ماذا ستطبخين اليوم سيدتي انستي الجزء22

[عفاف الجزائرية]

ايمان احمد اهلا بيك ومبروك عليك كي رحتي مع زوجك
عفوفو اممممممممممممممممممممممم على هذيك البيتزا جاتك تهبل المرة الجاية نسلف البلاطو تاعك والbrillant ههههه
بصحتهم لي راهم ياكلو ويتمتعوا بماكلة يديك
انا ماجيت نصور غير بيك يا هانة هههه رائد يهز في البطاطا يحسب فيها gـــــيطان ههههه ماجيت نهز تصويرة بالذراع
يدو فوطوكوبي على يد عفوفة المسيلية هههههههه

يااااااااااااه هههههه خصو غير الغوزيزونقل برك ويولي كيما يدي صح ههههههه
نقعد ونجيبلك تصويرة تشوفيها
تعرفي كاينة عندي تصويرة نتاع رائد كيما كان صغير والله منين شافتها ماما قاتلي عندك تصويرة انتي تاني كنتي هكذا يا بعد بيضوشة وبطبوطة وخدودك هك قاتلي تقوليك انتي
راني دايرة عليها الروشارش تصويرتي هاذي كي نلقاها نجيبلك تكومباري
او صح يشبهلي وكلي فخر :p

جمعة مباركة لبنات
صح فطوركم
عفاف شفتى يد رائد الله يبارك وين راهى لمسيلية جى تشوف يدها ههههههههه

هههههه اني شفتها يا لويزة والله صح

 

[عفاف الجزائرية]

زهور المقادير هي نفسها عجينة العشر دقائق نتاع عفوف
تديري كاس فرينة وكاس ماء دافي ومغرفة كبيرة خميرة و2 مغارف صغار سكر وملح وتخلطي تجيك جارية تخليها تخمر وبعد 10 دقائق تبداي تهبطي فيها تزيديلها 3 مغارف زيت وتشيحي بالفرينة وتخليها تخمر شوي وتستعمليها كيما تحبي
للكل المعجنات
شوفيها في الركن تلقايها بالتفصيل

 

[MĺŹǾ žĕĥÔŖ]

زهور المقادير هي نفسها عجينة العشر دقائق نتاع عفوف
تديري كاس فرينة وكاس ماء دافي ومغرفة كبيرة خميرة و2 مغارف صغار سكر وملح وتخلطي تجيك جارية تخليها تخمر وبعد 10 دقائق تبداي تهبطي فيها تزيديلها 3 مغارف زيت وتشيحي بالفرينة وتخليها تخمر شوي وتستعمليها كيما تحبي
للكل المعجنات
شوفيها في الركن تلقايها بالتفصيل

ربي يخليك يا العزيزة ويمدلك وش تتمناي

شكرا ع الرد ديالك

يم يم من كتر ما شهاااااااااااااااااااتني حابة دك نديرهااااااااااااا

يسلم ايديك حنونتي
​

 

[نبض الحياة]

سلآم لبنآت،،
اليوم عملت بلآ نتآع بسبوسة للقهيوة
شكون تجي تتقهوى معآيآ :p

 

[MĺŹǾ žĕĥÔŖ]

سلآم لبنآت،،
اليوم عملت بلآ نتآع بسبوسة للقهيوة
شكون تجي تتقهوى معآيآ :p

يم يم ع الفحلة ديااااااااااااااااااااااالنا نورت الموضوع بالبسبووووووووسة ديالهاا

وش نقلك على هاداك الشكل ولا ديك الريحة الي عطرت الموضوع يمي يمي

يعطيك الصحاااااااااااا تغيبي علينا ممبعد تخلعينا هههههههههههههههههه
​

 

[serinee]

