جارتي عدوة و حاجتها حلوة .. !!! :(

[أم راضية ~_]

السلام عليكم ورحمة الله وبركاته
إن شاء الله كامل لاباس وبخير ؟
----​

"جارتي عدوة وحاجتها حلوة "
​

حنا عندنا جيرانا في العالم أعداء بصح نموووووتو على حاجتهم و خدمتهم و حتى السم تاعهم !!​

"حلف على اللحم و حسا المرقة "
​

حنا زعمة نكرهوهم و مديسيديين ما نركعولهمش بصح رانا نتبعو فيهم ولاحقينهم والمالور في الكوتي نيgاتيv نتبعوهم في السلبيات
لحتى هنا مازال ما فهمتوش
علابالي
راني نهدر على أعدائنا , شكون هوما عديانا ؟؟؟؟؟؟
هوما الكفار الي يقولولهم ساعات الغرب ​

الي ما يعبدوش ربي- سبحانه وتعالى -
الي يشركو بيه ,
الي ما يامنوش بمحمد صلى الله عليه وسلم
الي يكرهونا ,
الي ما يرضاوش علينا حتى نتبعوهم و نطيحو في فسادهم
الي يسعاو بكامل واش عندهم من قوة باش يبعدونا على ديننا

راكم تقولو : رانا عارفين كامل هاد الشي وعلاش راكي تقولي فيه ؟

راني نفكر في رواحنا برك , بلي مادام العدو تاعنا b1 sur ما يحبلناش الخير و راهو ينصبلنا في الحفر باش نطيحو فيهم و راهو يدسلنا فالسموم باش يبعدنا على ديننا و يخسرنا دنيا وآخرة وعلاش رانا نتبعو فيه؟؟؟؟!!!!!

تقولولي التكنولوجيا في يدو و الحضارة حاكمها عندو و في بلادو كاين الخير والخمير
إييييييه صح وممبعد ؟؟
أسكو الشي الي عندو لازم نبعد على ديني باش نقدر نستعملو ولا نخدم بيه ولا نستفاد منو ؟

راكم عارفين بلي العدو عمرو ما يحبلك الخير
وعمرو ما راح يخمم يفيدك
و إدا بانتلك هكداك اعرف بلي راهي فيها شر ليك ولو على المدى البعيد..

نعطيكم أمتلة ونتوما خمموا فيها:
*الكوكا كولا , تعرفو شكون ماليها ؟ بيان سير , وعلابالكم ديجا كي تقلبوها واش تلقاو ؟ , صحا في بالكم اليهود يحبونا و يموتو علينا وخدمولنا حاجة مليحة نشربوها ؟؟؟

*اللبسة الفاضحة , فيها الفايدة ؟ جابتلنا الفتن و لي بيبي مرميين في لي بوبال

* السراول السليم ولا التuب -مانعرفش اسمهم تاع الصح- , المهم أسكو علابالكم بلي ماشي ملاح ؟ زيادة على انهم يفصلو و يجسدو , راهم يسببو العقم و الغاشي فرحان و يلبسهم و ينقص حتى فالسراول النورمال بنات و ولاد !!!!
* الحلوة والماكلة الي راهي تلحقنا ما نهدروش عليهم الشيبس و لي كونساغv و وووو بزاااف حاجات ..

خلاصة القول :
لازم يا ناس ما نكونوش إمعة الي جا يدينا , بويسك رانا عارفين الحاجة هادي منين جاتنا ماشي نقبلوها بضحكة و فرحة ,
أوموا نشوفو الفايدة تاعها أضرارها مخاطرها
وما لازمش نشوفو عند نيفنا برك شوفو شوية للبعيد ,
أغلب الحاجات الي حكيت عليهم آثارهم يبانو بعد سنين ماشي اليومين هادو
وكاين أمور ممنوعة في البلدان لوخرين على خاطر الرقابة تاعهم تخدم خدمتهم
و خلي وخلي وخلي ...
وربي يستر

دوك شكون رح يبدل رايو ؟ و يسمح في الشي الي يضرو ؟؟
لي لانجات , لي كوش , فيهم مواد خطيييرة
البرامج الي دايرين حالا آخرتها مضيعة الوقت و فساد
ما عندكمش ثقة في ربي كي حرم علينا أمور , و نهانا على أمور أخرى و أمرنا باش ما نتبعوش الكفار ؟؟
ولا ظهرتلكم ربي ما يعرفش بلي كاين حاجة تفيدنا و هو حرمها علينا
تبارك الله وسبحانه هو علام الغيوب
خممو مليح يا الإخوة
الصح في القول والعمل ماشي غير فالهدرة
اسمحولنا ادا غلطنا معاكم ’ قصدنا تذكير أنفسنا وإياكم برك
شكرا على قراءة الموضوع
---
سبحانك اللهم وبحمدك أشهد أن لا إله إلاّ أنت أستغفرك وأتوب إليك
اللهم صل على محمد وعلى آله و صحبه أجمعين
والسلام عليكم ورحمة الله وبركاته

