السلام عليكم اولا واش يكون التلميذ باش يحكم على الاستاذ؟؟؟؟ يعني من غير المفتش واحد ماعندو الحق يحكم على الاستاذ
يقال أعمالنا تعكسنا فإذا كان عمل الأستاذ دون المستوى الأدنى ما يلوم غير روحو كي ينتقدوه الطلاب اكيد خاطر شافو ثمار العمل غير المقبول منو ومن حق التلميذ هنا يحكم على الاستاذ طبعا فهو ليس برسول منزه عن الخطأ والمفتش وحدو ما يقدرش يحكم على عمل استاذ في غضون درس يكون حفظو في الغالب لتلاميذو كي يعرف بلي راهو جايو تفتيش يعني هنا الرأي الاول والاخير للتلميذ وما يحس بالجمرة غير الي عافسها
وهاذي اللي راكي تقولي عليهم مستخلفات راهم استاذات عندهم شهادة وهي اللي أهلتهم باش يقريو يعني ماعندكش الحق بتاتا تحكمي عليهم وتقولي مستخلفات
المستخلفة مصطلح يطلق على استاذة تحل مكان اخرى لمدة قصيرة وما نيش انا الي اخترعتو
وحبذا لوكان المشكل كان غير فالكلمة وهادو المستخلفات لي نعتبرهم انا مازالو طالبات خاطر مايساهلوش لقب استاذة للاسف مازال المستوى تاعهم متدني وهذا راجع للتفنيين تاعهم وعدم المثابرة والتثقف في مجال اختصاصهم يعرفو غير يحفظو هاداك البروقرام تاع السنة لي يقريو فيها وحبذا لو جاو فاهمينو
وشرايك نقولك بلي مديت للمستخلفة تاع العربية بيت شعري قلتلها وش هي الصورة البيانية لي فيه ماعرفتش قاتلي ماكانش مبعد كتبتها عندها وما ردتليش لخبر هذا اذا غضينا النظر على عدم شرح النصوص الادبية والتواصلية والقواعد والاكتفاء باجابات اخذتها من كراريس احد الاساتذة القدماء تمليها علينا بلا ما نفهمو معناها
قوليلي بصراحة هادي استاذة تساهل بوست وتقري طلبة ؟هي بذاتها مازالت تحتاج تعليم
وواش معنتها كلمة الاساتذة الحقانيين؟ يعني انا كي عاد عندي منصب تاعي راني حقانية والمستخلفة واشيه؟؟ كيما انا كيما هي تبقات فالمنصب برك انا نجحت فيه وهي مسكينة مازال ماكتبش ربي يعني منا وجاي التلميذ يقفل فمي ومايحكمش على الاستاذ على خاطر كل واحد في بلاصتو وواحد مايوصل واحد
الحقانيين يا حضرة الأستاذة يعني لي يحاسبو التلميذ بالحجة و الحق واذا كان الاستاذ ما يعرفش يفرق بين استاذ مرسّم وحقاني فلا تعليق
فيما يخص النقاط: أنا عندي أقسام علمية وادبية كاين اللي دا فيهم 1.5/20!!! هاذي نقطة كيما تقولو يديوها في مادة غير اساسية؟ الاستاذ هو الوحيد اللي قادر يحكم على مستوى التلاميذ مش التلميذ اللي يحكم على مستوىى صحابو، نقطة أخرى يعني لوكان في كل قسم كي يدخل الاستاذ ويلقى الجو المناسب صدقيني راح يمد اللي عندو وزيادة مي كي يدخل وهو يعيط وكل دقيقة اقعد انت ودور انت واسكت انت هاذا ماولاش استاذ هاذا ولا عساس !!!
المهم نصيحتي ليكم اللي يقرا على روحو يلقى ومحال تقولي قرينا وماعطاتناش الاستاذة كيما كاين اللي جاب 1.5 كاين اللي جاب 18 ربي يبارك
في حالتي نقول وبكل جرأة قريت والاستاذة ما عطاتنيش وحجتها الوحيدة هي المواد الادبية مالازمش تعطى فيهم نقاط عالية
بالتوفيق
ههههه ماعليش والله ماديت المعدل كيما حابة جبتو 13:down: بصح ماعليش الثريماسثر التاني ويشوفو عمارهم :sport01:Lol
ولبروبلآم هاذا تبالي بارتو ’ بون حنآ ليوم وين كملنا لي كنترول مازال مابديناش نصلحو مي باين فيهآ كوارث خخ ’ الاجتماعيات ماتعرفش كيفاش تدير سوجي هاوواين الاختبار كان مخلط بزاف بالسيف الا فهمنا واش نديرو