سلام عليكم
جمعة مباركة
وواش راكم
توحشتكم توحشتكم عندي مدة ماجيتش ليكم و اليوم جبتلكم تطبيقي و جيتكم بالحسب و النصب تفضلو حبابي
https://www.4algeria.com/vb/showthread.php?p=4443523#post4443523
اي نسيت صحا فطوركم و قهيوتكم
​

 

[زهيرة]

اممممممممم عفوفة صحا فطوركم قتلتيني بالقراتان جاك يشهي
زهيرة غدوة باذن الله نكتبلك الطريقة بالتفصيل الممل
ميمي الله يسلمك اختي

الله يحفظك اخت ندا راني نستناك

 

[shahrazad]

مسااء النور الحلويين
وراكم
اوووو يعطيكم الصحة عفاف وام ندى الله يبارك طياب يشهي
امممممممم
ام ندوشة قوليلي مقبيل وانا نشوف فالبطاطا هاديك كيفاه درتيلها هههه
وعفاف لحبيبة عندك مدة حطيتي الكروكات تاع الجاج يا ريت طريقتك فيهم
ربي يهنيكم خياتي
​

 

[mimi53]

ايمان احمد اهلا بيك ومبروك عليك كي رحتي مع زوجك
عفوفو اممممممممممممممممممممممم على هذيك البيتزا جاتك تهبل المرة الجاية نسلف البلاطو تاعك والbrillant ههههه
بصحتهم لي راهم ياكلو ويتمتعوا بماكلة يديك
انا ماجيت نصور غير بيك يا هانة هههه رائد يهز في البطاطا يحسب فيها gـــــيطان ههههه ماجيت نهز تصويرة بالذراع
يدو فوطوكوبي على يد عفوفة المسيلية هههههههه

الله يبارك ربي يحفظلك رائد يدو تشهي ماشي الماكلة هههههههه
وكيفاش يشد في البطاطا بالبريستيج هههههههههه
الله يبارك ربي يحفظو انشاء الله

 

[نبض الحياة]

يم يم ع الفحلة ديااااااااااااااااااااااالنا نورت الموضوع بالبسبووووووووسة ديالهاا

وش نقلك على هاداك الشكل ولا ديك الريحة الي عطرت الموضوع يمي يمي

يعطيك الصحاااااااااااا تغيبي علينا ممبعد تخلعينا هههههههههههههههههه
​

هههههههههههه صحيتي الزينونة نتآعييييي
ربي يخليييييييك
ههههههههههههه على سلآمتك من الخلعة :p
تعيشي وتآكلي غيرهآ
​

 

[nada242008]

الله يحفظك اخت ندا راني نستناك

عذرا عن التاخير يا زهيرة اسمحيلي

العجينة
كاس فرينة وكاس ما فاتر و مغرف كبيرة سكر ومغرف كبيرة خميرة
خلطيهم مليح بالخلاط اليدوي ومن بعد زيدي زوج مغارف زيت وضيفي الفرينة وشة ملح بالتدريج حتان تتحصلي على عجينة طرية تتلاصق شوية حطيها في صحن مرشوش بالفرينة وغطيها بساشي وخليها تخمر مليح

لاصوص تاع الطماطم
رابي سنة ثوم وربع حبة بصل وقليهم في شوية زيت وضيفي طماطم مرحية حبتين ومغرف صغيرة طماطم معلية مع رشة زعتر صغيرة جدا على رؤوس الاصابع وملح وفلفل اكحل وخليها على نار هادئة حتان تخثار وطفي عليها

في هذه الاثناء تكون العجينة خمرت
شعلي الكوشة على نار عالية 200 درجة الى 220
حلي العجينة ورشي الفرينة على البلاطو
حلي العجينة بسمك رفيع حوالي نصف سنتيمتر
ديري فوقها لاصوص امسحي برك بلا ماتكثري
حطي فوقها الزيتون والفرماج ولا واش عندك في الدار
ودخليها للفور وهو سخون بلا ماتحلي
بعد 8 الى 10 دقائق طلي عليها وهزيها بالسكين اذا طابت من تحت خرجيها
واقسميها وكوليها وهي سخونة وادعيلي ههههه

