وشبيهم يحبو يبانو واعرين بالذراع؟؟؟؟؟؟؟؟؟؟

س

سلفي والحمد لله

:: عضو فعّال ::
أحباب اللمة
السلام عليكم وشراكم خاوتي لاباس عليكم؟
ان شاء الله تكونو بخير
حبيت نهدر على واحد الناس لي نتمنى مانكونش انا منهم ونتوما ثاني ماتكونوش منهم باش ماتبهدلوش بينا يا اعضاء اللمة:d
ليامات لي فاتو كنت قاعد مع الاخ لاجودان في البيرو ايا جا صاحب لاجودان وجاب معاه واحد منعرفوهش
قاعدين نشيخو ونضحكو نورمال واذا بهاذ السيد لي منعرفوهش وش نحكيو يعرف :dوش نهدرو يعلم:d

حكينا على الميكروات لقيناه يبان خدم 7 سنين في الميكروسوفت

حكينا على الطونوبيلات فاذا به كان صاحب شوماخار لانتيم

حكينا على الهندسة المعمارية بن عمي يبان هو لي بنا دبي كامل

حكينا على الرجولة انا حتى خفت لا يضربني

حكينا على التبزنيس السومة لي نقولوها يقولنا لو كان قلتولي راني جبتهالكم ارخس

ياااااااااااااااااااااااااااو يعرف كلش وقاوي في كلش و واعر في كلش
حيرني تاع الصح
ايا انا زت قعت شوي وخرجت وخليتهم مع لاجودان ينفخولو في راسو
وش رايكم يا اعضاء اللمة في ناس كيما هاذو لي يعرفو كلش
وماعندهمش الدهشة خلاص
وهل كاين العقلية هاذي في النسى ولا كاينة غير في الرجال؟؟
بالسلامة عليكم

​
 
بارك الله فيك وسمهم ابو العريف نكرهم بزاف وش تقول لالا ماشي هكا ويفهمك بطريقتو زعما هو مجرب كلش بسلامتو كاينة في النساء بزاف بعدا لي تخدم هي تعرف كلش تهدر في اللبسة هي مصمة ازياء تهدر في الخدمة تقول هي المديرة تهدر في المشاكل تقول اخصائية نفسية انا نقعد نسمع ونبتسم كان في قلبي هذا الموضوع يعطيك الصحة عنبالي انا برك لي مقلقة منهم
 
السلام عليكم و رحمة الله
خويا موضوعك فووووووووور
نجاوبك على السؤال الاول
هذوما الناس كاينين و بكثــــــــــرة يفهمو لكلش و يعرفو كلش
هو الله تعالى وحدو لي وسع كل شيء علما الناس فيهم النقائص
السؤال الثاني نسناو النساء لي يجاوبو عليه ههههههه
​

مي عجبتني هذي بزاف
كود:
حكينا على الرجولة انا حتى خفت لا يضربني
كود:
هههههههههههههه
 
وعليكم السلام
والله ياخويا هاد الفئة تكرهلي حياتي حتى نساء و تلقاهم هكداك كاينة وحدا نعرفها تقول أخت هداك لي حكيت عليه لوكان تشوف شحال نحب نخلط فيها من لي نقعد معاها وانا نخلط مثلا قلتلها راني حابة نشري آيفون قاتلي ردي بالاك راهم يديرو فيهم وحد العفسة تبلوكيهولك زعما منا على 15 يوم ترميه صافي نتي وزهرك علا حساب المدة لي داروهالو + قلتلها لماركة سوني شابة قاتلي وشبيك في ايطاليا منعوها هاد الماركة فيها أضرار بزاف + قلتلها حبيت نشوف طبيب تاع الأعشاب جبدتهولها باسم جبدتو من راسي ماكاش قاع منو قاتلي لالا شوفي وحدوخر هاداك قتل طفل صغير بالعقاقر هههههه ....الخ
والله ياهاد لعباد نحير فيهم وفي نفس الوقت نستمتع معاهم كل يوم miss à jour ...​
 
ههههههههههههه
كيما نقولو tout option
هاذوم الناس عنهم عقدة في حياتهم و ضعاف شخصية يعني يحبو ينعتو رواحهم بلي راهم فور على الناس كامل
​
 
والله ادريت هي كاينة فيهم كل علابيها ماتجيهمش حاجةبيزار
 
كاين منهم بزاف
فالنساء تبانلي نورمال خاطر معروف بلي النساء يحبو يهدرو بصح فالرجال c'est grave
الراجل الي ملي يقعد وفمو يرحي ناقص مورثات رجولة
وطيح بقيمتو قدام الغاشي
والي يهدر بزاف يغلط بزاف
ولا واش قلتو
​
 
