السلام عليكم ورحمة الله وبركاته
إن شاء الله راكم ملاح؟؟
---***---
إن شاء الله راكم ملاح؟؟
---***---
يقول المتل : "راح داك الزمان و ناسو و جا هاد الزمان و فاسو وكل من ينطق بالحق يقطعولو راسو"
اليوم رح نهدرو على كلمة الحق وما أدراك ما كلمة الحق
بكري كان الراجل يموت ولا يسكت على الحق واليوم رانا نشوفو ناس تعيش مقهورة , ناس تمرض , ناس تباصي, ناس تمووووت على جال كلمة الحق الي ولاو يخافو منها ..:down:
بكري كان الراجل يموت ولا يسكت على الحق واليوم رانا نشوفو ناس تعيش مقهورة , ناس تمرض , ناس تباصي, ناس تمووووت على جال كلمة الحق الي ولاو يخافو منها ..:down:
وتبدا هاد الموصيبة الي رانا فيها من حاجات صغاااار بزاااف نحgروهم و نستصغروهم و هوما فالصح هوما سباب الهم و المشاكل كامل
قال الله تعالى :{ وَتَحْسَبُونَهُ هَيِّناً وَهُوَ عِنْدَ اللَّهِ عَظِيمٌ} (سورة النور:من الآية15)
*متلا يكونو زوج خاوة صغار يلعبو واحد يحgر صاحبو و يضربو كي يجو يفهمو لحكاية يجي مع خوه كونتر صاحبو مالgري صاحبو راهو مظلوم و خوه الغالط والظالم ..
* متلا فالخدمة ولا في أي بلاصة أخرى يشوفو الفساد ومايهدروش وعلاش على خاطر الشاهد عندو مصالح مع المُفسد ولا أكتر منو فالgراد .. والنتيجة فساد فوق فساد و وتوصل لحكاية للكساد ممبعد يوليلنا جبل و داك الوقت نولو نقولو الله غالب لبلاد بلاد المعريفة والرشوة ..
قال الله تعالى :{ وَتَحْسَبُونَهُ هَيِّناً وَهُوَ عِنْدَ اللَّهِ عَظِيمٌ} (سورة النور:من الآية15)
*متلا يكونو زوج خاوة صغار يلعبو واحد يحgر صاحبو و يضربو كي يجو يفهمو لحكاية يجي مع خوه كونتر صاحبو مالgري صاحبو راهو مظلوم و خوه الغالط والظالم ..
* متلا فالخدمة ولا في أي بلاصة أخرى يشوفو الفساد ومايهدروش وعلاش على خاطر الشاهد عندو مصالح مع المُفسد ولا أكتر منو فالgراد .. والنتيجة فساد فوق فساد و وتوصل لحكاية للكساد ممبعد يوليلنا جبل و داك الوقت نولو نقولو الله غالب لبلاد بلاد المعريفة والرشوة ..
* متلا هنا فالمنتديات قادرة تصرا وبلاك راهي صرات زوج يتعارفو ملييح كل واحد يشكر في لوخر مام يكون غالط و خاطي الطريق و يلحق عليهم لي "بني وي وي" "الإمعة" يوليو يشيتولهم و ممبعد نهار يجي مولا
كلمة الحق و فحل الي يقول الحق وما يخافش إلا من ربي يبيضوه ولا يديرو عليه جماعة ولا حتى يكرهولو جد الدومان هاداك كااامل
هادو أمتلة برك الواحد الي يخمم و يفكر مليييييييييييييح فيهم رايح يفهمهم
الحق يا جماعة ماهوش ساهل يحتاج للرجلة باش تهزو (كيما يقولو ناس الشرق :up: )
الحق راهو الصدق
الحق راهو إسم من أسماء الله الحسنى
إدا ولينا نستهزاو بهاد الصفة الي جعلها ربي إسم من أسماؤو سبحانه وتعالى ...:down: غير ماكالاه نكمل .
لازم اليد فاليد كل واحد من مكانو و إهتمامو , كل واحد من جيهتو و يبدا بنفسو باش نصلحو أنفسنا و قال الله تعالى : {إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ} [الرعد:11]
لازم اليد فاليد كل واحد من مكانو و إهتمامو , كل واحد من جيهتو و يبدا بنفسو باش نصلحو أنفسنا و قال الله تعالى : {إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ} [الرعد:11]
نتمنى تكونو فهمتو واش حبيت نقول و لحقكم الميساج و مرحبا بكل ردودكم :-r
وفي الأخير نقولكم سلام عليكم
---
واللهم صل على محمد وعلى آله و صحبه والتابعين
..
..