انا شخصيا منتزوج خلاص

[rycerz]

أنا برايي لواحد ما يدير قصة لحتى حاجة من هاذو التقاليد و إنما فقط يطبق الشروط الشرعية و الباقي من تقاليد ماهي إلاّ سوق ذراري فارغ و جياحة ..
نعرف واحد تفاهم مع نسابو و دار كل واحد فيهم العرس قبل الدخلة بأسبوع .. هو عرسو في نص نهار غداء و راح الغاشي يروّح .. و الدخلة بعد أسبوع أي بعد ما ريّح مليح هو و الزوجة نتاعو و بعد ما تفرق السوق خلاص .. أما قصة الحنة و السهم و ما نعرف واش من هبالات نتاع المتخلفين كامل ما كانش
--
الراجل يقدر يقرر كيما يحب بما أنو عرسو .. و اللي ما عجبوش الحال يساهم بالدراهم من جيبو ، هنا تلقاهم كلهم يهربو عليك و يقولو ما عليهش دير واش تحب ​

 

[zagane]

عسآآآكم بخيــــــــر روآد اللمة بآرتو ودائمآ مع موآضيع .......

الموضوع سبق وطرحته في اللمةَ . عآودتو دوك مع تعديل واضافة للتطور الحالي في لبلاد.. الا راني غالط تفضلو علقو

عنوان الموضوع يخلع على الصباح .. بصح هاذي هي الحقيقة ، العرس وانا منتلاقوش خطآن متوآزيآن .
والسبب اني في فراغ الشغل رحت نقارن بين العرس تاع بكري والعرس تاع اليوم ولا المستقبل ..
لقيت فروقات بزاااف ، واهمها كانت :
لباس العروسين :
بكري كان البرنوس والحايك يضرب ، بصح دوكا تبدلوا بالكوستيم و لاروب بلونش ، في زوج غالين مانقدرش عليهم .
كون رانا في ذاك الوقت غير ماما تخيط لي برنوس ونهني الغاشي

اهل العريس ولعروسة :
قبل العرس تلقاهم منتشرين في السوق وحدة تكري ° كراء° لاروب ومنا ولهيه ..والام اسكت برك ولخواتات تانيك خلي البير بغطاه واخوة العريس هههه كوستيم وكراء سيارات وبلا ما ينساو الفلامبو ومشتاقته الالعاب النارية اقصد .. لو كان يشعلوهم تقول الحرب العالمية الثالثة يا بن عمي ...

القصبة والشعبي ~~> الديجي مع الديرونجمو
زدت قارنت كيف كانت الفرحة تاع الزوجين .. بكري كانو يضربو فالطارة والقصبة زيد الشعبي ولا الحوزي
هاذو طيشناهم خاطش قدااام ، تبدلو فالـ dj يحط ليك فكلمات مشفرة ، وباه تكمل الفرحة يديروه فالليل ​

مام اذا عرضك العريس تجي وتبقى تفرج بعينيك حمر من النعاس .
وبلا ما ننسى اغاني تاع دوك سيرتو 2015 واروآح غناء واي واي كلام مخل بالحياء وتلقى العريس يرقص مع ليزامي عليه وزيد تانيك العروسة وصحاباتها نهار الحنة ربي يهدي ما خلق لا علينآ

الوليمة .. من الكسكس الى الباتيسري ووادي سوف حكاية تاني
ونزيد نقارن ... بالكسكس كنا نقوموا بعرس الله الله بصح حتى الوالدة تحس ببصمتها فعرسك
في وقتنا الباتيسري وطلع .. تحت هاذا مابقاش عرس ..
وآد سوف ..في الوليمة تاع الراجل والمرا مكاش فرق في زوج خسارة الملايين لانو يديرو وليمة للرجال وحدهم و النساء تاني وحدهم سافي دير العرس يستقام بالزاااف درآهم باسكو مين تدير وليمة في لبلاد ياو الغاشي قاع يطيح عندك ... مؤسف
المهر ... بين لبارح واليوم ليلة يا محلاها
المهر من قبل 20 سنة .. خاتم زيد كبش وشية صوارد
بصح دوكا لاليست طويلة وزيد اقل شيئ 10 ملاين هادو بالنسبة للزوآلي وكاينة جارتي عطاولها مهر 50 مليووون يا محيانك واش هادي ملكة جمال الهند ولا شكون وبالزاااف حكايات ..، وعلاه برك غلاء المهر تقول حاب تتزوج بنات الدنيا يا محاينك ​

منا على 15 سنة يعود فيها الماس باه تتزوج ..

