يلحــــــgــــو لفُمـــها ويقولو بطلنا خلاص ..

[عفاف الجزائرية]

السلام عليكم ورحمة الله وبركاته
بالاك هاذا تاني مرة نحط موضوع في واش راك تهدر
تالمون نحب نهدر مي نخاف نهدر
الوغ درك في هاذ الساعة 23:01
قاعدين دارنا يشايخو مقصرين
ايا من كلمة لكلمة جبدوها على الوقت والزمان والعجايب ورجع خويا يقول تبدلت البلاد طول ووووو
ايا يهدرو حتان وصلو لواحدة فاميليا لينا
تلاقاوها لعشيا وعندها ولدها نورمالمون السمانة هاذي الحنة
يعني نورمالمون ليوم الاربعاء
سقساتها ماما
قاتلها واش ييخي ليوم الحنة مازال ما كملتيش الحوايج خرجتي تكملي فيهم
قاتلها اييييييييه واش نقوللك
يخي عندها 3 ايام منين بعثتلنا العروس وقاتلنا خلاص بطلت
يعني قصدها نهار الاحد بعثتلهم قاتلهم بطلت
بعيد الشر هاو تركبت ول
وهاذي علاه بطلت واش السبة غير الخير
قاللك يا سيدي قالولها الطفل نتاع بنات
ياوحد الفوساخة الطفل قريب عام وانتي تعرفيه وتهرفي معاه هااذا تلفون هاذو اعياد هاذو مواسم ما عرفتيش نتاع بنات
لحقتي يومين قبل العرس اكتشفتي يا كونانة انه نتاع بنات
--------
درك انا راسي حبس
التوجاد اللي وجداتو هاذي المرأة واش تدير بيه
يعني مادام نهار الاحد عيطتلهم الا وانهم موجدين القواطو موجدين المذبوحات عارضين الناس واحنا منهم
يعني كيفاه رح تدير
واش من وجه تقابل بيه
رح تقوللهم بطلت العروس
رح تقوللهم بطلنا العرس
تعيطلهم بالواحد تقوللهم انuلينا العرس
تاني حاجة انا هنا ما عرفتش واش نلوم
نلوم الطفلة
ولا نلوم ماليها يعني والديها
ولا نلوم بيت الراجل

-------
انا في بالي الراجل حتى ويكون خارج من المسجد مي كي يكون فيه طبع ما يتنحاش منو
وراجل كي يكون زفايفي (يعني زهواني وقيلوش ) مي كي تكون عينو معمرة والله وتكون قدامو ديانا ما يشوفش فيها


-----
اللي عندهم كاش تفسير لهاذ الظاهرة يفهمني فيها


ايا تشكرو على حسن الاصغاء والمتابعة
ونهاركم مبروك
ويا لبنات عندكم تديروها أو تتفروها في رواحكم برك
اذا عينكم في الراجل شوفو احوالو من الاول ماش تلحقو لفمها وتقولو بطلنا خلاص
ربي يهني كامل بناتنا واولادنا ويفرحهم يارب
​

 

[ماكانش]

أهلا بيك عفاف
نورتي المنتدى والله
كنتي باخلتنا بالمواضيع الباهيين هاذو هههه
---
والله مام انا عييت نلقالها حل
هل عندها حق الطفلة ليامات اللخرة قالولها بلي راهو تاع بنات وحكمت ادلة ولا جابوهملها ؟؟؟؟ كيما قلتي كونانة هههههههههههههههههه مت بالضحك ههههههههه
ولا مانعرف واش فبالها جابت السبة برك انو الطفل تاع بنات ؟؟؟؟؟؟
مانعرف وهنا مانقدروش نلومو ...
في انتظار التفسيرات والكونانيين والكونانيات ههههههههه
​

 

[ملكة جمال اللمة]

واش معناها كونانة هههه و الله مفهمتها
المهم بدون تعليق حتى انا راسي حبس شكرا على الموضوع الرائع و تستاهلي احلى تقييم

 

[بنت الـ25]

