تجارب مجربة حصريا لجمال المرآة اللماوية (متجدد)

[angel]

شكراااااااااااااااااااااا بنات على الوصفات هاااااآآآآآيلين


جزاكن الله بكل خير ان شاء الله حبوباتي




​

 

[kokazita]

niiiice ideas thnx dear sister
​

 

[angel]

ur wlc my dear lovly sis


im really happy to c ur comment


wish i can talk to u soon

luv ya
​

 

[*Sarah Dz*]

للتخلص من الرائحة الكريهة في اليدين
(الثوم .. الحوت .. البصل .. جافيل ... .)

مرات حتى بالغسل مرات كثيرة بالصابون لكن تبقى ريحة الايدي شوي مقلقة
هادي استيس قالولي عليها و جربتها و نتيجتها رووعة ..

ضعي القليل من dentifrice في يديك و اغلسهم بيه و شللي يديك بالماء
رايحة تلاحضي ان ريحة يديك راح تيقى رائعة لمدة طويلة و الريحة المقلقة راحت

:regards01:
​

 

[nina ricci1]

للقضاء على الاسوداد بين الرجلين
وصفة مجربة

رطبي المنطقة بزيت زيتون ملييييح بحركات دائرية كأنك ديريلها مساج حتى تترطب لللآخر بعدها بساعتين أو قد ماتحبي ديري دوش سخووووووون وافركي المناطق الداكنة مليح بالكياسة للتخلص من الجلد الميت وبعد انتهاء الحمام جيبي فازلين وادهني المنطقة بيه وافركي بحجر الاستحمام لكن بنعومة وكانك ديري مساج ..وابقاي ادهني بفازلين وافركي بشوي على المناطق الداكنة حتى يزول معظم الجلد الميت ويفتح اللون ....بعدها رطبي المنطقة مليييييح بفازلين وبعد ساعة أو ساعتين افركيها بالقارص مع السكر وواصلي الفرك لمدة 15 دقيقة وبنعومة طبعا باش ماتجرحيش روحك ....وبعدها اغسليها بماء دافيء ونشفيها مليييييح وعاودي رطبيها واهم شيء التنشيف والترطيب وهنيئا لكم البياض والنعومة ...
​

 

[nina ricci1]

وصفة لقيتها في احدى المنتديات بغيت نفيدكم بيها

منطقة حساسة مثل القشطة
عزيزاتي جبت لكم اليوم خلطة تخلي المنطقة الحساسة بياض القشطة وعن تجربة والمقادير هي :
نصف كاس بودرة اطفال +كاس ماء ورد +3ملاعق زيت زيتون +نصف ملعقة سكر+نصف ملعقة ملح +2ملعقة ماء
تخلط جميع المقادير وتوضع في قارورة وبعدكل استحمام تدهن المنطقة
الى ان تجف والتنيجة بياض ناصع خلال شهر من الاستعمال
اغسلها بعد ساعة واصلا ماتسحيها زيوت بتجربيها وتشوفيها​

​

 

[simou11]

مراحب بنات
تقدروا تقولو اول مرة ندخل هنا

المهم
=> مرسي على الوصفات ان شاء الله نجربهم
=> يلديز مام انا يدمعوا عينيا كي ندير زيت الخروع زعما ما نقيسش عيني
=> مم انا حبيت نقولكم على وصفة
جربتها لماما ،، على الشعر المصبوغ
كي تديري لي ماش و يجيوك غامقين على وش كنتي حابة ،، تغسليهم مرتين في الاسبوع بالماء المؤكسج (eau oxygénée ) و مع الوقت تحسيهم فتاحو ..
مي ماتكثروش منو باسكو يقصف الشعر

سلامو و لي عودة ان شاء الله ​

 

[magique]

السّلام عليكم
البنــآت جبتلكم وصفة تقشير بشرة الوجه ، و الله روعة ، راني غير ضرك غسلت وجهي و راه صافي و مورّد
ســآآهلــة ، {صفار بيضة + مغرف قرفة مرحية} خلطيهم بملعقة خشبية في اناء بلاستيك او خشب ، و اغسلي وجهك مليح و حطي الوصفة على وجهك بالـ pinceau ، خلليــها 10د---15د ، رآآيحة تحسّي بوخز في وجهكـ ، لكن هذي حاجة عــآدي
تستعمل مرّة وآحدة في الاسبوع

ســلـآمـ ~​

هادي نديرها انا كل سمانة ونتايجها رائعة مام تخلي الوجه اكثر نضارة ولمعان
​

 

[angel]

شكرا على الوصفات الجديدة


مغسي يا لبنات وراح نجربهم
واهلا بيك حبوبة سيمو ان شاء الله ماتكونش اول واخر مرة

ومنكم نستفيد
​

 

[°NeSriNe°]

موضوع رائع
ووصفات اروع
شكرا على الموضوع اختي
​

 

[angel]

العفو حبيبتي نورتينا ان شاء الله تكوني استفدتي

وارجعيلنا بالنتائج اذا جربتي كاش وحدة


​

 

[°NeSriNe°]

للتخلص من الرائحة الكريهة في اليدين
(الثوم .. الحوت .. البصل .. جافيل ... .)