عجبني الموضوع
لي عودة
​
 
السلام عليكم
سيغتووووو فالنسا
إدا لبسة تعرفها و تعرف لامود تاعها وسومتها و شكون لبسها اول مرة
إدا ماكلة تعرفها و داقتها مي ما عجبتهاش و هيا فالصح مغرفة ما تعرفش كيفاش تغسلها
يعرفو كلش يفهمو في كلش كاين منهم بزااااااااف
فالصح فالصح والحقيقة أنا منهم مي كي نكون متأكدة من حاجة ويجو يغالبو فيا ,الحاجة الي نعرفها نشارك فيها وسيغتو قدام وحد العباد زواخين حاطين روحهم عفسة و يحgرو بالعين لازملهم تطيحهم في نقطة تبين بلي خاطيهم وراهم زادمين برك ويستسلمو في النهاية نادمين
شكرا على الموضوع
-------------------------------------------------------> و دوكا واحد ما يقول راني منهم :d​
 
الانسان كي يحسب روحه خلاص عرف كلشي هديك هي لحظة الجهل
عقلية كاينة عند النسا و الرجال
ماشي مليحة على جال تخلي الواحد متكبر و ماشي متقبل يتعلم من الناس
الله يهدينا اجمعين
شكرا​
 
méme lebnat kayan bezef haka ehhhhh ana hmd ki yehkiw 3la mawdou3 mane3refch fih wela nejbed rouhi manahkich
 
توقيع همس الوُرود
هههههههههههههههههههههههههههههههههه

كاين بزاف حت فالنسا

مثلا نقول هديك لعجينة مانجحتليش تقولي وعلاش ساااااااااااااااهلة مي على حساب ليدين انا /ايديا من بلاستيك مثلا/

مي نورمال توالفهم مي كي تجي فالصح تلقاهم ما يسلكوها في والووووووووو
 
هههههههه كاين صح هاذ النوع
عندنا نسيبنا لوكان نجيبو حااجة مانعرف منين يقوللك ايييييه كون قلتولي اني جبتهالكمم بنص السومة
ولاشتة حاجة تعجبو يسكت ويقول في البلاصةا لفلانية خير منها
وفي النساءمرت خالي مسكينة منين نجبدو واحدة تخدم الكروشي ونقولو خدمتها مليحة تقولنا ايه اختي تاني تدير الكروشي هايل
نجبدو علىال كوزينة تقول اما تاني تطيب
نجبدو على التظافة تقول كون تشوفو دارنا
رجعنا نضربو بيهما لمثل في 2
ربي يهدي ما خلق هاذا ما نقولو
​
 
hadou ga3 3andhom manque ye7bou yconpensiweh bsah may3rfouch kifèèèèèèèèh

ana hadou naaass ygalboulé mokhé w manchtich nkather m3ahom hadra likdé w

lgodèèm hada lahdaret m3ahoooooom mer6 3la sujjjjjjéééééé
​
 
خلينا شوي نهدر دريزي ولو اني ماشي مليحه فيه
صحيح والله فيه هيك ناس وربي انهم غصه بالحلق
ونتحاشا نجلس معهم ...خاصه النسوان يابيي لو تشوف حكيهم
الطالع والنازل كلش هي الي تعرفه ...صراحه هم بالأغلب تلقاهم
أنانيين ...ولو يصير لك هيك شي لاسمح الله مشو عنك وخلوك
بالنهايه اقول من الجميل حقا أن نعترف بجهلنا وأن لا نتعالى على الغير، لأن إدعاء معرفة كل شيء هو الجهل بعينه
والله يهدي الجميع
شكرا اخوي على الطرح
 
آخر تعديل:
السلام عليكم ورحمة الله
يعطيك الصحة خويا سلفي على هذا الموضوع
باين بلي هذا السيد قلقك بزاف
وعملت مليح كي خرجت وخليتو هههههههه​

صح كاين هاذ الكاليتي من الناس
وهوما يبانو واعرين ويخلعو
بصح في الحقيقة حتى واحد ما يحملهم
حتى يرجعو يغيضو ​

وتلقا فيهم لي صح أبو العريف
لي يحب يعلم الناس بلا ما يقصد ينفخ روحو عليهم​

والمشكل الكبير لي داخلها غير هف وما يعرف والو
ويحب يبين روحو خير من الناس
هذا هو لي يقلق صح​

إن شاء الله ما نكومش قلقتك بردي الطوييييييييل
وقيلة أنا تاني منهم هههههههه
ربي يحفظ خويا​
 
يا اخي عباد هكدا منعرفهمش احسن ليا وليهم
انا ربة بيت وعندي هدف في حياتي نربي ولادي تربية صالحة
ونحب يخرجو قاريين فاهمين امور دينهم ودنياهم لاغير امالا ماعنديش خلطة بيهم
والا راني نبخص بزااااااف
مشكور اخي
 
يوجد الكتير من هدا النوع يلعبوها واعرين هوما غير لمايعرفهمش ربي يتبت العقل و الدين و يستر امة محمد
 
ربي يحفظك حبيبي

هاد الكاليتي كل شبر تلقى عشرة

انت و احد دار فيك هكا

على الاقل نعرف 8 كيما هذا حتى ندمت اللي عرفتهم

ربي يعينا معاهم

:regards01:
​
 
توقيع طائر الخير
يعطيكم الصحة خاوتي راني قريت ردودكم كامل كامل واسمحولي لي ماقدرتش نرد عليكم لضيق الوقت
حفظكم الله ووفقكم لكل خير
 
العودة
Top Bottom