اهلا بعفوف نورتي منتدى وش راك تهدر
والله هاد الظاهرة تلقاي عندها بزاف أسباب
وفي هاد الحالة
ممكن تكون الطفلة حابة تبطل من بكري وماليها ضاغطين عليها
وممكن تكون اكتشفت في الفترة الأخيرة صح انو تع بنات
متقدريش تعرفي السبب هنا بارسكو غير العروس وماليها برك لي علابالهم
مي كان الأجدر يخبرو اهل لعريس قبل بفترة لاباس بيها
عيب عليهم يانيليو العرس فجأة وفي آخر لحظة تبهديلة قدام الناس اولا
وخسارة للطرفين تجهيزات العرس من جهة اخرى
ربي يهدي الخلق
​

 

[السلطانة]

وعليــــكم السلام

ياي من موضوع الرابح الأكبر :pمابان عليك حتى خبر ليومنا هادا
نورتي واش راك تهدر
************************
بالنسبة لموضوعك راه يحكي على نقطة مهمة جدا جدا
شاعت في وقتنا هادا
طفلة تقبل بالزوج ويعقدو ومن مباعد تقولك نبطل
ويفسخفو العقد وترجع مُطلقة قبل ليلة العرس

هادي ماش ساهلة
كاين طفلة يفورصيو عليها والديها تقبل من مباعد تلقى هاداك الزوج كريثة
متنجمش تبني معاه اسرة تقولك نبطل درك قبل ماتطفر
وتوصل للطلاق بعد الزواج وهاديك اي واعرة اكثر

سواءا يكون تاع نسا او يكون ماكانش توافق بيناتهم فكري ...
نقاط بزاف قادرة تظهر بعد الخطبة

نعرف وحدة بطل عليها خطيبها لي جور لي فاتو
بتهمة الخيانة
هيا قبلت بيه وكانت تحب واحد اخر وبعد ماعقد عليها بقات تتلوعب من ومنهيه
شوي فاقلها وخلاصتلها خايبة مُطلقة بتهمة الخيانة وشاعت عليها.

كاين حالات صح تكون الله غالب تبطل قبل الزواج خير من تطفر فيها من مباعد
وكاين لي تكون عارفة وتقبل مي مباعد تبطل
شكون ضربها على يدها تقبل اصلا كي تعود عارفتو بلي تاع نسا وبلي وبلي
كيما لي حكيت عليها في موضوعك

كيما يقولو ناس سكيكدة:
قاسك الزواج لوعبة
ياي ماهوش لعبة صح


ملاحظة:
جبتيلنا مصطلحات جدد
ياوحد الفوساخة
زفايفي:p

​

 

[بيكهام]

سلام عليكم

هاذي طفلة باينة من مرة لولة ماشي قابلة وتحوس غير علا سبة باش تبطل

هذا هو حلها

شكرا لك عفاف
​

 

[عفاف الجزائرية]

واش معناها كونانة هههه و الله مفهمتها
المهم بدون تعليق حتى انا راسي حبس شكرا على الموضوع الرائع و تستاهلي احلى تقييم

كونانة اخت كونان
المحقق كونان
العفو خيتي منورة لمرورك
​

اهلا بعفوف نورتي منتدى وش راك تهدر

اهلا بيك مينات النور نورك حبيبتي
والله هاد الظاهرة تلقاي عندها بزاف أسباب
وفي هاد الحالة
ممكن تكون الطفلة حابة تبطل من بكري وماليها ضاغطين عليها
وممكن تكون اكتشفت في الفترة الأخيرة صح انو تع بنات
متقدريش تعرفي السبب هنا بارسكو غير العروس وماليها برك لي علابالهم

ياودي يا مينات اختي انا نحكي على اهل العريس كس نفسي
يعني فاميلتي وسعد امها اللي تروح لعندهم
والطفلة دارها مجهزة على حسابها هي
هي اللي خيرت لاكولاغ نتاع البانتورة وهي اللي طلعت شرات لاشومبغ
آكوشي وشرات الكوزينة واجدة
ياودي كانو لاباس عليهم في بيناتهم
مي كان الأجدر يخبرو اهل لعريس قبل بفترة لاباس بيها
عيب عليهم يانيليو العرس فجأة وفي آخر لحظة تبهديلة قدام الناس اولا
وخسارة للطرفين تجهيزات العرس من جهة اخرى
ربي يهدي الخلق
​

نتنماو الصلح لكامل المسلمين والتالي في وقتنا هاذا تبقاي كل مرة تسمعي حاجة عجب تخليك تشتوكاي منها
درك انا الشرط اللي رح نديرو في الزواج مالازمش يديباسي العام
هاو الواحد يرجع يخاف

