مـآذآ ستطبخيــن اليـوم سيدتــي / آنستــي الجزء 23

[ام منصف]

مرحبا بيك اختي النرجسية معانا في المنتدى والركن والموضوع
شاركينا اطباقك هكذا نتعلموا من بعض
​

 

[نرج ـسية]

ان شاءلله أختي أم منصف :regards01:
عندنا عزومة يوم الجمعة على الاغلب
ان شاءلله نوافيكم بالصور

 

[oumsif]

مرحبا بيك معنا نرجسية انشاء الله تستفيد من الركن ونستفيدوا منك

 

[نرج ـسية]

مرسي سمورة
يعطيكم الصحة على الحفاوة و الترحيب
ان شاءلله نفيدو ونستفيدو

 

[shahrazad]

مساااء الانوااااار
توحشتكم
ماشاء الله ربي يدوم النعمة
ان شاء الله كامل تكونو بخير يالعزيزات
///
النرجسية مرحبا بيك معاناااا نورتي :d
رانا نسنتو فاطباقك
​

 

[samah06]

مساء الخير عليكم حبيباتي
راني جيت وجبت غدايا هيا راكم معروضين
وهو بسباس مغلف بلحم الخروفمرحبا بيكم عندي حدودة جيبي مغرفتك وهيا انت الاولى

 

[ام منصف]

بصحتكم سماح
امالا راكي عارضة غير حدودة
انا جيت الاولى يا تلحق يا ما تلحقش هههههههههه
بالصحة
​

 

[samah06]

لا يا ام منصف انت على العين والراس وكل لبنات لكن انتن اخواتي من المنتدى وحدودة نعرفها شخصيا بصحتكم حبيبتي والله يدومها لمة

 

[ام منصف]

راني غير نضحك معاك يا سماح بصحتها حدة وبصحتنا معاها
​

 

[imane27]

بصحتكم لبنات اممممممممممم شهيتونى

 

[om siraje]

سلام يا لبنات
هاذو من لبار غداء وعشاء لبارح وعشاء ليوم
دوارة نتاع كرشة كيما نقولولها احنا
زدت معاها الزيتون

kol shi yshahi 3afofa besah skhafet 3la hadi mashallah bayna bnina bzf wash derti fiya lemziya manish netwaham 3afofa lokan 9otlek ho6iha hhhhhhh​

 

[om siraje]

bsahetkom lebnat kamel wash derto wsaha 3shakom

ana dert masfouf le3sha

 

[omarwa]

بصحتكم لبنات كلشي يشهي امممم

 

[imane27]

هاد عشايا تاع لبارح قرتان قرعة
وليوم صباح درت مقروط

 

[shahrazad]

ام سيراج امممم المسفوف يشهيييي سورتو بالزبيب نموت عليه بصحتكم
ختي ايماااان هداك الغراتان امممممم
والمقروط وعليه لكلام خرجلك الله الله
ماشاء الله بصحتكم
​

 

[oumniati]

ya3tikoum saha labnet koulchi ychahi


louiza, makrout ta3ek hayel, kifeh dirih bombé hakdak, w bah hchitih gharss wella louze

 

[imane27]

خيرة حشيتو لوز وراه عندى موضوع على مقروط بالتفصيل الممل روحى لمواضيعى وشوفى كيفاش
الله يسلمك شهرازاد

 

[ام رحاب]

‏ام رحاب, ‏بنت الجسور المعلقة, ‏imane27, ‏JONON89, ‏lina20, ‏شذى الزهور, ‏yasmine mimina, ‏فايزة1207, ‏ziassia

:bye01::bye01::bye01::up::up::d:cray01::cray01::cray01:​

 

[عفاف الجزائرية]

هاذا عشانا درتلهم بيتزا كانو عندنا ضياف ايا جاو على جالها كانو طلبوها مني من قبل وكل واحد واش حبها
كاين اللي درتها بالطون وكاين بالمرقاز وهاذي فيونداشي وكاين بالشومبينيو وكاين سامبل بالبصلة والفرماج برك
يعني ليوم يليق عليا نفتح بيتزيريا 9 حبات خدمتهم عينيا دخلو في بعضاهم
بصحتكم عشاواتكم كاملي وربي يكمللكم النعمة اجمعين

ام سيراج هاذيك دوارة احنا يديروها في الاعراس وهاذي لقيت الكرشة من العيد ايا درتها
تديريها كيما الحمص بصل ثوم ملح فلفل احمر وكسبر مطحون راس الحانوت ورقة رند شوي زيت وطرف لحم تحمصيهم ومباعد تلوحي عليها الطماطم تكون مرابية هنا زدت قطعت زرودية وبطاطا وكرشة كانت طايبة نص طياب لحتهم ومرقت وغلقت لاكوكوت
خليتها حتان خثارة وبعد ما تطيب تذوقي البنة وتشوفي واش يخص تزيديه
تجي بنينة وكي تجي ان شالله نديرلك مرميطة وكوليها هههههه
​

 

[oumniati]

allah allah 33lik ya 3afoufa, koun ghir jit m3a dhiafek
w hadik el 3afssa ta3 zitoune zadet fiha enoss, ya3tik essaha