تحضيرات عروسة اللمة للمولد النبوي الشريف 2013

[بلقيس لينا]

إن شاء الله تكونوا بخير عرايس اللمة
كما راه مبين في العنوان اليوم موضوعنا
عن تجهيزات عروس اللمة في استقبال
خطيبها وأهله يوم المولد إن شاء الله

باه نقربلكم الصورة أكثر
ياريت كل عروسة تدخل هنا
وتخبرنا عن تحضيراتها
يعني

وش راح تلبسي
كفاه تمشطي
نوع المكياج
والحلويات الي راح طيبيها
كل صغيرة وكبيرة:$
أكيد الأمر يختلف من ولاية إلى أخرى
لهذا أتمنى مشاركة أكبر عدد من العرايس
لنستفيد من بعضنا البعض
وكذا نتمناو مشاركة المتزوجات
لإعطائنا بعض النصائح والارشادات
والدعوة عامة بالطبع لكل الأخوات

 

[السلطانة]

يعطيك الصحة حنونة على الموضوع الباهي +يثبت لفترة للاستفادة
لي راح يفيد العرايس

يوضع ضمن الحصاد
حصاد مُنتديات عالم المرأة لسنة 2013

لي عودة أكيدة

​

 

[ملكًة الاحسآس]

عندكـ أفكآآر مليحة اختي
يعطيكـ الصحة
وان شاء الله يتفاعلوو مع الموضوع عروساتنآآآ :d
​

 

[امال العروبة]

موضوع راااااااااائع ارجو الاستفادة من الاخوات

 

[warda19]

موضوع في قمة الروعة:up:

 

[::أبرار::]

موضوع رائع اختي الكريمة شكرا كثيرا يعطيك الصحة

انا لست مخطوبة و لست متزوجة حبيت نشارك بواش نعرف

هي مناسبة دينية شريفة

و من المفروض كل ما يحضر لهاذي المناسبة يكون تقليدي

فمثلا اذا حبيتي تستقبلي أهل زوجك أول شيء بعدما تجهزي الصالون

حطي فوق المائدات صحن مملوء بالمسكرات و الشكالط و راكي تعرفي لحوايج هاذوك

بعدما يجيو إستقبليهم بالحليب و التمر أول شيء

اما عن اللباس فيفضل تكوني لابسة لباس تقليدي مثلا قفطان خفيف أو فستان منزلي يكون شباب

المشطة لازم تكون بسيطة تتوالم مع السهرة تاعكم مع مكياج خفيف ما يكونش قاوي بزاف

و الحلويات ديري واش حبيتي هاذو أهل خطيبك يستاهلو كل الخير حضري بقلاوة , غريبية, صابلي, كونافة و اي حلويات تقدري عليها

و المأكولات حضري كما تحبي فقط حافظي على التقليد في هاذي المناسبة, الكسكس , الشخشوخة, الرشتة, و طبعا لازم يكون عشاء مرتب و زيدي واش حبيتي من المأكولات

و إن شاء الله يكون يوم مميز و رائع ان شاء الله

و بالتوفيق


​

 

[fahou]

سلام ، الموضوع جا في وقتو ، أنا راح نلبس بودي أحمر مع جيب طويلة MARON CHOCO نتلق شعري على خاطر عجوزتي تحب الشعر طويل متلوق ، أما عن الحلويات نحط تارت الفواكه مع العصير ومن بعد نحط القهوة مع البغرير + القريوش + موسكوتشو في مول صغير بالمعجون + بسبوسة نورمالمو هكذا خممت وما نعرف . علابالي خلطتها ولا واش رايكم ؟؟ متنساوش تقولولي لازم يتعشاو .....

 

[السلطانة]

سلام ، الموضوع جا في وقتو ، أنا راح نلبس بودي أحمر مع جيب طويلة MARON CHOCO نتلق شعري على خاطر عجوزتي تحب الشعر طويل متلوق ، أما عن الحلويات نحط تارت الفواكه مع العصير ومن بعد نحط القهوة مع البغرير + القريوش + موسكوتشو في مول صغير بالمعجون + بسبوسة نورمالمو هكذا خممت وما نعرف . علابالي خلطتها ولا واش رايكم ؟؟ متنساوش تقولولي لازم يتعشاو .....

زيديلهم لعشى ديريلهم شخشوخة حاجة تقليدية مع دوزيام pلا يكون في الفور
مع الديسار والسلاطة هاداك هو


​

 

[iman dadou]

رد: تحضيرات عروسة اللمة للمولد النبوي الشريف 2013

موضوع رائع