منورة مينات حبيبتي
​

وعليــــكم السلام

ياي من موضوع الرابح الأكبر :pمابان عليك حتى خبر ليومنا هادا
نورتي واش راك تهدر
باسكو ما ربحتش فيه خخخخخ
************************
بالنسبة لموضوعك راه يحكي على نقطة مهمة جدا جدا
شاعت في وقتنا هادا
طفلة تقبل بالزوج ويعقدو ومن مباعد تقولك نبطل
ويفسخفو العقد وترجع مُطلقة قبل ليلة العرس
هاذي انا نعتبرها تبهديلت العمر
باسكو علاه تقبلي من الاول وعلاه تزربي تعقدي حتان ترجعي مطلقة قبل لعرس
هادي ماش ساهلة
كاين طفلة يفورصيو عليها والديها تقبل من مباعد تلقى هاداك الزوج كريثة
متنجمش تبني معاه اسرة تقولك نبطل درك قبل ماتطفر
وتوصل للطلاق بعد الزواج وهاديك اي واعرة اكثر
نقوللك حاجة اشوشو اختي
والله حساب ماراني نشوف انا درك مابقاتش الي يفورصيو عليها والديها
دركا لبنات اللي رجعو يفورصيو على والديهم
ياي ما بقاش كلام الوالدين يمشي طول الا من رحم ربك
سواءا يكون تاع نسا او يكون ماكانش توافق بيناتهم فكري ...
نقاط بزاف قادرة تظهر بعد الخطبة
مي انا درك حاجة ما دخلتليش لمخي
علاه نهار جاو خطبو زعمى ما يسقسيوش قبل لا يردو الخبر
ياك الطفلة عندها خويا بوها ماليها علاه ما يسقسوش علىا لعايلة مليح وعلى لاراجل مليح وعلى سيرتو
غير ايه بالبراكة لعيك ويعيشو في المشاكل
نعرف وحدة بطل عليها خطيبها لي جور لي فاتو
بتهمة الخيانة
هيا قبلت بيه وكانت تحب واحد اخر وبعد ماعقد عليها بقات تتلوعب من ومنهيه
شوي فاقلها وخلاصتلها خايبة مُطلقة بتهمة الخيانة وشاعت عليها.
هاذي حقها ما تخرجش خلاص وما تزيدش تشوف النور
عطاها ربي راجل وستر عليها وبالاك شايفلها فيه الخير ومازالت تنط هنا ولهيه حتان خلاها وحدها كي الروصور تنط في الصح
كاين حالات صح تكون الله غالب تبطل قبل الزواج خير من تطفر فيها من مباعد
وكاين لي تكون عارفة وتقبل مي مباعد تبطل
شكون ضربها على يدها تقبل اصلا كي تعود عارفتو بلي تاع نسا وبلي وبلي
كيما لي حكيت عليها في موضوعك

كيما يقولو ناس سكيكدة:
قاسك الزواج لوعبة
ياي ماهوش لعبة صح


ملاحظة:
جبتيلنا مصطلحات جدد
ياوحد الفوساخة
زفايفي:p

​

مازال كاين مصطلحات اذا جاني الالهام لكاش موضوع تاني اني نحطهم
نورتي اشوشو بطلتك
صحيتي
​

سلام عليكم

هاذي طفلة باينة من مرة لولة ماشي قابلة وتحوس غير علا سبة باش تبطل

هذا هو حلها

شكرا لك عفاف
​

اهلا خويا حسام
لالا من الاول قابلة وفرحانة ونهار دفوعها من الفرحة رح تصور كليب
وخلاص مازال يومين على الحنة تقول نبطل
هاذي اللي دوختني انا
الشكر موصول ليك خويا حسام
منور
​

أهلا بيك عفاف
نورتي المنتدى والله
كنتي باخلتنا بالمواضيع الباهيين هاذو هههه

---
والله مام انا عييت نلقالها حل
هل عندها حق الطفلة ليامات اللخرة قالولها بلي راهو تاع بنات وحكمت ادلة ولا جابوهملها ؟؟؟؟ كيما قلتي كونانة هههههههههههههههههه مت بالضحك ههههههههه
ولا مانعرف واش فبالها جابت السبة برك انو الطفل تاع بنات ؟؟؟؟؟؟
مانعرف وهنا مانقدروش نلومو ...
في انتظار التفسيرات والكونانيين والكونانيات ههههههههه
​