--------
هاذي اهم الاسباب اللي خلاتني نقوم بهذا الاعلان
ايا تربحو ..~
سلام
ملاحظة : كتبت الموضوع باللهجة الجزائرية
لأني تكلمت عن تقاليد جزائرية 100% في الأعراس
والا عندكم تاني اضافة حطو برك لانو يتسما كل ولاية وتقاليدها

السلام عليكم
شحال بعيد امس على اليوم

 

[محمد التبسي]

ربي يكون فالعون
عادات بالية فسدت علينا الحالة
اصبح الحرام اسهل من الحلال
عقليات تافهة للفتيات والشباب
فالفتاة لا يهمها الا الفستان الابيض وجهاز بعشرات الملايين
أصبح الزواج مجرد تسوية وضعية وغاب عنا الوعي بمعناه ومقاصده
ربي يصلح الاحوال​

 

[الأزرق الملكي]

السلام عليكم

صحيح ان العادات تعدت سقف التبذير و إشهار بالزواج من العقليات الرائدة لكن يمكن للعريس

السيطرة على التكاليف يوجد عائلات بسطاء دير عشاء خفيف ومهر مبلغ رمزي هز حمل و روح

فقط إذا عرفت كيف تختار من يتفهم الوضع .

المشكل أراه في الشباب تلقاها زوالي وحابها قارية و ملكة الجمال و لا باس بها ويروح للعائلات

التي تطلب الغلاء ثم يشتكي أعرف وين تحط رجلك تتزوج باطل و تعيش هاني مع مراة

متواضعة خصوصا إذا كانت من الأرياف النائية تجدها ربة بيت بإمتياز.
​

 

[rycerz]

... المشكل أراه في الشباب تلقاها زوالي وحابها قارية و ملكة الجمال و لا باس بها ويروح للعائلات
التي تطلب الغلاء ثم يشتكي ...

ماشي كامل الحالات هكذا .. و لكن صح كاين لي معمي راح يجري ورا حاجة كثر من عينو .. و من بعد باصا معاها
--

... أعرف وين تحط رجلك تتزوج باطل و تعيش هاني مع مراة
متواضعة ...

هنا عجبتني الكلمات هاته : أعرف وين تحط رجلك .. و .. متواضعة
--

... خصوصا إذا كانت من الأرياف النائية تجدها ربة بيت بإمتياز ...

في هاذي ننصحك يا خويا ..
أولا راه كاين ريف من ريف (أقصد أنو كاين لي ما تصلحلها لمعيشة غير في دوارها)
أفتح عينيك مليح مليح .. إذا كنت أنت من الريف ممكن أما إذا كنت من مدينة كبيرة عاود حساباتك لمصلحتك و مصلحتها هي أيضا .. (خاصة إذا ماكانتش قارية)
و مع ذلك قد يوجد فالنهر ما لا يوجد فالبحر
و يبقى المعيار الأول هو الدين


​

 

[الأزرق الملكي]

ماشي كامل الحالات هكذا .. و لكن صح كاين لي معمي راح يجري ورا حاجة كثر من عينو .. و من بعد باصا معاها
--

هنا عجبتني الكلمات هاته : أعرف وين تحط رجلك .. و .. متواضعة
--

في هاذي ننصحك يا خويا ..
أولا راه كاين ريف من ريف (أقصد أنو كاين لي ما تصلحلها لمعيشة غير في دوارها)
أفتح عينيك مليح مليح .. إذا كنت أنت من الريف ممكن أما إذا كنت من مدينة كبيرة عاود حساباتك لمصلحتك و مصلحتها هي أيضا .. (خاصة إذا ماكانتش قارية)
و مع ذلك قد يوجد فالنهر ما لا يوجد فالبحر
و يبقى المعيار الأول هو الدين


​

السلام عليكم

لاأقصد شخصي بهذا الكلام فليس لذي مشكل مع الزواج اتكلم بالنسبة لشباب عامة الذي إمكانيته قليلة

نعم صاحبة الدين هي الخيار الأنسب لاغبار على ذلك لكن لو نأتي الى الواقع ستجدهم يطلبون الكثير لدرجة التعجيز وهذا ليس من الدين