​

 

[أم راضية ~_]

شكرا على اعتماد الموضوع​

 

[sakura jolie]

اهلا
موضوع ولا اروع
مشكورة اختي
تحياتي
​

 

[Selma 30]

بارك الله فيك اختي yildiz كــلامك صواب
والله الوقت اللي وصلنالو ربي يستر
كل حاجة جي من عند الغرب نقرحو بيها :-o زعما حضارة
وهي في الصح لا حضارة لا والو :down:
المشكل ان عندهم كل حاجة يخدموها موراها اهداف واهداف علابها يبعثوها للعرب
وحنا ماشاء الله قوم تبع هات لحق برك

ربي يهدينا ويهدي شباب وفتيات المسلمين يــاارب
​

 

[la_safa]

السلآم عليكم و رحمة الله و بركآته ..

اختي يلدز موضوع في الصميم ، مآعندي مآ نقول غير بآركـ الله فيكـ ،
و فهمتو من العنوآن وش رآح تهدري - بديت نعرفكـ يآو :d ~

المهم نرجعو محتوى الموضوع ، و الحمد لله على العقل و على هدآية ربي
لي خلآتني نرجع نفرق و نفهم بلي هآذوكـ يبعثولنآ فهآ الحوآيج مش من محبتهم لينآ
و انمآ بآه يفسدو و يبعثولنآ سموم من تحت لتحت و هومآ نيتهم عآلم بيهآ غير ربي ..
و الشعب تآعنآ الله غآلب إمعة يتبع بركـ و مآ علآبآلو بوآلوو .. للأسف طبعآ ..
ذركـ الشعب تآعنآ لآزملو فورمآطآسيون ،

مآعندنآ مآ نديرو غير ندعيو ربي ، لانهآ صعيب بآه تصلح شعب
و جيل كيمآ هكآ , و ربي يلعن اليهود و أفكآرهم ..

بآركـ الله فيكـ ~
​

 

[angel]

انا راني معمرة كيما انتي من هاد الموضوع




شكراليك وبارك الله فيك


​

 

[نرج ـسية]

كاين فرق بين الغرب كشعوب والغرب كحكومات
الحكومات اكيد ماتحبناش
ويعلمو في هذ الشي لشعوبهم
اما الشعوب فالكل يعرف ورانا نشوفو شعوب منظمة اقل شيء
نتي راكي رفضتي كل شي دفعة وحدة يلزم ياختي الواحد يعرف كفاش
لما يشوف حاجة يتعلم من المفيد لي فيها ويبتعد على لي مش مليح وربما هذا سبب توخارنا لاننا هاربين من كل شي بداعي وبدون داعي ولانو تاني نعرفو نقلدو غير الحوايج لي مش ملاح برك
علاه ماقلتيش يلزم نروحو ونتعلمو من عندهم ونجو نطورو البلدان نتاعنا علاه نهربو؟
راكي تشوفي في هذ الثقافة مفيدة وتقدر تخدم شعوبنا المهلوكة على أمرها ؟

شكرا على الموضوع

 

[أم راضية ~_]

اهلا
موضوع ولا اروع
مشكورة اختي
تحياتي
​

شكرا أختي
ربي يهدينا و يثبتنا
:regards01:​

 

[أم راضية ~_]

بارك الله فيك اختي yildiz كــلامك صواب

وفيكِ بارك الله
​

والله الوقت اللي وصلنالو ربي يستر
كل حاجة جي من عند الغرب نقرحو بيها :-o زعما حضارة
وهي في الصح لا حضارة لا والو :down:
:down:
المشكل ان عندهم كل حاجة يخدموها موراها اهداف واهداف علابها يبعثوها للعرب

هادي الي حبيت نلحقها دايما عندهم الشر مبعوث لينا
​

وحنا ماشاء الله قوم تبع هات لحق برك

الله يهدينا
​

ربي يهدينا ويهدي شباب وفتيات المسلمين يــاارب
​

[/CENTER]اللهم آمييييييين صحيتي أختي على المرور والرد

 

[أم راضية ~_]

السلآم عليكم و رحمة الله و بركآته ..

