المــــــــرا خيــــر من الراجــــــــل في كلش

[ĂÝǾΰb]

بسم الله الرحمان الرحيم
السلام عليكم ورحمة الله وبركاته

أنا رح نطرح هذا الموضوع علبالي رح نلقا بزاف النقد و نقد كبير
مي واحد مراح يغطي الشمس بالغربال
الغاشي ازعما تنتاقد المرا و يقلك النساء حكمو البلايص كامل
بصح نقلكم المرا تستاهل و هي فور على الراجل
أنا راني نحكي عن تجربة شخصية و حوايج شفتها في حياتي ميش من الفراغ

نبداو من الأب و الأم
كاين أسر قدر ربي يفترق الزوج والزوجة
الراجل يتزوج ويدا حياة جديدة
بصح المرا تقلك ما نطيش ولادي تبيع الذهب ديالها تخدم عند الناس دير المستحيل باش تكبر ولادها وتقريهم و الأب و الله ما علبالو بيهم

نروحو للسبيطار الله لا يوصلنا ليه
واحد الخطرة جدي مسكين مريض نيفو مجروح الراجل يقلك الحوايج راهم يطيبو مكانش الدوا مكانش الفاسما ...... ما شفو شايب كبير مسكين يتمسخر بيه
تجي الفرملية مرا تجيب المقص تجيب الدوا تجيب الفاسما داويه وحلاوة اللسان تقولو متخافش بويا رح نداويك الله يكثر خيرها

رحت مع بابا لقسنطينة عند واحد الشريكة خدم فيها عام باش يزيدوهالو فلا روترات
بيرو كاين راجل وكاين مرا الراجل قالو راني كتبتك زيد شهر و ولي ممبعد هدر بابا مع الطفلة لي لتما قالها بنتي حالي بعيد وديري فيا مزية خدمتها وداتها عند المدير مضاها وجابتهالنا الله يكثر خيرها

الليسي رحت البارح عند المراقب قتلو شهادة مدرسية قالي غدوا ارواح
رحت عندو اليوم قالي المدير مكانش يا ربي يكفاش ندير أنا غدوا رح نروح للولاية عندي خدمة
رحت عند المراقبة هدرت معاها راحت دقيقة جابتلي زوج وجات يكثر خيرها


هنا برك فالانترنت تحط موضوع تلقا الجنس اللطيف يرد عليك ويشجعك
الذكر يدخل خير يهبطلك المورال ولا يقولك هدرة خاطية يردك هاك الا من رحم ربي

يقولك المرا ما تصلحلها المسؤولية عاطفية
المسؤولية للراجل خير

مالا نقلكم المرا تخدم بالعاطفية والقلب الحنين
مي الراجل يخدم بالتايهوديت و القلب لكحل

هذي هي الوقت عيشة خير من عياش
درك كاين لي رح يقول هذا حلاب باسكو في وقتنا لي يهدر الصح يولي حلاب وووو أنا قلت لي في بالي لي معجبو الحال يقنعني هذا مكان

وش رايكم في كلامي صح ولا لا ؟؟:s
ولي يقول لا يقولنا علاه ميش تنقد هكذاك برك

​

 

[ماكانش]

أهلا بيك خويا
يعطيك الصحة على الموضوع الباهي
ولكن راني نخالفك فيه
لوكان تروح لمرا ولا طفلة تحكيلك على الرجال تحير
تقلك رحت للبلدية حكيت مع وحدة ماقنعتنيش وماعاشتليش زمان رحت لواحد راجل تشوف كيفاه تهلى فيا عجب هههههههههههههههه
وتروح تحكيلك الأستاذة فعباس لغرور في ولاية باتنة تقلك والله الرجال يهبلو
كان يخدم واحد يقولولو سفيان ياخي المدير حاوزو وجابني أنا تهلا فيا ربي خليه ...
وتروح لوحدة فالسبيطار مريضة تقلك الفرمليات يالطييف بصح تشوفي واحد الفرملي راجل كيفاه قام بيا وتهلى فيا وكل دقيقة يجي يطل عليا ويتبسم
ربي يحفظهم الرجال ..
وووووووووو
كل واحد يحكي من منظورو الخاص يا خوةيا
وزيد نتا من حكايت جدك حكمت حكم نهائي وهذا خطأ
​