مرات حتى بالغسل مرات كثيرة بالصابون لكن تبقى ريحة الايدي شوي مقلقة
هادي استيس قالولي عليها و جربتها و نتيجتها رووعة ..

ضعي القليل من dentifrice في يديك و اغلسهم بيه و شللي يديك بالماء
رايحة تلاحضي ان ريحة يديك راح تيقى رائعة لمدة طويلة و الريحة المقلقة راحت

:regards01:
​

هادي جربتها البارح
عجبتني ، تولي ريحة شابة في يديك احسن من الصابون

ان شاء الله نجرب وحدوخرين و نقولكم النتائج
​

 

[السلطانة]

تقشير البشرة خطوة ضرورية لتجميل البشرة للتخلص من بقايا الجلد الميت والأوساخ وحتى تحصلي على بشرة ملساء جميلة وناعمة.
خلطة الشبة لتقشير البشرة:
مكونات الخلطة:
1- ملعقتان من الشبة المطحونة.
2- ملعقتان من عصير الليمون.
3- ملعقتان من السكر الخشن.
4- ملعقتان من زيت اللوز.
5- ملعقتان من الشوفان المطحون.
6- ملعقتان من ماء الورد.
الطريقة:
أولا: إغسلي وجهكِ ورقبتكِ بالماء الدافئ والصابون وجففيهما جيداً.
ثانيا: أخلطي مكونات القناع معاً وضعي الخليط على وجهكِ وعنقكِ مع تجنب المنطقة المحيطة بالعينين.

http://ec.tynt.com/b/rf?id=aM1NvSOFer4BLuacwqm_6l&u=hawaa.women
​

 

[nihal yildrim]

أعجبتني كثيرا تجارب العضوات و نجربها ان شاء الله..
أنا عندي طريقة تقشير الوجه نبلل وجهي بالقارص*الليمون* من بعد نحط السكر وندلك غير بالعقل من بعد نغسلو بالماء الدافئ ونستعملها مرتين فالأسبوع..رايحة تخلي وجهك رطب ..
jarbtha hayla merci :d​

 

[angel]

للتقليل من حب الشباب والآثار أيضا كاين وصفة جربتها شخصيا فعااالة وتقفل المسامات أيضا

الوصفة :ديري ملعقتين خل تفاح + عصير بصلة مفرومة (انا نرحيها في الخلاط والما تاعها نضيفو لخل التفاح)
طريقة الاستعمال: اغسلي وجهك بالماء والصابون وبعد ماتنشفيه ديري الخليط على وجهك وخليه نصف ساعة بعد ما يجف على وجهك عاودي اغسليه بالماء والصابون نشفيه وبعدها ادهني وجهك بماء ورد
هذا كل يوم قبل ما ترقدي بعد أسبوع قوليلي النتيجة
من الأفضل تستعملي غسول يومي لوجهك اسمو فيزيوجال

من عند الاخت
smile queen
http://4algeria.com/forum/threads/356746-5/
​

 

[hayota]

ماسك العسل الحر و الليمون لتخلص من cicatrices في الوجه​

تخلطي مغرف كبيرة عسل حر مع مغرف كبيرة عصير ليمون
و تعمليهم ماسك للوجه من 15 الى 30 دقيقة
و بعدها غسلي وجهك بالماء البارد
ثم بصابون خالي من المواد الكيميائية​

​

*يستعمل مرتين او 3 في الاسيوع*​

شكرا لك اختي ينفع نديرها بين فخاذي معاني من اثار حبوب ؟؟؟

 

[angel]

شكرا لك اختي ينفع نديرها بين فخاذي معاني من اثار حبوب ؟؟؟

اهلا بكي عزيزتي
والله لا اعلم الي حطتها سارة وعلى مااظن مدام تنحي اثار الحبوب معناها في اي يلاصة والله اعلم:s

 

[magique]

​

لواش يفيد هاد القناع؟؟؟

شكرااا ليك حنونة على الرد القيم

والله انرتي

:regards01::regards01:


​

عزيزتي هادا يستعمل للتقشير والتخلص من الجلد الميت في البشرة ويخليها تتنفس افضل
​

 

[*Sarah Dz*]

شكرا لك اختي ينفع نديرها بين فخاذي معاني من اثار حبوب ؟؟؟

الفعو حبيبتي
العسل يعتبر من اكثر المواد الطبيعية التي تزيل اقار الحبوب و الجروح
اظن انه مفيد في كل مناطق الجسم

​

 

[*Sarah Dz*]

ماسك لتغذية البشرة طبيعياا

نجيبو قطعة خيار مع قطعة جزر و قطعة بطاطا
نحطوهم في الخلاط مع بعض و من بعد نصفي الماء تاعهم
و نخلطه مع علبة بتي سويس ..
و يوضع كماسك على الوجه
حتى ينشف ثم نغسل وجهي بالماء الدافي
كرري العملية من مرة الى مرتين اسبوعيا

راح تحسي بنقاوة و رطوبة وجه رائعة من التجربة الاولى

​