لهذا يجب ان نكون واقعيين كي نعرف لب الإشكال ونستطيع حله في هذه الحالة الحل هو اللجوء الى العائلات التي تقبل بالقليل

وغاليا نجدها في الأرياف النائية علما أن الأرياف قد تغيرت وتطورت ولم تعد مثل السابق لكن مزال منها من يحافظ على تقاليده

وبساطته يعني هي رحلة تنقيب، حقيقة أن الفتاة التي لم تدرس تجد معها صعوبة في تعليم الأطفال وتربيتهم لكن كل شيء يعوض عندما يكون الزوج

متعلم فالمستوى يلعب دور لكن ليس دائما الماكثة الان تتعلم الحرف و تثقف نفسها وكل شيء تغير الإنسان يستطيع ان يطور من

قدراته العلمية دون مدارس و للأسف المتعلمات يطلبنا أكثر فهل الطبيبة ستقبل بالزوالي أكيد لا إذن هي مسألة كل شخص يرضى

بالقليل حسب ما يمتلكه .​

 

[الصحافية الساخرة]

هههههههههه ها رجعنا لبكري كانوا تاع دوك ما يعمروش العين واقيلا
ياخويا نذكرلك حاجة على بكري كانوا الرجال يطبلو والنسا فالوسط يشطحوو وخلي وخلي
اييه جيل هذا مخرجش هكا باطل
مرسي علىى الموضوع

 

[البحر الهادي]

صح عندك الحق
بصح أنا عندي صديقي راه ساكن في عين البيضاء تزوج ب205ألف وبس
صدقو أو لاتصدقوا

 

[العَنْقَاءُ]

بعض الزملاء في المنطقة بعثولي صور من روسيا....الخ لو ما فيه إحراج عندهم أضع لكم فديوات وصور !
أظن راحت من تغسل أرجل زوجها في الجزائر ونحنُ في رحلة بحث مش عارف ماهي قضية هذا المهر هل هذا كبرياء أو ماشابه أو سلعة غالية؟
ربما كامل الأعضاء الذكور هنا لهم قابلية تامة للزواج ..لكن المهر غالي في مرأة لا تجيد إلّا طبخ العدس واللوبيا فقط ودائمًا للغداء للغداء والعجيب بعض الأطعمة تبات صابحة
الوالدة عملتي تدبرا معرف راها صح صح ولا تستهبل عليا.. نحو روسيا :p أشجع الشباب الذهاب إليها إنها رائعة وتستحق الغربة إليها وحتي الزواج من نعم النساء على الأرض
ومن له معلومات عن دولة غير روسيا يخبرنا
الشباب قولو الحقيقة أنا أعرف أنكم قادرين على 20 مليون واكثر لكن ألا تشعرون أنها إهانة مشكلتنا لو لم يكن نصف الدين لن نتزوج وأكاد أنزع فكرة الزواج من رأسي حتي أغراني عرض روسيا فتحولي عيني :X3:

 

[محمد التبسي]

صح عندك الحق
بصح أنا عندي صديقي راه ساكن في عين البيضاء تزوج ب205ألف وبس
صدقو أو لاتصدقوا

الله يبارك
وكيفاه حكايتو هذا
قولو يشوفلنا اختها بضعف المبلغ معليش ​

 

[rycerz]

.... أظن راحت من تغسل أرجل زوجها في الجزائر ونحنُ في رحلة بحث مش عارف ماهي قضية هذا المهر هل هذا كبرياء أو ماشابه أو سلعة غالية؟ ....

من ناحية الدينار طاحت قيمتو حتى عاد ..
و من ناحية ربما باش يعطو قيمة للزواج .. لأنو كثير من أشباه الرجال تلقاه ضعيف إذا ما قلناش عديم الإنسانية .. تلقاه بالزرب و بالساهل يخمم فالتبدال .. و لما يشوف واش خلاّ فيها فالمهر و تكاليف العرس و لواحقه و يزيد يشوف الأحكام القانونية و التعويضات لي رايحة تكون بعد الطلاق تلقاه يتراجع على الخبث و الخدع لي في راسو (أعيد التذكير أني أتكلم عن أشباه رجال فاسدي النية .. و ما أكثرهم) .. و راح الصالح في جرّة الطالح .
--

.... ربما كامل الأعضاء الذكور هنا لهم قابلية تامة للزواج ..لكن المهر غالي في مرأة لا تجيد إلّا طبخ العدس واللوبيا فقط ودائمًا للغداء للغداء والعجيب بعض الأطعمة تبات صابحة
....

