تجي تفهم تحير!!!

[NoNo2]

السلام عليكم...

العقل زينة الإنسان..

انا والله راني نشوف في وحد الظاهرة ماعلاباليش ايلا راكم تلاحظو فيها ولا لا...انا راسي ماعادش يستوعب في هذو العباد.. اقصد في (الشباب والبنات) مع انو مصطلح الشباب اكبر منهم ..الا وهي الاولاد يمووووووتوا على القسرة مع البنات والبنات يمووووتوا على القسرة مع الاولاد والضحك ووممكن ثاني تكون فيها بعض التجاوزات المخلة بالحياء مثل اللمس و و و...
خاصة البنات انا نحير فيهم لهذي الدرجة صحت وجوهم؟؟!! والاولاد وين راهي نخوتهم ورجلتهم وو...لدرجة اني حسيتهم باللي ولاو تافهين وولا شغلهم الشاغل غير البنات البنات البنات...انا راني نحكي على فئة...حاشا مازالو كاينين بنات و ولاد أخلاق وتربية...اليكم الكلمة..

 

[بنت الـ25]

السلام عليكم
والله يا ختي منعرف حنا كي كنا مراهقين كنا من هاد الفئة اللي حكيتي عليها
ودوكا كبرنا ولينا نشوفو هاد المظاهر من منظور واحد آخر؟
ولا صح هاد العقليات انتشرت بزاف في الآونة الأخيرة لدرجة تستفزك باش تلاحظيها؟
وفي كلتا الحالتين ومن منظوري الشخصي انا نشمئز من هاد الفئات
نعطيك مثال: كاينة طفلة يومي نشوفها رايحة ولا راجعة من الليسي
عمري ولا شفتها مع طفلة ، الدور غير مع لولاد
لدرجة لبستها ومشيتها وهيئتها أقرب ما تكون للدكور
ومرة دخلت عندي (فالخدمة) والله عقليتها عقلية دكور ومام هدرتها :down:
تالمو خالطتهم وضل تقصر معاهم بعدت على مظاهر الأنوثة

ونفس الشيء بالنسبة للدكور تلقايه يحب يدوّر بيه البناويت وc'est rare وين تلقايه مع لولاد

مرة انا راجعة من الخدمة وكليكة تع دكور ماشيين مورايا (ولاد الليسي)
تشوفي كيفاش يمنشرو فالبنات (اللي يدورو معاهم) مخك يحبس :s
واللي قالهم اسكتو واحد فيهم يحكيلهم في أحداث حلقة البارح من مسلسل حريم السلطان
ضحكني كي قالهم: مسكينة غاضتني كي حرقوها
والله تعجبني ما تساهلش
أوووووو البروفيل تع الفيسسبوك فيه غير هيام
:-o
آ يماااااااا انا بقيت بلا راس :s

وش نحكي وش نخلي


نجاويك على تساؤلاتك ونقلك
البنت هي المسؤولة اللولة والأخيرة على هاد التجاوزات
لأنها هي اللي تمد الفرصة للولاد يقصرو معاها
والطفل (اللي يحب القصرة مع لبنات) كي يشوف وحدة صدتو ومحبتش تحكي معاه رح يجبد عليها

والسلام

نحييك موضوع مليح ومستفز رايح يدير حالة :d

​

 

[nina usma]

ميرسي NôNô موضوع من جهة النضر ديالك درك نقولك العقلية كيفاه الحاجة اللولة مولاتش كاين صحبة vغي كيما بكري تقدري تحكي معاها :down: ادا شفتيها تحكي معاك درك زيديلها 2mn و دور عليك :s انا نهدر معى ليجان مي لي نعرفهم مليح من صغري و نعرف التربيى ديالهم و جيراني اون+ مي كي نهدرو في حدود زعما نgسرو عل القرايا على ليسوجي محترمين و نتلاقاو خطرة فالسمانة نكون جايزة نريح 5 mn و كل واحد و رايو :regards01: و بالاك وش شفتي نتي خلاك تهدري هكدا صح كاين لي من قدام ليجان ميبوجيوش و شفت بزاف و يديرو عفايس حتا نتي تكرهي روحك ؤبي يهدينا
​

 

[غزاوية و افتخر]