 

[أم راضية ~_]

السلام عليكم
يقولو "الخير مرا والشر مرا" يعني هيا كلش
وهيا تستمد طاقتها و تفكيرها و كل ما يخصها من الراجل سواء اب ولا اخ ولا زوج ولا ابن
و هو يتربى و يتعلم و ياخد اساسيات حياتو كيما يقول المتل : "الراجل على ما عودتيه و وليدك على ما ربيتيه " على حساب ما استمدو من المرا في حياتو سواء ام ولا اخت ولا زوجة ولا ابنة
خلاصة القول : ماكانش مرا خير من راجل ولا راجل خير من مرا
كاين تربية خير من تربية و تقوى خير من تقوى و أخلاق خير من أخلاق و مواقف خير من مواقف
قادر نفس المرا هاديك و هادي و لوخرا في موقف آخر تشوفها تخمم تمحي النسا كامل تاع الارض
وقادر الراجل الي يخلعنا اليوم ونقولو هوا خير من المرا نشوفوه في موقف آخر تجي في بالنا نفي كل الرجال لعالم الأموات
هاد الثنائية حيرت بزاااااااف ناس
ما فيهاش قاعدة و قانون دايما كاين الاستثناءات
العامل الي يصنع الفرق هو التقوى , الخوف من ربي , الاخلاق , العقل ... الخ
إن شاء الله يكون كلامي مقنع
شكرا على الموضوع​

 

[homework]

:regards01::regards01:
مشكور على الاعتراف نيابة عن جميع الرجال معليش انت الشجرة التي تغطي الغابة
هكذا الرجال ولا مكاله المراة تعمل بالعاطفة لكن تتفني في العمل و الرجال حاش لي مايستهلش ميحبوش القيد و الحصر يحبوا يخدموا عند روحهم

 

[la_safa]

السلآم عليكم ..

احمممم احمم و بمآ أني فتآة ندخل بفخر :p هههه

اممم والله يآ خويآ هآذ المعآملآت تلقى ديمآ فيهم الصآلح و الطآلح
يعني ممكن تلقى بنآت الله يبآركـ و كآين لآلآ , و سآعآت الرجآل أفضل و العكس
هي قضية مبآدئ و تقوى الله .. يعني لي خآف ربي رآهو يخدم كيمآ أمر ربي
و لي مآخآفش ربي رآهو غير يخلط كيمآ جآت تجي :down: ..

أمآ النسبة رآح تكون 60% للنسآء و 40% للرجآل :-h ..

لأنو المرآ مآتتقآسش الا على عملهآ لبرآ , تقآس حتى على نيتهآ و عملهآ
فِ الدآر كيمآ قلت هي لي تربي و تخآف على ولآدهآ و مستعدة تضحي
و تتحمل كل المشآكل عآجآل ولآدهآ و في جهة اخرى تلقى الرآجل مهمل :down:

بصح فِ مجآل الدرآسة نأكدلكـ و نجزملكـ بلي حنآ أفضل :p
هآذي وآضحة وضوح الشمس فسرو و لآ اقعدو :d هههه ..

صحييييت خويآ أيوب موضوع فووور :regards01: ..
​

 

[!≈[سُِـِيٌــِـِفّ اٌڷِخً‘يٌـرُ]≈!]

للمرأة حق الانتخاب سواء كانت ذكر أو أنثي

خويا قالها معمر لله يرحمو

و لها مفهوم بعيد و بعيد جداااااا

دمتم سالمين غالمين
​

 

[رضوة الجزائرية]

يسلم فمك على هد الهدرا
بصح كاين الرجال لي ربي يعلم وين راهم ممكن يتعدو على الاصابع في هد الوقت ربي يهديهم برك
وكماقال الاخ بالاول حنا بنات نلقو العكس صارت معايا يوم سجلت للماستر صارو لبنات بالمكتب يدوني ويرردوني وبعدها مين راحت تسقسيهم ختي قالت ليها ماتعوديش دخلي لعندنا مين فات الوقت ورحت نسقسي ردو العيب فيا قالك انا مالتحقتش قلت ليهم هدا لي صار معيا قالت لي تمسخرو بيك وماقريتش هدي سنتين بسبتهم قيمت راني تخرجت حتى جا وحد مانعرفوش قال لي ختي دي رقمي مين تكون حاجة نخبرك
ربي يهديهم برك لمسك شي بلاصا قال ان ربها بصح كاين رب واحد هو رب العالمين لي يخاف منو ويعمل ليه حساب​