أنا شخصيا .. غير تلقى القلب لمليح و النية الصافية .. من بعد كل شيء يجي حلو و يصلح حتى و لو كان تطبخلك الرمل فالبرمة
المشكل أكبر من أنو جا في ماكلة ..
مرات خالي ماهي قارية و لا متكونة و لكن مولات خير و تحب الناس و تحب تعاون .. لما توكل ماكلتها ما تشبعش منها .. (أما هو كيما لبهيم بالشمة و الدخان و بصباطو داخل بيه حتى لفراش) ..
و خالي لوخر هو قاري و منظم و الزوجة نتاعو زعما قارية و متكونة لكن ماكلتها ما تتكلش و حتى شغالات البيت ديما ناقصين لأنو ديما تتسخّط و بلا رضا و ما تندّهش للخير ..
--

.... الوالدة عملتي تدبرا معرف راها صح صح ولا تستهبل عليا.. نحو روسيا :p أشجع الشباب الذهاب إليها إنها رائعة وتستحق الغربة إليها وحتي الزواج من نعم النساء على الأرض
....

آهاه يا صاحبي رد بالك .. لما تروح لهيه راك نتا لي تعود تطبخّلها .. و تخاف تعود تطبخ حتى لصحابها و صحاباتها و ماليها كي يجو ضياف .. و ممكن مع الوقت تعود تغسللها رجليها :p
--

.... ومن له معلومات عن دولة غير روسيا يخبرنا
.....

كاين ....
--

.... الشباب قولو الحقيقة أنا أعرف أنكم قادرين على 20 مليون واكثر لكن ألا تشعرون أنها إهانة مشكلتنا لو لم يكن نصف الدين لن نتزوج وأكاد أنزع فكرة الزواج من رأسي حتي أغراني عرض روسيا فتحولي عيني :X3:

هههههه
تتزوج خالية عليك .. ما تتزوجش خالية عليك
خير و اختار
ههههه .. أمزح فقط فهذا المثل صحيح بالنسبة للبعض فقط
برايي قبل لواحد ما يتحيّر على الزواج يتحير قبل على روحو لاكان قادر عليه من كل النواحي و إلا لا.
​

 

[العَنْقَاءُ]

من ناحية الدينار طاحت قيمتو حتى عاد ..
و من ناحية ربما باش يعطو قيمة للزواج .. لأنو كثير من أشباه الرجال تلقاه ضعيف إذا ما قلناش عديم الإنسانية .. تلقاه بالزرب و بالساهل يخمم فالتبدال .. و لما يشوف واش خلاّ فيها فالمهر و تكاليف العرس و لواحقه و يزيد يشوف الأحكام القانونية و التعويضات لي رايحة تكون بعد الطلاق تلقاه يتراجع على الخبث و الخدع لي في راسو (أعيد التذكير أني أتكلم عن أشباه رجال فاسدي النية .. و ما أكثرهم) .. و راح الصالح في جرّة الطالح .
--
أنا شخصيا .. غير تلقى القلب لمليح و النية الصافية .. من بعد كل شيء يجي حلو و يصلح حتى و لو كان تطبخلك الرمل فالبرمة
المشكل أكبر من أنو جا في ماكلة ..
مرات خالي ماهي قارية و لا متكونة و لكن مولات خير و تحب الناس و تحب تعاون .. لما توكل ماكلتها ما تشبعش منها .. (أما هو كيما لبهيم بالشمة و الدخان و بصباطو داخل بيه حتى لفراش) ..
و خالي لوخر هو قاري و منظم و الزوجة نتاعو زعما قارية و متكونة لكن ماكلتها ما تتكلش و حتى شغالات البيت ديما ناقصين لأنو ديما تتسخّط و بلا رضا و ما تندّهش للخير ..
--
آهاه يا صاحبي رد بالك .. لما تروح لهيه راك نتا لي تعود تطبخّلها .. و تخاف تعود تطبخ حتى لصحابها و صحاباتها و ماليها كي يجو ضياف .. و ممكن مع الوقت تعود تغسللها رجليها :p
--
كاين ....
--
هههههه
تتزوج خالية عليك .. ما تتزوجش خالية عليك
خير و اختار
ههههه .. أمزح فقط فهذا المثل صحيح بالنسبة للبعض فقط
برايي قبل لواحد ما يتحيّر على الزواج يتحير قبل على روحو لاكان قادر عليه من كل النواحي و إلا لا.
​