السلام عليكم و رحمة الله و بركاته
هذا الموضوع شباب اختي الكريمة و هذي الحركات من جهة البنات و الاولاد راهي منتشرة الطفلة ولات بهلولة و الولد مافيهش gاع ريحة الرجولة كي نشوف هكذا يغيضوني انا كي كنت في الليسي و مبعد طلعت لافاك كان مزال عندي براءة
و كي نضحك ...نضحك مع حباباتي خطراكش علابالي لولاد عقليتهم ناقصة و ما نحبش ندخل روحي في دوامة الامراض نفسيا و الان الحمد لله راني في مجال الشغل نقول غير صباح الخير و تبقاو على خير خطراكش الواحد اذا كثر الكلام تتخلط الدعوة و يتعدى الحدود.....و الله يبعد كل مؤمن على هذه الضاهرة.​

 

[lizou]

السلام عليكم

والله يا ختي منعرف حنا كي كنا مراهقين كنا من هاد الفئة اللي حكيتي عليها
ودوكا كبرنا ولينا نشوفو هاد المظاهر من منظور واحد آخر؟
ولا صح هاد العقليات انتشرت بزاف في الآونة الأخيرة لدرجة تستفزك باش تلاحظيها؟
وفي كلتا الحالتين ومن منظوري الشخصي انا نشمئز من هاد الفئات
نعطيك مثال: كاينة طفلة يومي نشوفها رايحة ولا راجعة من الليسي
عمري ولا شفتها مع طفلة ، الدور غير مع لولاد
لدرجة لبستها ومشيتها وهيئتها أقرب ما تكون للدكور
ومرة دخلت عندي (فالخدمة) والله عقليتها عقلية دكور ومام هدرتها :down:
تالمو خالطتهم وضل تقصر معاهم بعدت على مظاهر الأنوثة​

ونفس الشيء بالنسبة للدكور تلقايه يحب يدوّر بيه البناويت وc'est rare وين تلقايه مع لولاد​

مرة انا راجعة من الخدمة وكليكة تع دكور ماشيين مورايا (ولاد الليسي)
تشوفي كيفاش يمنشرو فالبنات (اللي يدورو معاهم) مخك يحبس :s
واللي قالهم اسكتو واحد فيهم يحكيلهم في أحداث حلقة البارح من مسلسل حريم السلطان
ضحكني كي قالهم: مسكينة غاضتني كي حرقوها
والله تعجبني ما تساهلش
أوووووو البروفيل تع الفيسسبوك فيه غير هيام
:-o
آ يماااااااا انا بقيت بلا راس :s​

​

وش نحكي وش نخلي​

نجاويك على تساؤلاتك ونقلك
البنت هي المسؤولة اللولة والأخيرة على هاد التجاوزات
لأنها هي اللي تمد الفرصة للولاد يقصرو معاها
والطفل (اللي يحب القصرة مع لبنات) كي يشوف وحدة صدتو ومحبتش تحكي معاه رح يجبد عليها​

والسلام​

نحييك موضوع مليح ومستفز رايح يدير حالة :d​

اولا نشكرك حنونة على طرحك لهذا الموضوع الاكثر من رائع ثانيا انا اوفق الراي مع الاخت Mïŋěţţe
بانو البنت هي الاولى والاخيرة على هاد التجاوزات يعني لو كانت حابة تخطي دسارة والله غير تخطيها تصدو مرة مرتين امبعد يخطيها مي هوما نووووو يعجبهوم لحال كي يبداو السماطة والدسارة تاعهم ربي يهدي ما خلق وخلاص وربي يخفضنا هادا ماكان .​

 

[عازفة الاحزان]

سلامـ أختيـ نونو

يعنيـ همـ يضحكـ وهمـ يبكيـ

بلاكـ منيشـ نخرجـ بزاافـ وينـ نلاحظ هذيـ الظاهرة

و لكنـ الصحبة معـ الاولاد عندها حدود ولازمـ يكونـ لقدر هو الأساسـ بيناتكمـ

واذاا حكينا على عقليتـ الجيلـ الجديد هنا راحـ ندخلو لمتاهة و ربيـ يستر لأنيـ

صحـ وليتـ نسمعـ حويجـ ميدخلوشـ للعقلـ

تقبليـ مروريـ
​

 

[حفيد هواري بومدين]

كون نروحو لاصل المشكل نلقاوه في البنات ... كون جات الطفلة حاكمة قدرها ماتخليش الطفل يقربلها اصلا وهي اصلا تحافظ على روحها ...مانيش نبعد الذنب على الذكور ...بصح المسؤولية للبنت هناا... ونبقاو نقولو وقتاه يتعدل المجتمع باتعدال المرأة وتبدا من الأسرة وروح ​

 

[nesrin nina]

والله لا عندك الحق في هد الوقت وليت نحشم نتمشى مع الوالدة ولا الوالد من كثرة المواقف المخلة للحياء لا البنت بقى عندها شرف ولا الولد بفات عندو رجولة
وعلى العموم موش قاع الناس كيف كيف وربي يهدي ما خلق