اهلا بيك خويا سفيان
انا وله الشي اللي خلاني ندوخ انه يومين قبل الحنة وتقول نتاع نساء
كون جات امها صح تحكم فيها تقوللها علاه من الاول طول ما بانلكش نتاع نساء ودرك لحقتي ورجعتي تقولي نتاع نساء
الصلاح ربي
بالاك يكون نتاع نساء وعلى يدك انتي يتسقم
وبالاك يكون مسقم وتروحي ليه يولي خلاط
والله رجعنا في وقت الواحد يبقى بعييد ويتفرج في المجتمع هاذا
ربي يهدي الاحوال برك
يعطيك الصحة خويا سفيان علىا لمرور
​

 

[secret de coeur]

بون هآني وليت بعد العصر
سلام عليكم
ايه حبست العرس قبل 3 ايام آدي نورمال حنا عنا راهم يحبسو نهآر تالي
تبقى ليلة برك ، وحدة دارتها مكرة منين بطلت لعروسة
راحت حوست عروسة لولدها فدآك نهآر وجآبتها للدار
وكملت العرس عآآدي :s:d
هاد الشي مالغري فيه اسبا وديفوا تكون تافهة مي تبقى مكتوب
هاد الطفلة غلطت + تقدري تقولي ماخيرتش سبة مقنعة :down:
ربي يجيب الي فيه
مرسي ع الموضوع الهايل عفوفة التلمسانيةة
​

 

[D aucun]

اهلا انا كنت ومازالني نسمع بلي الراجل هو لي يبطل وماعلاباليش بويسك تقد المراة هي لي تحبس مي في علاقة عاطفية ماشي زواج مي زواج ما كانش هادي تاع شيرة تبطل الراجل هو لي يحبس كلش والله يهدينا على كل حال و السلام​

 

[adel-mz]

ياحوجي على هذا الزمان

 

[simou11]

ربي يلطف
ماكانتش عندنا ادي
تبطل في اخر دقيقة

كيما قلتي
نموت و نفهم بوانا وج رايحة تقابل لعباد ؟

مي بالاك عندها حق
مادام مانعرفوش المعطيات كامل مانقدروش نحكمو علاها ​

 

[نور الهدايات]

السلام عليكم ورحمة الله وبركاته
أهلا اختي عفاف
هذه الظاهر للأسف صارة منتشرة في مجتمعنا بصورة مخيفة حتى يوجدو كل شي ويحفا سبطها من الخرجات معاه ومن بعد يا سيدي ميعجبهاش وتقلك والعكس صحيح يعني ولينا ناشيونال جييوغرافي هنايا فيران تجارب .
كل هذا راجع لخروجنا وغبتعادنا على الشرع وما سنه الحبيب المصطفى صلى الله عليه وسلم.
تلقى الراجل غير خطبها من هنا ولاو هدو خرجات وهذا غعيد العشاق وهذا عيد المحبين ومنعرف واش راح يخرجولنا فالمستقبل وتطور العلاقة لإتجاه مش لصالح الطرفين مع انو فترة الخطوبة هي فترة للتعمق في فكر الآخر والتمهيد لمرحة جديد نحضرلها فالخطبة،نقل حاجة بيناتنا والله يكذب عليك إلى يقلك الراجل ميشوفش فالنسا لأنو ياختي والعياذ بالله البنات الي راهم فالطرقات حنا نسا ونحلو فامنا فيهم لكن الذكية هي من تحكم التصرف.
اما بالبنسبة للأخت هذي راهم لا هي ولا مالينا ناس لانو كيما يقولو ناس زمان على الكلمة نموت يا نروح حتى لعنو ونطلق من بعدها ومنجيبش الفضيحة لدارنا.هذي هي نتيجة المسلسلات وأحلام اليقظة
في الأخير يا اختي نقلك من اتبع هدي الله وسنة الحبيب المصطفى لن يظل .
طولت علييكم لكن الموضوع لازملو قعدة وتخمام هه
تقبلي مروري غاليتي​

 

[سمسم السمسومة]

مكانش مكتوب بيناتهم........وجدت عام ولا عامين ولا شهر لوكان شاف فيها ربي الخير راهو كملهم...أنا في بالي في حاجة كيما هادي مكان لاه نحوسوا على الاسباب....(وعسى ان تكرهوا شيئا و هو خير لكم...)

