ما نتزوجش خلاآآآص ..محنة الشاب الجزائري

[أم عبد الله]

خلعني العنوان ياوائل هههههههههههههه

المقعد محجوووووووووز بعد العودة وقراءة الموضوع

سلامي

 

[وائل ابن الجزائر]

ربي يطيحك في بنت لحلال برك وشكرااااااااااا على الموضوع

آمين اجمعين انا وقاع الشبآب الجزآئري
بلا مزيــة خويـآآ :up:
​

 

[وائل ابن الجزائر]

هنيتونا هههههههههههههههههههه

هههههه اول مرة شيرة تقولـهـآآ
صدق من قآل : عيش تشوف
​

 

[NASRO DZ]

واش نقول لخويا تغيرت الامور بزاف وتغير كبير جدا

خاصة البنت هي تشرط بزاف مش كما وقت بكري
والوالدين تاني يشرطو بزاف

اه ايام زمان اوكان ترجع لينا

 

[مرام التيبازية]

السلام عليكم خويا وائل,بارك الله فيك على الموضوع الزين..
ايه ياخويا وائل الجيل تع هاد الوقت ماشي كيما الجيل الليفات وباه تلقى طفلة تقنع بالقليل لازم بالشمعة...
وياخويا هادي كامل زيادة المهم الهناء هدا ماكان,,ان شاء الله تلقى بنت فاميلية امييين.

 

[الاخت دلال]

واش جاب يامات زمان للهاد الزمان

كولشي عندو وقتو

انت راك عايش في 2012 واوبولوجي اعليك تعيش اعلى حساب هاد الوقت

بكري كان المهم عندهم السترة وللهنا
ودوك الشباب تع هاد الوقت ياهتمو بازاف باللماديات

ربي يهديهم ويسقم للاحوال
باه تولي يامات زمان هادي من المستحيلات
مي لازم اعلى شباب اليوم تاني ينقصو
شوية خاصة الفتيات
مكاش حاجة اغلى من للهنا ء

 

[mahwossat crochet]

معك حق الناس راها تبع فقط المادة والشيكي قدام الناس
بالنسبة لي المهم نحبه ويحبني يهديني وردة كانه اهداني العالم كله ولا اهتم لكلام الناس ماذا احضر ولم يحضر لي

 

[وائل ابن الجزائر]

وي خويا عندك الصح كلشي تبدل
الهنا هو كلشي
ربي يرزقنا ازواج صالحين وانت ربي يرزقك بزوجة صالحة
مرسي على الموضوع

سلآم
الهدف وآحد من الزواج آلا وهو الهنـآء
آمين يـآرب العآلمين اختي والعاقبة ليك ولقـآع احبابك
بلآ مزيـ’ـة :regards01:
​

 

[HiDàYéèT Nùnùs]

c vrai wiiii pcq kolééch tbadal
360° mais ana n9oul bekréé c mieux​

 

[وائل ابن الجزائر]

السلام عليكم
وعليكم الســلآم مرحبـآ
عندك الحق خويا

واش نقولوا ربي يعين
آمين يـآرب العـآلمين
البنات درك ما راهومش يحوسوا عالهنا والسترة

مي راها تهمهم الشوفات اكثر
مي هـآدي تخلي الآغلبيـة مارشـآريـآر
والمشكلة

كاين اللي شهرولا بالاك سمانة ما يكملوهاش مع بعض حتى تصيبهم الشروعات والطلاق

زواج بكري خير بزااااااااااااااااااااااف كان فيه الصفا والنية والعشرة بالقلب و الهنا

والشاب ربي معاه مسكين لازمله يخدم 40 عام يا ربي ولا لحق يدير العرس

زيد الدار درك كل وحدة تقولك انا ما نسكنش مع ختنتي

رغم انو بالعكس كي تكون وسط عايلة كبيرة تتعلم و تزيد تكبر اكثر

هادا موضوع النقاش فيه طويييييييييييييييييييييييييييييييل

صح رآح الزمـآن منين كـآن الوقـت وقت النيـة

فالاخير نقول ربي يرزق كل بنات المسلمين ازواج صالحين وكل اولاد المسلمين زوجات صالحات

آميــــــــــــــــــــــــــــــــــن

آمين ياربي

​

​

كخلآصـة احييك اختي وفـآء كفيتي ووفيـتي وكمـآ قلتـي لو كـآن نبقـآو نفصـلو جـآمو نحبسـو
عالعموم ربي يهدي الجميع ان شاء الله :regards01:
​

 

[وائل ابن الجزائر]