 

[أسيل زياد]

الله يهدي ماخلق
ويستر الجميع يارب

 

[-Ocean-]

lah yehdii ma5laa9 ​

 

[MĺŹǾ žĕĥÔŖ]

موضوع رائع

يعالج ظاهرة راهي منتاشرة بزاااااااااف في مجتمعاتناااا

كاين بعض الولاد لوكان ما يحكيش مع بنت ولا اكتر فالنهار ما يكون ما يريحش

وكيما ذكرتي كاين بعض الأحيان نشوفوا تجاوزاتتت كبيرة

ممكن يكون زميل بصاح ديما تكون حدود حتى في الكلام

مي دوكا الله يهدينا تمشي فالطريق وضحكتهاا تدوي لوين يسمعها لالا ماشي كيما هاكداا

الطفلة زينهاا حياءهااا كيما تقول ماما ادا الطفلة ما حشمتش على عرضها نظن ما بقى والووو

والطفل تاني ماشي ادا كان راجل نورمال

المهم حبيبتي ربي يهدينا هادا وش نقوووووووووووووووووووول

بارك الله فيك ع الموضوع الرااااااااااااااائع
​

 

[وصال]

اختي هذاك يسموه التقدم راكي غالطة لوكان يسمعوك تهدري راح يقولوا عليك متخلفة .

شوفي حنونة هادوك ناس ما يخافوش ربي كيفاش حبيتيهم يحشموا من العربي والله لوكان تشوفي واش راه صاري في ليسيات وسيام غير تحشمي باش تقولي مؤسسة تربوية ربي يسترنا وخلاص عندبالك رانا وصلنا لواحد الوقت لي شاد في دينوا كالماسك على الجمر ربي يكون معانا .

 

[اسيل17]

واش نقولك اختي رانا كامل نشوفو ف هذ الظاهرة بصح مابقاش لحيا ف جيلنا .
ماعندنا مانقولو غير الله يهدي ما خلق ... ومرسي على الطرح

 

[NoNo2]

عندي بزاف مادخلتش للمنتدى توحشتكم :dأنتم الأروع.:up:.ربي يبارك فيكم.. ردود مقنعة..والله ماعندنا مانقولو غير ربي يرحمنا برحمتو...رانا في زمن ماولينا نفهمو فيه والو..

 

[ماكانش]

مانعرف كيفاه فاتني الموضوع لمليح هذا
والله صح حتى لولاد ماولاوش رجال بل ذكور برك
حتى فماجالسهم حكاياتهم غير لبنات وشوي يحكيو على الطوموبيلات وليبورتابل برك
منين تجيهم الرجولة ..
يعطيك الصحة
​

 

[السوفي]

