رائ الشياب في شباب

[!≈[سُِـِيٌــِـِفّ اٌڷِخً‘يٌـرُ]≈!]

السلام عليكم و رحمة لله

واش راكم خاوتي

أن شاء لله تكوني بخير و عافية

ليوم حبيت نتكلم


على الجماعة لكبار اللي راها تسب في الشباب

اللي هوما حنا

قالك شباب اليوم

راه ضايع و ماهوش مستقيم

و ما يعرفش صلاحو

قالو

شباب اليوم راه فاسد

و ما يخدمش على روحو

انا نقللكم واش راني نلاحظ

يا جماعة و الله يا شباب اليوم غير راه عاقل و لاباس بيه

يا جماعة رانا في وقت صعييب بزاف

راه حليلو الشباب

كي راهم صابرين ديما و دايرين ربي في قلوبهم
يا جماعة راه وقت ربي يستر برك

فيه فساد لبلاد
المعريفة
البيروقراطية
الاغراء
........... ألخ
راها مش ساهلة
انا نحيي الشباب على الصبر هذا
و انا نقول لهاذو لكبار اللي راهم يهدرو

لوكان جيتو في وقتنا هذا
تبانلكم الهدرة

لله غالب انتم عشتو في وقت النية و كان كلش باطل


كنتو تجيبو شهادة التعليم الابتدائي

تدخلو تقرو و تخدمو لاباس بيكم


بصح قولولهم يجو ضرك في وقتنا

و يديرو الدار و الطاكسي
و يلقاو الخدمة

زيد من ناحية الفساد
و الله والله واش راني نشوف انا غير لكبار هوما اللي راهم

فاسدين اكثر من الشباب

هوما اللي راهم يقطعو في الناس
هوما اللي راهم يقابلو في الرايح والجاي
و ليجان تلقاهم مجمعين يحكو على البالو
و لكبار يحكو على فلان و بن فلان و بنت فلان
هذاك واش راه لابس علاه مش ساتر روحو

- و الطفلة هاذي لمن الله يبارك ياو كبرت ولات مراة** الله يبارك **
و هو راه رايح ياكلها بالخزرة


ربي يهدينا و يسترنا و يبصرنا بعيوبنا

المهم خاوتي

ان شاء لله ما يكون متكرر او مخالف

و أريد تفاعل مع لموضوع

سلام
​

 

[ماكانش]

يعطيك الصحة خويا على الموضوع الباهي
من جيهة عندهم حق ومن جيهة لالا
من جيهة جيلنا مايخدمش وفنيان وو عندهم حق
ومن جيهة ان في وقتهم كانت النية والخدمة والمور ساهلة هاذي صح
مام للخارج بالباسبور وتروح وين حبيت ههه
ناس بكري ماكانش ألي ماراحش لفرانسا من باب الزوالي وروح هههههه
​

 

[!≈[سُِـِيٌــِـِفّ اٌڷِخً‘يٌـرُ]≈!]

شكرا على الاعتماد

و على الرد
​

 

[همس الوُرود]

هههههههههههههههههههههههههههههههههههههههه والله غير ضحكتني أخويا هههههههههههه ربي يستر هههههههههههههههههههههههههههههههههه هوما من جيهة عندهم الحق والشباب من جيهة عندهم الحق والله أنا ساعات نقول حاجة ما قصدي والو فيها وهوما يفهموها بالغالط سيرثو خالة ماما ههههههههههههه شابعة فيا وعلاش جيتي وعلاش رحتي وكيفاه ولاماه وانتيا وانتيا والله فالبداية كي غير وين عرفتها حتى بكاتني مي دوكا هي تحكي وأنا نضحك هي تبخص وأنا نضحك هههههههههههههههههه صحاح وجهي معاها خههه ربي يهدينا ويهديهم شكرا على الموضوع على الأقل فششت شوية على قلبي لول​

 

[!≈[سُِـِيٌــِـِفّ اٌڷِخً‘يٌـرُ]≈!]

امليح

كيما يقولو الوالدين يضلمو و يضرو

العفووو اختي

شكرا على الطلة الزينة

و ربي يدوم الضحكة
​

 

[عاشق الريال]

يا راجل واشي هادا لكلام واش راك مخبي هاكاك قولها وريح
يعطيك الصحة موضوع هايل
​

 

[!≈[سُِـِيٌــِـِفّ اٌڷِخً‘يٌـرُ]≈!]

