل ،’

أنا الحمد لله جامي صرالي هاذ المشكل و ان شاء الله ميصراليش كامل ، بصح ديفوا يصونيلي نيميرو بريفي و منردش بصح نقول اذا ماما ردت ولا بابا ممكن لي راه يصوني يكذب عليا ايو كذبة تجي ف بالو


الله يهدي ما خلق و سيرتو شباب المسلمين​

تخافي برك يكون عضو من أعضاء اللمة و يهيج فينا ههههههه​

 

[magique]

nroh wnarje3 mawdo3 mlih
​