وعليكم السلام ورحمة الله وبركاته
​

اختي يلدز موضوع في الصميم ، مآعندي مآ نقول غير بآركـ الله فيكـ ،
و فهمتو من العنوآن وش رآح تهدري - بديت نعرفكـ يآو :d ~

ههههههه مليح , الحمد لله :-r :up:
​

المهم نرجعو محتوى الموضوع ، و الحمد لله على العقل و على هدآية ربي

ولله الحمد
​

لي خلآتني نرجع نفرق و نفهم بلي هآذوكـ يبعثولنآ فهآ الحوآيج مش من محبتهم لينآ
و انمآ بآه يفسدو و يبعثولنآ سموم من تحت لتحت و هومآ نيتهم عآلم بيهآ غير ربي ..

صح من تحت لتحت
​

و الشعب تآعنآ الله غآلب إمعة يتبع بركـ و مآ علآبآلو بوآلوو .. للأسف طبعآ ..

مالوغوزمون :down:
​

ذركـ الشعب تآعنآ لآزملو فورمآطآسيون ،

هههههههه واقيلا
​

مآعندنآ مآ نديرو غير ندعيو ربي ، لانهآ صعيب بآه تصلح شعب
و جيل كيمآ هكآ , و ربي يلعن اليهود و أفكآرهم ..

صح ندعيو ربي و نوعيو قد ما نقدرو و نشوفو اكتر لي مامون هوما الي يربيو الولاد
​

بآركـ الله فيكـ ~
​

وفيكِ بارك الله نورتيني صفاء :regards01:
​

 

[أم راضية ~_]

انا راني معمرة كيما انتي من هاد الموضوع

مالا يدا بيد
​

شكراليك وبارك الله فيك
​

العفو و فيك بارك الله
​

 

[أم راضية ~_]

كاين فرق بين الغرب كشعوب والغرب كحكومات
الحكومات اكيد ماتحبناش
ويعلمو في هذ الشي لشعوبهم
اما الشعوب فالكل يعرف ورانا نشوفو شعوب منظمة اقل شيء

هاكي قلتيها وحدك الحكومات يعلمو شعبهم , بصح واش دخل النظام ؟؟!!! و زيدي أغلب الشعوب ما يعرفوناش و ادا يعرفونا يعرفو بلي حنا متخلفيين و رجعيين و إرهاب , ما عدا القَلة القليييلة فقط
​

نتي راكي رفضتي كل شي دفعة وحدة يلزم ياختي الواحد يعرف كفاش

وريلي وين رفضت كلش ؟؟؟؟
ياك قلت :​

تقولولي التكنولوجيا في يدو و الحضارة حاكمها عندو و في بلادو كاين الخير والخمير
إييييييه صح وممبعد ؟؟
أسكو الشي الي عندو لازم نبعد على ديني باش نقدر نستعملو ولا نخدم بيه ولا نستفاد منو ؟​

لوكان قريتي مليح تفهمي بلي ما قلتش نرفضو كلش يجي من عندو , بل قلت ماشي لازم باش نستفادو من خبرتو و تكنولوجيا تاعو نبعدو على ديننا و نضرو روحنا
​

لما يشوف حاجة يتعلم من المفيد لي فيها ويبتعد على لي مش مليح وربما هذا سبب توخارنا لاننا هاربين من كل شي بداعي وبدون داعي ولانو تاني نعرفو نقلدو غير الحوايج لي مش ملاح برك

إيه هادا واش كنت نقول نتبعو غير فالي ماشي مليح والي يضر تحت اسم التكنولوجيا و التحضر و غيرو من التبريرات الي يقولها شعبنا المسكين
​

علاه ماقلتيش يلزم نروحو ونتعلمو من عندهم ونجو نطورو البلدان نتاعنا علاه نهربو؟

هداك موضوع آخر و راني فهمتك على واش راني نهدر ..
​

راكي تشوفي في هذ الثقافة مفيدة وتقدر تخدم شعوبنا المهلوكة على أمرها ؟

عن أي ثقافة راكي تحكي؟؟
أنا حكيت على ثقافة التصفية , الواحد ما يقبلش وخلاص و يأمن في عديانو واش يبعتولو , قلت لازمنا قبل ما ناخدو أي حاجة لازم نتأكدو من صحتها و أضرارها , ماشي جابو منتوج جديد رخيص و كامل بيهم أيا جيبو لولاد بلادي .. وراني عطيت أمتلة فالموضوع ​

شكرا على الموضوع

العفو ..​

 

[samah-ab93]

ربي يجازيك على الموضوع والله في القمة عجبني بزاف واصلي على هدا المنوال ​

 

[أم راضية ~_]

ربي يجازيك على الموضوع والله في القمة عجبني بزاف واصلي على هدا المنوال ​

شكرا ليك الأخت
ربي يوفقنا جميع لما يحبه و يرضاه​

 

[همس الوُرود]

