العسل نتاع القازوز جديد وهايل للبغرير والحلويات والطمينة ولرفيس

[فايزة20120]

السلام عليكم ليوم جبتلكم وصفة العسل نتاع القازوز الأصفر هذا العسل بنين بزاف ونعسلو بيه الحلويات والبغرير الطمينة والرفيس نبداو على بركة الله
المقادير
لتر قازوز أصفر
2 كيسان ماء
3كيلوا سكر
مورسوا نتاع الشب
التحضير
نحط 2 كيسان ماء في كسرونة فوق النار مع الشب لما يذوب الشب نضيفلوا القازوز عندما يغلي الخليط نضيفلوا السكر ونحرك مليح منخليش السكر يهبط للقاع ونخليه يغلي لما يولي في مرحلة الغليان القصوى نطفي عليه مع التحريك نغلق علية حتى لغد منذاك نستعملوا وراح يعطي بنة خاصة

إنشاء الله تعجبكم الوصفة
متنساوش تدعولي

 

[ندى الورود]

يعطيك الصحة اختي على الطريقة ان شاء الله نجربها
فقط فيما يخص الشب سمعت انه غير صحي
​

 

[omsirin]

هذ فكرة مليحة نجربوها و نشوفو يعطيك الصحة.

 

[فايزة20120]

ولكن انتي ستعملي كمية قليلة من الشب والنتيجة بإذن الله تكون هايلة وبالعكس الشب عندو فائدة كثيرة

 

[حكيك]

مشكورة على الطريقة يعطيك الصحة

 

[samah06]

يعطيك الصحة
لكن ممكن نغير الشب بالقارص
انا ما نحبش دوق الشب

 

[فايزة1207]

ماقلتيناش واش من قازوز
ويخرج ثقيل ولا خفيف

 

[فايزة20120]

راني كتبتلكم قازوز أصفر واللي هو نتاع الليم وهو يخرج كما العسل لكن عندو ذوق أحسن

 

[hayouta]

مشكورة