 

[iméne09]

السلام عليكم ورحمة الله وبركاته
وعليكم السلام حنونة عاش من شافك توحشناك

قاتلها واش ييخي ليوم الحنة مازال ما كملتيش الحوايج خرجتي تكملي فيهم
قاتلها اييييييييه واش نقوللك
يخي عندها 3 ايام منين بعثتلنا العروس وقاتلنا خلاص بطلت
:-o سي بيزاغ تشوكيت في pـلاستهم يادرا لمسكين واش صرالو لعريس يكون هبل عشرة هدي كامل تسمح فيه في دقيقة لخرة ماهوش gـاع جاست مابقاش للعرس باش تحلبولو وراحو يسقسيو ناس تسقسي على لعريس كي يجي يخطب ماشي كلش واجد يسنى في لمرا يخرجولها بهاد الخرجة واعرة
يعني قصدها نهار الاحد بعثتلهم قاتلهم بطلت
بعيد الشر هاو تركبت ول
وهاذي علاه بطلت واش السبة غير الخير
قاللك يا سيدي قالولها الطفل نتاع بنات
السيد عشرة تاع عام مافقتيش هدي حمارة ولا تجيح في روحها ياك لي يبوجي يبان كانت قادرة قبل اوموا شهر قبل العرس يقدرو يكامفليو الحالة مي هدا كلش واجد تبهدايل ياك ليهم بين زوج
ياوحد الفوساخة الطفل قريب عام وانتي تعرفيه وتهرفي معاه هااذا تلفون هاذو اعياد هاذو مواسم ما عرفتيش نتاع بنات
لحقتي يومين قبل العرس اكتشفتي يا كونانة انه نتاع بنات
ههههههههههه صح كونانة والله يحبو يزيدو عليها هدي لي تخليك تخرجي بهاد مونتاليتي انا تبانلي شافت شوفة جديدة عمرتلها عينها سيـpـوغ سا دارت هكدا امـpـوسيبل تعرفي طبيعة واحد تعاشريه عام في لاداغنياغ
مينـuـوت يجي نهار لي يفضح روحو
--------
درك انا راسي حبس
التوجاد اللي وجداتو هاذي المرأة واش تدير بيه
يعني مادام نهار الاحد عيطتلهم الا وانهم موجدين القواطو موجدين المذبوحات عارضين الناس واحنا منهم
يعني كيفاه رح تدير
واش من وجه تقابل بيه
رح تقوللهم بطلت العروس
رح تقوللهم بطلنا العرس
تعيطلهم بالواحد تقوللهم انuلينا العرس
تاني حاجة انا هنا ما عرفتش واش نلوم
نلوم الطفلة
ولا نلوم ماليها يعني والديها
ولا نلوم بيت الراجل
نلوم الطفلة وماليها هوما جايحين كانو قادرين يسقسيو عليه من قبل هكدا مايجيبوش تبهديل لروحهم راهم لعبو بناس هاد عفسة تغيظ ماyـماجينيهاش لعقل :s
-------
انا في بالي الراجل حتى ويكون خارج من المسجد مي كي يكون فيه طبع ما يتنحاش منو
وراجل كي يكون زفايفي (يعني زهواني وقيلوش ) مي كي تكون عينو معمرة والله وتكون قدامو ديانا ما يشوفش فيها
في هدي راني معا % 100 راجل قدما يكون مسوفج وتاع خرجات مي لمرا تقدر تشونجيه هي وشطارتها وقدما يهوم يبوجي مصيرو يرجع للبيت لي مدامتو تكون واقفة وقايمة بيه تخليه مايشوفش في غيرها
ليسونسيال ربي يجيبلو ماخير منها ​

عفوفة حنونتي يطيك صحيحتك ع الطرح هايل كيما نتيا :$​

 

[بنـ MaPa ـت]

وعليكم السلآم

اهليييينو عفوف عاش من شافك

ياخاه على ديك التبهديلة واش بيهم هادو راهم يلعبو؟؟؟
بعدا يومين قبل العرس....فضيحة....
بالاك كاشما صرا بيناتهم ماتفاهموش على حايج وكبرو لحكاية

الله يبقي الستر وربي يهديهم ويهدي امثالهم

مرسي على السوجي فوفة
سلآمو

​

 

[غزاوية و افتخر]

