مخطوبة واحترتي ارواحي هنا-خاص بمخطوبات 2013

[hayota]

ايا انشاء الله ندير عليكم و ادعولي ربي يتمملي لانه البدية ماعجبتنيش المشكل على الشرط
هو راه باغيني نقومله كلش بدراهم يعطيهملي و انا نشري لروحي لكن طالب التخفيف و ماما قالتلي
قوليله 45 مليون و الله و نقوله ينفضني راني حشمانة

 

[السلطانة]

ايا انشاء الله ندير عليكم و ادعولي ربي يتمملي لانه البدية ماعجبتنيش المشكل على الشرط
هو راه باغيني نقومله كلش بدراهم يعطيهملي و انا نشري لروحي لكن طالب التخفيف و ماما قالتلي
قوليله 45 مليون و الله و نقوله ينفضني راني حشمانة

45 مليون بزاف خلاه
لوكان تتفاهمو على 6 ملايين والباقي يجيبهولك هو احسن هكا بزاف كي تقومولو 45 مليون مع بعض تبان بزاف
ربي يكملك حبوبتي
سلامي

 

[ام الحلوين]

ايا انشاء الله ندير عليكم و ادعولي ربي يتمملي لانه البدية ماعجبتنيش المشكل على الشرط
هو راه باغيني نقومله كلش بدراهم يعطيهملي و انا نشري لروحي لكن طالب التخفيف و ماما قالتلي
قوليله 45 مليون و الله و نقوله ينفضني راني حشمانة

يا اختي 45 مليون يروح يشري طوموبيل و يعيش حياتو ، نفرضو مدلك 45 مليون و يديك شهر و يرجعك لداركم (بعيد الشر) ،شوفي لبنات عايلتكم شحال زوجو نتي ديري كيما هما و المكتوب لي يمدهولك ارضاي بيه شري واش جابولك دراهمو و روحي ربي يهنيك ،
انا عن نفسي زوجت في 2007 و قالو العرف ماشي كيفكيف و دفعو فيا 8 ملاين و شرطت بارير هدا ماكان و الشرط مادارهليش نهار العرس انا تقلقت شوية بصح عادي من بعد شراهولي و الحمد لله راني مهنية و لي نقولو جيبهالي يجيبها و الدهب كل مرة يشريلي حاجة .
و راني فاهمة يماك تحوس تفرح بيك و ديرلك خير من كامل لبنات بصح نورمال احكي مع يماك و قوليلها 45 مليون بزاف عليه و هو تاني قوليلو بلي كلشي راه غالي و كي تمدلي الدراهم قلال مانقدرش نشري بيهم بزاف حوايج و داركم يضحكو عليا ، يعني رضي يماك و زوجك المستقبلي .
و لا اشرطو دراهم و الدهب مثلا (سلسلة +خاتم + مناقش + مسيبعات )بصح نتي تخيريه و روحي مع خطيبك للشلف واشري الدهب حنايا عندنا رخيص شوية ، هديك هي انا نكون في البلاد وارواحي تفطري عندي .
يلا شوفي رايي و رجعيلي الخبر .
ايه نسيتك الشرط ماتحكي عليه لا نتي و لا يماك بسكو راكي عارفة الناس واش يهدرو يقولو طماعين ، خلي الرجال يتفاهو عليه بسكو الرجال عندهم الكلمة ماشي كيما النسا يكثرو غير الحس بلا فايدة .
سلام

 

[جامعية]

انا راح نقلك واش درت
شرطنا 10 ملاين و الدهب عليهم

 

[سمية25]

هههههههههههههههههههههه
والله قريب اغمى عليا كي شفت مبلغ 45 مليون وشنو هذا يا ختي
حنا ماعندناش هكدا يكون المهر من 10ملايين الى 17 مليون فقط والشرط كل عائلة وكيفاش وحنا الاغلبية نتاعنا مايشرطوش الذهب كيما انا ماشرطت عليه والو مالقري ناس قالمة معروفين يديوا الذهب وانا والله خاتم ماقتلو لازم ديرهالي مهري كان 10 ملاين وكبش للعشاء نتاع عرسي برك مي كي جا شافني دارلي خاتم وكي فتح عليا دارلي خاتم وكي رحت عقدت في قالمة تاني دارلي خاتم ...ولكن انا ماقلتلوش ديرلي ولا ماديرليش هو دار من خاطرو برك
والحمد لله راني مهنية معاه وقالي مازال نهار عرسك ايلا قدرني ربي نديرلك مسيبعات
وقالي كي نديك مع الوقت راني نمدلك واخدمي سبتة نتاع الذهب اللي معروفة فالشرق بزاااف

انا نقولك يا اختي ماتشرطيش عليه خلي الكبار يهدرو خاصة الرجال
وقيميلو المهر نتاعوا على حسب مقدوره ماشي يخطبك ويقعد 10 سنين باش يدير عليك العرس كلشي بالشوية وكيما يقولو ناس بكري البركة فالقليل
ونتي واشطارتك اذا شافك وقفتي معاه وتفهمتي مقدوره رايح يحبك ويتمسك بيك للتالي
وميرسي وربي يهنيك ويتمملك على خير ان شاء الله

 

[*Sarah Dz*]

45 مليون بزااااف حبيبتي

كون تقوليهاله يهرب

انت شوفيه هو على حساب كلامه على واش يقدر و قوليله على حساب طاقته
​

 