كل وقت و وقتو حاجة ما تجي بالساهل
سلاااااااااااااام

حـآجـة بـآينـ’ـة مـي ليسونسيـآل مش عقليـة تاع هـآد الوقت
دمـت بالف خير :up:
​

 

[دمعة اشتياق]

السلاآمـ عليكمـ
ماقدرتش نفوت على الموضوع و مانشاركش
اهاد السوجي راه ظاهرة في الجزائر
وليجان قعدوا بلا زواج لهاذ السبب
لازم اكثر من 50 مليون باش يقدر يتزوج وهذا يتناقض مع ديننا الاسلام
اصبح الرجل ينفق على الخطيبة قبل الزواج اضافة الى تكلفة الذهب و النقود و و و و
و في الأخير ( أقلّهن مهرا أكثرهنّ بركة )
و ربي يسهل على كل مؤمن و يهدينا أجمعين
جزيـــل الشكر و التقدير لصاحب الموضوع

 

[وائل ابن الجزائر]

الحمد لله عن نفسي عمري ما تشرطت على احد وماحبوش يطلبوني اصلا قالك موضة قديمة ونساعدهم في كل شي وما تكبرين عليا بصح شي واحد قلتو حسبي الله ونعم الوكيل الا من الله حمتو وشكرتو والا من العبد شاكيتو لله يقتص حقي منو حسبي الله ونعم الوكيل لي تتشرط يرضو بيها ويحطوها فوق راسهم ولي تطلب الستر هديك لي مشيانة ويقولو عليها راهي تتشرط بصح يستاهلو يخلو بنات القيمة وروحو لزين والزين قيمتو غالية تستاهلو​

اهلا سيدتي رضوة
كما حكيت عن نفسـك انت من 100 مميـزة واكيـد معروف ديما السهل ممتنع والناس تشوف غير لميقدروش ليهـآ ويحبو يوصلـو MAIS
انتيـآ مـآشـآء الله عليـك يـآ ريت الكل كيفـك
دمتـي ودامت زيـآرآتك :regards01:
​

 

[zahira92]

zwaj???? sahel bezaaaaaaaaaaaaf:d
​

 

[بنت الـ25]

عنوان الموضوع يخلع على الصباح .. بصح هاذي هي الحقيقة ، ما نتزوجش خلااااص .
والسبب اني في فراغ الشغل رحت نقارن بين العرس تاع بكري والعرس تاع اليوم ولا المستقبل ..
لقيت فروقات بزاااف ، واهمها كانت :

اهاااه استغفر مولاك :d
ويجي نهار ونفكرك :p

لباس العروسين :

بكري كان ابلرنوس والحايك يضرب ، بصح دوكا تبدلوا بالكوستيم و لاروب بلونش ، في زوج غالين مانقدرش عليهم .
كون رانا في ذاك الوقت غي ماما تخيط لي برنوس ونهني الغاشي

والله من مدة قصيرة (في نوفمبر 2012) بنت خالي خرجت من دار باباها بالحايك :up:
قالت من صغري متمنية نخرج بيه :d

القصبة والشعبي ~~> الديجي مع الديرونجمو

زدت قارن كيف كانت الفرحة تاع الزوجين .. بكري كانو يضربو فالطارة والقصبة زيد الشعبي ولا الحوزي
هاذو طيشناهم خاطش قدااام ، تبدلو فالـ dj يحط ليك فكلمات مشفرة ، وباه تكمل الفرحة يديروه فالليل
مام اذا عرضك العريس تجي وتبقى تفرج بعينيك حمر من النعاس .

وش رح دير
مالا في عرسك واحد ما يقدر يجبرك تجيب الديجي
جيب فرقة تع القصبة وهني روحك
ولا خايف المعاريض يهربولك ههههههههه:p

الوليمة .. من الكسكس الى الباتيسري

ونزيد نقارن ... بالكسكس كنا نقوموا بعرس الله الله بصح حتى الوالدة تحس ببصمتها فعرسك
في وقتنا الباتيسري وطلع .. تحت هاذا مابقاش عرس ..

احنا في قسنطينة نديرو الشخشوخة مش الكسكس
والعرس لي مافيهش الشخشوخة والشربة الحمرا والطاجين ميتسماش عرس
وشي الباتيسري هدا تع جد ماليهم؟

المهر ... بين لبارح واليوم ليلة يا محلها

المهر من قبل 20 سنة .. خاتم زيد كبش وشية صوارد
بصح دوكا لاليست طويلة ، تقول حاب تتزوج بنات الدنيا يا محاينك
منا على 15 سنة يعود فيها الماس باه تتزوج ..