نقولك الصراحة اختي الرجال تقريبا كلهم تاع بنات .......و صراحة نظن الشكل في الطفلة باين بلي لقاتلها شوفة كاش واحد عندو شكارة خطراكش ماشي مهبولة تخلي قريب العرس باش تبطل غير اذا لقات راجل كاينلو​

 

[إلين]

ياختي كآين شي نآس يحبو يحطو آلطفلة في آلأمر الوآآقع
فيقولولها في آخر نهآر شرط معين ولآ حآجة هي رآفضتها
هكذا بآش مآ تعترضش
كل حأجة عندها آلسبب نتأعهآ​

 

[عفاف الجزائرية]

والله نسيت بلي راني حطيت موضوع تالمون خاطيني الدور بزاف هنا اني جيت نرد على خاوتي وخواتاتي

اهلا انا كنت ومازالني نسمع بلي الراجل هو لي يبطل وماعلاباليش بويسك تقد المراة هي لي تحبس مي في علاقة عاطفية ماشي زواج مي زواج ما كانش هادي تاع شيرة تبطل الراجل هو لي يحبس كلش والله يهدينا على كل حال و السلام​

خيار كلام قلتوالله يهدينا مشكور خويا على المرور نتاعك ربي يهنيك ان شالله

بون هآني وليت بعد العصر
سلام عليكم
ايه حبست العرس قبل 3 ايام آدي نورمال حنا عنا راهم يحبسو نهآر تالي
تبقى ليلة برك ، وحدة دارتها مكرة منين بطلت لعروسة
راحت حوست عروسة لولدها فدآك نهآر وجآبتها للدار
وكملت العرس عآآدي :s:d
هاد الشي مالغري فيه اسبا وديفوا تكون تافهة مي تبقى مكتوب
هاد الطفلة غلطت + تقدري تقولي ماخيرتش سبة مقنعة :down:
ربي يجيب الي فيه
مرسي ع الموضوع الهايل عفوفة التلمسانيةة
​

احنا يا السوكري عمرها لا صرات عندنا في لونتوراج نتاعنا انا واحدة منالناس كي سمعت بهاذي والله تبهرت
يعني ما لقيتما نقول ما عرفت نلومالطفلة ولا نلوم على الطفل ولا ماعرف كيفاه
وكيما قلتي اللي مخبي في قلبوهام ما يعلمو غير ربي سبحانه
الوغ تهلاي في روحك ختيتو وربي ينورك ان شالله
​

ياحوجي على هذا الزمان

يا حوجيات ماش حوجي واححدة :-o

ربي يلطف
ماكانتش عندنا ادي
تبطل في اخر دقيقة

كيما قلتي
نموت و نفهم بوانا وج رايحة تقابل لعباد ؟
انا تاني قلتلهم نموت ونفهم هههه
مي بالاك عندها حق
مادام مانعرفوش المعطيات كامل مانقدروش نحكمو علاها ​

بالضبط مادام المعطيات ما عندناش ما نقدروش نحكمو
ربي يصوننا ويحفظنا
مرسي ليك سمو على الباساج نتاعك
منورة ختيتو
​

السلام عليكم ورحمة الله وبركاته
أهلا اختي عفاف
هذه الظاهر للأسف صارة منتشرة في مجتمعنا بصورة مخيفة حتى يوجدو كل شي ويحفا سبطها من الخرجات معاه ومن بعد يا سيدي ميعجبهاش وتقلك والعكس صحيح يعني ولينا ناشيونال جييوغرافي هنايا فيران تجارب .

هههههه هايلة فئران تجارب
والله يا اختي وقت البدع رانا فيه
كل هذا راجع لخروجنا وغبتعادنا على الشرع وما سنه الحبيب المصطفى صلى الله عليه وسلم.
تلقى الراجل غير خطبها من هنا ولاو هدو خرجات وهذا غعيد العشاق وهذا عيد المحبين ومنعرف واش راح يخرجولنا فالمستقبل وتطور العلاقة لإتجاه مش لصالح الطرفين مع انو فترة الخطوبة هي فترة للتعمق في فكر الآخر والتمهيد لمرحة جديد نحضرلها فالخطبة،نقل حاجة بيناتنا والله يكذب عليك إلى يقلك الراجل ميشوفش فالنسا لأنو ياختي والعياذ بالله البنات الي راهم فالطرقات حنا نسا ونحلو فامنا فيهم لكن الذكية هي من تحكم التصرف.