أولا شكرا لك أختاه على الموضوع المميز
أرجوا من كل انسان قرأه الاستفادة منه وليس العبور عنه للقراءة وعدم الاهتمام وكأنه قصة مسلية
في الحقيقة وبالاختصار المفيد لما المسلم ينظر الى الكافر يرى أن الكافر أفضل منه ففي قولك
تقولولي التكنولوجيا في يدو و الحضارة حاكمها عندو و في بلادو كاين الخير والخمير
صحيح فهده نظرة كل مسلم ضعيف الشخصية للغرب
وفي الحقيقة مهما كانوا أفضل منا في كل شيء في العلوووم وكل شيء فلا يجب علينا النظر اليهم كأنهم أفضل منا فنحن الأفضل
بما أننا نعرف الدين الأصلي وهم من يكفروا بالله فنحن أفضل منهم بكثييييييييييييييييييييييييييير ويجب أن يكونوا هم من يقلدونا وليس نحن فنحن الأفضل هم من يجب عليهم تقليد لباسنا وأكلنا و و وديننا و تعاملنا.........
وليس نحن
الله يهدينا ويثبت قلوبنا على دينه آآآآآآآآآآآآمييييييييييين ياااااااااارب
وبارك الله فيك أختاه على الطرح المميز :regards01:
​

 

[أم راضية ~_]

أولا شكرا لك أختاه على الموضوع المميز
أرجوا من كل انسان قرأه الاستفادة منه وليس العبور عنه للقراءة وعدم الاهتمام وكأنه قصة مسلية
في الحقيقة وبالاختصار المفيد لما المسلم ينظر الى الكافر يرى أن الكافر أفضل منه ففي قولك
تقولولي التكنولوجيا في يدو و الحضارة حاكمها عندو و في بلادو كاين الخير والخمير
صحيح فهده نظرة كل مسلم ضعيف الشخصية للغرب
وفي الحقيقة مهما كانوا أفضل منا في كل شيء في العلوووم وكل شيء فلا يجب علينا النظر اليهم كأنهم أفضل منا فنحن الأفضل
بما أننا نعرف الدين الأصلي وهم من يكفروا بالله فنحن أفضل منهم بكثييييييييييييييييييييييييييير ويجب أن يكونوا هم من يقلدونا وليس نحن فنحن الأفضل هم من يجب عليهم تقليد لباسنا وأكلنا و و وديننا و تعاملنا.........
وليس نحن
الله يهدينا ويثبت قلوبنا على دينه آآآآآآآآآآآآمييييييييييين ياااااااااارب
وبارك الله فيك أختاه على الطرح المميز :regards01:
​

صحيتي الأخت
صح والحق يقال خير منا من ناحية التطور و التكنولوجيا , خير منا على خاطر يشجعو الواحد باش يبدع
لا غير ورانا نعرفو قدرنا و مكانتنا والفرق بينا هو التقوى وما نحتاجوش مقارنة معاهم ..
شكرا على الرد الطيب
​

 

[°NeSriNe°]

لي عودة
​

 

[أم راضية ~_]

لي عودة
​

مرحبا بيك​

 

[عاشق الجنون]

سلام
راح نقول حاجة يأختى الغرب ليبعدوش ربي مي يتقون العمل ونزيدك مايسرقوش بعضهم حتى يجوع بعضهم ونزيدك ديما يحبو يكون Number one في هدا العالم هدا علاه ليبغوه يدروه
اما حنا خلينا نتبعو المنتخب وخلاص وهم راهم يخطوط بهااااااااااااااااااااااا ينسفونا من هدي الدنيا
شكراااااااااااا على الموضوع
​

 

[أم راضية ~_]

سلام
راح نقول حاجة يأختى الغرب ليبعدوش ربي مي يتقون العمل ونزيدك مايسرقوش بعضهم حتى يجوع بعضهم ونزيدك ديما يحبو يكون Number one في هدا العالم هدا علاه ليبغوه يدروه
اما حنا خلينا نتبعو المنتخب وخلاص وهم راهم يخطوط بهااااااااااااااااااااااا ينسفونا من هدي الدنيا
شكراااااااااااا على الموضوع
​

صح عندهم ايجابيات الي نلقاوها في ديننا الرسول صلى الله عليه و سلم وصانا عليها على جال هاديك هوما حبو يستأصلو الدافع من الاول و يشغلونا بالتوافه و يضرونا باش يعرقلو سيرنا
شكرا على المرور والردّ
-----
نتمنى كل من مر من هنا يفهم قصدي من الموضوع بحق وما يأولوش على حسابو مانيش ضد الغرب و مانيش ننكر في تقدمهم و مانيش غايرة منهم راني برك نبه في المارين من هنا في الامور الي يضرنا بيها الغرب في ديننا و نفسنا و صحتنا و حياتنا فقط لا غير و موضوعي يحتاج قراءة لأكثر من مرة للي يشوف روحو ما فهمش ملييح :regards01:
​