المتنافس الأول.....قناص الغرام

[قناص الغرام]

السلآلآمم عليكم
حبيت نسقسيك سبب اختيارك لهاد الاسم ’’ المعنى منه .. ؟؟؟
نتمنى السؤال مايكونش مكرر عجزت نقراهم قآع :d
​

يا سيدي نجاوبك ماكان حتى مشكل
انا كي دفعت الملف نتاعي تاع الدرك الوطني كنت حاب نلتحق بالمجموعة الخاصة للدرك الوطني فرقة يوجد فيها مجموعة من القناصين
وكي درت الاسم القناص اقترح علي صاحبي نبيل 39 نزيد كلمة الغرام
هذي هي قصة الاسم
​

 

[قناص الغرام]

انشاء الله اجوبتي كانت واضحة
​

 

[saralg]

ما هو اقتراحك الذي تتمنى ان يحدث في هذا المنتدى ولم يحدث الى الان ؟
ان لا يوجد فرق بين مشرف و عضو

آآ هادي فهمهالي ... حلل و ناقش :d
؟؟​

 

[قناص الغرام]

آآ هادي فهمهالي ... حلل و ناقش :d
؟؟​

باصيت
​

بدون اي خلفيات
نتمنى ان يكون نصيب المشرفين من المواضيع مثل الاعضاء طبعا ليس كامل المشرفين لكن هناك مشرفين نتوحشوا المواضيع نتاعهم ايه خطرة في العمر نلقاوه داير موضوع و كاين مشرفين يشاركوا غير في القسم نتاعهم نتمنى الفكرة وصلت اختي الفاضلة بدون اي حساسية :regards01:
​

 

[saralg]

باصيت
​

بدون اي خلفيات
نتمنى ان يكون نصيب المشرفين من المواضيع مثل الاعضاء طبعا ليس كامل المشرفين لكن هناك مشرفين نتوحشوا المواضيع نتاعهم ايه خطرة في العمر نلقاوه داير موضوع و كاين مشرفين يشاركوا غير في القسم نتاعهم نتمنى الفكرة وصلت اختي الفاضلة بدون اي حساسية :regards01:
​

هععع حكمتك :d
واقيلالآ راك تمعني عليآآ :p
شوف اخي الكريم المشرف كيما اي عضو راهو انســآن و عندو ظروف ... نتمنى الفكرة تكون وصلت :regards01:
و مارانيش ننفي الفكره اللي طرحتها ​

 

[إيمان قلب]

السلام عليكم ورحمة الله تعالى وبركاته
مين شفت المسابقة حبيت نسقسيك واش هو سر اسمك , حتى نشوف الردود لقيت الحرب نايضة غي على جالو :d
وعلى هذا نتجاوز هاد السؤال
قناص الغرام هل يتجاوز أخطاء الآخرين يعني متسامح ؟
هل أنت من الأشخاص الذين يحكمون على الآخرين دون أن يسمعوا لأي تبريرات ؟
الكذب والخيانة وجهان لعملة واحدة , هل هذا صحيح ؟
حكمة دائما ترددها ؟
:regards01:

 

[قناص الغرام]

السلام عليكم ورحمة الله تعالى وبركاته

و عليكم السلام اختي ايمان مرحبا بيك نورت الصفحة
​

مين شفت المسابقة حبيت نسقسيك واش هو سر اسمك , حتى نشوف الردود لقيت الحرب نايضة غي على جالو :d

ههههههههه ربي يقدر الخير
​

وعلى هذا نتجاوز هاد السؤال

ربي يستر
​

قناص الغرام هل يتجاوز أخطاء الآخرين يعني متسامح ؟

بالطبع السنا كامل بشر نخطيء ونطلب السماح فكيف لنا ان لانسامح
​

هل أنت من الأشخاص الذين يحكمون على الآخرين دون أن يسمعوا لأي تبريرات ؟

بالطبع لا انا انسان واقعي لا احكم على الاخريين دون سماع التبريرات لكن لتكن تبريرات معقولة
​

الكذب والخيانة وجهان لعملة واحدة , هل هذا صحيح ؟

ديجا جاوبت على هذا السؤال لكن بصيغة اخرى ان اختار بين الخيانة و الكذب و الحب و الصدق فكان جوابي من يكذب عليك يخونك
​

حكمة دائما ترددها ؟

الي يحبك مابنالك قصر و الي كرهك ماحفرلك قبر
​

:regards01:

تحياتي اختي الفاضلة
​

 