هي بالضبط الحكيمة والفحلة اللي تقدر كيفاه تغمض عين راجلها على المضاهر هاذيك
لانو حتى وتكون راجل عينو معمرة رجعنا لوقت وين المراة تتبلىا لراجل
ربي يلطف بينا وبخاوتنا وازواجنا (المستقبليين )
اما بالبنسبة للأخت هذي راهم لا هي ولا مالينا ناس لانو كيما يقولو ناس زمان على الكلمة نموت يا نروح حتى لعنو ونطلق من بعدها ومنجيبش الفضيحة لدارنا.هذي هي نتيجة المسلسلات وأحلام اليقظة
في الأخير يا اختي نقلك من اتبع هدي الله وسنة الحبيب المصطفى لن يظل .
طولت علييكم لكن الموضوع لازملو قعدة وتخمام هه
تقبلي مروري غاليتي​

هاذي الي حبيت نقولها يعني في اول الامر كامل كنتو ملاح وهاذي دخلات وخرجات ومفاهمات لون الشومبرا ولون الحيط ولون الكوفرلي ووووو يعني كنتو كامل تتفاهمو على كل امور الدار ودرك كي لحقت لنهارها ويوما لصح رجع الراجل ولا الطفلة ماش ملاح
ربي يهدي الناس ويهدي العايلات ويستر بنياتنا ووليداتنا على الفضايح
ربي يخليك نور الهدايات كلامك رزيين وموزون
​

مكانش مكتوب بيناتهم........وجدت عام ولا عامين ولا شهر لوكان شاف فيها ربي الخير راهو كملهم...أنا في بالي في حاجة كيما هادي مكان لاه نحوسوا على الاسباب....(وعسى ان تكرهوا شيئا و هو خير لكم...)

صح ماناش ضد فكرة المكتوب مكتوب ربي ما يعرفو حتى واحد مي ربي ماش يقلك اقعد مطبق يديك وقول مكتوب هو من عندو يقلك تحركو ترزقو يعني مكتوب وشوي معاه
ربي يهنيك سمسومة وينور طريقك

على فكرة اسمك يعجبني وعندي معاه ذكريات بزاف منين نشوفك نتفكرها
ربي يهنيك اختي لعزيزة
​

عفوفة حنونتي يطيك صحيحتك ع الطرح هايل كيما نتيا :$​

عجبني كلامك ايمانو اختي بزاف يزاف بزاف ربي يهنيك عزيزتي والهايلة هي انتي الفوتوغرافية نتاعنا ههههههه
​

وعليكم السلآم

اهليييينو عفوف عاش من شافك

ياخاه على ديك التبهديلة واش بيهم هادو راهم يلعبو؟؟؟
بعدا يومين قبل العرس....فضيحة....
بالاك كاشما صرا بيناتهم ماتفاهموش على حايج وكبرو لحكاية

الله يبقي الستر وربي يهديهم ويهدي امثالهم

مرسي على السوجي فوفة
سلآمو

​

اكي تشوفي امروة اختي والله حشومة نتاع الصح
انا غاضوني غير المعاريض مساكن كانو يوجدو واش يلبسو ويتحفو ومباعد تفركش كل شي (انا واحدة منهم ههههه):d
​

نقولك الصراحة اختي الرجال تقريبا كلهم تاع بنات .......و صراحة نظن الشكل في الطفلة باين بلي لقاتلها شوفة كاش واحد عندو شكارة خطراكش ماشي مهبولة تخلي قريب العرس باش تبطل غير اذا لقات راجل كاينلو​

ربي يهدينا رجعنا في وقت ماهوش مليح ما ترعفي شكون المليح وشكون القبيح يعني ربي يستر علينا برك
​

ياختي كآين شي نآس يحبو يحطو آلطفلة في آلأمر الوآآقع
فيقولولها في آخر نهآر شرط معين ولآ حآجة هي رآفضتها
هكذا بآش مآ تعترضش
كل حأجة عندها آلسبب نتأعهآ​

هاذا تاني ممكن سبب وكيما قالو الاخوات مانعرفوش السبب الباين اللي نحكمو على الطفلة بيه ولا الطفل
ان شالله برك ربي يصلح الاحوال ويهنينا
​

 

[zahira92]

Allah yehdi ma5la9
!!!
!!
!
merci sujet hayél
​