 

[ĂÝǾΰb]

أهلا بيك خويا
وبيك يعيشك خويا سفيان راك منور
يعطيك الصحة على الموضوع الباهي
ولكن راني نخالفك فيه
نمشو وحدة وحدة
لوكان تروح لمرا ولا طفلة تحكيلك على الرجال تحير
تقلك رحت للبلدية حكيت مع وحدة ماقنعتنيش وماعاشتليش زمان رحت لواحد راجل تشوف كيفاه تهلى فيا عجب هههههههههههههههه
ههههههههههههههههههه ممكن
وتروح تحكيلك الأستاذة فعباس لغرور في ولاية باتنة تقلك والله الرجال يهبلو
كان يخدم واحد يقولولو سفيان ياخي المدير حاوزو وجابني أنا تهلا فيا ربي خليه ...
وتروح لوحدة فالسبيطار مريضة تقلك الفرمليات يالطييف بصح تشوفي واحد الفرملي راجل كيفاه قام بيا وتهلى فيا وكل دقيقة يجي يطل عليا ويتبسم
ربي يحفظهم الرجال
..وووووووووو
نحب نفهم من كلامك بلي كل جنس يخدم الجنس لاخـــر
راني معاك في هذي
مي المرا كي الفرملية لي حكيتلك عليها دير هذا الشي لوجه ربي بصح الراجل كي يتهلا في وحدة ولا يحاوز سفيان :p هههههههه .. و يدخلها تخدم قادر يشوف في شوفات وخرجات مارgين رح يلعب على بنت الناس بصح المرا ما عندها حتى فايدة كي دير الخير فراجل برك كي عادت عاطفية و يغيضها حالو ميش كي الراجل قلبو اكحل الرحمة مكانش ( طبعا ميش كامل )
كل واحد يحكي من منظورو الخاص يا خويا
وزيد نتا من حكايت جدك حكمت حكم نهائي وهذا خطأ
​

لالا خويا سفيان ميش مرة وميش زوج وميش 10
تاني كنت مريض بزاف ما قريتش يمات كي رجعت البنات عاونوني
كل وحدة حكمت عليا كراس كتبتلي الله يكثر خيرهم هذي يديرها واحد راجل يكتبلك ؟ ولا يعاونك
ولا كي تمرض اسيدي مرا الراجل يكتبلها ؟؟

مرسي على الاعتماد و المرور خويا العزيز :regards01:
​

​

 

[mohgladiator]

أهلا بيك خويا
يعطيك الصحة على الموضوع الباهي
ولكن راني نخالفك فيه
لوكان تروح لمرا ولا طفلة تحكيلك على الرجال تحير
تقلك رحت للبلدية حكيت مع وحدة ماقنعتنيش وماعاشتليش زمان رحت لواحد راجل تشوف كيفاه تهلى فيا عجب هههههههههههههههه
وتروح تحكيلك الأستاذة فعباس لغرور في ولاية باتنة تقلك والله الرجال يهبلو
كان يخدم واحد يقولولو سفيان ياخي المدير حاوزو وجابني أنا تهلا فيا ربي خليه ...
وتروح لوحدة فالسبيطار مريضة تقلك الفرمليات يالطييف بصح تشوفي واحد الفرملي راجل كيفاه قام بيا وتهلى فيا وكل دقيقة يجي يطل عليا ويتبسم
ربي يحفظهم الرجال ..
وووووووووو
كل واحد يحكي من منظورو الخاص يا خوةيا
وزيد نتا من حكايت جدك حكمت حكم نهائي وهذا خطأ
​

معااااااااااااك خويا سفياان في ردك
و خاااصة كلامكم على السبيطار
راني خدام فالسبيطار و عااارف حبيبي
الفرملي تشكرو المريضة
و الفرملية يشكرها المريض
هههههههه
ايوووووووووووووووب راني ضدك غي ماكاله تناقشني

​

 

[mohgladiator]