على سبيل المثال نتكلم في واقع أنت مثلا ربما يكون عمرك تقديرًا في نواحي 28 سنة أو أكثر اليس كذلك
وباه نقولهالك صح راك كبير ياسر :pوالله شاب يتزوج نواحي 28 راها شاقة
عادة نعرف نواحي 24 أو 25 يتزوج يكون خاطب وبعد بثلاث أشهر أو أكثر قليلا يدخل المرأة لبيتو، راني نشوف في منطقتنا يحدث هكذا
صح مصيبة تعرف المشكلة لتأخرك في الزواج ؟ مرت خالك الأولة صح تصرا ومرات خالك الثانية صح صح والله كاينة منها تلقاها قارية متفهم والو في الطبخ
وليداتها طالقة الهانة عليهم علبالك مرا كنت نتكلم مع خالتي يحوسو يورطوني مع وحدا ههه المهم جبدلنا هذا الموضوع قاتلي ياسر تلقاها معلمات بصح دارها والله ما تتشاف من اللبصة تاع الوسخ
أصلا ماعندها وقت باه تسيق وتنظف فما بالك في أكلها المحروق ،...
تاع روسيا يا طرباك راك متأكد منها بلي أنا نغسلها رجليها روسيا ! روسية ! قوقازية شيشانية راها عندهم مثني وثلاث ورباع معندهم حتّي مشكل
وكي تكون زينة تستاهل نغسلها رجليها ولا لا :X3: والروسيات مهتمة بجمالهم ومهتمة بالأكل القوقازي أعرفها هاذي معلومة قيمة ههه
أمزح بس في الأخيرة لكنها ..صح صح
والله مو هامني الزواج لتلك الدرجة ولا حاجة مش عارف حاجة اللى تعقيني على الزواج شاهي نخطب ونزوج ربما مشكلتي هيا مشكلتك عارف شو هيا ؟ مش عارفها.. أنا في حيرة

 

[rycerz]

على سبيل المثال نتكلم في واقع أنت مثلا ربما يكون عمرك تقديرًا في نواحي 28 سنة .....

Oui t'a raison
--

.... وباه نقولهالك صح راك كبير ياسر :pوالله شاب يتزوج نواحي 28 راها شاقة ....

Là aussi t'a bien raison
--

.... تاع روسيا يا طرباك ... روسيا ! روسية ! قوقازية شيشانية راها عندهم مثني وثلاث ورباع معندهم حتّي مشكل
..... والروسيات مهتمة بجمالهم ومهتمة بالأكل القوقازي أعرفها هاذي معلومة قيمة ههه ...

راك شوقتنا يا راجل واقيلا نزدمو نروحو .. هيا وجّد روحك نتساعفو
--

.... والله مو هامني الزواج لتلك الدرجة ولا حاجة مش عارف حاجة اللى تعقيني على الزواج شاهي نخطب ونزوج ربما مشكلتي هيا مشكلتك عارف شو هيا ؟ مش عارفها.. أنا في حيرة

أنا عارفها ... قاعد نجري على المال قبل الزواج ..
غالط و إلا ماشي غالط .. الأمر نسبي و معقد
المجتمع المريض هو من أرسى أفكار مريضة و صارت مع الوقت سائدة
المال بالنسبة ليا باش تحمي نفسك و تحمي الأسرة نتاعك .. لأنو الظلم كثر

​

 

[العَنْقَاءُ]

Oui t'a raison
--
Là aussi t'a bien raison
--
راك شوقتنا يا راجل واقيلا نزدمو نروحا .. هيا وجّد روحك نتساعفو
--
أنا عارفها ... قاعد نجري على المال قبل الزواج ..
غالط و إلا ماشي غالط .. الأمر نسبي و معقد
المجتمع المريض هو من أرسى أفكار مريضة و صارت مع الوقت سائدة
المال بالنسبة ليا باش تحمي نفسك و تحمي الأسرة نتاعك .. لأنو الظلم كثر

