كوكب الاعترافات // المشكلة 09 " قلبي معمر، وصلت بيا للهلاك !!"

[NABILA NIHAL]

الدنيا تجارب و الشاطر هو لي يعرف يستفيد منها بالتوفيق

 

[بنـ MaPa ـت]

وعليكم السلآم

اهلين بيك حبيبتي
راني حاااسة بيك والله شي صعيييب بزااااف
انك تهملي روحك من اجل انسان هاملك وماهوش حاس بيك
انتي بينك وبين روحك خممي شوية برك وماتسترجعيش الماضي
اشفقي على روحك ماتشفقيش عليه حنونة
انتي تقدري تطيحي بروحك على جال انسان مايستاهلش؟ و مايقدركش
وقيم ولو ذرة من الشي اللي ديريه على جالو؟؟؟
الاحسن انك تنساي اللي ينساك وماتقيميش اللي ماقيمكش
وماطيبيش روحك على واحد مايستاهلكش اصلا
العمر يروح ومايوليش اتمتعي بشبابك وبحياتك وماتخسريش عمرك عليه
هادا ماعندي نقولك...واهم شي ماتسترجعيش الذكريات اللي عندك معاه
مليحة ولا ماشي مليحة صدقيني راهي ضرك وترجعك تحني ليه
وتبقاي ديما تخمي فيه وتشفقي عليه وتبقى نفس لحكاية دور عليك
نصيحة من اخت عانت من نفس مشكلتك ارجو العمل بالنصيحة واكيد راح جيبلك نتيجة ان شاء الله
وربي يفرج عليك ويصلح احوالك حبيبتي

مرسي ليك منوتي ربي يحفظك

سلآم
​

 

[AnGel_LoVe]

أنا نقولك بالمختصر المفيد

اعفسي على قلبك
أنساي لي غدرك
و عيشي بكرامتك و بقدرك
و اتهلاي في صحتك و عمرك
هو لي يندم كي خسرك


​