[إيمان قلب]

تحياتي اختي الفاضلة
​

أولا شكرا على أجوبتك الواضحة
بخصوص سؤال الكذب والخيانة تعمدت نعاودلك السؤال
يعني أنت ماتشوفش أنه في بعض المرات نضطر للكذب حتى لا نخسر من نحب ؟
تحياتي فاضلي

 

[قناص الغرام]

أولا شكرا على أجوبتك الواضحة
بخصوص سؤال الكذب والخيانة تعمدت نعاودلك السؤال
يعني أنت ماتشوفش أنه في بعض المرات نضطر للكذب حتى لا نخسر من نحب ؟
تحياتي فاضلي

تعني كذبة بيضاء
هههه
لا يوجد شيء بمصطلح كذبة بيضاء بالنسبة لي لاننا نكذب و لا ندري ما قد يتسبب عن ذلك
لا أقول انني لم اكذب فأنا لست شخص كامل بل صحيح كذبت مرات و مرات و ترتب عليها اشياء اخرى
اعذريني لصراحتي
​

 

[إيمان قلب]

تعني كذبة بيضاء
هههه
لا يوجد شيء بمصطلح كذبة بيضاء بالنسبة لي لاننا نكذب و لا ندري ما قد يتسبب عن ذلك
لا أقول انني لم اكذب فأنا لست شخص كامل بل صحيح كذبت مرات و مرات و ترتب عليها اشياء اخرى
اعذريني لصراحتي
​

على العكس ولما العذر .؟؟:up: حتى شخصيا أرى الموضوع من هذا المنظور , ولما سنحت لي الفرصة أردت التأكد فقط :regards01:
وإلى هنا أشكرك جزيل الشكر , وأتمنى لك التوفيق كله في مسيرتك العملية
سأظل متابعة عن كثب ,

 

[زهور الشوق]

السلآم عليكم
موفق أخي الكريم قنآص الغرآم
سؤآلين ولن أطيل عليك أكثر
مدينة جزآئرية أردت زيآرتهآ ولم تكن الفرصة من نصيبك؟؟
أحب طبخة الى قلبك؟؟
وشكرآ أخي الفآضل
سلآآآآمي​

 

[نسمات إيمانية]

صباحكم ...أسراب طيور ... لا تتقن بالحياة شيئاً... سوى ...الثقة بخالقها ...وحسن التوكل عليه ...

 

[عازفة الاحزان]

أوووووووو الحمد لله ولأننيـ وصلتـ متأخرة كانـ لابد أنيـ نقرى كلـ الردود

كيـ لقيتهمـ 72 قلبيـ حبسـ:-o

وقلتـ واشـ يخلصهمـ :s

بصحـ معـ الروحـ نتاعكـ وبدونـ مجاملة والله كاينـ ردود نقرى ونضحكـ ههههه

علبالكـ لقيتـ روحيـ حابة نكملـ بصحـ خصارة خلاصو الردود

المهمـ معرفة خير يادركيـ كيما خويا ليـ توحشتو بزاااااااافـ ونقلكـ ربيـ يعينكمـ

نحبـ العملـ نتاعكمـ وفيـ نفسـ الوقتـ بصراحة الله يقدركمـ نتومة راكمـ ساهريينـ على البلاد

وقليلـ ليـ يعرفـ واشـ تعانيو .

مغلطوشـ ليـ قالو مايحسـ بالجمرة غير ليـ عفسـ عليها

قناصـ حبيتـ نسألكـ على إسمكـ الحقيقيـ ؟

وثانيـ كيما كنتـ فيـ السطاجـ ويناها العقوبة ليـ ديتها ومتنساهاشـ ؟(عندكـ حقـ عدمـ الرد)

مزالكـ حابـ تجيبـ الباك ولا نحيتو منـ بالكـ؟

حبيتـ نسألكـ راكـ تتصلـ بأمكـ كلـ يومـ ولا كلـ سمانة ولا مراتـ بركـ (بصراحة)

علباليـ طولتـ عليكـ بالتوفيقـ فيـ حياتكـ العملية والشخصية

وربيـ يعينكمـ كااااملـ أفراد الدركـ الوطني

تحياتيـ
​

 

[قناص الغرام]

السلآم عليكم
و عليكم السلام اختي الفاضلة
موفق أخي الكريم قنآص الغرآم
الله يسلمك شكرا
سؤآلين ولن أطيل عليك أكثر
ر بي يقدر الخير برك
ههههه
مدينة جزآئرية أردت زيآرتهآ ولم تكن الفرصة من نصيبك؟؟
مستغانم
أحب طبخة الى قلبك؟؟
الملوخية
وشكرآ أخي الفآضل
و لكي جزيل الشكر
سلآآآآمي​

 

[قناص الغرام]

صباحكم ...أسراب طيور ... لا تتقن بالحياة شيئاً... سوى ...الثقة بخالقها ...وحسن التوكل عليه ...