يا راجل واشي هادا لكلام واش راك مخبي هاكاك قولها وريح
يعطيك الصحة موضوع هايل
​

والو راني وليت عاقل يا عاشق الريال

و يعطيك الصحة على المرور
​

 

[bilale-007]

مشكوور على الموضوع خويا
دير في بالك صاحبي كل جيل ووقتو

 

[محـ أمين مد]

السلام عليكم ورحمة الله و بركاته

و الله كلامك صح صديقي العزيز . صراتلي مع كبير في السن قالي نتوما الشباب تاع درك الله يستر !!

ايا جاب ربي دخلنا في موضوع الثورة الجزائرية قالي فرنسا خرجت روحها . قالي كرهت من العرب خرجت
ماعييت نبررلو و دخلتهالو مفاوضات و حيات في ميزك واش يقولي :
بكري الجزائريين ماكانوش قاريين كيفاه يتفاوضو ف الخارج !!!!!

قتلو الناس طلعت للقمر قالي بركا ما تكفر غير خرافات هاذي الماريكان راها تحشيلكم !!!!

الله يحفظنا يا اخي مش كل الكبار لكن البعض منهم .

و تحية الى كل شاب مازال متمسكا بدينه و اخلاقه و فضائله رغم قساوة الوقت و عسر الحياة الاجتماعية

و السلام عليكم .
​

 

[بنت الـ25]

السلام عليكم اخي
كل جيل وجيلو
وكل جيل يختلف عن الجيل اللي وراه
والمشكل كل واحد يشوف فالجيل تاعو هو المخير
جداتي تشوف فالجيل تعهم مكانش كيفو ضال تحكيلي كيفاش كانو يتلاقاو
وكيفاش كانت المرأة تعامل راجلها وتربي ولادها
والاعراس كيفاش يفوتوها
ممبعد يما وبابا يحكيو توجور على الثمانينات على أنها العصر الذهبي
وكيفاش شبعو تحواس والدراهم كانت تطايش
وكيفاش الجزاير ربحت لالمان خخخخخخخ
وانو جيلنا جيل فاسد فنيان كسووووووول

واحنا بدورنا نشوفو فالجيل القادم رااااقد ومش برك فاسد ....
الوقت اللي يروح خير اللي يجي وكل واحد عليه وعلى نفسو واللي يمرض بالناس
ما يهناش في حياتو ويعيش زي المعذبون في الأرض فمن راقب الناس مات هما

كون جى كل واحد يخلي هدفو تحقيق طموحات تخدم البلاد والعباد
ويتمسك بمبادئ الدين
هكدا رايح يستغل وقتو احسن استغلال وميضيعوش ويربحها دنيا آخرة
سلامي
​

 

[!≈[سُِـِيٌــِـِفّ اٌڷِخً‘يٌـرُ]≈!]

مشكوور على الموضوع خويا
دير في بالك صاحبي كل جيل ووقتو

لله يعزك صديقي

وي مي خويا وقتنا تاني راه صعيب

كاينة و لا مكانش
​

 

[bilale-007]

لله يعزك صديقي

وي مي خويا وقتنا تاني راه صعيب

كاينة و لا مكانش
​

وي هادي لمعاك فيها ميجيش واحد تربى في عز واحد اخر يجي يورلي كفاه نعيش وقتي ضركا
يا راجل ذركا كون ذيب تاكلهم لقدام ياكلوك
علاه لحقو هوما بالحقرة لرانا فيها تقرا متقراش كيف كيف لازم عندك لكتاف
لحقو هوما بالزطلة والشراب والحب لراه يطايش في كل دورة
لحقو هوما بالقتيلة ولاgريسسيون قدام ربي وعبادو يا راجل خلينا
...... واجعني قلبي
المهم ربي يكون في العون وخلاص

 

[!≈[سُِـِيٌــِـِفّ اٌڷِخً‘يٌـرُ]≈!]

السلام عليكم ورحمة الله و بركاته

و عليكم السلام ورحمة لله وبركاته

و الله كلامك صح صديقي العزيز . صراتلي مع كبير في السن قالي نتوما الشباب تاع درك الله يستر !!
يعيشك صديقي . وي راهي صرات معايا انا تاني

ايا جاب ربي دخلنا في موضوع الثورة الجزائرية قالي فرنسا خرجت روحها . قالي كرهت من العرب خرجت
ماعييت نبررلو و دخلتهالو مفاوضات و حيات في ميزك واش يقولي :
بكري الجزائريين ماكانوش قاريين كيفاه يتفاوضو ف الخارج !!!!!