​

آها تعرف ربما فكرتي هيا نفس فكرتك نبغاو نتسلحو قبل ما نتزوجو تعرف هذي فكرة كانت عندي ، تعرفت على أحد الأخوة هنا لا داعي لذكر أسمه متزوج قلت سبحان الله صدم طول وزوج وعايش في راحة قلت سبحان الله وضعه الإجتماعي عادي جدا جدا ربما ما يعانيه في المال صاير في حاجة مقدرة من ربي ليست دنيوية يعني الف دينار معيشاته بينه وبين زوجه وأبناءه
ونحنُ ماذا نفكر أملت في نظرة الأخ وبحثت في النتّ وجدت حديث رائع محتواه التالي :
قال رسول الله صلى الله عليه وسلم : " فوالله لا الفقر أخشى عليكم ، ولكن أخشى عليكم أن تبسط عليكم الدنيا كما بسطت على من كان قبلكم ، فتنافسوها كما تنافسوها ، وتهلككم كما أهلكتهم " متفق عليه
هنا الآية هنا البلاغ ، الان هل هذا يكفي لنا ؟ لا أعلم رغم هذا الحديث مزلت خايف ...
تعرف الأهل مرضوني على طفلة مثلا يقولولي قول كلمة عليها وراح تكون لك قلتلهم أيه انا مزال مش نفكر ذرك ..رغم أنه شاغل بالي هيئهيئ :X3:
عمرها 24 سنة قتلهم لو كان نقول كلمة وأنا بعد 3 سنين أو اربع راح نزوج ، لماذا أمسك المسكينة لمدة أربع سنوات ؟ ربما يجي واحد قبلي يديها راني نأخرلها في سنها
وماذا لو لم أتزوجها تأخرت في موعدها
أخخخ موضوع شاءك تبااا

 

[rycerz]

الحكمة تقول أنو المال لا يصنع السعادة .... لكن (حسب الواقع المعاش عندنا) يجب أن نكشف الحقيقة الأخرى و هي أن إنعدام القدر الكافي و الأدنى للقوت و تلبية الحاجات الأسرية يحطّم الرجل و أسرته ..
و في هذه النقطة نأخذها من جانب المحيط و الذهنيات السائدة فيه ...
---
تذكرت يوما شاهدت شريط حول موريطانيا .. و في جانب الحياة الإجتماعية أظهروا حياتهم الجد بسيطة، فالرجل عندهم من الرئيس و الوزير إلى الشخص العادي عايشين البساطة دون المرض بالمظاهر و عايشين هانيين في ستين كيف .. يكاد الشخص عندهم لا يملك من اللباس إلا صندالة جلدية من صنع تقليدي و قندورة (طوال العام) و طعامهم بسيط جدا أما البيوت ففي العموم من لا يملك خيمة تجد يسكن كوخا من صنع يده بصفائح الخشب (contre plaqué) مشدودة بمسامير .. و الكل سعيد و الكل هانئ و الكل صافي العقل و الروح .. شاب في 17 سنة عندهم خطب و بنى كوخه و تزوج في أسبوع و الجميع فرح له و ساعده .. تندر عندهم الصدامات و الإعتداءات و السرقة . .. و ما قبح من الأخلاق .. الراجل و المرأة عنهدم يجملو عقلهم في 15 سنة .. صفة الحسد و البغض و التآمر و الظلم و غير ذلك تكاد تنعدم عندهم (اللهم احفظهم) .. عندهم يمكن أن تكون رجلا حتى و إن لم تمتلك شيئا ..
الآن عندنا نحن (بصفة عامة) خاصة لدى الكثير من الذهنيات هم يقيمون الإنسان بناءا على ما يملك .. الآن المثل المطبق هو عد دراهمك و أسقي الماء .. عندنا قتلتنا المظاهر
فالأمر واضح جدا .. مجتمعنا المريض هو من سنّ هذا التقليد الدنس و المنحرف ..
في بلدك و بين أفراد مجتمعك و لا يمكنك أن تحس بالأمان لمجرد أنك بسيط و متوسط الحال !!! .. فحتى يحترموك يجب أن تركن سيارة لا يقل سعرها عن 200 مليون أمام فيلتك التي تسوى الملايير !!! ... و الله ما رأيت ألأم من هذا الخلق الأرذل .. الغني (بغض النظر عن رجولته من عدمها) لا يقربونه أبدا إلا لأجل أن يشيتون له .. الفقير و المعوز يحسدونه على الهواء الذي يتنفسه و يتعرض للقهر في كل زاوية من زوايا المجتمع المريض ..
هذا هو سبب جري الكثيرين وراء المال ..
وا أسفا هذا واقع الحال في مجتمعنا .. شتّان بيننا و بين شعب موريطانيا
----
و مع ذلك في الأخير .. أنصحك يا خويا :
إذا كنت متركز فالعايلة نتاعك (يعني يعاونوك) + إذا عجباتك الطفلة
أزدم و جيبها .. و من بعد أتحرّك و تسبب .. لأنو يفرّج ربّي إن شاء الله