لالا خويا سفيان ميش مرة وميش زوج وميش 10
تاني كنت مريض بزاف ما قريتش يمات كي رجعت البنات عاونوني
كل وحدة حكمت عليا كراس كتبتلي الله يكثر خيرهم هذي يديرها واحد راجل يكتبلك ؟ ولا يعاونك
ولا كي تمرض اسيدي مرا الراجل يكتبلها ؟؟

مرسي على الاعتماد و المرور خويا العزيز :regards01:
​

​

يا ايووب البنات في اصلهم يحبو يكتبو
ياو انا كنت نحضر و نقرا و كانت عندي الجغرافيا و التاريخ
والله ماتلقا خطي مكتوب فالكراس
الطفلة اللي قدامي تكتبلي عااااااااام كاامل
ممكن هادو اللي كتبولك عاجبهم برك
هههههههه
حبو يبينولك كي يكتبولك
رووووح حوس فالكراريس تاوعك كشما تلقا رساالة مخليتهاالك وحدة فييهم
و يجي الاستاذ يراقب الكراسات تعشو حاصلين
هاهاهاهاهاهاهاها
نصيحة لوجه الله برك
​

 

[الميزان]

والله يا خويا بيبرس راك تحكي في موضوع لازمو مقالة فلسفسة باش يتحل
هههههههههههههههههههههههههه

عندك الحق فالي قلتو بسكو كي تشوف مرا تحس بالامان ماشي كيما تشوف راجل وهدي حكمة ربي فالارض باش يكون توازن فالمجتمع
وفي موضوع السبيطار راني شفت بزاف تخالفو عليه

انا مرة مشيت للسبيطار ليفام دوميناج كرهولي حياتي ختي ماتوقفيش هنا ختي ماتقعديش هنا وزيد هديك الي فالابوغاطواغ قالتلي علاش تجي دركا لوكان جيتي الصباح انا دركا راني مشغولة ؟؟؟؟؟؟؟؟؟؟؟؟؟؟؟؟؟
وانا حلفت مانروح قلتليهم غير التعيار الي نديرو اليوم

 

[ولــــد الـDZ]

سلام عليكم
اولا خويا انا احترم الراي نتاعك و نتمنى تحتارموا الراي نتاعي
انا نقول بلي الراجل و المراة متساويين كل واحد يكمل الاخر
وكيما مذكوريين في القرأن الكريم
"الرجل" مذكور24 مرة مقابل 24 مرة لـ "المرآة"
وحنا نعرفوا بطبيعة الحال المرأة حنينة
كيما الحوادث التي جرت لك
في المستشفى..في العمل..و فالليسي
كامل بينوا الحنان نتاعهم, وماتنساش بلي ثاني الرجال كاين اللي في قلوبهم الرحمة
ولكن بالاك انت برك ماتلاقيتهمش
و يا خويا فالاخر انا نقلك بلي:
الراجل ماشي خير من المرأة و العكس صحيح
و ربي يحفضك و يلاقيك بناس لحلال
ســـــــــــــــــــــــــــــلام

 

[AGENT007]

السلام عليكم..
متفق معك في حوايج
مي مش كلش
ونتاع الرجل يخدم
بالتيهودايت..
ياخويا هدوك اشباه الرجال
مي المرا تبقى مرا...


​

 

[وصال]

احمممم احممممم احمممممم راك طلعتنا المورال خويا صحيييييت على كلمة الحق الاعتراف فضيلة .هههه

شوف اخي هي صح المراة عاطفية بزاف وحنينة علاهاديك تصيبها ساغفيابل على الراجل ، بصح ماشي دايما كيما نعرفوا قانون الطبيعة السالب مع السالب تنافر يعني اون جنرال الراجل يخدم المرا والمرا تخدم الراجل ، وهذا ما يمنعش بلي كاين ناس تمشي بضميرها واش يملي عليها لا يهم في ذلك ني مال ني جمال ني هم يحزنون .
واعتراف صريح ، وراء كل رجل عظيم امراة .
قال احدهم : اذا علمت رجلا علمت فردا واحدا في المجتمع .
اذا علمت امراة علمت مجتمعا باكمله .
مرنيش حافظة المقولة مليح بصح المهم تبين بلي احنا فووووووور عليكم وتغزلوا هههههههه.:p

 

[✿أسيـل✿]

