غريبية بشكل جديد من مطبخ ام اماني

[ام اماني05]

السلام عليكم اخواتي
المقادير:
كيلة سمن ذايبة ونعاود نحطها في الثلاجة حتى تجمد وممكن نعوضها بالزبدة او المرقرين في هذا الحالة كي تجمد الزبدة او المرقرين ننزع الحليب لي نلقاه في اسفل الاناء لي كيلت به
كيلة ناقصة اصبع سكر رطب
كمية من الكاوكاو محمص ومرحي رقيق وممكن نعوض بالجلجلانية محمصة
فرينة
ملون اخضر و وردي
الطريقة:
بواسطة الخلاط الكهربائي نخلط السكر مع السمن مليييييييح حتى يبياض الخليط بعدها نضيف الكاوكاو ونحرك ثم الفرينة نضيف بشوية ونحرك بيدي حتى نتحصل على عجينة ماتكون يابسة ما تكون طرية بزاف
ناخذ كمية صغيرة من العجينة ونضيفلو ملون اخضر وكمية اخرى نضيفلها ملون وردي
نشكل حربوش من العجينة البيضاء و بواسطة الشوكة نعمل خطوط ثم نقطعها مقروضات كما في الصورة
http://
بواسطة طابع صغير على شكل وردة نعمل وردة باللون الوردي و نعمل اوراق بالعجينة الخضراء
http://
نلصق الوردة وورقتين على كل حبة بواسطة القليل فقط من بياض البيض
http://
ندخلها تطيب في فرن على درجة حرارة160 درجة لمدة 10 د لازم يبقى لونها ابيض من الاسفل
لما نخرجها من الفرن نخليها تبرد تمااااااما بعدها نرش عليها شوية سكر رطب ونقدمها وهذا شكلها النهائي
http://
http://
نتمنى تعجبكم ولا تنسوني اخواتي من صالح دعائكن
</B></I>

 

[ام بسومة]

اممممممممممممممم الله يبارك
روووووووووووووعة

 

[assinat]

سلام عليكم
جمعة مباركة
الله يعطيك الف الف عافية على الغوسات هادي
احلى تقييم لعيونك
​

 

[نور الهدايات]

يعطيك الصحة اخي أم اماني غيريبة روعة وبشكل عصري ماعندي مانقول
تستاهلي أحلى +++++++++ تقييم​

 

[روز]

مـــــاشاءلله حاجة هايلة وكأنها مش غريبية
تسلم الايادي
كل حاجة طيبيها أحسن من الاخرى

أحلى تقييم

 

[nada242008]

شكل جديد وهاايل
نفس الوصفة لي معتمدتها
يعطيك الصحة ام اماني
حبيت نصقصيك لي حطيتيها من قبل على شكل هلال وبالكاوكاو نفس المقادير تاع هاذي ؟

 

[ام ريهام]

روعة تسلم اديكي راح نجربها لاني نموت على الغريبية

 

[tasnim55]

الله يبارك على حبيبتي ام امون غريبية رووووووووووووووعة تستاهلي احسن تقيم وجديدك يفرحني حنونة يعطيك الصحة ويسلم هدوك ليدين يالفحلة ​

 

[ام منصف]

دايما تتحفينا بالجديد ام اماني يعطيك الصحة
تستاهلي احلى تقييم
​

 

[ام اماني05]

شكل جديد وهاايل
نفس الوصفة لي معتمدتها
يعطيك الصحة ام اماني
حبيت نصقصيك لي حطيتيها من قبل على شكل هلال وبالكاوكاو نفس المقادير تاع هاذي ؟

شكرا حبيبتي عفاف على مرورك نورتي صفحتي
تقريبا كيف كيف هذيك فقط عملت فيها شوية من الحمص المرحي وحمصت 3مك فرينة وخليتها بردت وضفتها

 

[nada242008]

شكرا حبيبتي عفاف على مرورك نورتي صفحتي
تقريبا كيف كيف هذيك فقط عملت فيها شوية من الحمص المرحي وحمصت 3مك فرينة وخليتها بردت وضفتها

يعطيك الصحة كلش من عندك مضمون وناجح .. راكي نامبر وان في الحلويات :up:

 

[ام اماني05]

غالياتي ام منصف،تسنيم،ام ريهام،روز،نور،ام بسومة،اسينات شكرا على المرور بارك الله فيكن

 

[ام ابتسام]

ام اماني شهيوات تبارك الله ماعندي مانقول يهبلوا
​

 

[mimi53]

الله يبارك فنانة باتم معنى الكلمة وافكارك تحفة تسلم ايدك
اختي ام اماني ياريت تعطيلي مقادير غريبية بالبيستاش ادا لم يكن هناك اي ازعاج والف شكر لكي مني احلى تحية

 

[oumniati]

ya3tik saha ya oum amani , kharjet hayla

 

[كوثر الوهرانية]

الف شكر اختي ام اماني على الشكل الجديد للغريبية عجبني بلبزاف الله يعطيك الصحة راكي فنانة نتاع الصح بارك الله فيك

 

[ندى الورود]

شكلها تحفة يا ام اماني يعطيك الصحة يا مبدعة
​

 

[ام وليد و ايوب]

تشهي ما شاء الله عليك تسلم ايدك

 

[ritadjfati]

الله يعطيك الصحة تبارك الله عليك ياالحنونة ما شاء الالهعلى دوك اليديين

 

[الاخت دلال]

شكل جديد ورائع


يعطيك الصحة