​

 

[العَنْقَاءُ]

​

و مع ذلك في الأخير .. أنصحك يا خويا :​

إذا كنت متركز فالعايلة نتاعك (يعني يعاونوك) + إذا عجباتك الطفلة
أزدم و جيبها .. و من بعد أتحرّك و تسبب .. لأنو يفرّج ربّي إن شاء الله

​

عندك الحق في موريتانيا لكن نحنُ نقارن بشيء في الجزائر حسنًا عينة أخري فرنسا الجزائر هكذا أصبح مجتمعنا يقارن
وفيه حديث يقول بمعناه أنظرو من هو أدني منكم ولا تنظرو من هو أعلى منكم لو تنظر له تجده مقياس حقيقي لحالتنا ..، نقول الحمد الله عمومًا
بالنسبة للفتاة لا أعرفها تلك هما يقولو بنت دين وقرآن معرف صح ولا لا أمم لا أعلم قررت نعزل الفكرة حتّي يوم مؤجل مرات نكشف أني غير مؤهل بعد والمشكل فيا لا أدري صراحتً..
اللى يزوج الله يعينه وإللي دار حبيب الله يجمعه بالحلال .

 

[rycerz]

عندك الحق في موريتانيا لكن نحنُ نقارن بشيء في الجزائر حسنًا عينة أخري فرنسا الجزائر هكذا أصبح مجتمعنا يقارن
وفيه حديث يقول بمعناه أنظرو من هو أدني منكم ولا تنظرو من هو أعلى منكم لو تنظر له تجده مقياس حقيقي لحالتنا ..، نقول الحمد الله عمومًا
بالنسبة للفتاة لا أعرفها تلك هما يقولو بنت دين وقرآن معرف صح ولا لا أمم لا أعلم قررت نعزل الفكرة حتّي يوم مؤجل مرات نكشف أني غير مؤهل بعد والمشكل فيا لا أدري صراحتً..
اللى يزوج الله يعينه وإللي دار حبيب الله يجمعه بالحلال .

---
مالا OK يا خو .. كي تعود رايح لفلاديفوستوك قولي نوجد الكابا و نتساعفو
و إذا حبيت نروحو لموريطانيا .. كيف كيف
--
Bonne nuit et beaux rêves à tout le monde​

 

[صانعة الإبتسامة]

اقلهن مهرا اكثرهن بركة يدفع الشرط 30مليون والعروسة اذا قعدت الشهر عندو راهي طولت ههههههههه وبكري ياربي100الف شرطها ودير الدار ويولي عندها ولاد وميفرقها على راجلها غير الموت يحصراه على هذا الوقت

 

[rycerz]

اقلهن مهرا اكثرهن بركة يدفع الشرط 30مليون والعروسة اذا قعدت الشهر عندو راهي طولت ههههههههه وبكري ياربي100الف شرطها ودير الدار ويولي عندها ولاد وميفرقها على راجلها غير الموت يحصراه على هذا الوقت

نعرف واحد إنسان كبير يحكيلنا لمّا تزوّج ، أب الزوجة قبض عليه 100 دينار فقط و لا شيء آخر .. و لاباس فاتت عافية هانية إلى يومنا
--
لكن قولينا يا
صفاءdz
برايك واش هي الأسباب لي كيما قلتي إذا قعدت شهر راهي طولت ؟؟؟ ​

 

[صانعة الإبتسامة]

هذا تعبير مجازي، قصدي النساء مولاوش يصبرو كيما زمان من أول مشكل مع راجلها تخمل حوايجها وتطلب الطلاق تأنو ففي تأني سلامة وفي العجلة ندامة