قتلو الناس طلعت للقمر قالي بركا ما تكفر غير خرافات هاذي الماريكان راها تحشيلكم !!!!
هههههههههههههههههه

ربي يكون معاهم مش فاهمين لمساكن
و الإستعمار ياك خلهم كامل في جهل

الله يحفظنا يا اخي مش كل الكبار لكن البعض منهم .

اكيد خويا لعزيز

و تحية الى كل شاب مازال متمسكا بدينه و اخلاقه و فضائله رغم قساوة الوقت و عسر الحياة الاجتماعية

ركزلي على هذي

ولله نعطيهم الماينة

و السلام عليكم .

وعليكم السلام و رحمة لله


​

نورت صديقي​

 

[!≈[سُِـِيٌــِـِفّ اٌڷِخً‘يٌـرُ]≈!]

السلام عليكم اخي
كل جيل وجيلو
وكل جيل يختلف عن الجيل اللي وراه
والمشكل كل واحد يشوف فالجيل تاعو هو المخير
جداتي تشوف فالجيل تعهم مكانش كيفو ضال تحكيلي كيفاش كانو يتلاقاو
وكيفاش كانت المرأة تعامل راجلها وتربي ولادها
والاعراس كيفاش يفوتوها
ممبعد يما وبابا يحكيو توجور على الثمانينات على أنها العصر الذهبي
وكيفاش شبعو تحواس والدراهم كانت تطايش
وكيفاش الجزاير ربحت لالمان خخخخخخخ
وانو جيلنا جيل فاسد فنيان كسووووووول

واحنا بدورنا نشوفو فالجيل القادم رااااقد ومش برك فاسد ....
الوقت اللي يروح خير اللي يجي وكل واحد عليه وعلى نفسو واللي يمرض بالناس
ما يهناش في حياتو ويعيش زي المعذبون في الأرض فمن راقب الناس مات هما

كون جى كل واحد يخلي هدفو تحقيق طموحات تخدم البلاد والعباد
ويتمسك بمبادئ الدين
هكدا رايح يستغل وقتو احسن استغلال وميضيعوش ويربحها دنيا آخرة
سلامي
​

اكيد أختي كل جيل و جيلو

مي راني نقلك ناس بكري معاك كان جيل ذهبي

لكن السر لي خلاه يكون ذهبي هو لمعيشة كانت باطل

كانت الحشمة و نية .......... ألخ

مي درك راه لا حشمة لا نية لا بركة لا والو

لوكان عاشو لوقت هذا كانو يعاني كيما رانا نعانو

مشكورة على المرور
​

 

[أم عبد الله]

لي عودة للموضوع

سلامي

 

[!≈[سُِـِيٌــِـِفّ اٌڷِخً‘يٌـرُ]≈!]

لي عودة للموضوع

سلامي

أهلا بيك

جيبي معاك كاش حاجة


هههههههه
​

 

[Nilüfer]

موضووع روعة

انا برايي شباب الجزائري خاصة

محgوووور بزاااف مسكين

والله غير الهم والمصايب قع طايحة فوق راصه

وهاد الشي بالاك اللي يديه لطريق ماهيش مليحة

لكن انا على حسابي نشوف بللي فيه خير

وان شاء الله يكون رايي صحيح
​

 

[!≈[سُِـِيٌــِـِفّ اٌڷِخً‘يٌـرُ]≈!]

موضووع روعة

لله يسلمك

انا برايي شباب الجزائري خاصة

محgوووور بزاااف مسكين

والله غير الهم والمصايب قع طايحة فوق راصه

وي عندك لحق في هذي


وهاد الشي بالاك اللي يديه لطريق ماهيش مليحة

في هذي لا ماشي كامل يخرجو طريق كاين لي يشد في ربي

لكن انا على حسابي نشوف بللي فيه خير

وان شاء الله يكون رايي صحيح

ان شاء لله يكون في شبابنا الخير


​

شكرا لك
​

 

[ابن ميلة البار]

مليح خويا بزاااف موضوعك

 

[ابن ميلة البار]

نظن لا تعليق على القضية المطروحة كون نبدا نهدر مانسكتش