[hayota]

شكرا لكن على المساعدة لكن غير هي هي
الذهب يلا شرالي بالحاجة تنقامله عند 25 مليون
و الكبش و صوالحه عند 7 ملايين
اما الطبق راه عند 8 ملايين راني قريب نهبل

 

[سمية25]

ماتخمي لا والو خليها على الكبار يعني الرجال
انتي اخرجي منها قاع
ان شاء الله ربي يسهلك ويتمملك على خير

 

[hayota]

ماتخمي لا والو خليها على الكبار يعني الرجال
انتي اخرجي منها قاع
ان شاء الله ربي يسهلك ويتمملك على خير

امين يا رب يل بنات ادعولي انا راني باغياته و هو تاني و علابالي مانصيبش خير منه

 

[ام الحلوين]

امين يا رب يل بنات ادعولي انا راني باغياته و هو تاني و علابالي مانصيبش خير منه

يا لحبيبة ربي يكملك على خير ان شاء الله
و عادي نتوما اطلبو الدراهم ماشي بزاف و شرطو الذهب و تفاهمي معاه باش تخرجو مع بعض و تقيسي و تخيري و نتي راكي عارفة ماتخيري حاجة غالية ماتخيري حاجة رخيصة و ديري في بالك مليح مكاش عرس يفوت بلا مشاكل و عادي كلشي يفوت .
ربي يتمملك على خير و يجمعك نتي و حبيبك في الدنيا و الاخرة .
سلامي اختي .

 

[miss miss]

اه يعني ف الصح ماشي بزاف ذهب و حاجة سامبل ب 22..25..مليون و الجهاز 8..و يربي تعمري فليزة ..راه كولش غالي.و كبش و صوالحه 8.7كوالو بصح واعرة لوكان تقوليلو 45مليون نتي حاولي تفهميه و خاليهم هوما يجهزو و حتي ذهب اخرجي معهم ولا معاه و خيري حاجة مليحة و مهيش غالية كاين و كاين سيره خفيفة باش تكمل حنونة راهم قليل لخمو ف زواج هادو ليام و ديما قدم متصعبيهاش ارمي كولش عليه بلا و ما تطلبي دراهم و حدو يفهم بلي كولش غالي و ربي كملك و ايكملنا

 

[منار السبيل]

كي تقوليلو 45 مليون تدربيه للقلب يا ختي حنا سي فري نديرو ذهب بصح يديره هو لازمنا مناقش ومسيبعة وسلسلة دزريعة واسمها وخاتم الخطبة .منحددولوش السعر بصح هاذو هوما لي نديروهم في منطقتنا
هي بلاك تجيه كتر من هكا بصح هو يشريهم ويدبر راسو مع البيجوتري.ههههه
ربي يكملك بالخير اختي وفي رايي اخرجي معاه ولا مع ماليه وخيري وهو يخلص

 

[miss miss]

سلام...
بالمختصر انا راهو خاصني ****و منيش حبتو مودغن ..حبيتو تاع قطيفة سودا بالفتلة لون اصفر لقيت بصح غالي vسة وحدها ب 2ملاين 8مئة وش راح ندير كشما راكوم شيفين حل للمصيبة هدي و كشما راكو شايفين قفاطن سامبل بستان وريولي نشوف و اعطيوني رايكم انتظر الردود بفارغ الصبر :$:$:$

 

[yasmine mimina]

لبنات حابة نشري مسايس بصح ما علاباليش شحال الاسعار تاوعهم
تعيشو قولولي ادا 10 ملاين تجيبلي حاجة مليحة و لا نشري براسلي خير:​

s

 

[hayota]

لبنات حابة نشري مسايس بصح ما علاباليش شحال الاسعار تاوعهم


تعيشو قولولي ادا 10 ملاين تجيبلي حاجة مليحة و لا نشري براسلي خير:​

s

اشري براسلي تاع الويز شابين بزاف خير لان المسايس فوق 10

 

[hayota]

سلام...
بالمختصر انا راهو خاصني ****و منيش حبتو مودغن ..حبيتو تاع قطيفة سودا بالفتلة لون اصفر لقيت بصح غالي vسة وحدها ب 2ملاين 8مئة وش راح ندير كشما راكوم شيفين حل للمصيبة هدي و كشما راكو شايفين قفاطن سامبل بستان وريولي نشوف و اعطيوني رايكم انتظر الردود بفارغ الصبر :$:$:$

نصيحة خيطي حاجة مودارن القطيفة راهي ديمودي خير و غالية بالفتلة شوفي هذ الموديلات

 

[السلطانة]

لبنات حابة نشري مسايس بصح ما علاباليش شحال الاسعار تاوعهم
تعيشو قولولي ادا 10 ملاين تجيبلي حاجة مليحة و لا نشري براسلي خير:​

s

اشري براسلي خير

 

[yasmine mimina]

شكرا حبيبتي سندريلا و الله يعجبني البراسلي بزاف
يعني ماكانش مسايس يعمرو العين ب 10 ملاين​

 

[yasmine mimina]

شكرا بزاف حيوتة ممكن توريلي كيفاش عامل هاد البراسلي​

 

[hayota]

شكرا بزاف حيوتة ممكن توريلي كيفاش عامل هاد البراسلي​

tfadli khti chofihom