السلام عليكم ورحمة الله وبركاته

حياك الله اختي الفاضله وحيا كل المتدخلين في هذا الموضوع بتحية خالصة منبعها الصدق والاخلاص عسى ان تنفعنا محبتنا في الله يوم لا ينفع مال ولا بنون ولا حول ولا قوة الا بالله
اسمحي لي اختي صاحبة الموضوع وانتم اخوتي ان جل المتدخلين لم يعطوا تفسيرا مقنعا لانتشار هذه الظاهرة الغريبة عن مجتمعنا وديننا وربما الكل يعلم سببها ولكنه اما تجاهله عن قصد او عن حسن ضن غير ان الحقيقة واضحة ساطعة لا تخفى عن احد وقد عالجتها في موضوع سابق وساغتنم الفرصة لاوضح السبب وابين الحل لعل الله يفيد به مجتمعنا
سبب هذه التصرفات هو الاختلاط والتبرج وسوء التربية والابتعاد عن الدين
اما الاختلاط فقد حذر منه رسول الله صلى الله عليه وسلم في كثير من الاحاديث وبين ان نتائجه وخيمة مدمرة للاخلاق وللمجتمع والدليل واضحا بينن في هذا الموضوع فقد قال(الشيخ سعود بن محمد بن حمود العقيليباحث في مجال الاختلاط لمرحلة الدكتوراه) إن الاختلاط هو القضية الأساس التي يسعى المفسدون لنشرها في المجتمع و يستميتون في إقناع الناس بها، و يوجدون لها المسوغات بل و يجعلونها من الضرورات، و يعزون كل بلاء في الأمة و تخلف و انحطاط إلى ما ساد من عزل المرأة عن الرجل في التعليم و العمل و غيره انتهى كلامه . قال الله سبحانه :{ وإذا سألتموهن متاعاً فاسألوهن من وراء حجاب ذلكم أطهر لقلوبكم وقلوبهن} الأحزاب 53. قال ابن كثير رحمه الله في تفسير الآية : أي وكما نهيتكم عن الدخول عليهن كذلك لا تنظروا إليهن بالكلية ولو كان لأحدكم حاجة يريد تناولها منهن فلا ينظر إليهن ولا يسألهن حاجة إلا من وراء حجاب وقد راعى النبي صلى الله عليه وسلم منع اختلاط الرّجال بالنساء حتى في أحبّ بقاع الأرض إلى الله وهي المساجد وذلك بفصل صفوف النّساء عن الرّجال ، والمكث بعد السلام حتى ينصرف النساء ، وتخصيص باب خاص في المسجد للنساء . والأدلّة على ذلك ما يلي : عن أم سَلَمَةَ رَضِيَ اللَّهُ عَنْهَا قَالَتْ كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِذَا سَلَّمَ قَامَ النِّسَاءُ حِينَ يَقْضِي تَسْلِيمَهُ وَمَكَثَ يَسِيرًا قَبْلَ أَنْ يَقُومَ قَالَ ابْنُ شِهَابٍ فَأُرَى وَاللَّهُ أَعْلَمُ أَنَّ مُكْثَهُ لِكَيْ يَنْفُذَ النِّسَاءُ قَبْلَ أَنْ يُدْرِكَهُنَّ مَنْ انْصَرَفَ مِنْ الْقَوْمِ" رواه البخاري رقم (793) هذا والله اعلم
التبرج هذا ما لا يخفى على ضرير فهو تعدى كل الحدود وكل الانواع تبرج في الثياب فعري وفي القول فمجون ولا يحتاج الى دليل ولا يستطيع احد ان ينكر مفاسده
سوء التربية سبحان الله تخلت الام عن التربية والاب يلهث وراء طلب الرزق والاولاد في الشوارع وعلى شاشات التلفاز ووووو حتى اذا عاد الاب منهك وكذا الام متعبه خلدا الى النوم استعدادا ليوم متعب اخر بالله عليك من اين يتلقى الاولاد التربية والتعليم والتانبيه والمتابعه فالاولاد يحتاجون الى اكل وشرب وتربية وتوجيه ومتابعة فهم صنعة والديهم ام الان فهم سنة الحظ فقط لا غير ؟؟ يعني مثل الدلاع انت وزهرك
الابتعاد عن الدين فمجتمعنا وللاسف ابتعد عن الدين جملتا وتفصيلا بداية من الاسماء الى الحياة اليوميه فتجد الابن اسمه لا يعني شيء او لا يجد له معنا فقط مجموعة من الحروف مجتمعه والابن يعيش في البيت او الشارع او المدرسه لا علاقة له بالدين يلبس ما يحنثه ويتكلم بقبيح القول ويكل بيسراه ويلقي جميع التحيات الا السلام حتى اذا سالته وين تسكن قال في دزيام باري يعني فرحان ويتشبه بالغربيين في كل شيء حتى في احقر الماكن اعزكم الله قد يسال احدكم ما دخل الاسماء في التربية اقول له دخل كبير فمثلا لو كان اسم ابنك ابوبكر او عمرسوف تذكره بعضماء خلقا وخلقا وحياتا ودينا كذلك الفتياة لما يكون اسمها اسماء او فاطمه فسوف تذكرها انت من طينة نساء درر ويياقوة عبر الزمان هكذا تربطهم باصلهم واصل الاخلاق والاحسان وفعل الخير حتى اذا قلت لهم هذا عيب هذا حرام فهموا مش يتشبهوا بميكل وميسي ووو ثم تقول هم عليكم نصر فلسطين وووو للاسف فافقد الشيء لا يعطيه
اتمنى ان افدتكم فقد اخلصت النصيحة وما توفيقي الا بالله عليه توكلة هو ربي العالمين
السلام عليكم

 

[فتاة حساسة]

ايههه يا ختي مام انا في الكلاصا الي نقرا فيها تشوفي وحد المناطر خلي برك...


وحد النهار سقسيت هاد الطفلة قاتتلي او مجرد صديق...اهه يا قلبي الصغير لا يتحمل ...قتلها صديق ديري معاه هاك..


بقيت بلا راس


المهم انا نهدر مع الدكورا مي في حدود ..هدتنا محترمة والحمد لله..وكيما قالو الخاوة ..السبب في البنات ..اللي حاكما قدرها واحد مايقدملها

 

[هبة الرحمان2]

موضوع فور بزاف مي انا نقول لافوت تاع البنات هوما لي يمدو لو كازيون لي جااااااااااااااان .