لا اله إلا الله توكلت عليه
​

 

[قناص الغرام]

أوووووووو الحمد لله ولأننيـ وصلتـ متأخرة كانـ لابد أنيـ نقرى كلـ الردود

كيـ لقيتهمـ 72 قلبيـ حبسـ:-o
انا بروحي ماضنيتش نوصل الرقم هذا

وقلتـ واشـ يخلصهمـ :s
عملي على ربي و ابداي برك

بصحـ معـ الروحـ نتاعكـ وبدونـ مجاملة والله كاينـ ردود نقرى ونضحكـ ههههه

علبالكـ لقيتـ روحيـ حابة نكملـ بصحـ خصارة خلاصو الردود
ربي يخليك

المهمـ معرفة خير يادركيـ كيما خويا ليـ توحشتو بزاااااااافـ ونقلكـ ربيـ يعينكمـ
الله يسلمك ربي يخليك

نحبـ العملـ نتاعكمـ وفيـ نفسـ الوقتـ بصراحة الله يقدركمـ نتومة راكمـ ساهريينـ على البلاد
خدمتنا بلا ما يكثرلنا خير
وقليلـ ليـ يعرفـ واشـ تعانيو .
والفنا نورمال

مغلطوشـ ليـ قالو مايحسـ بالجمرة غير ليـ عفسـ عليها

قناصـ حبيتـ نسألكـ على إسمكـ الحقيقيـ ؟
محمد ...

وثانيـ كيما كنتـ فيـ السطاجـ ويناها العقوبة ليـ ديتها ومتنساهاشـ ؟(عندكـ حقـ عدمـ الرد)
علاه الاحراج بصح نجاوبك الزحف فوق القرافي

مزالكـ حابـ تجيبـ الباك ولا نحيتو منـ بالكـ؟
مرتين المعدل نتاعي 9,96 و 9,70
نحيتو من بالي و ديجا راني تقني سامي

حبيتـ نسألكـ راكـ تتصلـ بأمكـ كلـ يومـ ولا كلـ سمانة ولا مراتـ بركـ (بصراحة)
ههه كنت العام الاول نتاعي كل يوم و من بعد بديت نقص باش مانوالفهمش خاطر ديفوا نخرج في مهمة تاع 3 ايام فما فوق و منقدرش نعيط يعني راني نقصت باش ماتقلقش علي

علباليـ طولتـ عليكـ بالتوفيقـ فيـ حياتكـ العملية والشخصية
مرحبا بيك اختي

وربيـ يعينكمـ كااااملـ أفراد الدركـ الوطني
تحية لكي و لكل اعضاء اللمة باسم افراد سلاح الدرك الوطني

تحياتيـ
​

 

[lemia23]

السلام عليكم
هاني جيتك بسؤال خفيف ضريف ..وشي هي الحاجة لي تمنيتها تتحقق ومازال متحقتش..لدرك
بالتوفيق اخي قناص الغرام
وربي معاكم كامل ..الدرك.والجيش.والشرطة..
ايا سلامي

 

[قناص الغرام]

السلام عليكم
هاني جيتك بسؤال خفيف ضريف

مرحبا بيك lemia23
وشي هي الحاجة لي تمنيتها تتحقق ومازال متحقتش..لدرك

كاين ياسر حوايج بصح الحاجة الكبيرة فيهم كامل ندي امي للحج
​

بالتوفيق اخي قناص الغرام

الف شكر
​

وربي معاكم كامل ..الدرك.والجيش.والشرطة..

ربي يخليك
​

ايا سلامي

 

[سمسم السمسومة]

ما هو أجمل شعور يغمرك الأن.....

 

[قناص الغرام]

ما هو أجمل شعور يغمرك الأن.....

بصراحة سمسومة الشعور الجميل الان لا أثر له
لانني غدا انشاء الله تنقضي ايام اجازتي و اعود الى عملي و اترك عائلتي تعاني الم الفراق مجددا
اعذريني على صراحتي
​