هنا نبصملك بالعشرة ونقلك عندك الحق
بصح كون تجي تشوف الطفلة الشي لي تديه معاها يفوت الخمسين مليون كأقل تقدير
مثلا لو نجيو للذهب ياو السنسلة ب 18 مليون والشي لاخر منحكيوش
وش يديرلها المهر؟
والراجل دوكا يحب المرأة تجيب معاها كلشي
سمعت حكاية على وحدة مهرها 20 مليون
مالين راجلها كل يوم يعيطولها : جيبي معاك ماشينة لافي،
وميكغوأوند وجيبي الفراش تع 5 ملاين والصالون تع باب الحارة
ولي فوتاي ..... :-o
في حسابهم 20 مليون تجيب :-r
اللي ما جربش الشورى تع الطفلة ميهدرش
وزيد كانو بكري المرا ما تدي والو
دوكا تدي كلش
على هادي ميكفيها والو

--------
هاذي اهم الاسباب اللي خلاتني نقوم بهذا الاعلان
ايا تربحو ..~
سلام
ملاحظة : كتبت الموضوع باللهجة الجزائرية
لأني تكلمت عن تقاليد جزائرية 100% في الأعراس

وائل برك ديمااا

امالا تديرنا العادت تع غوانتانامو:s؟ بيان سيغ تع الجزائر
هههههههههههههههه
في أمان الله :regards01:
​

 

[ليديا المتفائلة]

موضوع هايل شكرا لكن حبيت نقول كاين ناس عملو عرسهم باقل تكاليف والعروس ماشرطت والو غير الصلاح والهنا وغضو النظر على كلام الناس الي مايهمهم غير المظهر ولي مارايحينش يكونو معاك غدوا كي تغرق فالديييون امالا نصيحتي لكل شاب مقبل على الزواج ماتكلفش نفسك مالا تطيق لانوالله تعالى مايرضاش على هذا

 

[وائل ابن الجزائر]

موضوعك هايل خويا لكن المقارنة كانت غير في الامور المادية عندك الحق الامور المادية تعقدت في هاد الوقت لكن لنت نسيت انو اهم امر في الزواج غاب في زواج الليوم وهو الهنا والاستقرار والترابط الاسري ....غابت الهنا والسعادة وحتلت مكانها المشاكل والخيانة وعدم الاستقرار ....زواج اليوم فقد الهدف والنكهة رجع مجرد زواج لعبة ورق ممكن تنجح فيها ممكن تخسر ...............................................يا حسراه على زواج زمان لا شرط لا يخليك لا سكنة وحدك ولا تكسار الراس ودروك هاك من الشروط وقلة الهنا

وينراهــآ حيــآة بكريـــــــ
على ضوء مـآ قلتـ اختـآه عندك الحق كـآين فرق بين بكري وبين دوكـ
ربي يهديـنـآ ويهدي مجمتمعنــآ
​

 

[همس الوُرود]

c la vie

 

[محـ أمين مد]

و منذ ذلك اليوم قررت ان اظل اعزب هههه

الله غالب واش حاب دير الوقت تبدل و تبدلت العقلية

ها بصح تاني صلى النبي . بكري كانوا رجال و هذا مايعنيش بلي في وقتنا مكانش مي نقصو

درك الشاب كي يتزوج بوحدة ب 2 ملاين مثلا و مكانش تكاليف يدير الزاوجة و الثالثة و ... و يسمح فيهم هه

مي كي يتزوج بوحدة و تشرطلو و تخليه يدير الدين ماشكيتش يسمح فيها هههه

و السلام عليكم .
​

 

[*amina*]

السلام عليكم
والله كيما قال المثل الزواج ليلة تدبيرة عام وهذا ينطبق على كلا الزوجين الزوج من ناحية المصروف يعني انا نظن ضروك لي معندوش في رصيدو مية مليون ولا كثر ميزوجش الشي راه غالي بكري الزوج كان كي يخطب الطفلة يعطيلها المهر نتاعها وميزيدش يدور بيها ولا يحكيها ولا يصرف عليها ضروك كي يخطبها لازملها مصروف ويزيد يعاون خطيبتو شوية خطرات بالمصروف وخطرات بالاشياء لي تخصها وبالنسبة للفتاة اكثر مسكينة ضروك المهر المتداول على حساب ظني هو 112 مليون يرحم باباكم وين تصد بيها للذهب ولا اللباس ولا الشورة ولا واش؟؟ ويا حليلها مسكينة اذا كان باباها معندوش
ربي يكون في عون كامل الشباب الجزائري