 

[shahrazad]

سلآم لبنآت،،
اليوم عملت بلآ نتآع بسبوسة للقهيوة
شكون تجي تتقهوى معآيآ :p

ايااا باعدوو قااااااااع كيما راكم
البسبوسة راهي لياا :p
///
الله يخليك يالحبيبة اممممم تشهي :regards01:
​

 

[nada242008]

مسااء النور الحلويين
وراكم
اوووو يعطيكم الصحة عفاف وام ندى الله يبارك طياب يشهي
امممممممم
ام ندوشة قوليلي مقبيل وانا نشوف فالبطاطا هاديك كيفاه درتيلها هههه
وعفاف لحبيبة عندك مدة حطيتي الكروكات تاع الجاج يا ريت طريقتك فيهم
ربي يهنيكم خياتي
​

هههههه حتى انا قبلك شفت انيسة حطتها هي والسعيدة بربها وقعدت نستنتج
قلت شكيت فوروها ومرسوها وكعبروها وقلاوها هههههههههههه
وكي خرج لقيتها تتباع في السيبار مارشي هي بطاطا كونجلي تتباع في علب .. الباطة ب 20 الف
كي شفتها ضحكت هههه وقلت ماأغباني هههه وشريتها وجربتها ليوم

 

[عفاف الجزائرية]

شهرزاد حبيبة راكي على عفاف البسكرية ولا عفاف المسيلية هههههههه حددي
​

 

[shahrazad]

شهرزاد حبيبة راكي على عفاف البسكرية ولا عفاف المسيلية هههههههه حددي
​

هههههههه راكم الله يبارك كامل عفوفات
لالا يا لحبيبة راني عليك خص نص ههههه
​

 

[shahrazad]

هههههه حتى انا قبلك شفت انيسة حطتها هي والسعيدة بربها وقعدت نستنتج
قلت شكيت فوروها ومرسوها وكعبروها وقلاوها هههههههههههه
وكي خرج لقيتها تتباع في السيبار مارشي هي بطاطا كونجلي تتباع في علب .. الباطة ب 20 الف
كي شفتها ضحكت هههه وقلت ماأغباني هههه وشريتها وجربتها ليوم

هههههههههه
ايه والله مقبيل وانا نستنتج ونحقق فلافوتو
اه صاار هكاااا تتباع
ايه والله شابة وتحير الناس ههههه

​

 

[عفاف الجزائرية]

هههههههه راكم الله يبارك كامل عفوفات
لالا يا لحبيبة راني عليك خص نص ههههه
​

ايه اكي تشوفي بصح احنا انا كنا مسميين البسكرية 1 ومالسيلية 2 والبريكية 3 :p

واش خص خيتي لعزيزة نقوللها :d
​

 

[عفاف الجزائرية]

هاكي اختي ايمان احمد رابط المقرونا للي عملتها حطيتها على جالك في موضوع
نتمنى تفهمي عليا
ربي يهنيك حبيبتي
https://www.4algeria.com/vb/showthread.php?p=4443851#post4443851

 

[ibtesem]

سلام سلام على الحلوين
جمعة مباركة عليكم يارب يتقبل منا ومنكم سائر الاعمال

هدي لازانيا ملحقتش نقطعها خطفوها من الفور هههه

روز بالبيبي كروفات هههه

بيتزا بالجبنة المعز والخضار

بطاطة ومانشتو في الفرن

بصحت الجميع الله الله راكم مزهيين الكوزينة اللماوية

 

[shahrazad]

ايه اكي تشوفي بصح احنا انا كنا مسميين البسكرية 1 ومالسيلية 2 والبريكية 3 :p

واش خص خيتي لعزيزة نقوللها :d
​

ربي يحفظكم من العين :p
هادااا وش خصني ياالمسيلية الزينة
لا روسات تاع الكروكات

​