السـلام عليـكم
نهاركـ مبروكـ إن شـاءَ الله
موضوعكـ عجبنـي بزاف يـــاأيوب
والله غير عندكـ الصح تلقى مـرا خير مـن الراجـل اي الراجـل تبكي قدامو والله مايحـن عليـك
بصح المرا قلبهـا حنـين .. رح تلقهـا في وقت الشدة تبكي معاك تتألم معاك تتعذب معـاك

المرا لراجـل .. والراجـل للمـرا
مش كامل الراجـل عندهم ضميـر وعندهم عـاطفــــــــــــــة
بصح لمـرا حسـاسـة وحنينــــة وتعرف تهدر كاين الراجـال والله مايعرفو يهدرو يقلقـو
احنـا فور فــــــــــور عليـــهم :p

يالعـزيز نشكركـ على هدا الموضـوع
او طلعـلي المورال كي قريت موضوعك الشبـاب
ربي يحفـظك ويخليك لنـاس لي يحبـوك
يعطيـك الصحـة
​

 

[FATIMA 19]

شكرا على الطرح
مي ماشي كامل الرجالة هذاك وأنا نظن بلي النسا يحبو يخدمو لرجال أكثر من النسا
بويسك المرا يغيرو منها srt اذا كانت وحدة بوgوسية خير منها تبدا غير تتماطل
و أبسط مثال الاستاذات يموتو على الذراري اللي يقراو عندهم تلقاهم البنات مايشوفوش فيهم طول ومايقيموهمش و دايما يهاوشوهم و راني عشت هاذي الحالة
ونروحو للسبيطار ماسمعتش les sagefemmes كيفاه يديرو للنسا srt الحوامل مساكن
المرا تحب تخدم للراجل والعكس الرجل يحب يخدم للمرا
وهاذي هي الحياة
thnx

 

[غزة لنا]

لالا خويا سفيان ميش مرة وميش زوج وميش 10
تاني كنت مريض بزاف ما قريتش يمات كي رجعت البنات عاونوني
كل وحدة حكمت عليا كراس كتبتلي الله يكثر خيرهم هذي يديرها واحد راجل يكتبلك ؟ ولا يعاونك
ولا كي تمرض اسيدي مرا الراجل يكتبلها ؟؟

مرسي على الاعتماد و المرور خويا العزيز :regards01:
​

​

واذا مرضت فتاة أنا نأكدلك انها ماواحده لا تقيمها أو بالأحرى لا يحسوا بغبابها أصلاااااا
وانا رأي مع الأخ مكاااانش


سلاااااام
​

 

[دمعة اشتياق]

السلام عليكم
أول مرة نلقى راجل يتكلم بهاد الطريقة
تقريبا معظم الرجال يقولو المرة مش مليحة
و هي لي تولد وتطيب وتكبر و تتحمل و تصبر
والله يا اخي نحييك و نقولك بارك الله فيك
يعطيك الصحة

 

[mohgladiator]

السلام عليكم
أول مرة نلقى راجل يتكلم بهاد الطريقة
تقريبا معظم الرجال يقولو المرة مش مليحة
و هي لي تولد وتطيب وتكبر و تتحمل و تصبر
والله يا اخي نحييك و نقولك بارك الله فيك
يعطيك الصحة

ياااا لعزيزة
نهدر على نفسي
انا ماقلتش المرة مش مليييحة
وكيف نقولها وهي اللي رفدتني عام في كرشها '' والله قعدت عام في كرش الوالدة ''
و كبرتني و رباتني
و هاد المرا هي تاني ختي و مرتي و بنتي
الا كان مفهوم كلامي انا شخصيا خرج على النطاق تاعو
انا ننسحب من هنا
ههههههه

 

[دمعة اشتياق]

ياااا لعزيزة
نهدر على نفسي
انا ماقلتش المرة مش مليييحة
وكيف نقولها وهي اللي رفدتني عام في كرشها '' والله قعدت عام في كرش الوالدة ''
و كبرتني و رباتني
و هاد المرا هي تاني ختي و مرتي و بنتي
الا كان مفهوم كلامي انا شخصيا خرج على النطاق تاعو
انا ننسحب من هنا
ههههههه

مانيش عليك محمد قلت معظم الرجال ومشي الكل :p